Penderfyniadau

            Rhoddodd Mr Middleman wybodaeth i’r Pwyllgor ar y pwyntiau canlynol:

·         Ar 31 Rhagfyr 2020, roedd gan y Gronfa lefel gyllid o 96%, oedd 4% ar y blaen i’r hyn a ddisgwyliwyd yn y prisiad actiwaraidd diwethaf.

·         Cododd y mater yngl?n ag ansicrwydd y farchnad yn ôl yr eitem agenda flaenorol, a allai effeithio ar prun ai fydd y Gronfa’n bodloni’r elw tymor hir disgwyliedig yn y cynllun ariannu, neu peidio.Er enghraifft, byddai gostyngiad o 0.25% y flwyddyn yn yr elw tymor hir disgwyliedig, yn gostwng y lefel ariannu o 4% yn ôl i 92%.Roedd hyn yn pwysleisio sensitifrwydd i elw a’r effaith posibl ar gyfraniadau cyflogwyr.

·         Roedd y Gronfa mewn sefyllfa dda o ystyried y rheoli risg perthnasol o fewn y llwybr hedfan i roi mwy o allu i ragweld canlyniadau. Er nad yw hyn yn cael gwared ar bob risg, mae’n rhoi lefel dda o amddiffyniad.

Gofynnodd Mrs McWilliam a fyddai unrhyw beth yn digwydd pe bai’r Gronfa yn cyrraedd lefel ariannu o 100%.Dywedodd Mr Middleman yn y sefyllfa honno y byddai’n rhaid i’r Gronfa adolygu ei strategaeth ac ystyried “bancio” peth o’r enillion drwy leihau’r risg ymhellach drwy strategaeth fuddsoddi e.e. gostyngiad mewn asedau twf.Bydd hyn yn dibynnu ar nifer o ffactorau, ac fe’u trafodir yn y Gr?p Ariannu a Rheoli Risg a’u gweithredu yn ôl y ddirprwyaeth.  Gallai canlyniad y drafodaeth honno fod yn wahanol pe bai’r lefel ariannu yn gwella i 110% o’i gymharu â lefel ariannu o 101% dyweder.

            Nododd Mr Latham fod y Gronfa wedi llwyddo i gyrraedd targedau gyda risg cymharol isel a gofynnodd i Mr Middleman a oedd hyn yn sylw teg.Cadarnhaodd Mr Middleman a dywedodd fod strategaeth y Gronfa yn llawer mwy ymwybodol o risg na nifer o gronfeydd Cynllun Pensiwn Llywodraeth Leol.Elfen hanfodol y fframwaith llwybr hedfan oedd monitro’r risg mewn ffordd fwy strwythuredig a sefydlogi a chyflawni targed y Gronfa.Roedd rhedeg y Gronfa ar risg isel wedi bod yn llwyddiant, ond er mwyn amddiffyn rhag ochr negyddol bydd yn rhaid ildio peth o’r ochr gadarnhaol, ond ym marn Mr Middleman, mae agwedd y Gronfa yn un gywir yn y tymor hir.

            Gofynnodd Mr Everett am ffigurau diweddaraf y lefelau ariannu.Eglurodd Mr Middleman fod y lefel ariannu yn debyg iawn i 31 Rhagfyr 2020 h.y. wedi ei ariannu 96%.Caiff hyn ei adolygu bob mis fel arfer.

PENDERFYNWYD:

Bod y Pwyllgor yn nodi’r wybodaeth ddiweddaraf yngl?n â chyllido a’r cynnydd a wnaed ar y gwahanol elfennau o'r Fframwaith Rheoli Risg.

            Rhoddodd Mr Harkin ddiweddariad i’r Pwyllgor ar y farchnad a’r economi hyd t 31 Rhagfyr 2020 a chrynhodd y pwyntiau canlynol:

·         Roedd yr ymdeimlad o ymdrin a risg yn dal i ddod ag elw cadarnhaol mewn asedau.

·         Roedd Banciau Canolog wedi ysgogi’r economi oherwydd effaith ansefydlog lledaeniad COVID-19.

Cadarnhaodd Mr Buckland fod gwerth y Gronfa ar y farchnad wedi cynyddu o tua £120 miliwn yn y flwyddyn erbyn 31 Rhagfyr 2020 i gyfanswm o £2.1 biliwn, sef y ffigwr uchaf erioed.Roedd y cynnydd hwn oherwydd effaith chwyddiant pris asedau yr oedd Mr Harkin wedi ei drafod.Roedd perfformiad y Gronfa dros 3 mis, 12 mis a 3 blynedd yn +6.2%, +6.4% a +5.5% y flwyddyn yn eu trefn.

Tynnodd Mr Buckland sylw at y tri tharged/meincnod gwahanol o baragraff 1.04 ar dudalen 147. Y targed actiwaraidd oedd y lefel targed tymor hir a rhagdybiwyd gan yr Actiwari.Y targed strategol oedd yr elw posibl ar gyfer strategaeth fuddsoddiad y Gronfa, a chyfanswm y meincnod oedd y targedau cyfansawdd gan bob un o’r rheolwyr cronfa sylfaenol.Mae’r Gronfa wedi perfformio’n well na’r targed actiwaraidd a’r targed strategol dros Chwarter 4 2020 a blwyddyn 1.Roedd ychydig o danberfformio ar y meincnod cyfan.

            O safbwynt dosbarth asedau, mae’r Gronfa bellach yn unol â phob targed strategol.Ond, roedd perfformiad asedau marchnad breifat y tu ôl i farchnadoedd rhestredig ac yn llawer is na’r meincnod. Sicrhaodd Mr Buckland y Pwyllgor nad oedd ganddo unrhyw bryderon yngl?n a hyn.

Diolchodd y Cyng. Bateman i’r tîm am eu gwaith a’r adroddiad cynhwysfawr ar gyfer yr eitem agenda hon.

            Gofynnodd Mrs McWilliam ai meincnod neu darged strategol oedd y targed o +5.4% dros y chwarter.Cadarnhaodd Mr Buckland mai meincnod oedd hwn.

            Dywedodd Mr Buckland ei fod yn croesawu ac yn annog adborth ar yr adroddiad monitro gan ei fod yn ffordd newydd o adrodd.

            Gofynnodd Mr Everett beth oedd y cyngor a’r ymdeimlad o hyder yn y rhagolygon tymor byr ar gyfer Chwarter 1 a 2 yn 2021. Cadarnhaodd Mr Hankin fod y rhagdybiaethau ar gyfer y flwyddyn i ddod yn gymharol gadarnhaol ar gyfer asedau risg. Disgwylid i ecwiti ddod yn ei ôl yn gymharol gryf o ystyried y brechlyn byd-eang rhag COVID-19.Roedd buddsoddwyr wrthi'n barhaus yn ceisio edrych ymlaen o ran sefyllfa COVID-19.Ond, rhybuddiodd fod y farchnad yn dal yn hynod anwadal ac fel y gwelwyd yn ddiweddar, gall nerfusrwydd effeithio ar farchnadoedd.

            Cwestiynodd y Cyng. Bateman sut fyddai cyfraddau llog negyddol yn effeithio ar y Gronfa.Atebodd Mr Harkin fod y DU mewn sefyllfa economaidd newydd.Dywedodd fod elw byd-eang o fondiau yn isel iawn o ystyried y ffigurau diweithdra, cyfradd chwyddiant ac effaith ôl Brexit.

PENDERFYNWYD:

Nododd y Pwyllgor berfformiad y Gronfa dros gyfnodau hyd at ddiwedd mis Rhagfyr 2020 ynghyd â diweddariad y Farchnad a’r Economi.

Rhoddodd Mr Latham ddiweddariad i’r Pwyllgor yngl?n â’r gwaith a wnaed gan Bartneriaeth Pensiynau Cymru o ran dod â buddsoddiadau at ei gilydd yng Nghymru gan wneud y pwyntiau allweddol canlynol:

• Cadarnhaodd fod y Pwyllgor Cyd-lywodraethu wedi cytuno bellach i gael Cynrychiolydd cyfetholedig o Aelodau’r Cynllun ar y Pwyllgor.
• Mae Partneriaeth Pensiynau Cymru wedi symud ymlaen ac adolygu polisïau newydd gan gynnwys polisi hyfforddi a mabwysiadu polisi pleidleisio Robeco.
• Roedd is-gr?p risg newydd wedi ei greu ac mae bellach yn rhan o lywodraethu Partneriaeth Pensiynau Cymru.
• Mae gwaith yn parhau ar farchnadoedd preifat Partneriaeth Pensiynau Cymru, risg ac is-grwpiau Buddsoddiad Cyfrifol.Mae’r rhain yn feysydd cymhleth ac maen nhw wedi cymryd mwy o amser na’r disgwyliad gwreiddiol i Mrs Fielder a Mr Latham sy’n rhan o'r ddau gr?p.
• O ran buddsoddiadau i Bartneriaeth Pensiynau Cymru, mae Buddsoddiadau Ecwiti Byd-eang a buddsoddiadau Credyd Aml-ased yn cael eu rheoli erbyn hyn gan Bartneriaeth Pensiynau Cymru ac yn perfformio yn ôl y disgwyl, er bod y ddau bortffolio yn gymharol newydd.
• Roedd oedi o ran lansio’r is-gronfa i’r Marchnadoedd Datblygol a disgwylir y bydd y dyddiad lansio ym mis Medi 2021.Roedd hyn yn bennaf oherwydd yr awydd i gynnwys lleihau carbon, ac roedd hynny’n  gofyn am fwy o eglurder. Pwysleisiodd Mr Latham mai mantais yr is gronfa marchnadoedd datblygol yw lleihad carbon, llai o ffioedd a gwell canlyniad ymateb addasu risg.

Gofynnodd Mr Hibbert a oedd y Pwyllgor Cyd-lywodraethu angen cyfweliad yn y broses o ddethol Cynrychiolydd Aelod o’r Cynllun. Dywedodd Mr Latham y byddai’r broses o benderfynu ar y penodiad yn cael ei drafod yng nghyfarfod nesaf y Pwyllgor Cyd-lywodraethu.Credai Mr Hibbert y dylai cynrychiolwyr yr aelodau gael penderfynu ar y cynrychiolydd.Cefnogodd y Cyng. Rutherford farn Mr Hibbert.Roedd Mr Everett hefyd yn cefnogi hyn o gofio y byddai cyfweliadau penodi eisoes wedi digwydd ar lefel y Gronfa ar gyfer aelodau’r Bwrdd.

Cytunodd y Pwyllgor y dylai’r Cadeirydd godi’r mater hwn gyda’r Pwyllgor Cyd-lywodraethu yn y cyfarfod nesaf.

Ar dudalen 127, tynnodd y Cyng. Bateman sylw at y ffaith fod Cofrestr risg Partneriaeth Pensiynau Cymru yn rhoi’r argraff fod mwy o fodiau i lawr nag oedd yna o fodiau i fyny.Tynnodd Mr Lathan sylw’r Pwyllgor at y ffaith fod nifer o fodiau ar draws oedd yn golygu fod Partneriaeth Pensiynau Cymru yn hapus ond fod rhai meysydd i’w gwella eto.Roedd unrhyw fodiau i lawr o’r siart yn ymwneud a risgiau gyda chyflenwyr allanol.

PENDERFYNWYD:

(a)  Nododd y Pwyllgor yr adroddiad a’i drafod.

(b)  Cymeradwyodd y Pwyllgor y newidiadau i’r Cytundeb Rhyng-Awdurdod er mwyn caniatáu cynnwys Cynrychiolydd Aelod o’r Cynllun ar y Pwyllgor Cyd-lywodraethu, yn amodol ar gytuno i’r newidiadau arfaethedig i eiriad y Cytundeb Rhyng-Awdurdod gan Bennaeth Cronfa Bensiynau Clwyd a gofyn i’r Cadeirydd fynegi dymuniad i gael proses benodi o dan arweiniad y Bwrdd Pensiwn yn y Pwyllgor Cyd-lywodraethu nesaf.

Pwysleisiodd Mrs Fielder y sefyllfa gref roedd y Gronfa ynddi ar hyn o bryd a nododd y pwyntiau allweddol canlynol:

• Roedd y gwaith parhaus gyda Buddsoddi Cyfrifol wedi cymryd cryn dipyn o amser Mrs Fielder yn ychwanegol at ei dyletswyddau arferol.
• Yn dilyn y cyflwyniad a roddwyd i’r Pwyllgor ym mis Tachwedd, bwriedir i’r tîm adrodd wrth y Pwyllgor ym mis Mehefin gyda map ffordd yn amlinellu bwriadau’r Gronfa o ran mynd i’r afael â newid yn yr hinsawdd.
• Argymhellodd Mrs Fielder fod y Gronfa yn dod yn aelod cysylltiedig o Penions for Purpose, oedd yn fenter gydweithredol o reolwyr effaith, cronfeydd pensiwn, mentrau cymdeithasol ac eraill oedd yn rhan neu a diddordeb mewn buddsoddiad effaith.Yn ychwanegol at y gwaith mae’r Gronfa yn ei ddatblygu i fynd i’r afael â risg yr hinsawdd, byddai hyn yn cynorthwyo bwriad y Gronfa i fuddsoddi, lle bo modd, yn uno a’r nodau datblygu cynaliadwy. Mae The Good Economy yn gwmni cynghori cymdeithasol, sy’n arbenigo mewn mesur effaith a rheoli ac mae Mrs Fielder wedi bod yn rhan o rai o’u gweithgorau nhw hefyd.
• Mae Mrs Fielder hefyd wedi bod yn rhan o sawl cyfarfod gydag aelodau Gwasanaethau Ynni Llywodraeth Cymru ac mae wedi cynnwys rheolwyr allanol y Gronfa allai gynnig canllawiau a chymorth ar rai o’r prosiectau unigol.
• Mae Bwrdd Cynghori’r Cynllun wedi creu gr?p cynghori ar fuddsoddi cyfrifol sy’n cynnwys detholiad o Reolwyr Cronfa, Ymgynghorwyr a chynrychiolwyr o Gronfeydd a grwpiau awdurdod gweinyddu allweddol y Cynllun Pensiwn Llywodraeth Leol. Penodwyd Mrs Fielder yn gynrychiolydd cronfeydd Cynlluniau Pensiwn Llywodraeth Leol Cymru.Mae Mr Buckland hefyd wedi ei benodi ar ran Mercer.
• Mae’r Gronfa wedi bod yn rhan o’r Sefydliad Effaith a lansiwyd yn 2019 gyda'r bwriad o gyflymu'r twf a gwella effeithlonrwydd effaith y farchnad buddsoddiad effaith yn y DU ac yn rhyngwladol.Maen nhw wedi datblygu pedair egwyddor arweiniol ar gyfer cynlluniau pensiwn ac argymhellir fod y Gronfa yn mabwysiadu’r egwyddorion hyn gan eu bod wedi eu alinio i Bolisi Buddsoddi Cyfrifol y Gronfa.
• O ran y Cyfrifoldebau Dirprwyedig, mae’r Gronfa yn dal a llif arian cadarnhaol.Mae Mercer a’r Gronfa wedi cydweithio a chafodd £15 miliwn ei ymrwymo i reolwr Ecwiti Preifat, Livingbridge.

Ychwanegodd Mr Latham ei fod wedi derbyn gwahoddiad i gyfarfod gyda Chyngor Bwrdeistref Sirol Wrecsam yngl?n â phenderfyniad i dynnu nôl o fuddsoddi mewn tanwyddau ffosil a buddsoddi mewn buddsoddiadau lleol. Roedd y Cynghorydd Williams yn ymwybodol o hyn.

O ran Gwasanaethau Ynni Llywodraeth Cymru, gofynnodd Mr Everett beth allai’r Gronfa ddisgwyl o ran amserlen.Dywedodd Mrs Fielder nad oedd hi’n sicr ar hyn o bryd.Nododd nad oes gan y Gronfa yr arbenigedd ac nad yw wedi ei harfogi i ddadansoddi’r prosiectau unigol ei hun, o ystyried fod y gwaith yn cael ei gwblhau drwy reolwr buddsoddi fel arfer. Gwnaeth Mrs Fielder sylw y gallai rhai o reolwyr presennol y Gronfa hwyluso hyn ond y byddai’n rhaid i’r gronfa weithio gyda Phartneriaeth Pensiynau Cymru yn hyn o beth.

            Holodd y Cynghorydd Bateman a oedd unrhyw sôn am b?er niwclear ar Ynys Môn yn y trafodaethau.Ymatebodd Mrs Fielder na all drafod unrhyw fanylion am brosiectau unigol.          

Nododd y Cadeirydd fod cyswllt y Gronfa ar lefel genedlaethol yn wych yngl?n â’r amrywiol fentrau Buddsoddiad Cyfrifol, sy’n amlwg yn mynd i fod o fudd i’r Gronfa drwy fod ar flaen y gad gyda’r syniadau diweddaraf.

PENDERFYNWYD:

(a)  Bod y Pwyllgor yn ystyried a nodi’r diweddariad ar gyfrifoldebau dirprwyedig.

(b)  Bod y Pwyllgor yn cymeradwyo diweddariad y geiriad ar gyfer rheoli arian i’w gynnwys yn y Datganiad Strategaeth Buddsoddi fel y’i hamlinellir ym mharagraff 1.01.

(c)  Cymeradwyodd y Pwyllgor ddod yn aelod cysylltiedig o Pensions for Purpose fel yr amlinellir ym mharagraff 1.05 a mabwysiadu’r amcanion Sefydliad effaith fel yr amlinellir ym mharagraff 1.06.

            Nododd Mrs Williams y pwyntiau allweddol canlynol o’i hadroddiad:

·         Roedd y tîm wedi llwyddo i gwblhau’r rhan fwyaf o’r meysydd gwaith yn y cynllun busnes.

·         Roedd rhai eitemau ar y cynllun busnes yn dal heb eu gorffen oherwydd yr oedi mewn canllawiau a rheoliadau, a hynny wedi dal pethau yn ôl.

·         Roedd y tîm wedi dechrau prosesu cynllun busnes 2021/2022.

·         Roedd yr ymarfer cysoni GMP i fod i ddod i ben ar ddiwedd Chwefror 2021.

·         Gwnaed cynnydd gyda sesiynau ymgysylltu â chyflogwr, McCloud.

·         O ran y dangosydd perfformiad allweddol, roedd gostyngiad mewn achosion oedd heb eu penderfynu i 5,000 ac roedd 10,000 tua 2 flynedd yn ôl.Roedd hyn yn hynod gadarnhaol i’r Gronfa ac yn adlewyrchu gwaith caled ac ymrwymiad y tîm yn ogystal â chefnogaeth y Pwyllgor oedd yn cydnabod yr angen am adnoddau i hwyluso hyn.

·         Yn dilyn cymeradwyo’r achos busnes am Brif Swyddog Gwefan a Phrif Swyddog Cyflogau mae penodiadau wedi ei wneud i’r ddwy swydd.

·         Mae’r tîm wedi ei effeithio gan salwch nad oedd yn ymwneud â COVID a phrofedigaethau teuluol yn ddiweddar. Ond mae’r hwyliau’n dda ac mae pawb wedi parhau i weithio’n dda ac ni effeithiwyd ar gyfraddau gwaith.

Rhoddodd Mr Everett ganmoliaeth i’r tîm am eu gwydnwch yn ystod yr amseroedd anodd yma am aros yn gadarnhaol a dal i weithio er gwaethaf hyn.

PENDERFYNWYD:

(a)  Bod y Pwyllgor yn nodi’r diweddariad.

(b)  Bod y Pwyllgor yn cymeradwyo’r estyniad i amserlenni mewn perthynas â nifer y camau gweithredu o fewn y cynllun busnes fel yr amlinellir ym mharagraff 1.01.

            Rhoddodd Mr Latham ddiweddariad i’r Pwyllgor ar y materion Llywodraethu diweddaraf ar gyfer y Gronfa gan gynnwys newid bychan i rai amserlenni yn y cynllun busnes. Nododd fod y Gronfa yn cynnal gwiriad cydymffurfiaeth yn erbyn gofynion Y Rheoleiddiwr Pensiynau, a bod Mrs Fielder a Mrs Williams wedi ei adolygu’n ddiweddar gyda goruchwyliaeth y Bwrdd.Pan nad oedd y Gronfa’n cydymffurfio, cymerwyd camau gweithredu lle roedd yn briodol.

            O ran risgiau’n ymwneud â llywodraethu, roedd y rhai oedd o fewn rheolaeth uniongyrchol y Gronfa’n gymharol isel. Roedd rhai meysydd risg-uchel i’r Gronfa, yn ymwneud â ffactorau allanol fel newidiadau mewn rheoleiddio ac effaith COVID-19.

            Roedd Mr Latham yn dymuno mesur barn y Pwyllgor o ran amseru dyddiau hyfforddiant y Pwyllgor i’r dyfodol.Cytunodd y Pwyllgor i’r gwaith o drefnu’r dyddiau hyfforddiant gychwyn cyn gynted â phosibl ac felly cadarnhaodd Mrs McWilliam y byddai mewn cysylltiad gyda rhai dyddiadau posibl ar gyfer y sesiynau hyn.

Gofynnodd y Cynghorydd Bateman a oedd y Gronfa wedi gwneud unrhyw gynnydd o ran recriwtio arbenigwr ar y we.Cadarnhaodd Mrs Williams fod arbenigwr wedi ei benodi’n fewnol o adran arall o’r Cyngor ble roeddent wedi bod yn rhan o’r rhaglen Hyfforddi Graddedigion.Pwysleisiodd y penodiad cadarnhaol ac edrychai ymlaen at y profiad y gallent ei gynnig i’r tîm.

PENDERFYNWYD:

(a)  Bod y Pwyllgor yn nodi’r diweddariad.

(b)  Bod y Pwyllgor yn cymeradwyo’r newidiadau i’r amserlenni ar gyfer tasgau llywodraethu yn y cynllun busnes fel yr amlinellir ym mharagraff 1.01.

(c)  Cytunodd y Pwyllgor y dylid trefnu’r sesiynau hyfforddi nesaf yngl?n â materion pwnc penodol fel y cyfeiriwyd atynt ym mharagraff 1.08.

Holodd y Cynghorydd Bateman a oedd is-gronfa ecwiti’r farchnad ddatblygol  Partneriaeth Pensiynau Cymru, wedi ei lansio eto.Cadarnhaodd Mr Latham fod mwy o oedi ac felly bod disgwyl i’r dyddiad lansio fod ym mis Medi 2021. Byddai hyn yn cael ei drafod yn nes ymlaen ar yr agenda.

Gwnaeth Mr Hibbert bwynt y gallai diystyru ffactorau megis newid yn yr hinsawdd wrth fuddsoddi asedau’r Gronfa, fod yn niweidiol oherwydd y gall materion ESG gael effaith negyddol ar berfformiad buddsoddiadau.  Felly, yn ei farn o, er mwyn i’r Pwyllgor gynnal eu dyletswyddau ymddiriedol, mae’n bwysig fod ffactorau o’r fath yn cael eu hystyried wrth fuddsoddi asedau’r Gronfa.

PENDERFYNWYD:

Derbyn, cymeradwyo ac arwyddo cofnodion y cyfarfod ar 25 Tachwedd 2020 gan y Cadeirydd.

Dywedodd y Cynghorydd Thompson-Hill ei fod am ddychwelyd ei ffurflen datgan cysylltiadau ac y byddai’n gwneud hynny cyn bo hir.

Ni ddatganwyd unrhyw gysylltiad. 

Dim

Diolchodd Mr Latham i’r Bwrdd am y sylwadau ym mharagraff 1.02 o’r eitem agenda hon. Tynnodd sylw’r Pwyllgor hefyd at gyflwyno sesiynau hyfforddiant cynefino posibl i’w trefnu yn 2021.

PENDERFYNWYD:

(a)  Bod y Pwyllgor yn nodi’r diweddariad ar faterion yn ymwneud â llywodraethu.

(b)  Bod y Pwyllgor yn nodi’r adborth ym mharagraff 1.02 gan y Bwrdd Pensiynau.

Diolchodd y Cadeirydd i bawb am ddod i’r cyfarfod a darparu’r wybodaeth ddiweddaraf. Cynhelir cyfarfod ffurfiol nesaf y Pwyllgor ar 10 Chwefror 2021. Daeth y cyfarfod i ben am 12:15pm.

……………………………………

Y Cadeirydd

Nododd Mr Latham fod y gwaith yngl?n ag unioni McCloud yn mynd fel y dylai gan fod y Gronfa yn y broses o gasglu data gan gyflogwyr. Ond, roedd risg gydag oedi mewn rheoliadau.   Nodwyd yr ymgynghoriad ar indecsio/cydraddoli Gwarant Lleiafswm Pensiwn hefyd ynghyd â’r argymhelliad.

Rhannwyd gwybodaeth o lythyr gan Lywodraeth Cymru yngl?n â’r cap 95k. Ni chai’r Gronfa ei heffeithio gan y rheol hon pe bai gan gyflogwyr o fewn y Gronfa aelodau oedd yn gadael ac yn dod o fewn y categori perthnasol.

Nododd Mr Everett fod y risgiau a gymerir ar risg y cyflogwr, ac nid Cronfa Bensiynau Clwyd.  Cytunodd Mr Middleman a dywedodd bod angen i’r llywodraethu a’r penderfyniadau gan y Gronfa a’r cyflogwr fod yn glir ar hyn.  Dywedodd Mr Middleman fod hwn yn faes hynod gymhleth a bod angen ei drafod gyda chyflogwyr i sicrhau fod y prosesau cywir yn eu lle.

Nododd Mr Everett fod mater heriol iawn yngl?n â’r newidiadau hyn. Cytunodd Mr Middleman gyda’r cymhlethdod a nododd y gellir bod angen cytuno ar bolisi posibl ar y mater hwn ar gyfer y Gronfa. Cadarnhaodd Mrs McWilliam y gall y Gronfa ddefnyddio dirprwyaeth frys i ddelio â’r sefyllfa hon.

PENDERFYNWYD:

(a)  Bod y Pwyllgor yn ystyried y diweddariad.

(b)  Bod y Pwyllgor yn ystyried a chytuno ar yr argymhelliad ar gyfer yr ymateb i’r ymgynghoriad o ran Ymgynghoriad Indecsio Gwarant Lleiafswm Pensiwn, fel yr amlinellir ym mharagraff 1.07, ac yn dirprwyo’r ymateb i Bennaeth Cronfa Bensiynau Clwyd.

Rhoddodd Mr Harkin ddiweddariad byr am fuddsoddi a nododd fod prisiad diweddaraf y gronfa (fel yr oedd ar 31 Hydref) heb newid rhyw lawer ond ei fod ychydig yn is na’r sefyllfa ym mis Medi 2020.

Gofynnodd Mr Hibbert a allai’r Pwyllgor gael mwy o fanylion am strategaeth ecwiti synthetig y Gronfa, rhaeadru gwarant cyfochrog ac elfennau eraill o’r strwythur llwybr hedfan. Cadarnhaodd Mr Harkin a Mr Middleman y gallai Mercer ddarparu mwy o wybodaeth am hyn yn y sesiynau hyfforddiant a drefnir.

Cadarnhaodd Mr Middleman o ran y sefyllfa ariannu, fod y Gronfa ar y llwybr iawn mwy neu lai o ran y sefyllfa ariannu yn erbyn prisiad actiwaraidd 2019. Mae’r sefyllfa yn tueddu ar i lawr ychydig o ddiwedd mis Medi, ond hyd yma mae’r Gronfa ar y blaen i’r amserlen yn seiliedig ar amcangyfrifon sefyllfa gwerth asedau.   Ond, mae ansicrwydd yn parhau yn y rhagolygon ar gyfer elw ar fuddsoddiadau’r dyfodol allai effeithio ar sefyllfa hydaledd y Gronfa.

PENDERFYNWYD:

(a)  Bod y Pwyllgor yn nodi fod diweddariad y Farchnad a’r Economi ar gyfer y chwarter wedi dod i ben 30 Medi 2020.

(b)  Bod y Pwyllgor yn ystyried crynodeb y Rheolwr Perfformiad a’r Strategaeth Fuddsoddi ar gyfer y chwarter a ddaeth i ben ar 30 Medi 2020.

(c)  Bod y Pwyllgor yn nodi diweddariad y Fframwaith Ariannu a Rheoli Risg a chanlyniadau’r adolygiad gwirio iechyd blynyddol.

(d)  Bod y Pwyllgor yn nodi canlyniadau adolygu darpariaeth Cyfraniadau Gwirfoddol Ychwanegol y Gronfa.

Cyflwynodd Mr Gough o Link Fund Solutions ei hun i’r Pwyllgor. Dechreuodd y cyflwyniad drwy wneud sawl sylw:      

-       Er gwaetha’r oedi a’r cymhlethdodau, roedd Link Fund Solutions wedi lansio 5 is-gronfa incwm sefydlog yn 2020.

-       Roedd statws lansio is-gronfa Marchnadoedd Datblygol wedi ei ddal yn ôl oherwydd y gofynion oedd i'w cynnwys yn y prosbectws, yn gysylltiedig â’r dull datgarboneiddio. Roedd Link Fund Solutions wedi anelu am lansiad yn Chwarter 2 2021 ond efallai y caiff hyn ei oedi.

Cyflwynodd Mr Quinn o Russell ei hun o’r Pwyllgor a nododd, ers i’r Pwyllgor gyfarfod ddiwethaf na fu gwahaniaeth o ran rheolwyr yn yr is-gronfa cyfleoedd byd-eang.

            Gwnaeth Mr Quinn y pwyntiau allweddol canlynol:

-       Er gwaethaf sefyllfa argyfyngus y farchnad yn Chwarter 1 2020, roedd perfformiad y portffolio cyfleoedd byd-eang yn gadarnhaol o ran elw o fuddsoddiadau. Ychwanegodd ers yr ymchwiliad, fod elw tâl-dros-ben yn gadarnhaol (c0.5% p.a.) ond cyfnod cymharol fyr yw hwn.

-       Roedd y siart ar sleid 8 yn amlinellu’r gwahaniaeth mewn twf o’i gymharu â gwerth, gyda thwf yn gwneud yn well na gwerth.

Gofynnodd Mr Harkin sut roedd y portffolio’n edrych wrth symud ymlaen o ganlyniad i’r newid yn llywodraeth yr UDA, o ystyried y byddai gwahanol bolisïau’n cael eu gweithredu. Cyflwynodd Mr Fitzpatrick o Russell ei hun gan ymateb drwy nodi y byddai’n dibynnu ar ganlyniad terfynol etholiad yr Unol Daleithiau. O ran sefyllfa’r senedd, credwyd ar hyn o bryd fod mwy o rwyg ac y byddai’r gweriniaethwyr yn cadw sefyllfa’r senedd ac y byddai Biden yn arlywydd. Mae’r senedd yn rheoli torri trethi (sy’n dda i’r economi a’r farchnad), yr oedd llywodraeth Trump yn ei arwain, felly roedd yn credu ei fod yn debygol o aros yn ei le. Yn gyffredinol, canlyniad cadarnhaol o ystyried yr ansicrwydd.

Canolbwyntiodd Mr Fitzpatrick ar y targedau ar gyfer y Cronfeydd Credyd Aml-Ased. Ers eu cychwyn, roedd y perfformiad yn gadarnhaol gydag allberfformiad o 2.8% y flwyddyn yn erbyn targed o 1.1% y flwyddyn. Mae digwyddiadau fel etholiad America a COVID-19 wedi bod yn dda i asedau credyd gan eu bod yn bwydo drwy farchnadoedd credyd.

Nododd mai’r elw targed yw SONIA+ 4% y flwyddyn. Yr asedau a reolir ar gyfer Partneriaeth Pensiynau Cymru gyfan ar 31 Hydref 2020 yw £636 miliwn.  Amlinellodd Mr Fitzpatrick sut mae Russell yn bwriadu cyflawni’r targed perfformiad.

Parhaodd Mr Fitzpatrick i nodi fod gan farchnadoedd credyd rôl o hyd i’w chwarae fel rhan o ddyrannu asedau’n ehangach, o ystyried mai elw lefel ddisgwyliedig ganolig ydyw o’i gymharu ag ecwiti. O ran rheoli tactegol, mae Russell yn defnyddio dull “derbyn risg, gwrthod risg”.

Siaradodd Mr Mandich am y Gronfa Cyfleoedd Byd-Eang y buddsoddodd Cronfa Clwyd ynddi. Mae wedi ei gynllunio i dargedu ôl troed carbon sydd 25% yn is na’r meincnod ar ddechrau 2021. Daw hyn yn bosibl drwy wella gweithredu portffolio (EPI) sydd wedi ei gynllunio i roi mwy o reolaeth i Reolwr y Gronfa.

Aeth Mr Mandich yn ei flaen wedyn at bwnc Marchnadoedd Datblygol. Nododd Mr Mandich fod is-gronfa Marchnadoedd Datblygol i’w lansio yn y 3 i 6 mis nesaf. Nod yr is-gronfa oedd darparu elw tâl-dros-ben sefydlog a chreu arbedion ffi rheolwr yr un pryd. Ar gyfartaledd ar draws Partneriaeth Pensiynau Cymru, mae’r awdurdodau’n talu c0.7% mewn ffioedd rheolwyr, ond dim ond c0.4% y disgwylir i’r is-gronfa hon ei dalu (gydag arbediad cyffredinol o fwy na £1 miliwn). Ychwanegodd Mr Mandich hefyd y byddant yn llogi arbenigwr ar Tsieina i ddarganfod cyfleoedd ar ran y Gronfa.

Mynegodd Mr Hibbert ei bryderon a fydd y Gronfa’n dal i fuddsoddi ar gynnydd o 4 gradd ac yn targedu gostyngiad carbon o 25% yn unig. Atebodd Mr Mandich eu bod yn ceisio darganfod ffordd o gyflawni’r gofynion angenrheidiol yn y maes hwn.

Gadawodd y cyflwynwyr o Russell Investments a Link Fund Solutions y cyfarfod.

Gwnaeth Mr Latham sylw ei fod wedi ystyried o’r blaen wrth drafod buddsoddiadau ym Mhartneriaeth Pensiynau Cymru, a fyddai’r cynnig yn cynhyrchu gwell elw wedi ei addasu yn ôl risg i Gronfa Clwyd, ac a fyddai hynny’n arbed ffioedd. Teimlai ar gyfer is-gronfa Marchnadoedd Datblygol Partneriaeth Pensiynau Cymru ei bod yn sefyllfa fanteisiol gan fod y ddwy ystyriaeth yn cael eu bodloni. Ychwanegodd fod y posibilrwydd o allyriadau carbon is yn fantais arall.

Ychwanegodd fod trafodaeth yn parhau ym Mhartneriaeth Pensiynau Cymru o ran cael cynrychiolydd sy’n aelod o’r cynllun.  Ond, er mwyn symud ymlaen gyda hyn bydd angen cydsyniad llawn pob awdurdod gweinyddol sy'n cymryd rhan.  Diolchodd Mr Everett i’r swyddogion am barhau i godi mater cynrychiolydd aelod o’r cynllun.  Nododd y Pwyllgor eu gobeithion am gonsensws a chytuno y byddent yn cefnogi chwilio ar y Byrddau Pensiwn cyn belled ei fod yn gynrychiolydd aelod o’r cynllun.

Cytunodd y Pwyllgor ar yr argymhellion.

PENDERFYNWYD:

(a)  Bod y Pwyllgor yn nodi a thrafod y cyflwyniad gan Weithredwr a Rheolwr Buddsoddi Partneriaeth Pensiynau Cymru.

(b)  Bod y Pwyllgor yn cadarnhau’r penderfyniad i fuddsoddi yng Nghronfa Ecwiti Marchnad Ddatblygol Partneriaeth Pensiwn Cymru.

(c)  Bod y Pwyllgor yn cytuno y dylid trosglwyddo’r asedau a dirprwyo’r amseru penodol i swyddogion Cronfa Clwyd ar Weithgor y Swyddogion.

(d)  Bod y Pwyllgor yn nodi Adroddiad Blynyddol Partneriaeth Pensiynau Cymru.

            Cyflwynodd Mr Buckland y sesiwn drwy atgoffa’r Pwyllgor pan gytunwyd ar y strategaeth fuddsoddi ddiwygiedig gan y Pwyllgor ym mis Chwefror 2020, cytunwyd hefyd ar bolisi Buddsoddi Cyfrifol ar fformiwla newydd. Ychwanegodd fod y Polisi Buddsoddi Cyfrifol yn cynnwys nifer o feysydd sylw allweddol a’i fod yn cynnwys datganiad am Newid Hinsawdd. Mae’r Gronfa’n cydnabod pwysigrwydd rhoi sylw i’r risgiau ariannol sy’n gysylltiedig â newid hinsawdd, drwy ei strategaeth fuddsoddi, ac yn cydnabod hynny fel risg ariannol.

Mae’r Polisi Buddsoddi Cyfrifol hefyd yn cydnabod nifer o feysydd posibl i roi sylw iddynt, ac felly cytunwyd ar 5 blaenoriaeth strategol ar gyfer y 3 blynedd nesaf (2020-2023). Un o’r blaenoriaethau rheiny oedd gwerthuso a rheoli datguddio carbon. Gwnaeth Mr Buckland sylw i gloi y byddai sesiwn heddiw yn edrych ar ganlyniadau’r ymarfer ôl troed carbon yr oedd Mercer wedi ei wneud ar asedau ecwiti’r Gronfa. Cyn cyflwyno’r canlyniadau byddai Mr Gaston yn dechrau gyda sesiwn addysgiadol, wedi ei chynllunio i gynorthwyo dealltwriaeth y Pwyllgor o’r canlyniadau.

Cyflwynodd Mr Gaston o Mercer sesiwn hyfforddi fanwl i helpu dealltwriaeth aelodau’r Pwyllgor o ran ôl troed carbon. Ystyriodd fater Newid Hinsawdd, a chynhesu byd-eang a nododd ar hyn o bryd, fod y byd ar ei ffordd at tua + 3?C o gynhesu cyn diwedd y ganrif, ac felly daeth i’r casgliad fod angen gwneud mwy o waith yn fyd-eang er mwyn bodloni uchelgais Cytundeb Paris. Aeth yn ei flaen i ystyried ymarferoldeb mesur ôl troed carbon, ac edrychodd ar y metrigau y dylid rhoi sylw iddynt, a thrafododd fater allyriadau Cwmpas 1, 2 a 3 a sut y cânt eu hasesu.

Aeth Mr Gaston yn ei flaen wedyn i ystyried canlyniadau’r dadansoddiad ar gyfer Cronfa Bensiynau Clwyd. I ddechrau cyfeiriodd at fater cynnwys yr holl ddosbarthiadau asedau, a nododd ar y funud fod y dadansoddiad wedi ei gyfyngu i fuddsoddiadau ecwiti cyhoeddus, gyda pheth gwybodaeth ar gael ar gyfer incwm sefydlog a buddsoddi mewn eiddo.

Er mwyn rhoi hyn mewn cyd-destun, atgoffodd Mr Buckland y Pwyllgor am y strategaeth fuddsoddi bresennol a nododd ar gyfer y dadansoddiad ôl troed carbon, fod Mercer wedi cynnwys ecwiti rhestredig (10% ecwiti Byd-Eang, 10% ecwiti Marchnadoedd Datblygol) a mwyafrif y portffolio TAA/Syniadau Gorau. O ystyried fod y Gronfa yn amrywiol a’i bod yn agored i farchnadoedd preifat, pwysleisiodd Mr Buckland anhawster dadansoddi ôl troed carbon yn hyn o beth. Aeth Mr Gaston yn ei flaen i nodi, pan gafodd ôl troed carbon ei ddadansoddi ar 31 Mawrth 2020, llwyddwyd i asesu 18.6% o’r gronfa, ac ar 30 Medi 2020, oherwydd newidiadau mewn cymysgedd asedau, roedd y gyfran a ddadansoddwyd wedi cynyddu i 26.5 o’r Gronfa.

Canolbwyntiodd Mr Gaston ar ddarganfyddiadau’r crynodeb gweithredol. Soniodd fod y portffolio ecwiti a restrir ychydig yn fwy carbon effeithiol na’r meincnod byd-eang MSCI ACWI. Roedd gostyngiad hefyd yn nwysedd carbon o c9% sydd wedi ei yrru’n rhannol gan y gostyngiad yn nwysedd y carbon mewn asedau a ddelir gan Bartneriaeth Pensiynau Cymru a throsglwyddo ecwiti goddefol gyda BlackRock i’w Cronfa Ecwiti ESG.

Gofynnodd Mr Hibbert a oedd yr ôl troed carbon a ddangoswyd yn y cyflwyniad yn ddadansoddiad gan reolwr y gronfa ei hun, neu a oedd Mercer wedi dadansoddi’r rhain ar wahân. Cadarnhaodd Mr Gaston fod Mercer wedi gwneud y dadansoddiad ar sail daliadau stoc rheolwyr y gronfa, ac offeryn MSCI. Mae hyn yn sicrhau fod asesiad cyson ac annibynnol yn cael ei ddefnyddio ar draws pob portffolio wrth eu cymharu.

Nododd Mr Gaston y pwyntiau allweddol ychwanegol:

-       Rhannodd y dadansoddiad y gronfa gyfan rhwng y rheolwyr a rhestrir, a’r daliadau o fewn y portffolio TAA/Syniadau Gorau.

-       Yn gyffredinol, mae’r cronfeydd ecwiti a restrir yn y portffolio yn fwy effeithlon na’r meincnod ar 30 Medi 2020.

-       Roedd cronfa Cyfleoedd Byd-Eang Russell Partneriaeth Pensiynau Cymru wedi gweld gwelliant sylweddol yn ei ôl troed rhwng 31 Mawrth 2020 a 30 Medi 2020.

-       Roedd gan gronfa traciwr ESG BlackRock ôl troed cyfystyr i tua 60% o’r indecs meincnod. Roedd hyn yn unol â’r disgwyliadau ar gyfer y Gronfa.

-       O fewn y portffolio Syniadau Gorau, roedd dau ddaliad yn arbennig yn dylanwadu ar y canlyniadau; y gronfa ecwiti Seilwaith LGIM, ac roedd gan gronfa Adnoddau Naturiol Byd-eang Investec ôl troed carbon hynod o uchel.

Nodwyd fod yr ôl troed hwn yn debygol o newid oherwydd nifer o ffactorau yn y misoedd i ddod, yn enwedig trosglwyddo asedau marchnadoedd datblygol i Bartneriaeth Pensiynau Cymru Russell.

Nododd Mr Buckland fod swyddogion yn gweithio trwy’r argymhellion gan Mercer yn y cyflwyniad, ac y byddant yn cael eu datblygu yn amcanion strategol i’r Pwyllgor gytuno arnynt yn nes ymlaen.

Soniodd Mr Gaston am yr “argymhellion” a thynnodd sylw at y ffaith mai’r pedwerydd argymhelliad yw’r mwyaf uchelgeisiol pan fydd angen i’r Gronfa ystyried a ydynt am fabwysiadu amcan strategol net sero.

Argymhellodd Mr Latham bod rhaglen waith glir iawn yn cael ei datblygu. Cytunodd Mr Harkin a Mr Buckland fod hyn yn briodol ac y byddai’n cael ei drafod gyda swyddogion cyn dod yn ôl at y Pwyllgor i gael ei ystyried.

Cadarnhaodd Mr Latham mai’r argymhelliad yw i’r Pwyllgor ddim ond nodi a thrafod unrhyw sylwadau sydd ganddynt ar yr agenda.

Roedd trafodaeth a oedd gwrthdaro posibl rhwng y Pwyllgor o ystyried dyletswydd ymddiriedol i gynyddu elw, a’r awydd i sicrhau fod y portffolio yn cael ei fuddsoddi’n gynaliadwy.  Tynnodd Mr Everett sylw at yr angen i sicrhau y gall y Pwyllgor edrych ar hyn er mwyn bod yn hyderus fod y gofyniad ymddiriedol yn dal i gael ei fodloni.  Cytunodd Mr Gaston, a thynnodd sylw hefyd fod newid hinsawdd yn risg systemig a thrwy beidio â gweithredu, byddai hynny’n effeithio ar bob cwmni a sector wrth ddyrannu asedau a thrwy hynny’n effeithio ar y gallu i wneud yr elw mwyaf.

            Cytunwyd ar yr argymhellion mewn egwyddor ar yr amod bod swyddogion yn dod yn ôl at y Pwyllgor mewn cyfarfod yn y dyfodol gyda chynllun gwaith clir ac yn argymell amcanion.

PENDERFYNWYD:

Bod y Pwyllgor yn nodi a gwneud sylw ar y cyflwyniad ar ôl troed Carbon.

PENDERFYNWYD:

Derbyn, cymeradwyo ac arwyddo cofnodion cyfarfod 7 Hydref 2020 gan y Cadeirydd.

PENDERFYNWYD:

Ni ddatganwyd unrhyw gysylltiad.

Y Cynghorydd Andy Rutherford (Cynrychiolydd Cyflogwyr Cynllun Aarall), y Cynghorwyr Julian Thompson-Hill, Nigel Williams a Tim Roberts.