Rhaglen a chofnodion

Cyflwynodd yr Hwylusydd Trosolwg a Chraffu y Rhaglen Gwaith gyfredol i’w hystyried, a oedd yn cynnwys diweddariad ar gamau gweithredu sy’n weddill. 

Yn dilyn cwestiynau ynghylch yr adolygiad ar safle’r garej, cytunwyd y byddai adroddiad diweddaru ar yr adolygiad ar safle’r garej ynghyd â diweddariad ar y matrics parcio ceir yn cael ei ychwanegu ar y Rhaglen Waith.

Cytunwyd hefyd bod copi o ganlyniad yr adolygiad ar safle’r garej yn ôl ward yn cael ei ddosbarthu at holl Aelodau’r Cyngor.

Cafodd yr argymhellion yn yr adroddiad eu cefnogi.

PENDERFYNWYD:

(a) Nodi’r Rhaglen Gwaith i’r Dyfodol;

(b) Rhoi awdurdod i’r Hwylusydd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen; ac

(c) Y byddai’r Pwyllgor yn nodi’r cynnydd a wnaed ar y camau gweithredu sydd heb eu cwblhau.

Cyflwynodd y Rheolwr Gwasanaeth (Lles Tai a Chymunedau) adroddiadwnaeth ddarparu diweddariad ar gynnydd yr Adolygiad Tai Gwarchod.

Hefyd cyflwynwyd y Cynllun Cyfathrebu ac Ymgysylltu i’r Pwyllgor.

Awgrymwyd fod yr adroddiadau diweddaru cyfnodol ar yr Adolygiad Tai Gwarchod yn cael eu hychwanegu ar y Rhaglen Waith.

Cafodd yr argymhelliad yn yr adroddiad ei gefnogi.

PENDERFYNWYD:

Bod y Pwyllgor yn nodi cynnydd yr Adolygiad Tai Gwarchod.

Cyflwynodd y Rheolwr Gwasanaeth (Lles Tai a Chymunedau) y Strategaeth Ymgysylltu â Thenantiaid a Cynllun Gweithredu Ymgysylltu â Thenantiaid sy’n ymrwymo  i ymgysylltu â thenantiaid a thynnu sylw at y gwaith sydd angen ei wneud i wella’r sefyllfa bresennol.

Cafodd yr argymhelliad yn yr adroddiad ei gefnogi.

PENDERFYNWYD:

Bod y Pwyllgor yn cefnogi a chymeradwyo’r Strategaeth Ymgysylltu â Thenantiaid.

Cyflwynodd y Rheolwr Gwasanaeth Asedau Tai y ffigyrau a’r gweithgareddau allweddol wrth gyflawni’r cynllun gweithredu ar gartrefi gwag, fel y nodwyd yn y nodyn briffio.

PENDERFYNWYD:

Nodi’r diweddariad.