Penderfyniadau

Use the below search options at the bottom of the page to find information regarding recent decisions that have been taken by the council’s decision making bodies.

Alternatively you can visit the officer decisions page for information on officer delegated decisions that have been taken by council officers.

Dyddiadau cynharachCynharach - HwyrachDyddiadau diweddarach

Cyhoeddwyd y penderfyniadau

10/03/2021 - Datgan Cysylltiad (gan gynnwys Datganiadau Chwipio) ref: 8672    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 10/03/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 11/06/2021

Yn effeithiol o: 10/03/2021

Penderfyniad:

Dim


10/03/2021 - Recovery Strategy Update ref: 8676    Recommendations Approved

To provide oversight on the recovery planning for the Committee’s respective portfolio(s).

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 10/03/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 11/06/2021

Yn effeithiol o: 10/03/2021

Penderfyniad:

Cyflwynodd y Prif Swyddog (Tai ac Asedau) adroddiad er mwyn darparu trosolwg o’r cynlluniau adfer ar gyfer portffolios perthnasol y Pwyllgor.  Cyfeiriodd at y gofrestr risg portffolio a’r camau lliniaru risg a atodwyd i’r adroddiad, ac adroddodd ar y risgiau coch canlynol:  CF14, HA04, HA06, CP03, HA27, HA30, a HA33.

 

Cyfeiriodd y Cadeirydd at risg CP11 (costau a chymhlethdodau ynghylch dychwelyd ac adsefydlu Canolfan Hamdden Glannau Dyfrdwy o ganlyniad i gyfnod estynedig o’i defnyddio fel ysbyty brys) a gofynnodd a fyddai’r gost o adsefydlu yn cael ei ariannu gan y Cyngor neu’r Gwasanaeth Iechyd.  Eglurodd y Prif Swyddog bod yr Ysbyty Enfys yn cael ei symud i gam cynllunio ar gyfer adsefydlu wrth i’r rhaglen frechu ranbarthol ddirwyn i ben.  Fel rhan o’r rhaglen adsefydlu byddai’r Cyngor yn archwilio’r opsiynau fydd ar gael ar gyfer darparu ei wasanaethau hamdden a gwasanaethau eraill yn y dyfodol ar y safle.   

 

Gofynnodd y Cynghorydd Dennis Hutchinson a ellid ystyried defnydd ar y cyd o’r safle gan y Cyngor Sir a BCUHB petai’r angen am ganolfan hamdden a gwasanaethau ysbyty yn parhau i’r dyfodol.   Dywedodd y Prif Swyddog mai’r bwriad oedd adsefydlu Canolfan Hamdden Glannau Dyfrdwy i’r un sefyllfa a darpariaeth gwasanaethau hamdden ag oedd yn bodoli cyn creu’r Ysbyty Enfys ar y safle.

 

Cynigwyd yr argymhelliad gan y Cynghorydd Dennis Hutchinson ac fe’i heiliwyd gan y Cynghorydd Geoff Collett. 

 

PENDERFYNWYD:

 

Nodi’r Gofrestr Risg ddiweddariedig a'r Camau Lliniaru Risg, fel yr amlinellwyd hynny yn yr adroddiad.

 


10/03/2021 - Regeneration of Existing Stock ref: 8674    Recommendations Approved

To outline the work being undertaken in regenerating the Council’s existing housing stock

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 10/03/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 11/06/2021

Yn effeithiol o: 10/03/2021

Penderfyniad:

Cyflwynodd y Prif Swyddog (Tai ac asedau) adroddiad er mwyn darparu diweddariad ar gyflawni Safon Ansawdd Tai Cymru (WHQS) yr oedd y Cyngor yn ei ddarparu drwy ei Raglen Buddsoddi Cyfalaf.  Roedd yr adroddiad yn canolbwyntio ar y llwyddiannau a’r daith hyd yma.  Eglurodd y byddai’r Rhaglen Waith WHQS wedi cyrraedd ei blwyddyn olaf (2020-2021) o’r Rhaglen Gyfalaf chwe blynedd, ond fe’i hestynnwyd am flwyddyn arall oherwydd effaith pandemig Covid.  Roedd yr adroddiad yn ddiweddariad ar yr hyn oedd wedi ei gyflawni a sydd i’w gyflawni cyn y terfyn amser estynedig yn Rhagfyr 2021.

 

Darparodd Uwch Reolwr Tai ac Asedau wybodaeth gefndirol a chyflwynodd ystyriaethau allweddol fel y manylwyd ar hynny yn yr adroddiad.   Dywedodd bod yna nifer o eiddo ble nod oedd y Cyngor yn gallu darparu’r WHQS oherwydd, am amrywiaeth o resymau, ni roddodd y tenantiaid ganiatâd i’r gwaith gael ei wneud, ond pan fo’r eiddo yn dod yn wag, roedd y gwaith yn cael ei wneud er mwyn codi’r eiddo i’r safon ofynnol.  O 23 Mawrth 2020 daeth yr holl waith WHQS ar eiddo’r cyngor ac ardaloedd cymunol i ben, gyda’r adnoddau yn cael eu canolbwyntio ar eiddo oedd yn cael eu cau/cwblhau’n ddiogel a sicrhau bod yr holl denantiaid a gwaith yn cael ei gadael yn ddiogel.  O ran elfen gyfalaf y gwaith, parhaodd yr holl waith ymatebol, brys a chydymffurfiaeth.  Ar ôl llacio’r cyfyngiadau clo a chyhoeddi mwy o ganllawiau ar 14 Mehefin 2020, cymerwyd mwy o gamau.  Mae trafodaethau yn mynd rhagddynt gyda Llywodraeth Cymru (LlC) ar effaith y pandemig ar raglen WHQS.

 

Dywedodd yr Uwch Reolwr Tai ac Asedau bod y Gwasanaeth wedi bod yn destun archwiliadau ac adolygiadau ar berfformiad y Cyngor o ran darparu’r WHQS.  Rhoddodd sicrwydd bod Swyddfa Archwilio Cymru (WAO) ac Archwilio Mewnol wedi canfod bod y Cyngor yn gwneud cynnydd da tuag at gyrraedd WHQS ac ni chodwyd unrhyw faterion sylweddol.  Adroddodd hefyd bod yr archwiliadau wedi nodi bod tenantiaid y Cyngor yn fodlon ag ansawdd y gwaith a wnaethpwyd ar eu cartrefi a dywedodd bod Arolwg Bodlonrwydd Tenantiaid WHQS ar 96% (yr uchaf hyd yma). 

 

Adroddodd yr Uwch Reolwr Tai ac Asedau bod LlC wedi ymrwymo i greu sector cyhoeddus carbon niwtral erbyn 2030 ac i gydlynu camau er mwyn helpu meysydd eraill yr economi i roi’r gorau i ddefnyddio tanwydd ffosil.  Roedd Deddf Yr Amgylchedd (Cymru) 2016 yn ei gwneud yn ofynnol i LlC leihau allyriadau nwyon t? gwydr (GHG) yng Nghymru o 80% o leiaf erbyn 2050, gyda system o dargedau allyriadau interim a chyllidebau carbon.  Byddai’n ofynnol i’r Cyngor sicrhau bod ei gartrefi yn cyflawni’r lefel uchaf posibl o ran effeithiolrwydd thermol a pherfformiad ynni (EPC lefel A) erbyn 2030.  Fel rhan o’r WHQS, ar hyn o bryd mae’n ofynnol i eiddo’r Cyngor fodloni isafswm o SAP 65 (EPC Lefel D).  Mae trafodaethau â LlC yn parhau ynghylch y gofyniad i gaffael a chyflawni rhaglen ôl-osod fawr.  Yn ystod y 12 mis nesaf bydd swyddogion yn darparu cynlluniau fel rhan o’r rhaglen reoli asedau a datgarboneiddio ehangach i Aelodau i’w hystyried, fydd yn cynnwys yr heriau a’r opsiynau buddsoddi.

 

Yn ogystal â’r gwaith y manylwyd arno yn yr adroddiad, dywedwyd wrth yr Aelodau bod angen ystyried mater ehangach y posibilrwydd o gynnal cynlluniau adfywio ar rai o ystadau’r Cyngor yn hytrach nag ymrwymo i ased fydd yn ddrud i’w cynnal, fydd â nifer uchel o lefydd gwag ac sydd yn ddrud i’w gwresogi a’i cynnal i’r tenant.  

 

Mynegodd y Cadeirydd ei gefnogaeth i’r cynnydd a wnaethpwyd o ran darparu’r rhaglen WHQS.  Mynegodd bryderon ynghylch recriwtio i’r Cyngor er mwyn sicrhau bod ei stoc tai yn bodloni effeithiolrwydd thermal a pherfformiad ynni (EPC lefel A) erbyn 2030. Rhoddodd sylwadau hefyd ar Wrthodiadau Tenantiaid neu Ddim Mynediad (Methiannau Derbyniol) a gofynnodd pa gynnydd oedd yn cael ei wneud ynghylch y broblem hon.  Eglurodd yr Uwch Reolwr Tai ac Asedau bod gwrthodiadau yn digwydd am nifer o resymau, a phetai’r tenant yn newid ei feddwl, y gallai’r gwaith gael ei wneud yn ddiweddarach.  Petai’r eiddo yn dod yn wag, pwysleisiodd y byddai’r gwaith yn cael ei wneud er mwyn bodloni gofynion WHQS.  Gan gyfeirio at y pryderon a fynegwyd ynghylch EPC Lefel A, dywedodd bod Arolygon Cyflwr Stoc Mewnol y Cyngor yn cynnig dealltwriaeth dda o effeithiolrwydd thermol pob eiddo ac mai hynny oedd y ffordd fwyaf effeithiol o ddod â’r stoc tai i’r lefel EPC gofynnol.

 

Dywedodd y Cynghorydd Dennis Hutchinson bod y gwelliannau a wnaed i stoc tai y Cyngor i’w canmol.  Gofynnodd am sicrwydd y byddai’r Gwasanaeth yn cyrraedd y targedau a nodwyd gan LlC ar gyfer WHQS a gofynnodd a fyddai cosbau yn cael eu rhoi neu beidio.  Dywedodd y Prif Swyddog bod LlC wedi bod yn hyblyg o ran caniatáu estyniad o 12 mis i awdurdodau lleol oedd wedi gofyn am hynny fel cydnabyddiaeth o effaith y pandemig ar weithredu rhaglen WHQS.  Dywedodd bod swyddogion mewn cysylltiad rheolaidd â LlC, nad oedd yn bwriadu rhoi unrhyw gosbau, a rhoddodd sicrwydd b od y Cyngor yn gwneud cynnydd da tuag at gwblhau’r Rhaglen.  Hefyd rhoddodd y Prif Swyddog sylwadau ar y posibilrwydd o gael mwy o ffrydiau cyllid, fyddai’n golygu bod y gwaith yn parhau ac y byddid yn ceisio amcanion gwahanol i’r WHQS.  

 

Dywedodd yr Uwch Reolwr Tai ac Asedau bod y prif waith oedd ar ôl i’w gwblhau ar eiddo’r cyngor yn waith allanol, a chyfeiriodd at estyniadau, llwybrau troed a gerddi fel enghreifftiau.  Dywedodd y gellid bwrw ymlaen â gwaith allanol yn gyflymach oherwydd nad oedd hynny angen yr un lefel mynediad â gwaith mewnol, ac felly roedd yn llai tebygol o gael ei wrthod gan y tenant.  Dywedodd bod yr holl waith mewnol sylweddol bron wedi ei gwblhau.  

 

Ymatebodd y Prif Swyddog i’r sylwadau a’r pryderon a fynegwyd gan y Cynghorydd Geoff Collett mewn perthynas â chost a chyfeiriad rhaglen datgarboneiddio LlC. Awgrymodd y Cynghorydd Collett y dylid cynnal gweithdy er mwyn galluogi Aelodau i ddeall y Strategaeth Datgarboneiddio yn well pan fo hynny’n briodol.  Cytunodd yr Uwch Reolwr Tai ac Asedau i ddarparu seminar ar gyfer Aelodau ar ôl i’r Strategaeth gael ei datblygu er mwyn rhannu’r ystod o fesurau a gynigiwyd a sut y byddai hynny yn cael ei gymhwyso.

 

Mynegodd y Cynghorydd Brian Lloyd bryderon ynghylch yr amgylchedd yr oedd rhai tenantiaid wedi ei brofi y tu allan i’w cartrefi, gan gyfeirio at broblem annerbyniol ysbwriel yn cael ei adael mewn gerddi ffrynt a chefn, ffensys wedi torri ac ysbwriel, fel enghreifftiau.  Gofynnodd pa gamau gorfodi ellid eu cymryd yn erbyn tenantiaid nad oedd yn cydymffurfio ag amodau eu tenantiaeth ac nad oedd yn ystyried eu cymdogion a’u cymunedau lleol.  Dywedodd yr Uwch Reolwr Tai ac asedau y byddai gwaith atgyweirio i ffensys, llwybrau troed a gerddi etc. Yn cael ei nodi a’i wneud yn ystod cymal olaf y gwaith i gwblhau’r WHQS.  Roedd y Gwasanaeth yn gwella’r broses o riportio achosion o dorri amodau tenantiaeth, er mwyn sicrhau y gallai pobl fyw mewn amgylchedd da a dymunol  Dywedodd y Prif Swyddog nad oedd yn dderbyniol bod cymunedau lleol yn dioddef oherwydd nifer fechan o unigolion,  a chyfeiriodd hefyd at fenter ‘Tai Hyfryd’ LlC oedd yn canolbwyntio ar greu llefydd mwy gwyrdd, parcio oddi ar y stryd etc. Cyfeiriodd at effaith y pandemig ac at oedi o ran prosesu materion gorfodi tenantiaeth yn gyfreithiol, ond dywedodd y byddai tenantiaid fyddai’n gwrthod cydymffurfio â’u hamodau tenantiaeth yn wynebu camau gorfodi maes o law beth bynnag.    

 

Cynigwyd yr argymhelliad gan y Cynghorydd Ron Davies ac fe’i heiliwyd gan y Cynghorydd Kevin Rush.

 

PENDERFYNWYD:

 

Nodi’r cynnydd a wnaed o rad darparu rhaglen WHQS a chefnogi’r Rhaglen Buddsoddi Cyfalaf yn ystod ei blwyddyn olaf.

 


10/03/2021 - Forward Work Programme and Action Tracking ref: 8673    Recommendations Approved

To consider the Forward Work Programme of the Community Housing & Assets Overview & Scrutiny Committee and to inform the Committee of progress against actions from previous meetings.

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 10/03/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 11/06/2021

Yn effeithiol o: 10/03/2021

Penderfyniad:

Cyflwynodd yr Hwylusydd Trosolwg a Chraffu y Flaenraglen Waith bresennol.  Cyfeiriodd at yr eitemau a restrwyd ar gyfer cyfarfod nesaf y Pwyllgor fydd yn cael ei gynnal ar 19 Mai 2021 gan egluro y byddid yn adrodd ar yr eitem ar Drosglwyddo Asedau Cymunedol, y rhestrwyd ar gyfer ei ystyried, i gyfarfod y Pwyllgor Trosolwg a Chraffu ar Addysg, Ieuenctid a Diwylliant yn hytrach.  Nid oedd unrhyw newidiadau eraill i’r Flaenraglen Waith fel yr adroddwyd ar hynny yn y cyfarfod diwethaf.  Dywedodd bod gwaith yn mynd rhagddo ar amserlennu cyfarfodydd o Fedi 2021 ymlaen ac y byddid yn cyflwyno dyddiadur drafft i gyfarfod blynyddol y Cyngor Sir ar 11 Mai ar gyfer ei gymeradwyo.

 

                        Cyfeiriodd yr Hwylusydd at yr adroddiad tracio gweithgareddau a atodwyd i’r adroddiad.    Dywedodd bod y gweithgaredd unigol a gododd o’r cyfarfod diwethaf wedi cael ei gwblhau ac yr ychwanegwyd diweddariad ar y System Rhestrydd Adnoddau Deinamig (DRS) i’r Blaengynllun Gwaith fel eitem i’w ystyried gan y Pwyllgor i’r dyfodol.  

 

Awgrymodd y Cynghorydd Dennis Hutchinson bod y Pwyllgor yn derbyn adroddiad er mwyn darparu manylion ar y broses dyrannu tai i Aelodau.  Dywedodd Y Cynghorydd Dave Hughes ei fod wedi gofyn am gyflwyniad ar bolisi SARTH a’r polisi dyrannu er mwyn diweddaru’r holl Aelodau, a rhoddodd sicrwydd y byddai hynny yn digwydd.   Cytunodd y Rheolwr Gwasanaeth Tai ac Atal i ddarparu sesiwn friffio i’r Pwyllgor cyn dechrau cyfarfod yn y dyfodol er mwyn rhoi trosolwg ar sut yr oedd y polisi SARTH yn gweithio, a mwy o eglurder ar y broses ddyrannu.

 

Cynigiwyd yr argymhellion ac fe’u heiliwyd gan y Cynghorwyd Ron Davies a Dennis Hutchinson

 

PENDERFYNWYD:

 

(A)   Nodi’r Blaenraglen Waith;

 

(B)   Awdurdodi’r Hwylusydd, mewn ymgynghoriad â Chadeirydd y Pwyllgor, i amrywio’r Blaenraglen Waith rhwng cyfarfodydd, fel bo’r angen yn codi; a

 

(C)   Nodi’r cynnydd a wneir o ran cwblhau’r camau sydd ar ôl i’w cwblhau.

 


10/03/2021 - Homelessness Update Report ref: 8675    Recommendations Approved

To provide an update on the work undertaken to prevent homelessness across Flintshire.

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 10/03/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 11/06/2021

Yn effeithiol o: 10/03/2021

Penderfyniad:

Cyflwynodd y Rheolwr Gwasanaeth - Tai ac Atal adroddiad er mwyn darparu diweddariad ar y gwaith sydd wedi cael ei wneud i atal digartrefedd ledled Sir y Fflint.  Darparodd wybodaeth gefndirol a chyfeiriodd at effaith pandemig Covid.  Dywedodd bod yna dri cham i’r ymateb i ddigartrefedd a bod y Cyngor ar hyn o bryd ar gam 3, sef y symud i’r ‘Normal Newydd’ a dywedodd bod yna rai agweddau cadarnhaol a heriau o’n blaenau.  Rhoddodd y Rheolwr Gwasanaeth gyflwyniad oedd yn cynnwys y prif bwyntiau canlynol:

 

·         Cam 1 Ymateb

·         Cam 2 Cynllunio

·         Cam 2 Arian Cyfalaf

·         Cam 3 Y Normal Newydd

·         Galw am wasanaethau

·         Ymateb y tu allan i oriau

·         Tai mewn achos brys

·         Rhain sy’n cysgu ar y strydoedd

·         Cefnogaeth tai

·         Cofrestr tai

·         Yr Holl dai cymdeithasol a osodir

·         50% enwebiadau Covid

·         Teithiau pobl

·         Hyb digartrefedd

·         Gwasanaethau cymorth newydd

·         Edrych i’r dyfodol                                                                                                   

 

Diolchodd y cadeirydd i’r Rheolwr Gwasanaeth am ei adroddiad a’i gyflwyniad llawn gwybodaeth a siaradodd yn gefnogol i’r ymrwymiad brwdfrydig a llwyddiant y gwaith sydd wedi cael ei wneud er mwyn mynd i’r afael â phroblem digartrefedd yn y Sir.  

 

Mewn ymateb i gwestiwn gan y Cynghorydd Kevin Rush cytunodd y rheolwr Gwasanaeth i rannu’r rhif ffôn digartrefedd y tu allan i oriau i Aelodau yn dilyn cyfarfod.

 

Gofynnodd y Cynghorydd Dennis Hutchinson a oedd yna gynlluniau i ymestyn cyfleusterau a thai i bobl ddigartref i ardaloedd eraill yn y Sir yn ychwanegol i’r ardaloedd yr adroddwyd arnynt eisoes.  Dywedodd y Rheolwr Gwasanaeth bod angen cynyddu’r cyflenwad o dai cymdeithasol a llety rhent dros dro.  Cyfeiriodd y Prif Swyddog at y strategaeth hirdymor ac at waith ar y rhaglen SHARP er mwyn adeiladu capasiti a hefyd er mwyn lleihau rhestrau aros am dai.    

 

Cynigwyd yr argymhelliad gan y Cynghorydd Ron Davies ac fe’i heiliwyd gan y Cynghorydd Mared Eastwood.

 

PENDERFYNWYD:

 

(A)  Nodi’r adroddiad; a

 

(B)  Bod y gwaith sydd yn cael ei wneud gan y gwasanaeth yn parhau i gael ei gefnogi.

 


26/01/2021 - Cofnodion ref: 8834    Recommendations Approved

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

(i)         Cyflwynwyd cofnodion y cyfarfod a gynhaliwyd ar 17 Tachwedd 2020.   

 

Cafodd y cofnodion eu cynnig gan y Cynghorydd Paul Shotton a’u heilio gan y Cynghorydd Chris Bithell a’u cymeradwyo fel cofnod cywir.

 

 (ii)       Cyflwynwyd cofnodion y cyfarfod a gynhaliwyd 8 Rhagfyr 2020.

 

Cyfeiriodd y Cynghorydd Tony Sharps at ei sylwadau ar dudalen 17 yngl?n ag ymholiad gan gwmni a fyddai’n rhyddhau derbyniad cyfalaf ar gyfer y Cyngor a gofynnodd a oedd mwy o wybodaeth ar gael am hyn. Cadarnhaodd y Prif Weithredwr fod cyswllt wedi’i wneud gyda’r cwmni dan sylw ac roedd yr ymholiad ar agor eto.

 

Cafodd y cofnodion eu cynnig a’u heilio gan y Cynghorwyr Chris Bithell a Gladys Healey a’u cymeradwyo fel cofnod cywir.

 

PENDERFYNWYD

 

Cymeradwyo'r ddwy set o gofnodion fel cofnod cywir. 

 


26/01/2021 - Treasury Management Mid-Year Report 2020/21 ref: 8837    Recommendations Approved

To present to members the draft Treasury Management Mid-Year Review for 2020/21

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

Cyflwynodd y Rheolwr Cyllid Corfforaethol adroddiad i gyflwyno drafft o’r Adolygiad Canol Blwyddyn Rheoli'r Trysorlys 2020/21. Dywedodd fod yr Adroddiad Canol Blwyddyn Rheoli’r Trysorlys 2020/21 ynghlwm wrth yr adroddiad ac roedd angen cymeradwyaeth ffurfiol gan y Cyngor.

Dywedodd y Rheolwr Cyllid Corfforaethol fod yr Adroddiad Canol Blwyddyn yn adolygu gweithgareddau a pherfformiad gweithrediadau rheoli’r trysorlys rhwng 1 Ebrill a 30 Medi 2020. Yn unol â Rheolau Gweithdrefn Ariannol y Cyngor, adolygwyd yr Adroddiad Canol Blwyddyn gan y Pwyllgor Archwilio ar 18 Tachwedd 2020 a’r Cabinet ar 15 Rhagfyr 2020. Nid oedd gan y Pwyllgor Archwilio unrhyw fater i ddwyn i sylw’r Cabinet na’r Cyngor. Cyfeiriodd y Rheolwr Cyllid Corfforaethol at y pwyntiau allweddol a oedd wedi’u crynhoi yn yr adroddiad.

 

Dywedodd y Cynghorydd Glyn Banks fod agwedd ddarbodus yr Awdurdod wedi’i wasanaethu’n dda yn ystod heriau digynsail y llynedd a diolchodd i’r Tîm Cyllid, ymgynghorydd y Cyngor (Arlingclose) a’r Pwyllgor Archwilio am eu gwaith. Cynigodd yr argymhellion yn yr adroddiad i’r Cyngor i gael ei gymeradwyo. Eiliodd y Cynghorydd Chris Dolphin y cynnig.     

 

Ymatebodd y Rheolwr Cyllid Corfforaethol i’r cwestiwn a godwyd gan y Cynghorydd  Mike Peers ar y rhagamcanion diwedd blwyddyn yn adran 5.04 yr adroddiad a darparodd eglurhad pellach ynghylch y wybodaeth ar fuddsoddiadau a benthyca.

 

PENDERFYNWYD: 

 

Cymeradwyo Adroddiad Canol Blwyddyn Rheoli’r Trysorlys 2020/21.

 


26/01/2021 - Recruitment of Independent Members to the Standards Committee ref: 8839    Recommendations Approved

To agree the timetable and process for recruiting Independent Members to the Committee

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

 

Cyflwynodd y Prif Swyddog (Llywodraethu) yr adroddiad i gytuno ar yr amserlen a’r broses ar gyfer recriwtio Aelodau Annibynnol i’r Pwyllgor Safonau. Dywedodd fod y cyfnod mewn swydd ar gyfer un o Aelodau cyfetholedig y Pwyllgor yn dod i ben ym mis Mawrth 2021 ac oherwydd bod yr aelod wedi cyrraedd uchafswm y cyfnodau gwasanaeth a ganiateir dan y ddeddfwriaeth mae’n rhaid iddo ymddiswyddo. Dywedodd fod Aelod Annibynnol arall wedi penderfynu ymddeol. Roedd y ddau aelod cyfetholedig wedi bod yn aelodau gweithgar o’r Pwyllgor Safonau ac roeddent wedi gwneud cyfraniad sylweddol i lywodraethiant y Cyngor.

 

Esboniodd y Prif Swyddog y byddai’n rhaid i’r Cyngor hysbysebu dwy swydd wag ac i wneud hynny roedd rhaid rhoi hysbysebion yn y wasg leol a ffurfio panel cyfweld (fel yr awgrymwyd yn yr adroddiad).  Fe allai cyfweliadau gael eu cynnal tua diwedd mis Chwefror / mis Mawrth ac yna byddai’r ymgeisydd a ffefrir yn cael ei benodi’n swyddogol gan y Cyngor (o bosib ar 1 Ebrill 2021). 

 

Cynigodd y Cynghorydd Paul Johnson yr argymhellion a chawsant eu heilio gan y Cynghorydd Mike Peers.       

 

Diolchodd y Cadeirydd i’r aelodau a oedd yn ymddeol am eu gwaith a’u cyfraniadau rhagorol. Dywedodd y Prif Swyddog y byddai’n ysgrifennu at y ddau aelod i gofnodi diolch a dymuniadau gorau’r Cadeirydd yn ffurfiol.

 

Ar ôl eu rhoi i bleidlais, cymeradwywyd yr argymhellion.

PENDERFYNWYD:

 

Derbyn yr adroddiad a sefydlu panel penodi ffurfiol gyda’r aelodaeth fel y disgrifiwyd yn yr adroddiad. 

 


26/01/2021 - Local Government & Elections (Wales) Bill ref: 8836    Recommendations Approved

To present an update on the Local Government & Elections Bill

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

Cyflwynodd y Prif Weithredwr adroddiad ar y Bil Llywodraeth Leol ac Etholiadau (Cymru).  Dywedodd fod y Bil wedi derbyn Cydsyniad Brenhinol ac ei fod bellach yn Ddeddf.  Pwrpas yr adroddiad oedd amlygu cynnwys allweddol y Ddeddf ac i’r Cyngor nodi’r goblygiadau cyfansoddiadol (diwygiad etholiadol, Cyd-bwyllgorau Corfforedig (CBC) a chyfranogiad y cyhoedd, er enghraifft) a goblygiadau eraill (creu Pwyllgor Archwilio a Llywodraethu er enghraifft) a’r cynlluniau mewnol ar gyfer gweithredu.  Dywedodd y Prif Weithredwr, er bod rhai o’r newidiadau yn rhai a oedd i’w gwneud yn syth nid oedd amserlen eto i Lywodraeth Cymru gyflwyno newidiadau eraill.Darparodd ddiweddariad bras ar y CBC a dywedodd fod ymateb yr Awdurdod ynghlwm wrth yr adroddiad, a diwygiad etholiadol a gofynnodd i’r Prif Swyddog (Llywodraethu) gyflwyno’r adroddiad.

 

            Rhoddodd y Prif Swyddog wybodaeth gefndir a dywedodd fod rhaid i’r Awdurdod, yn ddarostyngedig i ddechrau, weithredu’r Ddeddf yn y ffordd orau bosib’ i weddu amgylchiadau lleol. Adroddodd ar feysydd allweddol y Ddeddf, fel y manylwyd yn yr adroddiad, a oedd yn gofyn bod y Cyngor yn gwneud penderfyniad, ac a fyddai’n effeithio ar aelodau’n uniongyrchol neu’n berthnasol i’w rôl strategol. Esboniodd y Prif Swyddog ei fod wedi sefydlu gweithgor i drefnu cynllun gweithredu ar gyfer y Ddeddf a fyddai’n cyflwyno adroddiadau cyfnodol ar gynnydd i aelodau.

 

Cynigodd y Cynghorydd Ian Roberts yr argymhellion yn yr adroddiad gyda’r diwygiad bod y Bil Llywodraeth Leol ac Etholiadau bellach yn Ddeddf. Dywedodd y Cynghorydd Roberts ei fod yn croesawu’r newidiadau a gyflwynwyd gan y Ddeddf o ran yr etholfraint a oedd yn galluogi unigolion 16 ac 17 mlwydd oed i bleidleisio am y tro cyntaf yn etholiadau’r Senedd ac etholiadau Cyngor Sir a Chymuned/Tref ym mis Mai 2022, a gwella hygyrchedd y cyhoedd i gyfarfodydd llywodraeth leol. Mynegodd y Cynghorydd Roberts bryderon yngl?n â’r trefniadau craffu ar gyfer Cyd-bwyllgorau Corfforedig (CBC) a, gan gyfeirio at greu Pwyllgor Archwilio a Llywodraethu, mynegodd bryder na fyddai Aelod yn cadeirio’r Pwyllgor ac fe wnaeth sylw ar ddylanwad cynyddol aelodau lleyg.     

 

Eiliodd y Cynghorydd Thomas yr argymhellion.  Dywedodd ei bod hefyd wedi mynegi pryderon yngl?n â chreu CBC a chyfeiriodd at ymateb yr Awdurdod i ddogfen ymgynghori Llywodraeth Cymru ar CBC a oedd ynghlwm wrth yr adroddiad.

 

Cytunodd y Cynghorydd Chris Bithell gyda’r safbwynt a fynegwyd gan y Cynghorydd Ian Roberts ar y Pwyllgor Archwilio a Llywodraethu a mynegodd bryderon pellach yngl?n â’r dewis i newid y system bleidleisio ar gyfer etholiadau lleol yn y dyfodol.

 

Mynegodd y Cynghorydd Richard Jones bryderon yngl?n â chreu CBC a threfniadau craffu.  Gan gyfeirio at ystyriaeth flaenorol ar CBC, gofynnodd a oedd unrhyw ymgynghoriadau pellach wedi cael eu cynnal rhwng 28 Ionawr 2020 a 18 Tachwedd 2020 ac a oedd dogfen ymgynghori Llywodraeth Cymru ar CBC, a ystyriwyd gan y Cabinet ar 15 Rhagfyr 2020, o unrhyw werth os oedd Llywodraeth Cymru wedi gwneud penderfyniad i basio’r Bil ar 18 Tachwedd. 

 

Gwnaeth y Cynghorydd Tudor Jones sylw ar ehangu’r etholfraint i gynnwys pobl ifanc 16 mlwydd oed a dinasyddion tramor o dan ddiwygiadau etholiadol. Mynegodd bryder nad oedd ysgolion, oherwydd y pandemig, yn gallu codi ymwybyddiaeth ymysg disgyblion o’u hawl i bleidleisio’n 16 mlwydd oed a’u hawl i gofrestru i bleidleisio o 14 mlwydd oed. Dywedodd fod angen i’r Awdurdod ac Aelodau gynorthwyo â chodi ymwybyddiaeth mewn ysgolion uwchradd lleol a chymunedau lleol.

 

Cyfeiriodd y Cynghorydd Mike Peers at adran 1.04 yr adroddiad a’r wybodaeth am y Bleidlais Sengl Drosglwyddadwy (PSD), sy’n nodi yn hytrach na chael un neu ddau unigolyn yn cynrychioli pawb mewn ardal, bod ardaloedd mwy yn ethol tîm bychan o gynrychiolwyr, megis 4 neu 5. Dywedodd y byddai hyn yn arwain at wardiau mwy a fyddai’n cwmpasu ardal eang ac ni fyddai’n gweithio.  

Mewn ymateb i’r cwestiynau a’r sylwadau a wnaed, dywedodd y Prif Weithredwr y gellid ond mabwysiadu’r Bleidlais Sengl Drosglwyddadwy yn lleol os oedd y Cyngor yn pleidleisio o blaid hynny (ac yn unol â maint y bleidlais a oedd ei hangen).

 

Gan gyfeirio at y sylwadau gan y Cynghorydd Tudor Jones ar ehangu’r etholfraint i gynnwys pobl ifanc 16 oed, esboniodd y Prif Weithredwr fod oddeutu 50% o bobl ifanc wedi cofrestru hyd yma  a dywedodd y byddai’r Comisiwn Etholiadol yn cynnal Cyhoeddusrwydd cenedlaethol yng Nghymru. Roedd y Cyngor hefyd yn targedu pobl ifanc a byddai’n gweithio i godi ymwybyddiaeth ymysg ysgolion a cholegau lleol.  Wrth ymateb i bryderon am CBC gan y Cynghorydd Richard Jones, eglurodd y Prif Weithredwr fod trafodaethau cenedlaethol parhaus yn cael eu cynnal ar fanylion eu gweithrediad. 

 

Ymatebodd y Prif Swyddog (Llywodraethu) i’r materion a godwyd gan y Cynghorydd Chris Bithell mewn perthynas â chaniatáu i staff y Cyngor sydd mewn swyddi heb gyfyngiadau gwleidyddol sefyll mewn etholiad yn eu hawdurdod eu hunain, a’r risg ddilynol o beidio â chael eu hethol, a'r cwestiynau a godwyd gan y Cynghorydd Richard Jones yn ymwneud â CBC.

 

Mynegodd y Cynghorydd Richard Jones bryderon pellach yngl?n â CBC.  Cydnabu’r Prif Weithredwr y pwyntiau a wnaed ac awgrymodd efallai yr hoffai’r Cyngor ystyried ychwanegu argymhellion pellach i’r rhai yn yr adroddiad i fynegi pryderon yngl?n â sut y byddai CBC yn gweithio ac y dylai unrhyw reoliadau sy’n cael eu pasio gan Lywodraeth Cymru ar gyfer CBC fodloni’r holl brofion a nodwyd yn ymateb yr Awdurdod i’r ymgynghoriad. Cynigodd y Cynghorydd Richard Jones y dylid ychwanegu trydydd argymhelliad i’r adroddiad. Wrth eilio’r cynnig, dywedodd y Cynghorydd Carolyn Thomas ei bod wedi mynegi pryderon sawl gwaith am CBC yn ymwneud â dyblygiad a symud oddi wrth y sefyllfa leol.

 

Mewn ymateb i’r pryderon a fynegwyd gan y Cynghorydd Jones, awgrymodd y Prif Weithredwr y dylid diwygio’r ail argymhelliad yn yr adroddiad fel a ganlyn:   “Bod y Cyngor yn nodi goblygiadau cyfansoddiadol a goblygiadau eraill y Ddeddf, ac yn cefnogi cynlluniau mewnol ar gyfer eu gweithrediad yn ôl yr angen”.  Cynigodd y Cynghorydd Richard Jones y diwygiad arfaethedig a chafodd ei eilio gan y Cynghorydd Carolyn Thomas. 

 

Gofynnodd y Prif Swyddog i’r Cynghorydd Ian Roberts, yr un a gyflwynodd y cynnig gwreiddiol, os oedd yn cefnogi’r diwygiad. Derbyniodd y Cynghorydd Roberts y diwygiad arfaethedig a daeth yn gynnig parhaol.

 

Ar ôl pleidlais, cymeradwywyd yr argymhellion.

 

PENDERFYNWYD

 

 (a)      Derbyn yr adroddiad briffio;

 

 (b)      Bod y Cyngor yn nodi goblygiadau cyfansoddiadol a goblygiadau eraill y Ddeddf, ac yn cefnogi cynlluniau mewnol ar gyfer eu gweithrediad yn ôl yr angen; ac

 

 (c)      Nid yw’r Cyngor yn cefnogi cynigion ar gyfer CBC fel ag y maent ar hyn o bryd ac mae’n ailadrodd y sylwadau a wnaed mewn ymateb i LlC ynghlwm wrth yr adroddiad ac yn gofyn bod unrhyw reoliadau pellach yn bodloni’r profion fel y nodwyd yr ymateb i’r ymgynghoriad.

 


26/01/2021 - Flintshire Local Development Plan (LDP) Examination in Public Delegated Authority for Officers ref: 8835    Recommendations Approved

To seek Member’s views on, and agreement for a proposed scheme of delegation for officers to act on behalf of the Council should the Inspector propose changes arising out of the examination of the soundness of any aspect of the LDP during Examination hearing sessions.

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

Cyflwynodd y Prif Swyddog (Cynllunio, yr Amgylchedd a’r Economi) yr adroddiad i geisio barn Aelodau ar, a chytuno ar gynllun dirprwyo arfaethedig er mwyn i swyddogion weithredu ar ran y Cyngor os fydd yr Arolygydd yn cynnig newidiadau yn sgil archwiliad cadernid o unrhyw agwedd o’r CDLl yn ystod y sesiynau gwrandawiad a drefnwyd. Dywedodd y Prif Swyddog y byddai’r archwiliad o’r CDLl yn dechrau ar 8 Mawrth 2021. Cynhaliwyd cyfarfod cyn-gwrandawiad ar 12 Ionawr ac roedd disgwyl y byddai amserlen ddrafft ar gyfer sesiynau’r gwrandawiad yn cael ei chyhoeddi yr wythnos hon ar wefan y CDLl (darperir y ddolen yn yr adroddiad).  

 

Dywedodd y Prif Swyddog fod y Cyngor yn ystyried bod y CDLl fel y cyflwynwyd yn gynllun cadarn, fodd bynnag, fe allai Arolygwyr gynnig newidiadau yn ystod y gwrandawiad. Eglurodd mai pwrpas y cynllun dirprwyo oedd i ganiatáu i swyddogion gytuno, mewn egwyddor, i’r Arolygydd wneud newidiadau i’r CDLl yn ystod sesiynau’r gwrandawiad mewn ymgynghoriad ag Aelodau, yn dibynnu ar natur a chwmpas y newidiadau a gynigir. Cynigiwyd dirprwyo newidiadau o natur ffeithiol neu deipograffyddol i’r Rheolwr Gwasanaeth Strategaeth (neu, yn ei absenoldeb neu ei anallu i weithredu neu er hwylustod gweithredol, Arweinydd Tîm Polisi Cynllunio) ond byddai newidiadau mwy arwyddocaol, megis dileu dyraniad neu gyflwyno safle neu safleoedd newydd yn gofyn am ymgynghoriad gydag Aelodau fel y manylwyd yn yr adroddiad. Dywedodd fod yr Arolygiaeth Gynllunio a Llywodraeth Cymru yn argymell cymeradwyo cynllun dirprwyo o’r fath er mwyn i’r archwiliad allu gweithredu’n effeithlon. 

 

Tynnodd y Prif Swyddog sylw at baragraffau 1.05 a 1.06 yn yr adroddiad a’r wybodaeth yn Nhabl 1 sy’n nodi’r cynllun dirprwyo arfaethedig.   Dywedodd fod y Gr?p Strategaeth Cynllunio wedi ystyried y cynigion yn y cynllun dirprwyo drafft mewn cyfarfod a gynhaliwyd ar 12 Tachwedd, ac yn dilyn diwygio’r cynllun roedd wedi’i argymell i’r Cyngor i gael ei gymeradwyo.  Sicrhaodd yr Aelodau y byddai unrhyw newidiadau a oedd yn deillio o’r broses archwilio (o’r enw ‘Newidiadau Materion yn Codi’) yn cael eu cyfuno mewn dogfen ac yn destun proses ymgynghori gyhoeddus ar wahân dros gyfnod o 6 wythnos pan oedd sesiynau’r gwrandawiad wedi dod i ben. Rhoddodd sicrwydd y byddai digon o gyfle i Aelodau a’r cyhoedd ymateb i unrhyw newid arfaethedig fel rhan o’r ymgynghoriad ffurfiol hwnnw. Argymhellodd y Prif Swyddog fod y Cynllun Dirprwyo, fel y nodwyd yn Nhabl 1 yr adroddiad, yn cael ei fabwysiadau i roi fframwaith i swyddogion weithredu ar Archwiliad Cyhoeddus y Cynllun Datblygu Lleol os fydd yr Arolygydd yn cynnig newidiadau i’r Cynllun.

 

Cynigodd y Cynghorydd Chris Bithell gymeradwyo’r argymhellion fel y nodwyd yn yr adroddiad. Gan siarad o blaid yr argymhellion, dywedodd eto fod y Cynllun yn gadarn fel ag yr oedd. Cyfeiriodd eto at y cynigion a’r trefniadau ar gyfer awdurdod dirprwyedig fel y manylwyd yn Nhabl 1 a dywedodd y byddai defnyddio’r cynllun yn ddewis olaf (gan nad oedd y Cyngor yn ceisio unrhyw newidiadau), os nad oedd unrhyw agwedd o’r cynllun neu dystiolaeth ategol, am ba bynnag reswm, yn gadarn yn ôl yr Arolygydd.Dywedodd hefyd nad oedd gan Lywodraeth Cymru unrhyw broblem sylfaenol gyda’r CDLl fel y cyflwynwyd.

 

Eiliodd y Cynghorydd Mike Peers yr argymhellion.  Cyfeiriodd y Cynghorydd Peers at grynodeb gweithredol yr adroddiad a dywedodd fod y cyfeiriad at “newidiadau mwy arwyddocaol” yn y trydydd paragraff yn groes i’r cyfeiriad at “newidiadau â pheth arwyddocâd” yn Nhabl 1 ac fe awgrymodd y dylid defnyddio’r geiriad yn Nhabl 1 er cywirdeb. Gan gyfeirio at yr un paragraff, dywedodd fod cyfeiriad at “geisio cytundeb gan Aelodau Uwch o’r Cyngor” a gan groesgyfeirio at adran 1.05 o’r adroddiad, dywedodd y Cynghorydd Peers fod ymateb Llywodraeth Cymru wedi cyfeirio at gr?p aelodau uwch a oedd, yn ei feddwl ef, yn golygu’r Gr?p Strategaeth Cynllunio. 

 

Ategodd y Cynghorydd Peers y sicrwydd a roddwyd i Aelodau bod yr Arolygydd yn ceisio cytundeb mewn egwyddor ac na fyddai’r cytundeb yn difreinio aelodau lleol ar gyfer y gymuned oherwydd newidiadau’n cael eu cyhoeddi fel “Newidiadau Materion yn Codi”, a fyddai’n caniatáu i sylwadau gael eu gwneud yn ystod y cyfnod ymgynghori.  Gan gyfeirio at Dabl 1 a’r awdurdod dirprwyedig arfaethedig ar gyfer y categori ‘Newidiadau â Pheth Arwyddocâd’, dywedodd y Cynghorydd Peers y byddai Aelodau Lleol yn cael eu hysbysu o unrhyw newidiadau arwyddocaol er gwybodaeth ac yn y categori ‘Newidiadau Sylfaenol’, byddai aelodau lleol yn cael eu hysbysu o unrhyw newidiadau sylfaenol er gwybodaeth.   Cynigodd y dylid diwygio’r geiriad i gynnwys fod unrhyw wybodaeth berthnasol gan yr aelod lleol yn cael ei hystyried. Cytunodd y Cynghorydd Chris Bithell gyda’r newid arfaethedig a oedd wedyn yn sail cynnig gwreiddiol i'w drafod.

 

Cyfeiriodd y Cynghorydd Tony Sharps at gwestiwn a ofynnodd yn ystod ystyriaeth flaenorol o’r CDLl yn ymwneud â dyfodol Neuadd y Sir a dywedodd, mewn ymateb i’r ateb a dderbyniodd, ei fod wedi pleidleisio yn erbyn y CDLl yng nghyfarfod y Cyngor. Mynegodd nifer o bryderon ynghylch y goblygiadau o gyflwyno’r cynllun o bwerau dirprwyedig arfaethedig ac ymbellhau oddi wrth reolaeth Aelodau.

 

Siaradodd y Prif Weithredwr o blaid diwygiad gan y Cynghorydd Peers ac awgrymodd y gellid ei wneud yn fwy manwl, er mwyn hysbysu aelodau lleol, ymgynghori â nhw ac ystyried eu safbwyntiau mewn perthynas â newidiadau arwyddocaol a newidiadau sylfaenol.

 

Dywedodd y Cynghorydd Chris Dolphin ei fod o’r farn y dylai aelodau lleol fod yn rhan o newidiadau â pheth arwyddocâd ac unrhyw newidiadau sylfaenol. Awgrymodd y dylid cryfhau’r diwygiad i nodi bod rhaid ymgynghori ag aelod lleol a bod rhaid iddo fod yn rhan o’r broses o wneud penderfyniad terfynol.  

 

Darparodd y Prif Swyddog (Llywodraethu) eglurhad pellach mewn ymateb i’r pryderon a godwyd gan Aelodau ar y mater o ymgynghori gydag aelodau lleol ac aelodau wardiau cyfagos a oedd wedi’u heffeithio gan gynnig. 

 

Cynigodd y Cynghorydd Dolphin ddiwygiad pellach a dywedodd y dylai’r aelod lleol fod yn rhan o’r awdurdod dirprwyedig arfaethedig ac y dylid ychwanegu hyn at y diwygiad a gynigiwyd gan y Cynghorydd Peers.  Dywedodd y Prif Swyddog fod rhaid, am resymau cyfreithiol, gwneud dirprwyaeth i’r Pwyllgor neu i Swyddog mewn ymgynghoriad ag Aelodau. Cyfeiriodd at y cynnig yn Nhabl 1, sef bod awdurdod yn cael ei ddirprwyo i’r Rheolwr Gwasanaeth Strategaeth mewn ymgynghoriad llawn.

 

Wrth ymateb i’r sylwadau a wnaed gan y Cynghorydd Tony Sharps ynghylch Neuadd y Sir, dywedodd y Prif Swyddog (Cynllunio, yr Amgylchedd a’r Economi) bod safle Neuadd y Sir o fewn ffin anheddiad Yr Wyddgrug, fodd bynnag, nid oedd eto’n barod fel safle ar gyfer datblygiad masnachol neu breswyl ac roedd gwaith yn mynd rhagddo mewn perthynas â hyn.  Dywedodd y Prif Weithredwr fod safle Neuadd y Sir ym mherchnogaeth y Cyngor ac y byddai’r Cyngor yn pennu ei ddefnydd yn y dyfodol.

 

Cadarnhaodd y Prif Swyddog (Cynllunio, yr Amgylchedd a’r Economi), yn dilyn y safbwyntiau a fynegwyd gan Aelodau byddai’r awdurdod dirprwyedig arfaethedig yn Nhabl 1 yr adroddiad ar gyfer y categori ‘Newidiadau â Pheth Arwyddocâd’ yn cael ei ddiwygio i’r isod:“Ymgynghorir ag Aelodau Lleol ac aelodau wardiau cyfagos ynghylch unrhyw newid arwyddocaol a bydd eu barn yn cael ei hystyried.” Cadarnhaodd hefyd y byddai’r awdurdod dirprwyedig arfaethedig yn Nhabl 1 ar gyfer y categori Newidiadau Sylfaenol yn cael ei ddiwygio’n rhannol i’r canlynol: “Ymgynghorir ag Aelodau Lleol ac aelodau wardiau cyfagos ynghylch unrhyw newid sylfaenol a bydd eu barn yn cael ei hystyried.” Dywedodd y Prif Swyddog ei fod yn llwyr gefnogi’r diwygiad. 

 

Cynigodd y Cynghorydd Chris Bithell yr argymhellion yn yr adroddiad, fel y'i diwygiwyd, ac eiliwyd gan y Cynghorydd Mike Peers. Cymeradwywyd hyn yn dilyn cynnal pleidlais ar y mater.

 

Pleidleisiodd y Cynghorydd Tony Sharps yn erbyn yr argymhellion. 

 

Bu i’r Cynghorwyr Dennis Hutchinson, Colin Legg a David Williams ymatal rhag pleidleisio.

 

PENDERFYNWYD:

 

Yn amodol ar y diwygiadau uchod i Dabl 1, cymeradwyo’r cynllun dirprwyo a argymhellwydfel y manylwyd yn yr adroddiad i roi fframwaith i swyddogion weithredu ar Archwiliad Cyhoeddus y Cynllun Datblygu Lleol os fydd yr Arolygydd yn cynnig newidiadau i’r Cynllun.

 


26/01/2021 - Recruitment of a Lay Member to the Audit Committee ref: 8838    Recommendations Approved

To approve the recruitment process of a Lay Member to the Audit Committee as required by the Local Government and Elections (Wales) Bill

Y sawl sy'n gwneud penderfyniad: Cyngor Sir y Fflint

Gwnaed yn y cyfarfod: 26/01/2021 - Cyngor Sir y Fflint

Cyhoeddwyd y penderfyniad: 10/06/2021

Yn effeithiol o: 26/01/2021

Penderfyniad:

Cyflwynodd y Prif Swyddog (Llywodraethu) adroddiad i gymeradwyo’r broses o recriwtio Aelod Lleyg ar gyfer y Pwyllgor Archwilio yn unol â gofynion Deddf Llywodraeth Leol ac Etholiadau (Cymru).  Rhoddodd wybodaeth gefndir a dywedodd, ar ôl ystyried maint ei aelodaeth, fod y Pwyllgor Archwilio wedi argymell y dylai’r aelodaeth bresennol o 9 barhau (7 Cynghorydd etholedig a 2 aelod lleyg). Os oedd y Cyngor yn dymuno parhau â 9 aelod byddai’n rhaid iddo newid un Cynghorydd etholedig ar y Pwyllgor am aelod cyfetholedig (lleyg). Fel arall, fe allai’r Cyngor benderfynu lleihau maint y Pwyllgor i 6 aelod (4 Cynghorydd etholedig a’r 2 aelod lleyg presennol). 

 

Rhoddodd y Prif Swyddog gyngor ac atgoffodd y Cyngor y byddai gan y Pwyllgor rôl ehangach o 1 Ebrill 2021. Dywedodd fod y gofyniad i newid yr aelodaeth o fewn y darpariaethau a fydd yn dod i rym ar adeg a ddewisir gan Weinidogion. Disgwyliwyd y byddai hyn yn digwydd ym mis Ebrill 2021 ond erbyn hyn deallir y bydd yn digwydd ym mis Mai 2022. Felly, esboniodd y gallai’r Cyngor gynnal yr aelodaeth bresennol ar gyfer gweddill y tymor hwn a dechrau’r broses recriwtio ar ddiwedd yr hydref er mwyn penodi’r aelod lleyg ym mis Chwefror neu fis Mawrth 2022.

 

Cyfeiriodd y Prif Swyddog at yr argymhelliad yn yr adroddiad bod nifer yr aelodau yn y Pwyllgor Archwilio yn aros ar 9 ac o fis Mai 2022 byddai’n cynnwys 6 o Gynghorwyr etholedig a 3 aelod lleyg a bod y panel recriwtio (fel yr awgrymwyd yn yr ail argymhelliad yn yr adroddiad) yn gwneud argymhelliad i’r Cyngor ar gyfer penodi aelod lleyg ychwanegol.

Wrth gynnig yr argymhellion, gwnaeth y Cynghorydd Chris Dolphin sylw ar yr arbenigedd gwerthfawr yr oedd aelodau lleyg yn ei gynnig i’r Pwyllgor Archwilio a’r cyfraniad ardderchog a oedd yn cael ei wneud gan aelodau lleyg presennol. Eiliwyd yr argymhellion gan y Cynghorydd Neville Phillips.

 

Ar ôl pleidlais, cymeradwywyd yr argymhellion.

 

PENDERFYNWYD:

 

 (a)      Recriwtio un aelod lleyg ychwanegol i’r Pwyllgor Archwilio yn lle aelod etholedig o fis Mai 2022; a

 

 (b)      Bod y panel recriwtio yn cynnwys Cadeirydd y Cyngor, Cadeirydd y Pwyllgor Archwilio a’r Aelod Cabinet Cyllid, yn gwneud argymhelliad i’r Cyngor yngl?n â phenodi.  

 


23/02/2021 - Forward Work Programme and Action Tracking ref: 8670    Recommendations Approved

To consider the Forward Work Programme of the Community Housing & Assets Overview & Scrutiny Committee and to inform the Committee of progress against actions from previous meetings.

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 23/02/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 07/06/2021

Yn effeithiol o: 23/02/2021

Penderfyniad:

Cyflwynodd yr Hwylusydd Trosolwg a Chraffu y Rhaglen Gwaith i'r Dyfodol ddiweddaraf a chadarnhaodd un diwygiad i’r rhestr o eitemau sydd wedi’u trefnu i gael eu cyflwyno i gyfarfod nesaf y Pwyllgor ar 10 Mawrth.  Byddai’r wybodaeth ddiweddaraf am y Strategaeth Adfer yn cael ei chyflwyno, a fyddai’n rhoi diweddariad i’r Pwyllgor ers i’r diweddariad diweddaf gael ei ystyried ym mis Rhagfyr, 2020.

 

Cadarnhaodd yr Hwylusydd na wnaeth unrhyw gamau godi o’r cyfarfod diwethaf a gynhaliwyd ar 20 Ionawr, ac roedd pob cam gweithredu a oedd wedi codi o gyfarfodydd blaenorol wedi’u cwblhau, fel a ddywedwyd wrth y Pwyllgor eisoes. 

 

Cafodd yr argymhellion o fewn yr adroddiad eu cynnig gan y Cynghorydd Mared Eastwood a’u heilio gan y Cynghorydd Ron Davies.    

 

PENDERFYNWYD:

 

(a)     Nodi’r Rhaglen Gwaith i’r Dyfodol;

 

(b)     Rhoi awdurdod i’r Hwylusydd, wrth ymgynghori gyda Chadeirydd y Pwyllgor, amrywio’r Rhaglen Gwaith i’r Dyfodol rhwng cyfarfodydd, yn ôl yr angen; ac

 

(c)     Nodi’r cynnydd sydd wedi’i wneud ar y camau gweithredu sydd heb eu cwblhau.


23/02/2021 - Cofnodion ref: 8669    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 23/02/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 07/06/2021

Yn effeithiol o: 23/02/2021

Penderfyniad:

Soniodd y Cynghorydd Ron Davies am y sylwadau cadarnhaol a wnaed i’r Rheolwr Rhaglenni Tai yn y cyfarfod diwethaf a’r diolch am ei waith dros sawl blwyddyn. Gofynnodd a oedd modd cynnwys y rhain yn y cofnodion. Dywedodd yr Hwylusydd y byddai’n adolygu’r cofnodion i sicrhau eu bod wedi’u cynnwys.

 

            Cynigodd y Cynghorydd Ron Davies y dylid cymeradwyo’r cofnodion fel rhai cywir ac y dylai’r Cadeirydd eu llofnodi. Eiliwyd hyn gan y Cynghorydd Geoff Collett. 

 

PENDERFYNWYD:

 

Cymeradwyo'r cofnodion fel rhai cywir.

 

 


23/02/2021 - Datgan Cysylltiad (gan gynnwys Datganiadau Chwipio) ref: 8668    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Cymuned, Tai ac Asedau

Gwnaed yn y cyfarfod: 23/02/2021 - Pwyllgor Trosolwg a Chraffu Cymuned, Tai ac Asedau

Cyhoeddwyd y penderfyniad: 07/06/2021

Yn effeithiol o: 23/02/2021

Penderfyniad:

Ni ddatganwyd unrhyw gysylltiad. 


28/01/2021 - School Improvement and Examinations 2021 Update ref: 8599    Recommendations Approved

To consider School Improvement and update on proposals for Examinations in 2021

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

            Cyflwynodd y Prif Swyddog (Addysg ac Ieuenctid) adroddiad Diweddaru Gwella Ysgolion ac Arholiadau 2021 a chroesawodd y swyddogion GwE canlynol i’r cyfarfod, a fyddai’n cynorthwyo i gyflwyno’r adroddiad:-

 

  • Mr. Martyn Froggett, Arweinydd Craidd Uwchradd Sir y Fflint
  • Mr. David Edwards, Arweinydd Craidd Cynradd Sir y Fflint
  • Mrs. Gaynor Murphy, Ymgynghorydd Gwella Uwchradd 
  • Mrs. Vicky Lees, Ymgynghorydd Gwella Cynradd

 

Soniodd y Prif Swyddog am yr adroddiad Dysgu Cyfunol a gyflwynwyd i’r Pwyllgor yn ei gyfarfod ym mis Rhagfyr ac eglurodd fod yr adroddiad hwn yn rhoi trosolwg ehangach o’r gefnogaeth roedd y gwasanaeth rhanbarthol wedi’i darparu i bob awdurdod lleol yn ystod y sefyllfa argyfwng. Roedd y canolbwynt wedi bod ar les dysgwyr, cymunedau ysgol a staff, a oedd wedi helpu i lunio a chynnal y canolbwynt ar welliant ysgol ym mhob ysgol wrth ddarparu cefnogaeth yn ystod y pandemig.  

 

Rhoddodd y Prif Swyddog drosolwg o’r gefnogaeth a ddarparwyd ar gyfer sgiliau craidd llythrennedd a rhifedd a’r cynllun datblygu proffesiynol a ddarparwyd gan GwE er mwyn i athrawon a chymorthyddion dosbarth sicrhau dysgu o safon yn yr ystafell ddosbarth neu drwy ddysgu digidol o bell.  

 

Cafwyd cyflwyniad manwl am y Rhaglen Dysgu Carlam, a oedd yn trafod y meysydd canlynol:-

 

  • Cyd-destun - llythrennedd a rhifedd, darparu a chynnal addysgu o ansawdd uchel ar draws y cwricwlwm gydag ymyriadau strwythuredig, o ansawdd uchel wedi’u targedu;
  • Cyflymu’r dysgu;
  • Cynradd – enghreifftiau o ddilyniannau dysgu, adolygiadau tystiolaeth a strategaethau addysgu a dysgu;
  • Cyflymu’r dysgu yn y Sector Uwchradd;
  • Pecyn Gwaith Llythrennedd;
  • Cynnig Llythrennedd wedi’i Dargedu;
  • TGAU Saesneg Iaith – Casgliadau, Cyflymu;
  • Mathemateg GwE;
  • Effaith

 

Gan ymateb i sylw gan y Cynghorydd Ian Smith, cytunwyd bod copi print mwy o’r model sgiliau carlam, a ddangoswyd fel rhan o’r cyflwyniad, yn cael ei ddosbarthu i’r Pwyllgor ar ôl y cyfarfod.

 

            Diolchodd Mr David Hytch i swyddogion am yr adroddiad a’r cyflwyniad, roedd yn teimlo eu bod yn llawn gwybodaeth a soniodd am gydlynu a chydweithredu cadarnhaol rhwng yr awdurdod lleol, ysgolion a GwE. Soniodd am yr ymatebion i arolygon unigol, fel a ddangoswyd yn yr atodiad i’r adroddiad, a holodd a oedd hyn yn ymwneud â Chymru gyfan yn hytrach na dim ond Sir y Fflint, ac awgrymodd y dylid amlygu yn yr adroddiad fod lles disgyblion a staff o’r flaenoriaeth uchaf. Soniodd hefyd am y straen enfawr roedd ysgolion yn ei deimlo o ran sicrhau’r cydbwysedd cywir rhwng gwelliant ysgol a blaenoriaethu lles staff a dysgwyr, fel a nodwyd yn yr adroddiad, ac er ei fod yn croesawu’r ffaith fod ymgynghorwyr yn ceisio gwirio ansawdd dysgu, dan yr amgylchiadau, roedd yn gobeithio y byddai’r pwysau sydd ar ysgolion yn cael ei ystyried. Dywedodd y Prif Swyddog nad eu bwriad oedd rhoi pwysau ychwanegol ar ysgolion, ond roedd gan yr awdurdod lleol gyfrifoldeb dros safonau mewn ysgolion ac roeddent yn ymgysylltu’n rheolaidd gydag Estyn. Rhoddodd sicrwydd i Aelodau nad oedd pwysau ychwanegol yn cael ei roi ar ysgolion, roedd yn achos o fonitro’r sefyllfa ac addasu cefnogaeth yn unol â hynny.  

 

            Eglurodd Mr. Froggett nad oedd yn bosibl cynnal y safon arferol o ran sicrhau ansawdd a chadarnhaodd fod y canolbwynt ar gefnogi ysgolion yn ystod amser anodd, gyda’r flaenoriaeth ar les. Roedd trafodaethau wedi’u cynnal gyda Phenaethiaid a rôl GwE oedd lliniaru eu pryderon a’u cefnogi trwy’r argyfwng. Roedd Mr. Edwards yn cefnogi’r sylwadau a rhoddodd enghreifftiau o sesiynau byw a ddarparwyd ar gais ysgolion.     

 

            Gan ymateb i gwestiwn gan Mrs Bartlett, amlinellodd y Prif Swyddog bwysigrwydd darparu cefnogaeth i rieni a dywedodd fod GwE wedi bod yn rhagweithiol o ran y mater hwn wrth roi cyngor i ysgolion o ran sut ddylai cynnig dysgu cyfunol effeithiol edrych.  Roedd dogfen wedi’i darparu i ysgolion a oedd yn darparu canllaw o ran cyfathrebu â rhieni i ddarparu sicrwydd. Soniodd Mrs. Gaynor Murphy am fideos a ddarparwyd i ysgolion eu rhannu gyda rhieni i’w cynorthwyo i gefnogi eu plant gyda llythrennedd sylfaenol. Diolchodd Mrs. Bartlett i swyddogion am eu hymateb a soniodd am ei phrofiad personol ei hun a’r ffordd gadarnhaol roedd ysgolion wedi addasu yn ystod y sefyllfa argyfwng, ond mynegodd bryderon am les athrawon a rhieni.

 

            Soniodd y Cynghorydd Dave Mackie am gefnogaeth llythrennedd a rhifedd a gofynnodd a oedd hyn yn ychwanegol at gefnogaeth bresennol. Soniodd hefyd am ddysgu carlam a gofynnodd a oedd hyn yn golygu bod tasgau’n cael eu cwblhau mewn cyfnod byrrach, ac a oedd yn gwella argaeledd deunyddiau. Atebodd Mrs. Lees fod y Rhaglen Dysgu Carlam yn rhoi adnoddau i ysgolion fesur lle roedd disgyblion o ran eu dysgu ar-lein er mwyn cynorthwyo pan fyddent yn dychwelyd i ddysgu wyneb i wyneb mewn ysgolion. Roedd y Rhaglen yn cryfhau sgiliau llythrennedd a rhifedd a darparu cefnogaeth i helpu’r disgyblion i ddangos cynnydd.

 

            Diolchodd y Cadeirydd i GwE am y ffordd yr oeddent wedi ymateb i’r sefyllfa argyfwng ac am y pecynnau cefnogaeth a ddarparwyd i ysgolion a rhieni, a oedd wedi’u hategu gan les myfyrwyr. Rhoddodd sylwadau am yr her i GwE o ran cysylltu ag ysgolion i greu graddau ar gyfer TGAU a Lefel A, a gofynnodd a fyddai angen sefyll y profion darllen a rhifedd cenedlaethol o hyd. Ymatebodd y Prif Swyddog trwy ddweud bod heriau sylweddol o’n blaenau, a dyma pam roedd cydweithio mewn ysgolion yn allweddol o ran nodi ffynonellau tystiolaeth i seilio’r farn honno arnynt a chaiff hyn ei rannu gyda disgyblion a rhieni. Byddai’r wybodaeth hon yn dryloyw iawn, a byddai dysgwyr yn ymwybodol o’r dyddiad pan oedd rhaid cyflwyno’r asesiadau terfynol.Roedd Cymwysterau Cymru yn gweithio i ddarparu canllawiau ar hyn. Roedd yn her sylweddol i ysgolion a byddai GwE yn darparu cefnogaeth strwythuredig ond yr ysgolion fyddai’n gwneud y penderfyniadau hyn, nid GwE. Cadarnhaodd Mrs. Lees fod Asesiadau Personol Cenedlaethol ar gyfer Darllen a Rhifedd Llywodraeth Cymru yn dal i fod yn fyw, ac roedd ysgolion yn gallu cael mynediad i gyfrif pob plentyn, ond nid oedd gofyniad i ysgolion gynnal y profion hyn yn ystod y sefyllfa bresennol. Cadarnhaodd y Prif Swyddog fod y canllawiau hyn wedi’u dosbarthu trwy’r Ffederasiwn Penaethiaid a chadarnhaodd Mr. Edwards hefyd fod pob ysgol wedi cael gwybod y gallent ddefnyddio’r profion hyn at ddibenion diagnostig, fel bo’n briodol.  

 

            Soniodd y Cynghorydd Mackie am yr amryw ddewisiadau hyfforddiant sydd ar gael i athrawon trwy GwE ac awgrymodd y gallai gwybodaeth gael ei chynnwys yn adroddiadau’r dyfodol am faint o athrawon oedd wedi cymryd rhan yn y sesiynau hyfforddiant, eu hadborth am y sesiynau hyfforddiant, a faint o sesiynau hyfforddiant oedd wedi’u cynnal. Soniodd hefyd am ddisgyblion nad oeddent yn ymgysylltu a gofynnodd pa gefnogaeth ychwanegol oedd yn cael ei darparu i gynorthwyo disgyblion i ail-ymgysylltu a sut, pa gefnogaeth fyddai’n cael ei darparu i atal y disgyblion hyn rhag bod gormod ar ei hôl hi pan fyddant yn dychwelyd i ddysgu wyneb i wyneb mewn ysgolion. Cyfeiriodd y Prif Swyddog at y Cynnig Dysgu Proffesiynol a oedd wedi’i ddarparu fel rhan o’r adroddiad, a oedd yn galluogi’r Pwyllgor i weld amrywiaeth a dyfnder cyrsiau dysgu proffesiynol a oedd yn cael eu cynnig i ysgolion.  Soniodd Mr. Froggett am y nifer o gyfleoedd hyfforddiant sydd ar gael a’r Rhaglenni Cenedlaethol fel MPQH ac arweinyddiaeth ganol, a oedd wedi ailddechrau’n ddiweddar, gyda nifer fawr o bobl yn cofrestru yn Sir y Fflint. Dywedodd y Prif Swyddog y byddai ysgolion yn ymgysylltu â pha bynnag agwedd ar gefnogaeth roeddent yn teimlo oedd ei hangen arnynt ac eglurodd fod y cynnig dros y we hefyd yn golygu bod yr hyfforddiant yn fwy hygyrch a’i bod i fyny i ysgolion drafod â’r Ymgynghorwyr Cefnogi Gwelliant i ymgysylltu ag unrhyw raglenni roeddent yn teimlo bod eu hangen arnynt.

 

            Rhoddodd Arweinydd y Cyngor sylwadau am yr amrywiaeth o dechnegau oedd yn cael eu defnyddio gan athrawon i ymgysylltu â phobl ifanc yn ystod y sefyllfa argyfwng a dywedodd y byddai angen gweithgareddau chwarae strwythuredig er mwyn caniatáu i ddisgyblion ddatblygu’n academaidd a chymdeithasol. Mynegodd bwyll o ran y disgwyliadau sy’n cael eu rhoi ar bobl ifanc, yn enwedig plant iau a fyddai angen addasu i strwythur yr ysgol unwaith eto, a dywedodd fod angen asesu pob person ifanc er mwyn canfod eu hanghenion.  Roedd wedi ysgrifennu at y Gweinidog Addysg fel Llefarydd Addysg CLlLC, i ofyn am adnoddau ychwanegol i fodloni cost cefnogaeth ychwanegol ofynnol. 

            Canmolodd Mrs. Wendy White y pecynnau hyfforddiant a ddarperir yn Sir y Fflint a darparodd wybodaeth am hyfforddiant a datblygu arweinwyr a oedd yn cael ei ddarparu mewn Ysgolion Catholig, a bod hyn ar gael i unrhyw athro neu aelod staff cyswllt.  Roedd y rhaglen hon yn bodoli ar draws esgobaeth y gogledd orllewin ac roedd ar gael ar-lein, gyda chanolbwynt ar ddatblygu pobl sy’n dod i mewn i Ogledd Cymru, yn enwedig o ran rheoli talent, er mwyn amlygu beth oedd gan Gymru i’w gynnig yn eu hysgolion gwych. Roedd hyn yn gweithio mewn undod â Sir y Fflint.

 

            Siaradodd Mrs Bartlett i gefnogi’r sylwadau a wnaeth Arweinydd y Cyngor, a dywedodd ei bod yn falch iawn bod y canolbwynt yng Nghymru wedi bod ar les a pheidio â gadael i’r plant hyn feddwl eu bod wedi methu. Roedd yn teimlo y dylid llongyfarch disgyblion am sut roeddent wedi datblygu ffyrdd newydd o ddifyrru eu hunain, cefnogi eu teuluoedd, datblygu diddordebau newydd a datblygu eu sgiliau TG yn ystod y pandemig hwn.  

 

Cafodd yr argymhellion a amlinellir yn yr adroddiad, gan gynnwys y geiriad ychwanegol sy’n nodi bod y Pwyllgor yn cymeradwyo’r amrywiaeth o gefnogaeth a ddarperir gan GwE, fel a awgrymodd y Cadeirydd, eu cynnig gan y Cynghorydd Paul Cunningham a’u heilio gan Mrs Lynne Bartlett.               

 

PENDERFYNWYD:

 

(a)     Bod y Pwyllgor yn cadarnhau ei fod wedi gallu craffu’n effeithiol ar waith GwE o ran eu modd o ddarparu gwasanaethau gwella ysgol i ysgolion Sir y Fflint yn ystod pandemig Covid-19;

 

(b)     Bod y Pwyllgor yn cydnabod a chymeradwyo’r amrywiaeth helaeth o gefnogaeth a ddarperir gan GwE i alluogi ysgolion i newid eu modelau darpariaeth addysgol yn gyflym ac effeithiol i ymateb yn uniongyrchol i bandemig Covid-19; ac

 

(c)     Bod y Pwyllgor yn cydnabod y gwaith partneriaeth effeithiol rhwng GwE a’r Portffolio Addysg i sicrhau bod ysgolion Sir y Fflint yn cael cefnogaeth amserol o ansawdd uchel mewn cyfnod digynsail o ran newid a phryder.

 


28/01/2021 - Schools Covid Lessons Learned & Risk Assessments ref: 8602    Recommendations Approved

To consider the lessons learnt by Schools during the emergency situation and the risk assessments being completed.

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

Cyflwynodd y Prif Swyddog yr adroddiad a diolchodd i’r Ymgynghorydd Iechyd a Diogelwch Corfforaethol a’r Tîm Iechyd a Diogelwch am y gefnogaeth a ddarparwyd i ysgolion yn ystod y sefyllfa argyfwng. Amlinellodd y newidiadau a oedd wedi’u cyflwyno o ran asesiadau risg a rhoddodd sicrwydd i Aelodau fod ysgolion yn gweithio’n ddiogel ac yn monitro’r sefyllfa’n barhaus. 

 

            Adroddodd yr Ymgynghorydd Iechyd a Diogelwch Corfforaethol am y cyngor a chymorth a ddarparwyd i Ysgolion a dywedodd bod pob asesiad risg ysgol wedi’i adolygu ddwywaith a bod adborth ac argymhellion clir wedi’u darparu lle bo angen.  Yn dilyn yr adolygiad o asesiadau risg ysgolion ar ddiwedd tymor yr hydref, roedd y Tîm Iechyd a Diogelwch wedi cynhyrchu adroddiad a oedd yn crynhoi’r gwersi allweddol a ddysgwyd.  Roedd hyn wedi’i rannu gyda phob ysgol i sicrhau gwelliant parhaus o’r broses asesu risg. Roedd manylion am y gwersi a ddysgwyd wedi’u hamlinellu yn Atodiad 1 yr adroddiad.

 

            Diolchodd Mr. David Hytch i’r Ymgynghorydd Iechyd a Diogelwch Corfforaethol am y gefnogaeth a ddarparwyd i ysgolion yn ystod y sefyllfa argyfwng. Soniodd am y ddogfen gwersi a ddysgwyd yn Atodiad 1 a gofynnodd a oedd yn briodol i lywodraethwyr ysgol gynnal archwiliadau diogelwch o eiddo ysgol a mynegodd bryderon am y risgiau iddynt. Cytunodd yr Ymgynghorydd Iechyd a Diogelwch Corfforaethol fod hyn yn anodd ar hyn o bryd a bod y Tîm Iechyd a Diogelwch yn cyfyngu ar nifer eu harchwiliadau ar hyn o bryd hefyd. Er ei bod yn anodd cynnal archwiliadau ffisegol, gallai llywodraethwyr adolygu dogfennau a chynnal trafodaethau gyda staff yn lle hynny, er mwyn canfod a oedd pethau’n gweithio ai peidio.  Eglurodd y Prif Swyddog fod hwn yn argymhelliad nid cyfarwyddeb, a byddai’n digwydd dim ond os oedd yr unigolyn yn fodlon ymweld ag eiddo’r ysgol a’i bod yn ddiogel gwneud hynny. 

 

Cynigiodd y Cynghorydd Paul Cunningham yr argymhellion a amlinellwyd yn yr adroddiad ac fe’u heiliwyd gan y Cynghorydd Gladys Healey.             

 

PENDERFYNWYD:

 

(a)     Bod y Pwyllgor yn croesawu’r sicrwydd a ddarparwyd bod gan ysgolion asesiadau risg cadarn ar waith a mesurau rheoli effeithiol er mwyn cynnal amgylchedd ysgol diogel; a

 

(b)     Bod y Pwyllgor yn cydnabod gwaith y Tîm Iechyd a Diogelwch Corfforaethol o ran cefnogi ysgolion yn ystod y pandemig a nodi’r gwersi a ddysgwyd hyd yma.


28/01/2021 - Cofnodion ref: 8597    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

Derbyniwyd cofnodion y cyfarfod a gynhaliwyd ar 17 Rhagfyr 2020.

 

Cynigodd y Cynghorydd Bob Connah y dylid cymeradwyo’r cofnodion fel rhai cywir ac y dylai’r Cadeirydd eu llofnodi.Gwnaeth Joe Johnson eilio’r cynnig.            

 

PENDERFYNWYD:

 

Cymeradwyo’r cofnodion fel rhai cywir a bod y Cadeirydd yn eu llofnodi.


28/01/2021 - Datgan Cysylltiad (gan gynnwys Datganiadau Chwipio) ref: 8601    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

            Datganodd y Cadeirydd, y Cynghorydd Gladys Healey a’r Cynghorydd Tudor Jones gysylltiad personol ag eitem rhif 6 ar y rhaglen – Y Wybodaeth Ddiweddaraf am Foderneiddio Ysgolion.

 


28/01/2021 - Y Diweddaraf am Foderneiddio Ysgolion ref: 8600    Recommendations Approved

To provide Members with an update on the School Modernisation Programme

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

            Cyflwynodd yr Uwch Reolwr (Cynllunio a Darpariaeth Ysgolion) yr adroddiad a oedd yn amlinellu cynnydd y Rhaglen Moderneiddio Ysgolion ar draws nifer eang o brosiectau. Er bod heriau sylweddol wedi bod o ganlyniad i’r sefyllfa argyfwng, roedd y Tîm Moderneiddio Ysgolion wedi gwneud cynnydd sylweddol o ran y Rhaglen ac roeddent wedi cynnal a darparu o fewn terfynau amser a ragwelwyd, trwy addasu dulliau gweithio.

 

            Rhoddodd yr Uwch Reolwr y wybodaeth ddiweddaraf am brosiectau penodol yn y Rhaglen, fel a amlinellir yn yr adroddiad. 

 

            Soniodd y Cynghorydd Tudor Jones am y cynnig i sefydlu ffederasiwn rhwng ysgol gynradd wirfoddol a gynorthwyir, Ysgol yr Esgob ac ysgol gynradd wirfoddol a gynorthwyir, Ysgol Licswm, a dywedodd fod y cydweithredu rhwng y ddwy ysgol wedi bod yn gadarnhaol iawn. Soniodd hefyd am y cynnig gofal plant yn y ddwy ysgol a diolchodd i’r Uwch Reolwr am ei gefnogaeth o ran sicrhau bod hyn wedi’i gynnwys fel rhan o’r prosiect.

 

Gofynnodd y Cynghorydd Dave Mackie a fyddai prosiectau ychwanegol yn cael eu hystyried ar ôl cwblhau Band A a B o’r Rhaglen, a gofynnodd hefyd a ellid darparu’r wybodaeth ddiweddaraf am yr Ysgol Uwchradd yn Saltney. Gofynnodd hefyd a ellid darparu eglurhad i’r Pwyllgor o ran cyllid MIM. Eglurodd yr Uwch Reolwr fod MIM yn fodel newydd o’r Bartneriaeth Cyhoeddus-Preifat a bod WEPCo yn is-gwmni Banc Datblygu Cymru a’i fod mewn partneriaeth gyda Llywodraeth Cymru (LlC) hefyd.  Y gyfradd ymyrraeth ganrannol drosfwaol roedd yr awdurdod yn ei chael o hyn oedd 81%. Cadarnhaodd fod hwn yn fodel gwell na’r model traddodiadol lle roedd ysgolion yn cael eu hadeiladu gyda llawer o arian, ac wedyn nid oedd digon o arian i gynnal yr adeiladau.  Roedd y model hwn yn darparu cylch oes 25 mlynedd i’r adeilad, felly pan fyddai’r adeilad yn cael ei drosglwyddo’n ôl i’r awdurdod lleol, roedd mewn cyflwr gwych heb unrhyw broblemau cynnal a chadw.  Dywedodd hefyd y byddai Rhaglen Band C yn dechrau yn 2025, ac roedd gwaith cynllunio wedi dechrau eisoes. 

 

Dywedodd y Prif Swyddog fod gwaith yn mynd rhagddo ar baratoi ar gyfer ymgynghori ar gynigion ar gyfer yr Ysgol Uwchradd yn Saltney, a oedd wedi bod yn anodd oherwydd y sefyllfa argyfwng. Roedd awgrymiadau’n cael eu hystyried o ran darparu’r ddogfen ymgynghori’n electronig i sicrhau lefel uchel o ymgysylltiad. Rhoddodd sicrwydd i Aelodau fod y prosiect hwn yn dal i fod yn flaenoriaeth uchel. 

 

Gan ymateb i sylwadau a wnaed gan y Cynghorydd Patrick Heesom, dywedodd Arweinydd y Cyngor fod yr awdurdod lleol wedi buddsoddi’n sylweddol mewn ysgolion yng ngorllewin Sir y Fflint, a rhoddodd amlinelliad o brosiectau diweddar.

 

Diolchodd Mrs. Wendy White i’r Uwch Reolwr a’i Dîm am ei gefnogaeth. Soniodd am yr angen i ysgolion Catholig ddarparu cyllid 15% fel rhan o brosiect a mynegodd bryderon nad oedd hyn yn bosibl i ysgolion bach. Dywedodd fod Llywodraeth Cymru (LlC) yn cael eu lobïo ar hyn o bryd i ailystyried hyn wrth symud ymlaen er mwyn sicrhau nad oedd ysgolion wedi’u gadael allan oherwydd y diffyg cyllid.   

 

Cynigiodd y Cynghorydd Janet Axworthy yr argymhelliad a amlinellwyd yn yr adroddiad ac fe’i eiliwyd gan y Cynghorydd Gladys Healey.        

 

PENDERFYNWYD:

 

Bod y Pwyllgor yn nodi cynnwys yr adroddiad a chynnydd y Rhaglen Moderneiddio Ysgolion.

 


28/01/2021 - Council Plan 2020/21 ref: 8603    Recommendations Approved

To consider the proposed Council Plan for 2020/21 with specific focus on the Committee’s respective portfolio(s).

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

 Cyflwynodd y Prif Swyddog (Addysg ac Ieuenctid) adroddiad i ystyried Cynllun arfaethedig y Cyngor ar gyfer 2021/22 gan ganolbwyntio’n bennaf ar bortffolio priodol y Pwyllgor.  Darparodd wybodaeth gefndir a rhoddodd grynodeb byr o’r Cynllun, gyda chanolbwynt penodol ar:-

 

·         Cwricwlwm Cymru newydd;

·         Gwaith parhaus i godi safonau a chyflawniad i bobl ifanc;

·         Darpariaeth y Gwasanaeth Ieuenctid;

·         Gwasanaeth Hamdden a Llyfrgelloedd Aura;

·         Prosiect Archifau;

·         Anghenion Dysgu Ychwanegol; a

·         Strategaeth Cyfrwng Cymraeg

 

Gwahoddodd y Prif Swyddog yr Ymgynghorydd Perfformiad Strategol i amlinellu cynnwys y cynllun drafft a’r broses ar gyfer datblygu pellach. Dywedodd yr Ymgynghorydd Perfformiad Strategol wrth y Pwyllgor fod nifer o elfennau yn y cynllun wedi’u hadolygu. Rhoddodd wybodaeth am y gwaith partneriaeth ar draws portffolios a dywedodd y byddai hyn yn cael ei rannu gyda phob Pwyllgor Trosolwg a Chraffu er mwyn cael eu hadborth. Yna byddai’r cynllun drafft terfynol gan gynnwys adborth gan y Pwyllgor Trosolwg a Chraffu yn cael ei gyflwyno i’r Pwyllgor Trosolwg a Chraffu Adnoddau Corfforaethol, y Cabinet a’r Cyngor. Ychwanegodd, o ran monitro’r Cynllun, y nod oedd gallu dangos effaith fel awdurdod mewn modd strategol, a bod y Cynllun yn uchelgeisiol ond yn realistig gan ystyried yr amgylchiadau presennol. 

 

Gan ymateb i gwestiwn gan y Cynghorydd Patrick Heesom, dywedodd y Prif Swyddog fod y ddogfen cais crynodeb ar gyfer y Prosiect Archifau yn gyfrinachol a thynnodd ei sylw at nifer o adroddiadau a oedd wedi’u cyflwyno i’r Cabinet ac a oedd ar gael i’w gweld.  

 

Rhoddodd Mr. David Hytch longyfarchiadau i’r awdurdod lleol am Gynllun y Cyngor uchelgeisiol a chymeradwyodd y sylwadau a wnaed gan y Prif Swyddog. Rhoddodd sylwadau am elfen ‘Cyngor Gwyrdd’ y Cynllun a dywedodd fod 97% o ddolydd blodau gwyllt wedi’u colli’n genedlaethol. Dywedodd fod y Swyddog Bioamrywiaeth yn ymwybodol o ymgyrch genedlaethol i gynnal amrywiaeth fotanegol a gofynnol a fyddai cynnwys rheoli creadigol o ran ymylon ochr ffyrdd er mwyn cynyddu amrywiaeth fotanegol, yn yr ardal flaenoriaeth hon, yn ddefnyddiol o ran cynyddu uchelgeisiau’r Swyddog Bioamrywiaeth.

 

Croesawodd y Cadeirydd y ddogfen gadarnhaol ac awgrymodd fod Cynghorwyr yn cael eu hannog i amlygu rhannau o Gynllun y Cyngor yn eu newyddlenni lleol i breswylwyr Sir y Fflint.  Awgrymodd fod lles holl staff y Cyngor yn cael ei amlygu fel amcan, gyda nodau wedi’u gosod o ran beth hoffai’r Cyngor ei gyflawni. Rhoddodd sylwadau hefyd am yr heriau i gymunedau gwledig a dywedodd yr hoffai weld pwyslais cryfach ar sut roedd y Cyngor yn mynd i’r afael â’r heriau roedd cymunedau gwledig yn eu hwynebu. 

 

Eglurodd y Prif Swyddog fod llawer iawn o waith wedi’i wneud i sicrhau lles staff a bod hon yn broses fewnol, tra roedd Cynllun y Cyngor yn ddogfen allanol i gyflwyno blaenoriaethau’r Cyngor i holl breswylwyr Sir y Fflint. Cytunodd Swyddogion i adrodd yn ôl o ran y sylwadau ac amlygu meysydd yng Nghynllun y Cyngor lle byddai blaenoriaethau’n cynorthwyo cymunedau gwledig.             

 

Cynigiodd y Cynghorydd Janet Axworthy yr argymhelliad a amlinellwyd yn yr adroddiad ac fe’i eiliwyd gan y Cynghorydd Tudor Jones. 

              

PENDERFYNWYD:

 

Bod y Pwyllgor yn nodi themâu a ddatblygwyd o Gynllun y Cyngor 2021/22 cyn cymeradwyaeth gan y Cabinet.

 

 


28/01/2021 - Forward Work Programme and Action Tracking ref: 8598    Recommendations Approved

To consider the Forward Work Programme of the Education Youth & Culture Overview & Scrutiny Committee and to inform the Committee of progress against actions from previous meetings.

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 28/01/2021 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 07/06/2021

Yn effeithiol o: 28/01/2021

Penderfyniad:

Cyflwynodd yr Hwylusydd Trosolwg a Chraffu’r Rhaglen Gwaith i'r Dyfodol ddrafft a dywedodd y byddai adborth ffurfiol gan Estyn am Ddysgu Cyfunol yn cael ei gynnwys fel rhan o adroddiad hunanwerthuso’r Gwasanaethau Addysg, i gael ei gyflwyno yn y cyfarfod nesaf. Tynnodd sylw’r Aelodau at adroddiadau a fyddai’n cael eu cyflwyno i gyfarfod ar y cyd o’r Pwyllgor Trosolwg a Chraffu Addysg, Ieuenctid a Diwylliant, a Gofal Cymdeithasol ac Iechyd ar 17 Mehefin, a dywedodd fod adroddiad ar Asesu Dwys a Chefnogaeth Therapiwtig, fel a awgrymwyd gan y Cynghorydd Mackie, wedi’i ychwanegu. 

 

O ran olrhain camau gweithredu, roedd mwyafrif y camau gweithredu wedi’u cwblhau, gyda gwybodaeth gan TG am gyllid gan Lywodraeth Cymru (LlC) ar gyfer dysgu digidol, yn aros i gael ei darparu i’r Pwyllgor.

 

            Diolchodd Mr David Hytch i’r Prif Swyddog (Addysg ac Ieuenctid) am y wybodaeth a ddosbarthwyd am Ddysgu Oedolion yn y Gymuned, ond eglurodd fod ei gwestiwn penodol yn ystod y cyfarfod diwethaf wedi bod o ran sut byddai cleientiaid posibl yn cael eu nodi.  Dywedodd y Prif Swyddog y byddai cyrsiau’n cael eu hysbysebu’n ehangach oherwydd cynnydd o ran cyllid a gweithio mewn partneriaeth â Chyngor Wrecsam ac Ymddiriedolaeth Gymunedol Glannau Dyfrdwy, gydag amrywiaeth helaeth o raglenni ar gael i bawb dros 19 oed.  Byddai cyrsiau’n cael eu hysbysebu i ddysgwyr wneud cais amdanynt, ond hefyd gallai partneriaid cymunedol gyfeirio neu atgyfeirio – fel Coleg Cambria a Chymunedau am Waith, a oedd yn cael eu cynrychioli ar y bartneriaeth.

 

Cynigiodd y Cynghorydd Paul Cunningham yr argymhellion a amlinellwyd yn yr adroddiad ac fe’u heiliwyd gan y Cynghorydd Gladys Healey. 

 

PENDERFYNWYD:

 

(a)     Nodi’r Rhaglen Gwaith i’r Dyfodol;

(b)     Rhoi awdurdod i’r Hwylusydd, wrth ymgynghori gyda Chadeirydd y Pwyllgor, amrywio’r Rhaglen Gwaith i’r Dyfodol rhwng cyfarfodydd, yn ôl yr angen; ac

(c)     Nodi’r cynnydd sydd wedi’i wneud ar y camau gweithredu sydd heb eu cwblhau.


17/12/2020 - Blended Learning ref: 8455    Recommendations Approved

To provide oversight of the work of schools, GwE and the Portfolio to maintain quality educational provision during the pandemic

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

Croesawodd y Cadeirydd Jane Borthwick i’r cyfarfod. Mae hi ar secondiad gyda’r portffolio Addysg i ddarparu cefnogaeth ychwanegol i ymgymryd â rôl Prif Ymgynghorydd Dysgu. Fe groesawodd David Edwards a Martyn Froggett o GwE i’r cyfarfod hefyd.

 

            Cyflwynodd y Prif Swyddog (Addysg ac Ieuenctid) yr adroddiad dysgu cyfunol, gan ddweud bod pandemig Covid-19 wedi cyflymu’r broses o gyflwyno dull dysgu cyfunol yn ysgolion Sir y Fflint. Cafwyd trosolwg yn yr adroddiad o gynnydd dysgu cyfunol, ac yn atodiadau’r adroddiad ceir amlinelliad o arferion da ar draws ysgolion Sir y Fflint.

 

            Roedd y Prif Swyddog yn gwerthfawrogi’n fawr y gefnogaeth a ddarparwyd i staff a dysgwyr gan Wasanaeth Gwella Ysgolion Rhanbarthol (GwE) gan alluogi staff yn yr ysgolion i wella eu sgiliau digidol, eu gwybodaeth o’r ffyrdd gwahanol y gellir cyflwyno dysgu ac amrywiaeth y platfformau dysgu sydd ar gael. Yn yr adroddiad, rhoddwyd trosolwg o sut mae’r dull yma wedi datblygu ers mis Mawrth 2020 a’r hyn sydd wedi cael ei gyflawni. Cyfeiriodd y Prif Swyddog at y buddsoddiad sylweddol o £50 miliwn gan Lywodraeth Cymru (LlC) trwy’r Rhaglen Hwb a’r gefnogaeth a roddwyd i ddysgwyr oedd heb declynnau electronig neu fand eang trwy’r Hwb a’r Cyngor i’w galluogi i gael gafael ar yr hyn sydd ar-lein.

 

            Cafwyd cyflwyniad manwl yn trafod y meysydd canlynol gan David Edwards a Martyn Froggett:       

·         Dysgu Cyfunol

·         Pam canolbwyntio ar Ddysgu Cyfunol r?an?

·         Beth yw Dysgu Cyfunol?

·         Y pedwar egwyddor

·         Yn ymarferol, beth mae Dysgu Cyfunol yn ei olygu?

·         Y camau nesaf

·         Dysgu Cyfunol mewn ysgolion uwchradd

·         Cynllunio ar gyfer dysgu cyfunol

·         Cynnydd hyd yn hyn

 

            Cytunwyd y byddai copi o sleidiau’r cyflwyniad yn cael eu dosbarthu i aelodau’r Pwyllgor ar ôl y cyfarfod. 

 

            Diolchodd y Cadeirydd ac Arweinydd y Cyngor i David Edwards a Martyn Froggett am y gwaith roeddynt wedi’i wneud yn cefnogi ysgolion yn ystod y sefyllfa o argyfwng, ac fe wnaethant longyfarch staff yr ysgolion am eu gwaith caled yn wynebu’r her.

 

            Diolchodd y Cynghorydd Dave Mackie i’r swyddogion am y cyflwyniad a’r adroddiad. Fe soniodd am arolwg Estyn o sut mae ysgolion ac awdurdodau lleol wedi bod yn cefnogi dysgwyr yn ystod y sefyllfa o argyfwng, a gofynnodd bod yr adborth gan Estyn yn cael ei rannu gyda'r Pwyllgor. Fe soniodd hefyd am y pryder am blant nad oedd â mynediad at fand eang neu declynnau digidol a’r effaith negyddol y byddai hyn yn ei gael ar eu haddysg. Cadarnhaodd y Prif Swyddog y byddai’r llythyr adborth ffurfiol am ddysgu cyfunol gan Estyn yn cael ei gyflwyno i’r Pwyllgor yn y flwyddyn newydd.

 

            Gan ymateb i’r pryderon yngl?n â thrafferthion dysgwyr i gael gafael ar wasanaethau addysg, dywedodd y Prif Ymgynghorydd Dysgu bod gwaith yn mynd rhagddo i gynnal asesiad i ganfod y lefelau o fynediad at declynnau a band eang ar gyfer dysgwyr ar draws Sir y Fflint.  Gellir cyflwyno canlyniad yr asesiad yma i’r Pwyllgor yn nes ymlaen, fel rhan o’r adroddiad diweddaru am Raglen Ddigidol Hwb Cymru. Cadarnhaodd y Prif Swyddog bod nifer fawr o declynnau wedi cael eu darparu i ysgolion i’w dosbarthu i ddysgwyr sydd heb fynediad at declynnau digidol gartref. Fe gyfeiriodd at yr adnoddau sydd ar gael trwy Raglen Ddigidol Hwb Cymru a’r cyflenwad o 200 o liniaduron y Cyngor sydd wedi’u hailgylchu a’u dosbarthu i ysgolion. 

 

            Fe ganmolodd Mr David Hytch ymdrech pob aelod staff yn ystod y sefyllfa o argyfwng a diolchodd i GwE am eu harweinyddiaeth a’u cefnogaeth wrth weithredu dysgu ar-lein. Fe soniodd am ymarferoldeb band eang a gofynnodd a oedd ysgolion ar safleoedd cyfagos yn gallu cyflwyno dosbarthiadau ar-lein ar yr un pryd a gofynnodd a fyddai buddsoddiad pellach mewn technoleg yn cynorthwyo i wella band eang mewn ysgolion.  Fe soniodd hefyd am ddisgyblion yn cael eu rhoi mewn ‘swigod’ yn yr ysgol ac am yr anawsterau bod disgyblion yn aros mewn ystafell ddosbarth a’r athrawon yn dod atyn nhw os oedd o’n bwnc lle roedd angen offer arbenigol.  Roedd hi hefyd yn anodd rhoi disgyblion mewn ‘swigod’ yn seiliedig ar eu gallu gan nad oeddynt yn aros yn eu setiau mewn lleoliad ysgol, ond byddent yn cael eu dysgu yn eu hystafell ddosbarth ar-lein a fyddai’n achosi peth dryswch.  

 

            Dywedodd y Prif Swyddog bod Rhaglen Ddigidol Hwb Cymru yn ceisio gwella’r rhwydwaith digidol i bob ysgol a byddai canlyniad yr asesiad i sefydlu lefelau o fynediad at declynnau a band eang i ddysgwyr ar draws Sir y Fflint yn cynorthwyo i adnabod y gwelliannau sydd eu hangen. Byddai’r asesiad yn darparu tystiolaeth i LlC am y galw sydd ei angen yng Nghymru er mwyn dosbarthu adnoddau priodol. Fe soniodd Martyn Froggett am yr heriau i ysgolion wrth sicrhau iechyd a diogelwch disgyblion a dywedodd bod hyn wedi arwain at newid trefniadau lleoliadau gyda disgyblion yn cael eu dysgu mewn dosbarthiadau ble roedd y gallu’n gymysg.  

 

            Gan ymateb i gwestiwn gan y Cynghorydd Paul Cunningham yngl?n â chyfathrebu gydag Undebau Llafur, dywedodd y Prif Swyddog y bu yna ymgysylltu cenedlaethol gyda Llywodraeth Cymru ac na fu unrhyw heriau ar lefel leol. Dywedodd David Edwards mai un o’r prif ystyriaethau wrth weithredu dysgu cyfunol oedd lles staff ysgol ac mai un o’r manteision o’i roi ar waith oedd gwell cyfathrebu, felly nid oedd yn rhagweld y byddai dysgu cyfunol yn diflannu pan fyddai’r sefyllfa o argyfwng yn dod i ben.

 

            Diolchodd y Cynghorydd Gladys Healey i GwE hefyd, ynghyd â holl staff ysgolion a swyddogion y Cyngor am eu gwaith caled yn ystod y sefyllfa o argyfwng. Gofynnodd pa gefnogaeth oedd ar waith ar gyfer plant a oedd angen cefnogaeth ychwanegol os mai iaith heblaw Saesneg oedd eu hiaith gyntaf, os oedd ganddynt dyslecsia neu os nad oeddynt yn hyderus yn defnyddio teclynnau digidol.  Fe soniodd y Prif Swyddog am y gefnogaeth ychwanegol oedd yn cael ei ddarparu gan y Tîm Cynhwysiant a rhoddodd eglurhad o’r ffordd y cafodd gwersi eu cynllunio, a darparu cefnogaeth i blant oedd ei angen. Cadarnhaodd y Prif Ymgynghorydd Dysgu bod gan ddisgyblion sydd ag anghenion dysgu ychwanegol gynllun unigol, neu byddai’n ffurfio rhan o gynllun mwy o fewn yr ysgol.Byddai’r disgyblon yma’n cael eu rhannu mewn i dimau ac yn cael gwaith gwahanol gyda chefnogaeth cynorthwywyr addysgu a staff cymorth.

 

            Gan ymateb i gwestiwn gan Mrs. Lynn Bartlett yngl?n â phryder, dywedodd y Prif Swyddog bod y Tîm Cynhwysiant yn darparu cyngor ac arweiniad i ysgolion i ddelio â phryder cynyddol yn sgil y sefyllfa o argyfwng. Fe amlinellodd hi hefyd waith y Tîm Cwnsela Ysgolion sydd yn gweithio ym mhob ysgol i ddarparu cefnogaeth lle mae achosion wedi cael eu nodi.   

 

            Gofynnodd Mrs Bartlett gwestiwn am les disgyblion gan ddweud ein bod yn addysgu plant yn gyson am hylendid ar hyn o bryd, ac roedd ganddi bryderon bod rhai o’r plant yn dod yn or-wyliadwrus am faterion hylendid a gofynnodd a oedd hyn yn cael ei ystyried wrth symud ymlaen ac a ydi ysgolion yn derbyn cyngor er mwyn ymdopi pan fydd hyn yn troi’n bryder.  Wrth ymateb dywedodd y Prif Swyddog bod y ffordd y mae’n rhaid i ni fyw â’r straen rydym i’n ymdopi ag o yn mynd i amlygu ei hun mewn rhyw ffordd, ond nid oedd hi’n ymwybodol o hyn. Roedd y Tîm Cynhwysiant wedi rhoi cyngor ac arweiniad i ysgolion ac yn teimlo y byddai Penaethiaid yn gofyn i’r Tîm os oedd ganddynt bryderon am hyn, ond cytunwyd i atgyfeirio hyn at y Tîm Cwnsela Ysgolion sydd yn gweithio ym mhob ysgol er mwyn sicrhau bod Penaethiaid yn gallu adnabod y materion hyn a byddent yn galw ar y Tîm am gefnogaeth.

 

Gan ymateb i gwestiwn gan y Cynghorydd Ian Smith yngl?n â sut mae’r £50 miliwn o gyllid trwy Raglen Ddigidol Hwb yn cael ei rannu rhwng awdurdodau lleol a faint roedd yn ei olygu i bob disgybl, cytunodd y Prif Swyddog i roi trosolwg gan y tîm TG, sydd yn arwain ar hyn, i’r Pwyllgor.

 

Diolchodd Mrs. Rebecca Stark i’r swyddogion am yr adroddiad. Fe soniodd am y gefnogaeth sy’n cael ei ddarparu i blant sydd ag anghenion dysgu ychwanegol a chanmolodd y modd y mae ysgolion wedi addasu ac ymgysylltu gyda’r plant. Mynegodd bryder am ddisgyblion sy’n symud o flwyddyn 6 i flwyddyn 7, ac am yr anawsterau wrth ymgysylltu â grwpiau sydd â gallu is, gydag anghyfartaledd rhwng dysgwyr dan anfantais, a gofynnodd a oedd hi’n bosibl i fonitro’r plant yma i sicrhau nad oeddynt yn disgyn ar ei hôl hi gyda’u dysgu ac asesu’r effaith roedd y sefyllfa o argyfwng wedi’i gael ar ddisgyblion. Fe awgrymodd y gellir adrodd yn ôl i’r Pwyllgor am hyn yn y dyfodol. Dywedodd y Prif Swyddog bod sicrhau nad yw plant yn disgyn ar ei hôl hi wedi cael ei gydnabod gan Lywodraeth Cymru a oedd wedi clustnodi swm sylweddol o gyllid a oedd wedi’i ddirprwyo i ysgolion i’w galluogi i recriwtio staff cymorth ychwanegol ac i ddarparu rhaglenni adferiad i ddysgwyr. Byddai cydweithwyr o GwE yn goruchwylio’r cynlluniau adferiad.         

 

Awgrymodd Mr Hytch bod diolch y Pwyllgor yn cael ei basio i’r holl Benaethiaid a Staff Cymorth Ysgolion am eu gwaith caled ac ymroddiad yn ystod y sefyllfa o argyfwng er mwyn i’r dysgwyr allu elwa.  Cefnogwyd hyn gan y Pwyllgor. 

 

Cynigiodd y Cynghorydd Paul Cunningham yr argymhellion a amlinellwyd yn yr adroddiad ac fe’u heiliwyd gan y Cynghorydd Bob Connah.

 

PENDERFYNWYD:

 

 (a)   Bod y Pwyllgor yn cydnabod y berthynas weithio gref rhwng ysgolion Sir y Fflint a GwE sydd wedi sefydlu dulliau llwyddiannus i ddysgu cyfunol i elwa dysgwyr yn ystod y pandemig;

 

 (b)   Bod y Pwyllgor yn cael sicrwydd o ansawdd dysgu cyfunol yn ysgolion Sir y Fflint hyd yn hyn ac yn nodi effaith cadarnhaol datblygiad proffesiynol gweithlu’r ysgolion i fodloni’r dull newydd yma tuag at addysgu a dysgu ac yn canmol aelodau’r gweithlu i fodloni’r heriau;

 

 (c)   Bod y Pwyllgor yn croesawu’r buddsoddiad sylweddol gan Lywodraeth Cymru yn isadeiledd digidol ysgolion, ond yn cydnabod bod hyn yn faes o alw cynyddol cyson er mwyn sicrhau y gellir cyflwyno dysgu cyfunol yn effeithiol wrth symud ymlaen; a

 

 (ch)Bod y Cadeirydd yn ysgrifennu at ysgolion ar ran y Pwyllgor i ddiolch iddynt am eu gwaith a’u hymroddiad trwy gydol y sefyllfa o argyfwng er mwyn i ddysgwyr allu elwa.

 


17/12/2020 - Adult Community Learning ref: 8456    Recommendations Approved

To consider the new approach to delivery of our statutory responsibilities for Adult Community Learning

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

            Cyflwynodd y Prif Swyddog (Addysg ac Ieuenctid) adroddiad i roi trosolwg i’r Pwyllgor o sut roedd cyllid ar gyfer Dysgu Oedolion yn y Gymuned yn newid yn Sir y Fflint. Roedd yr adroddiad hefyd yn ceisio cymeradwyaeth i fwrw ymlaen â ffurfio Partneriaeth Dysgu Oedolion yn y Gymuned ar y cyd rhwng Sir y Fflint a Wrecsam a fyddai'n goruchwylio ac yn rheoli Dysgu Oedolion yn y Gymuned ar draws ardal y ddau Gyngor.

 

            Roedd Cyngor Sir y Fflint yn gyfrifol am oruchwylio Dysgu Oedolion yn y Gymuned yn Sir y Fflint ac am weinyddu’r Grant Dysgu Cymunedol ac am sicrhau bod partneriaid yn cydweithio’n effeithiol i gyflwyno darpariaeth o ansawdd uchel i ddysgwyr.  Roedd angen Cynllun Cyflawni ar gyfer y canllawiau newydd i gyflwyno darpariaeth Dysgu Oedolion yn y Gymuned ar gyfer 2020/21 ymlaen, oedd yn amlinellu’r holl arian Grant Dysgu Cymunedol o 1 Medi 2020. Roedd Llywodraeth Cymru wedi gweithio gyda Chynghorau yn ystod y cyfnod pontio, gan ystyried cyflwyno’r model cyllid newydd a’r heriau sylweddol y mae’r sefyllfa o argyfwng wedi’u cyflwyno.

 

            Dywedodd y Prif Swyddog bod Cynghorau Sir y Fflint a Wrecsam wedi gweithredu partneriaethau gwahanol yn sgil y gwahaniaeth sylweddol yn y dyraniadau cyllid o Grant Dysgu Cymunedol Llywodraeth Cymru. Byddai’r newidiadau i gyllid yn rhoi cyfle i gyfuno’r ddwy bartneriaeth, a oedd ar y cyfan, yn cynnwys yr un partneriaid cyflawni. Y cynigion oedd ffurfio partneriaeth ar y cyd o 1 Ebrill 2021 a fyddai’n goruchwylio ansawdd, cwricwlwm, diogelu, hunanwerthusiad a chanlyniadau ar gyfer dysgwyr. Roedd LlC yn cefnogi’r cynnig i gyfuno’r ddwy bartneriaeth, a byddai hyn yn galluogi penderfyniadau strategol a gweithredol mwy effeithiol tra’n gwneud y mwyaf o gyllid ar gyfer pob ardal.        

 

            Gofynnodd Mr David Hytch am wybodaeth ar beth oedd y meini prawf ar gyfer Dysgu Oedolion yn y Gymuned ac a oedd hyn yn gysylltiedig â Deddf Anghenion Dysgu Ychwanegol a’r gofyniad i gynorthwyo pobl hyd at 25 oed. Dywedodd y Prif Swyddog nad oedd Dysgu Oedolion yn y Gymuned wedi’i gysylltu’n benodol i Ddeddf Anghenion Dysgu Ychwanegol a bod cyllid grant wedi bod yn ei le ers peth amser, ond ni fu Sir y Fflint yn fuddiolwr cadarnhaol yn y gorffennol. Fe fyddai yna gyfle i edrych ar adnoddau i gefnogi nifer sylweddol o ddysgwyr ac roedd cydleoli’r Uned Cyfeirio Disgyblion yn fanteisiol iawn i nifer o’r dysgwyr trwy wella’r ddarpariaeth oedd ar gael. Fe fyddai’n gallu derbyn y dysgwyr hynny sydd ag anghenion dysgu ychwanegol a darparu cyswllt i Ymddiriedolaeth Gymunedol Glannau Dyfrdwy i gefnogi oedolion gyda’u sgiliau Saesneg a Llythrennedd Digidol. Roedd Llywodraeth Cymru wedi darparu cylch gwaith penodol er mwyn defnyddio’r cyllid, ond byddai’r effaith ar y gymuned yn sylweddol. Cytunwyd y byddai’r wybodaeth am beth oedd y meini prawf er mwyn cael gafael ar Ddysgu Oedolion yn y Gymuned yn cael ei ddarparu i’r Pwyllgor ar ôl y cyfarfod.

 

            Siaradodd y Cadeirydd am amrywiaeth o gyrsiau oedd ar gael yn y gymuned yn flaenorol a fu’n boblogaidd ymysg pobl h?n, ac ar ôl i’r cyllid newid bu ffocws ar sgiliau sylfaenol gan olygu bod y cyfleoedd wedi lleihau. Er ei fod yn croesawu’r cyllid ychwanegol a’r bartneriaeth gyda Chyngor Wrecsam, roedd yn teimlo o safbwynt cymunedol y dylai cyrsiau fod ar gael a fyddai o fudd i bobl yn y gymuned, yn enwedig wrth ddod allan o sefyllfa o argyfwng.  Fe soniodd y Prif Swyddog am y cyfleoedd sydd ar gael, ond fe eglurodd bod amodau ynghlwm â’r cynnydd mewn cyllid. Trwy weithio mewn partneriaeth gydag Ymddiriedolaeth Glannau Dyfrdwy a chymysgu ffrydiau gyda’i gilydd, fe fyddai yna gyfle i gynnig amrywiaeth eang o gyrsiau y gallai pob aelod o’r gymuned gael gafael arnynt.  Fe allai’r Pwyllgor dderbyn y newyddion ddiweddaraf yn rheolaidd am ei gyflawni.      

 

Cynigiodd y Cynghorydd Andy Dunbobbin yr argymhelliad a amlinellwyd yn yr adroddiad ac fe’i eiliwyd gan y Cynghorydd Janet Axworthy.

 

PENDERFYNWYD:

 

 (a)   Bod y Pwyllgor yn nodi’r cyllid Dysgu Oedolion yn y Gymuned yn Sir y Fflint a'r dyraniad cyllid uwch drwy'r Grant Dysgu Cymunedol gan Lywodraeth Cymru; a

 

 (b)   Bod y Pwyllgor yn nodi’r gwaith datblygu gyda Phartneriaeth Dysgu Oedolion Wrecsam a bod cymeradwyaeth yn cael ei rhoi i Sir y Fflint fwrw ymlaen â ffurfio Partneriaeth Dysgu Oedolion yn y Gymuned ar y cyd rhwng Sir y Fflint a Wrecsam.

 

 


17/12/2020 - Emergency Situation Briefing (Verbal) ref: 8453    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

            Cyfeiriodd y Prif Weithredwr at y Nodyn Briffio yr oedd wedi’i ddosbarthu i’r Aelodau yn gynharach yn yr wythnos a chytunodd y dylid ei anfon at aelodau nad oedd yn gynghorwyr ynghyd â’r diweddariad gan Betsi Cadwaladr am y Rhaglen Frechu a dogfen Llywodraeth Cymru “Cynllun Rheoli Coronafeirws - Lefelau Rhybudd yng Nghymru” a gyhoeddwyd yn dilyn Datganiad y Prif Weinidog.  Cyfeiriodd at weithrediad a chyflymder y cyfyngiadau lefel 4 newydd roedd y Prif Weinidog wedi’u cyhoeddi yn gynharach yn yr wythnos oedd yn cynnwys rhestr glir o wasanaethau oedd yn cael aros ar agor.  Fe soniodd am y cynllun peilot addawol ar gyfer brechlyn Pfizer mewn cartref gofal lleol yn New Brighton, ac roedd hyn yn gam cadarnhaol ymlaen.

 

Fe soniodd y Prif Weithredwr am y sylw helaeth yn y wasg am y gwahaniaeth mawr wrth adrodd ffigurau haint Cymru a thrafodaeth a gynhaliwyd gyda’r Arweinydd er mwyn asesu’r effaith ar Sir y Fflint.  Roedd cyfraddau’r achosion eisoes yn y system ac ar y cyfan, nid oedd y niferoedd wedi cynyddu’n sylweddol. Pan fyddai’r holl wybodaeth am achosion oedd heb eu cyfeirio yn cael eu casglu fe fyddai yna ddealltwriaeth gwell o’r darlun cyffredinol, a’r gobaith yw na fyddai achosion Sir y Fflint yn codi wrth i ni gychwyn ar gyfnod y Nadolig.

 

                Dywedodd Arweinydd y Cyngor bod y sefyllfa yng Nghymru yn ddifrifol ac fe soniodd am gynhadledd dros y ffôn roedd o wedi ei mynychu gyda’r Prif Swyddog a holl Benaethiaid ysgolion y sir yngl?n ag ail agor ysgolion ym mis Ionawr 2021. Fe soniodd hefyd am drafodaethau gyda’r Gweinidog Addysg ac uwch Weinidogion eraill yn Llywodraeth Cymru yngl?n â disgyblion yn dychwelyd ym mis Ionawr. 

 

        Dywedodd y Prif Swyddog (Addysg ac Ieuenctid) bod LlC wedi rhoi hyblygrwydd i Awdurdodau Lleol mewn cysylltiad â dechrau’r tymor newydd ond rhoddodd sicrwydd i’r Pwyllgor bod yr ysgolion ar agor, ond oherwydd effaith ac ymlediad y feirws dros gyfnod y Nadolig, fe allai’r dull o gyflwyno addysg newid.  Fe gadarnhaodd y byddai’r Cyngor yn argymell y dylai pob ysgol gyflwyno dysgu ar-lein ar gyfer wythnos cyntaf y tymor newydd gyda chyn lleied o ddisgyblion â phosibl yn mynd mewn i’r adeilad, ond byddai dal angen darpariaeth ar gyfer plant diamddiffyn a phlant a phobl ifanc gweithwyr allweddol. Roedd LlC wedi gofyn bod dysgu wyneb yn wyneb yn cychwyn ar 18 Ionawr, ond roedd y sefyllfa’n newid yn gyson a byddai trafodaethau’n cael eu cynnal gyda Phenaethiaid a Swyddogion ar ôl cyfnod y Nadolig er mwyn edrych ar y cyngor, data ac effaith ar ysgolion er mwyn asesu a oedd hi’n bosibl i ddychwelyd i’r ysgol neu barhau gyda dull dysgu cyfunol. Roedd Penaethiaid yn cefnogi’r dull yma, ond roeddynt eisiau sicrhau bod rhieni’n cael gwybod cyn gynted â phosibl a bod yr holl drefniadau yn eu lle.

 

            Gofynnodd y Cadeirydd a oedd cefnogaeth ar gyfer plant diamddiffyn a phlant gweithwyr allweddol yn cael ei ddarparu o fewn y ganolfan a dywedodd bod yr effaith ar rieni sy’n gweithio i orfod trefnu bod rhywun yn gofalu am eu plant yn enwedig yn fyr rybudd yn bryder.  Gofynnodd hefyd am eglurhad am ddiffiniad y gair “gweithiwr allweddol”. Gan ymateb dywedodd y Prif Swyddog bod LlC wedi bod yn hwyr yn anfon eu rhestr o weithwyr allweddol ac nid oedd gan ysgolion ddigon o amser i roi trefniadau ar waith. Roedd LlC wedi bod yn glir iawn yn y canllawiau a fyddai’n ffurfio rhan o ddeddfwriaeth Covid ac roedd yn cynnwys rhestr penodol o weithwyr allweddol. Yn ôl y Canllaw, os oedd un o’r rhieni yn weithiwr allweddol, yna fe fyddai modd iddynt ddefnyddio’r gefnogaeth honno ar gyfer eu plant. Roedd hyn wedi cael ei gyfathrebu’n ffurfiol i ysgolion ac yn y cyfarfod yn gynharach heddiw, ac nid oedd hi’n rhagweld y byddai hyn yn broblem ym mis Ionawr.

 

Gofynnodd Mr Hytch a oedd y ddarpariaeth i blant diamddiffyn a phlant gweithwyr allweddol yn cael ei ddarparu mewn canolfan debyg i’r hyn a ddigwyddodd yn gynharach yn y flwyddyn ac a oedd yr wybodaeth yma’n hysbys i’r cyhoedd ar hyn o bryd. Gan ymateb, cadarnhaodd y Prif Swyddog eu bod wedi cytuno gyda Phenaethiaid y byddai’r ddogfen gyfathrebu’n cael ei hanfon i ysgolion yfory gan ei bod wrthi’n cael ei chyfieithu. O ran y Ganolfan, cafwyd cadarnhad nad oedd y Cyngor yn dychwelyd i fodel canolfan cydnerthu oherwydd yn wahanol i’r cyfnod clo diwethaf, roedd ysgolion wedi gweithredu mewn modd diogel o ran Covid ers mis Medi, a theimlwyd y dylent wneud eu darpariaeth eu hunain ar gyfer eu dysgwyr agored i niwed a’u teuluoedd. Cafodd hyn ei gadarnhau gan Benaethiaid yn y cyfarfod y bore hwnnw.

 

PENDERFYNWYD:

 

Nodi’r diweddariad ar lafar.

 


17/12/2020 - Cofnodion ref: 8452    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

Derbyniwyd cofnodion y cyfarfod a gynhaliwyd ar 5 Tachwedd 2020.

 

Cynigodd y Cynghorydd Dave Mackie y dylid cymeradwyo’r cofnodion fel rhai cywir ac y dylai’r Cadeirydd eu llofnodi.Eiliwyd y cynnig gan Mr. David Hytch.            

 

PENDERFYNWYD:

 

Cymeradwyo’r cofnodion fel rhai cywir a bod y Cadeirydd yn eu llofnodi.

 


17/12/2020 - Datgan Cysylltiad (gan gynnwys Datganiadau Chwipio) ref: 8451    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

Datganodd y Cynghorydd Tudor Jones gysylltiad personol yn eitem rhif 10 ar y Rhaglen, gan ei fod yn Gadeirydd Ymddiriedolwyr Canolfan Hamdden Treffynnon.

 


17/12/2020 - Ymddiheuriadau ref: 8460    Recommendations Approved

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

Senior Manager School Improvement Systems


17/12/2020 - Mid-year Performance Indicators for Recovery, Portfolio and Public Accountability Measures ref: 8458    Recommendations Approved

To review the levels of progress in the achievement of activities, performance levels and current risk levels as identified in the Council Plan.

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

Cyflwynodd y Prif Swyddog (Addysg ac Ieuenctid) adroddiad i gyflwyno crynodeb o berfformiad canol blwyddyn sy’n berthnasol i’r Pwyllgor. Roedd yr adroddiad yn adroddiad am eithriadau ac felly’n canolbwyntio ar y meysydd a oedd yn tan-berfformio.

 

Tynnodd y Prif Swyddog sylw’r Pwyllgor at y Gwasanaeth Cyfiawnder Ieuenctid sydd wedi wynebu heriau sylweddol yn ystod y sefyllfa o argyfwng, ac maent wedi ateb yr her wrth ddod o hyd i ffyrdd creadigol o ymgysylltu â phobl ifanc. Fe ddywedodd hefyd bod y swydd Cydlynydd Addysg wedi cael ei llenwi ac y byddai hyn yn rhoi mwy o gapasiti i weithio gyda phobl ifanc wrth ariannu llwybrau priodol at addysg a gwaith.

 

Gan ymateb i gwestiwn gan y Cynghorydd Dave Mackie yngl?n â’r nifer o ddarparwyr gofal plant, rhoddodd y Prif Swyddog sicrwydd am y nifer o ddarparwyr gofal plant yn Sir y Fflint ac amlinellodd y cynllun grant sy’n cael ei ddarparu gan Lywodraeth Cymru a’i weinyddu gan y Cyngor i ddarparwyr gofal plant yn ystod y sefyllfa o argyfwng.  

 

Cynigiodd y Cynghorydd Andy Dunbobbin yr argymhelliad a nodwyd yn yr adroddiad ac fe’i heiliwyd gan Mrs Lynn Bartlett.

 

PENDERFYNWYD:

 

Nodi’r adroddiad.

 


17/12/2020 - Aura: Business Recovery Plan ref: 8459    Recommendations Approved

To report on the Business Recovery Plan for Aura

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020


17/12/2020 - Recovery Strategy Update ref: 8457    Recommendations Approved

To provide oversight on the recovery planning for the Committee’s respective portfolio(s)

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

            Cyflwynodd y Prif Swyddog (Addysg ac Ieuenctid) yr wybodaeth ddiweddaraf am y gofrestr risg a chamau lliniaru risg, fel y dangosir yn Atodiad 1 a 2 yr adroddiad.

 

            Rhoddodd y Prif Swyddog ddiweddariad am yr amcanion adferiad ar gyfer portffolio’r gwasanaeth, fel y manylir yn yr adroddiad. Fe gadarnhaodd bod prif wasanaethau yn parhau i gefnogi ysgolion sy’n gweithio o fewn yr asesiadau risg a rhoddodd ddiweddariad am y Gwasanaeth Archifau ar y Cyd a’r newyddion diweddaraf am archif ar-lein.  

 

            Fe soniodd Mr David Hytch am fynediad at wasanaeth cynghori Llywodraethwyr Cymru i bob ysgol a oedd yn amhrisiadwy, ac oedd yn cael ei werthfawrogi, gyda’r cyngor ar gael yn hawdd. 

 

Cynigiodd y Cynghorydd Paul Cunningham yr argymhellion a amlinellwyd yn yr adroddiad ac fe’u heiliwyd gan y Cynghorydd Ian Smith.

 

PENDERFYNWYD:

 

Nodi’r Gofrestr Risg wedi’i diweddaru a’r Camau Lliniaru Risg, fel yr oeddent yn yr adroddiad.


17/12/2020 - Forward Work Programme and Action Tracking ref: 8454    Recommendations Approved

To consider the Forward Work Programme of the Education Youth & Culture Overview & Scrutiny Committee and to inform the Committee of progress against actions from previous meetings.

Y sawl sy'n gwneud penderfyniad: Pwyllgor Trosolwg a Chraffu Addysg, Ieuenctid a Diwylliant

Gwnaed yn y cyfarfod: 17/12/2020 - Pwyllgor Trosolwg a Chraffu Addysg, Ieuenctid a Diwylliant

Cyhoeddwyd y penderfyniad: 04/06/2021

Yn effeithiol o: 17/12/2020

Penderfyniad:

            Cyflwynodd yr Hwylusydd Trosolwg a Chraffu fersiwn drafft y Rhaglen Gwaith i'r Dyfodol gan ddweud na fu unrhyw newidiadau i’r eitemau sydd wedi’u rhestru ers y cyfarfod diwethaf. Roedd yr holl gamau gweithredu o’r cyfarfod diwethaf wedi cael eu cwblhau fel oedd i’w weld yn Atodiad 2 i’r adroddiad. Rhoddodd y Prif Swyddog (Addysg ac Ieuenctid) ddiweddariad am y cyfarfod ar y cyd a gynhaliwyd rhwng swyddogion Addysg ac Ieuenctid a Gwasanaethau Cymdeithasol, lle cytunwyd y byddai adroddiad sy’n dod â staff iechyd a gofal cymdeithasol ynghyd i ddarparu asesiad dwys a chefnogaeth therapiwtig i bobl ifanc nad ydynt yn cyrraedd y trothwy ar gyfer CAMHS, yn cael ei gyflwyno i Bwyllgorau Trosolwg a Chraffu Addysg, Ieuenctid a Diwylliant a Gofal Iechyd a Chymdeithasol ar y cyd, oedd wedi’i drefnu ar gyfer 17 Mehefin 2021.

 

            Gan ymateb i gwestiwn gan Mr. David Hytch, dywedodd yr Hwylusydd bod Bwrdd Cysgodol Theatr Clwyd wedi cyfarfod ar 18 Tachwedd er mwyn ystyried bod cynrychiolydd o’r Undeb Llafur yn aelod o’r Bwrdd. Cadarnhaodd Liam Evans-Ford nad oedd y Bwrdd wedi cytuno i symud ymlaen â hyn ar hyn o bryd ond byddent yn ail ystyried yr awgrym yn nes ymlaen. 

 

Cynigiodd y Cynghorydd Paul Cunningham yr argymhellion a amlinellwyd yn yr adroddiad ac fe’u heiliwyd gan y Cynghorydd Tudor Jones.

 

PENDERFYNWYD:

 

 (a)   Nodi’r Rhaglen Gwaith i’r Dyfodol;

 

 (b)   Rhoi awdurdod i’r Hwylusydd, wrth ymgynghori gyda Chadeirydd y Pwyllgor, amrywio’r Rhaglen Gwaith i’r Dyfodol rhwng cyfarfodydd, yn ôl yr angen; a

 

 (c)   Nodi’r cynnydd sydd wedi’i wneud ar y camau gweithredu sydd heb eu cwblhau.

 


12/06/2019 - Penodi Cadeirydd ref: 8816    Recommendations Approved

Y sawl sy'n gwneud penderfyniad: SACRE Sir y Fflint

Gwnaed yn y cyfarfod: 12/06/2019 - SACRE Sir y Fflint

Cyhoeddwyd y penderfyniad: 02/06/2021

Yn effeithiol o: 12/06/2019

Penderfyniad:

Yn unol â’r trefniadau a bennwyd ym mhwyntiau 4-4.5 yng Nghylch Gorchwyl CYSAG, cytunwyd i benodi cadeirydd ac is-gadeirydd yn y flwyddyn academaidd newydd.


12/06/2019 - Cofnodion ref: 8815    Recommendations Approved

Y sawl sy'n gwneud penderfyniad: SACRE Sir y Fflint

Gwnaed yn y cyfarfod: 12/06/2019 - SACRE Sir y Fflint

Cyhoeddwyd y penderfyniad: 02/06/2021

Yn effeithiol o: 12/06/2019

Penderfyniad:

Materion yn codi -

Gwnaed cais i gynnwys cofrestr presenoldeb am y flwyddyn wrth anfon y rhaglen.

Gofynnwyd hefyd am gael taflen gofrestru yn y cyfarfod nesaf.

Gwnaed cais i anfon llythyr at aelodau a oedd wedi methu dau gyfarfod, ac anfon e-bost at bob aelod i roi gwybod am amser newydd y cyfarfodydd (VB i ymgymryd â hyn).

 


12/06/2019 - Datgan Cysylltiad: Cod Ymddygiad Llywodraeth Leol ref: 8814    Recommendations Approved

Y sawl sy'n gwneud penderfyniad: SACRE Sir y Fflint

Gwnaed yn y cyfarfod: 12/06/2019 - SACRE Sir y Fflint

Cyhoeddwyd y penderfyniad: 02/06/2021

Yn effeithiol o: 12/06/2019

Penderfyniad:

Dim