Mater - penderfyniadau

Cyflwynodd y Rheolwr Cyllid Corfforaethol adroddiad ar fonitro cyllideb refeniw 2016/17 (alldro) ar gyfer y Cyfrif Refeniw Tai  a Chyllid y Cyngor a'r Rhaglen Gyfalaf 2016/17 (alldro), cyn i’r Cabinet ei ystyried.

Monitro Cyllideb Refeniw

Roedd y sefyllfa terfynol (yn amodol ar archwiliad) wedi nodi diffyg gweithredol £0.846m.  Roedd yr alldro cyffredinol yn cynnwys effaith gadarnhaol gan y newid ym mholisi Cyfrifo Isafswm Darpariaeth Refeniw (MRP) a oedd yn weithredol yn dileu'r diffyg gweithredu gyda'r gwariant net yn £2.039m yn is na’r gyllideb.  Roedd yr adroddiad yn disodli’r sefyllfa mis 12 a nodwyd yn flaenorol i'r Cabinet (wedi'i atodi fel dolen i'r dogfennau).  Rhoddwyd trosolwg byr ar y prif symudiadau ar gyfer y flwyddyn gyda manylion y symudiadau sylweddol ers mis 12. Hefyd rhoddwyd ddiweddariad ar gyllid wrth gefn at raid a’r rhaglen o effeithlonrwydd y byddai gwelliant yn cael ei ddangos ar y flwyddyn flaenorol.  Roedd y prif newidiadau o fewn y cronfeydd wrth gefn a glustnodwyd yn cynnwys lleihad sylweddol yn y Cronfeydd Statws Sengl oherwydd tynnu i lawr o gyllid i fodloni costau cymeradwy.

Ar y Cyfrif Refeniw Tai, mae’r gwariant net yn ystod y flwyddyn yn £0.018m yn is na'r gyllideb, gyda balans cau yn £1.116m sy’n cynrychioli 3.5% i gyfanswm gwariant (yn uwch na'r isafswm lefel a argymellir o 3%).

Yn ystod eglurhad ar y newid polisi cyfrifo Isafswm Darpariaeth Refeniw, tynnwyd sylw at adroddiad y Cyngor ar 6 Rhagfyr 2016.

Gofynnodd y Cynghorydd Richard Jones gwestiwn ynghylch y dehongliad o’r geiriau ar ganlyniad sefyllfa’r cyllid Grant Cynnal Refeniw.   Cadarnhaodd y Prif Weithredwr safle cryf gan Sir y Fflint fel rhan o lywodraeth leol ar y cyd yn lobio Llywodraeth Cymru am setliad cyllid tecach sydd wedi arwain at ganlyniad mwy ffafrio na ddisgwyliwyd.

Mewn ymateb i ymholiad gan y Cynghorydd Haydn Bateman, eglurodd swyddogion ynghylch y dull o adeiladu cronfeydd Cynhaliaeth y Gaeaf a’r defnydd o gronfeydd Statws Sengl.

Yn dilyn cais gan y Cynghorydd Patrick Heesom, cytunodd y Rheolwr Cyllid Corfforaethol i ddarparu dadansoddiad o gyfran cronfeydd hapddigwyddiad a ddefnyddir i fodloni effaith trosglwyddiadau ased cymunedol.

Rhaglen Gyfalaf

 Mae tabl yn dangos newidiadau i’r rhaglen yn ystod 2016/17 yn nodi cyllideb ddiwygiedig o £65.968m.   Ers y chwarter diwethaf, roedd cynnydd net yng nghyfanswm y rhaglen o £5.918m fel y nodwyd yn adrannau 1.06-1.08. Roedd cyfanswm y swm i’w barhau i 2017/18 yn £3.589m a oedd yn lleihad sylweddol ar y flwyddyn flaenorol.  Roedd diweddariad ar gyllid cynlluniau cymeradwy 2016/17 yn nodi argaeledd o £5.066m a glustnodwyd i ariannu cynlluniau cyfalaf yn y dyfodol.

PENDERFYNWYD:

(a)       Bod yr adroddiad Monitro Cyllideb Refeniw (alldro) ar gyfer 2016/17 yn cael ei dderbyn;

(b)       Bod yr adroddiad Rhaglen Gyfalaf (alldro) ar gyfer 2016/17 yn cael ei dderbyn; a

(c)       Cadarnhaodd y Pwyllgor nad oedd unrhyw faterion penodol i dynnu at sylw'r Cabinet.