Agenda item

Mae’r item hon i dderbyn unrhyw Rhybuddion o Gynnig: mae un wedi cael ei dderbyn ac wedi ei atodi i’r rhaglen

Roedd y Rhybudd o Gynnig canlynol wedi’i gyflwyno:

“Israel-Gaza” – wedi’i gynnig gan y Cynghorydd Parkhurst, a’i eilio gan y Cynghorydd Swash

“Mae’r Cyngor yn condemnio ymosodiadau terfysgaeth ofnadwy Hamas yn Israel ar 7 Hydref.

Mae’r Cyngor wedi’i arswydo gan y delweddau o drais yn ystod yr wythnosau a’r dyddiadau ar ôl yr ymosodiadau hyn, yn enwedig y sefyllfa ddyngarol ddifrifol yn Gaza lle mae dros 10,000 o Balesteiniaid wedi’u lladd a Hamas yn dal yn cadw gwystlon. 

Mae’r Cyngor yn cefnogi hawl Israel i amddiffyn ei dinasyddion, yn unol â’r gyfraith ryngwladol, sy’n golygu targedu terfysgwyr, nid sifiliaid, a sicrhau nad yw Palesteiniaid diniwed yn talu’r pris am weithredoedd Hamas.

Mae’r Cyngor yn mynegi ei bryder ynghylch methiant Llywodraeth y DU i geisio sicrhau bod llywodraeth Israel a’i byddin yn cadw at ofynion cyfraith ryngwladol.

Mae’r Cyngor yn credu:

Na fydd datrysiad milwrol ar ei ben ei hun yn arwain at heddwch ar gyfer Israeliaid na Phalesteiniaid.

Bod gwerthoedd cydraddoldeb, democratiaeth, hawliau dynol a rheolaeth y gyfraith ryngwladol yn hollbwysig.

Bod yn rhaid i’r holl rai sy’n brwydro ymddwyn yn unol â rheolau rhyfel a’r gyfraith ddyngarol ryngwladol.

Y dylid rhyddhau gweddill y rhai sy’n cael eu dal yn wystlon gan Hamas.

Y dylid adfer cyflenwadau hanfodol o dd?r, bwyd, meddyginiaeth a thrydan yn Gaza, ac y dylid hwyluso cymorth i Gaza.

Nad yw hi’n iawn beio Iddewon am weithredoedd llywodraeth Israel na Phalesteiniaid am weithredoedd Hamas.

Bod y Cyngor yn penderfynu gofyn i Lywodraeth y DU i alw am gadoediad ar unwaith er mwyn:   

a.      Hwyluso danfon cymorth dyngarol i Gaza  

b.      Rhoi cyfle i allu sicrhau bod y gwystlon sy’n weddill yn cael eu rhyddhau  

c.      Caniatáu cyfnod dwys o ddiplomyddiaeth i ddod i ddatrysiad gwleidyddol, i geisio sicrhau heddwch parhaol.

Mae’r Cyngor, gyda phryder mawr iawn, yn nodi effaith ddifrifol yr argyfwng hwn yn y DU, gyda chymunedau Iddewig, Mwslim a Phalesteinaidd oll yn ofni ac yn galaru, ac yn condemnio’r cynnydd mewn gwrth-semitiaeth ac Islamoffobia ers 7 Hydref.

Mae’r Cyngor yn galw ar drigolion Sir y Fflint, arweinwyr cymunedol a ffigyrau cyhoeddus i weithredu’n gyfrifol a gweithio i ddod â chymunedau ynghyd yn ystod y cyfnod sensitif hwn.

Mae’r Cyngor yn galw ar Lywodraeth Cymru i sefydlu cynllun Cartrefi i Balesteiniaid yn barod ar gyfer ac i hwyluso darparu llety dros dro i ffoaduriaid y gwrthdaro.”

Wrth siarad am y Rhybudd o Gynnig, gwnaeth y Cynghorydd Pankhurst sylwadau am yr erchyllterau roedd Hamas wedi’u cyflawni, effaith frawychus bombardio milwrol Israel yn dilyn hynny a nifer y bobl ddiniwed oedd wedi’u lladd, eu hanafu neu eu dadleoli yn Gaza. Soniodd am niferoedd y plant, merched, meddygon, swyddogion y Cenhedloedd Unedig, newyddiadurwyr, ynghyd â chenedlaethau o deuluoedd a oedd wedi’u lladd. Roedd hanner isadeiledd Gaza wedi’i ddinistrio. Fel awdurdod lleol, roedd dyletswydd ar Sir y Fflint i gynnal rhyngberthynas dda o fewn cymunedau fel bod ein holl drigolion yn gallu byw heb ofn neu wahaniaethu. Fel sir sy’n noddfa, roedd dyletswydd ar Sir y Fflint i agor ei chalon a’i chartrefi pan fyddai gweddill trigolion Gaza a oedd eisiau gadael yn gallu gwneud hynny. Cymeradwyodd y Rhybudd o Gynnig i’r Cyngor gan ofyn i’r Aelodau ei gefnogi.

Cynigiodd y Cynghorydd Richard Jones welliant i’r Rhybudd o Gynnig, sef bod y canlynol yn cael ei gynnwys:-

d.    Bod holl gostau’r Cynllun Cartrefi i Balesteiniaid yn cael eu darparu gan Lywodraeth Cymru’n ddiderfyn tra bo’r costau’n parhau ac na ddylai’r Cynllun hwn effeithio ar ddarpariaeth adnoddau tai sydd ar gael i drigolion lleol yn Sir y Fflint mewn modd negyddol.

Eiliodd y Cynghorydd Attridge hyn.

Yn dilyn cwestiwn ar fater o drefn, eiliodd y Cynghorydd Swash Rybudd o Gynnig y Cynghorydd Parkhurst yn ffurfiol.

Cadarnhaodd y Cynghorydd Pankhurst ei fod yn derbyn y diwygiad. Ni wnaeth y Cynghorydd Swash, fel yr eilydd, dderbyn y diwygiad.

Gofynnodd y Cynghorydd Attridge am bleidlais wedi’i chofnodi ar y diwygiad ac fe’i cefnogwyd gan y 10 Aelod angenrheidiol.

Pleidleisiodd yr Aelodau canlynol o blaid y diwygiad:

Dennis Hutchinson, Mike Allport, Bernie Attridge, Marion Bateman, Sean Bibby, Chris Bithell, Gillian Brockley, Helen Brown, Teresa Carberry, Bill Crease,

Rob Davies, Adele Davies Cooke, Chris Dolphin, Rosetta Dolphin, Mared Eastwood, Dave Evans, Chrissy Gee, Ian Hodge, Andy Hughes, Dave Hughes, Christine Jones, Richard Jones, Simon Jones, Dave Mackie,  Roz Mansell, Allan Marshall,

Hilary McGuill, Debbie Owen, Ted Palmer, Andrew Parkhurst, Mike Peers,

David Richardson, Jason Shallcross, Linda Thew, Ant Turton, Roy Wakelam,

Arnold Woolley.

Pleidleisiodd y Cynghorwyr canlynol yn erbyn y diwygiad:

Alasdair Ibbotson, Dan Rose, Sam Swash.

Ymatalodd yr Aelodau canlynol:

Mel Buckley, Tina Claydon, Geoff Collett, Paul Cunningham, Paul Johnson,

Richard Lloyd, Gina Maddison, Ryan McKeown, Michelle Perfect, Vicky Perfect,

Carolyn Preece, Kevin Rush.

Pleidleisiodd 27 Aelod o blaid y diwygiad, 3 yn erbyn ac fe wnaeth 12 ymatal.

PENDERFYNWYD:

Bod y Rhybudd o Gynnig gyda’r ychwanegiad yn cael ei dderbyn a’i gefnogi.