Rhaglen a chofnodion

Pwrpas:        I dderbyn unrhyw ddatganiad o gysylltiad a chynghori’r Aelodau yn unol a hynny.

Datganodd y Cynghorydd Ted Palmer gysylltiad personol fel tenant y Cyngor.

Pwrpas:        I Cadarnhau cofnodion y cyfarfodydd a gynhaliwyd ar 12 Mehefin a 17 Gorffennaf.   

Pwrpas:        Ystyried Rhaglen Gwaith i'r Dyfodol y Pwyllgor Trosolwg a Chraffu Cymuned a Tai a rhoi gwybod i’r Pwyllgor am y cynnydd yn erbyn camau gweithredu o gyfarfodydd blaenorol.

Cyflwynodd yr Hwylusydd Trosolwg a Chraffu y Rhaglen Waith bresennol a’r dogfennau OlrhainCamauGweithredu.

Cynghorodd yr Hwylusydd y byddai’r adroddiadau blynyddol canlynol yn cael eu hychwanegu i’r Rhaglen Waith yn y cyfarfod:-

• Rhaglen Grant Cymorth Tai
• Digartrefedd
• Cofrestr Tai Cyffredin

Gofynnodd y Cynghorydd Helen Brown i ychwanegu’r adroddiadau canlynol i’r Rhaglen Waith er ystyriaeth y Pwyllgor yng nghyfarfodydd y dyfodol:-

• Rheoli Ystadau ac Eiddo - cynnwys cymdogaethau glân a thaclus, gwarchod ein buddsoddiad ac eiddo gwag, ac ail gyflwyno CYA ac arolygon rheoli tenantiaeth;
• NEW Homes - papur dewisiadau ar gyfer manteision ac anfanteision cadw NEW Homes fel cwmni masnachu; a
• Dewisiadau ar ailddynodi eiddo Tai Gwarchod nad oes galw mawr amdanynt

PENDERFYNWYD:

(a)       Nodi’r Rhaglen Waith;

(b)       Rhoi awdurdod i’r Hwylusydd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen; a

(c)       Bod y Pwyllgor yn nodi’r cynnydd a wnaed ar y camau gweithredu oedd i’w cwblhau.

Pwrpas:        Cyflwyno’r diweddariad gweithredol diweddaraf ar gasglu rhent tai ac amlinellu’r newidiadau arfaethedig i’r Polisi Adennill Dyled Corfforaethol i gryfhau’r broses orfodi rhent.

Cyflwynodd y Rheolwr Gwasanaeth - Refeniw a Chaffael adroddiad ar ddiweddariad gweithredol ar gyfer cyfraddau casglu rhent tai, gan gynnwys sefyllfa derfynol diwedd blwyddyn rhent 2023/24, a safle presennol 2024/25.

Mewn ymateb i gais gan y Cynghorydd Helen Brown, cytunodd y Rheolwr Gwasanaeth - Refeniw a Chaffael i siarad â’r Rheolwr Gwasanaeth (Asedau Tai) yn dilyn cyfarfod i drafod pa setiau data ynghylch colledion Treth y Cyngor y gellir eu darparu mewn adroddiadau diweddaru yn y dyfodol.

Cytunodd y Rheolwr Gwasanaeth - Refeniw a Chaffael, Dave Barnes i ddarparu dadansoddiad o ddiddymiadau hefyd, a fyddai’n cynnwys gwybodaeth o’r rhesymau am y diddymiadau mewn adroddiadau yn y dyfodol.

Mewn ymateb i gwestiwn gan y Cynghorydd Dale Selvester, cytunodd y Rheolwr Gwasanaeth - Refeniw a Chaffael i adolygu pa setiau data y gellir eu darparu ynghylch effaith ariannol o beidio casglu cyfraddau d?r erbyn hyn. 

Mewn ymateb i gwestiynau pellach gan y Cynghorydd Dale Selvester, cytunodd y Rheolwr Gwasanaeth - Refeniw a Chaffael i ddarparu dadansoddiad dienw o rhai o’r achosion o ôl-ddyledion uchaf mewn adroddiadau yn y dyfodol.

Gofynnodd y Cadeirydd a fyddai modd darparu enghraifft o Gontract Tenantiaeth i’r Pwyllgor.  Cytunodd y Rheolwr Gwasanaeth (Lles Tai a Chymunedau) i ddarparu hyn yn dilyn y cyfarfod.

PENDERFYNWYD:

Bod y Pwyllgor yn nodi sefyllfa derfynol diwedd blwyddyn 2023/24 a’r sefyllfa ariannol ddiweddaraf ar gyfer casgliadau rhent 2024/25.

Pwrpas:        Rhoi’r wybodaeth ddiweddaraf am effaith diwygiadau lles a’r gwaith sy’n cael ei wneud i liniaru’r effeithiau.

Cyflwynodd y Rheolwr Gwasanaeth (Lles Tai a Chymunedau) adroddiadi ddarparu gwybodaeth am effeithiau Diwygio’r Gyfundrefn Les, a’r argyfwng costau byw ar breswylwyr, a’r ystod o fesurau sy’n cael eu gweithredu i helpu’r sawl a effeithir arnynt er mwyn ceisio, pan fo’n bosibl, lliniaru’r effeithiau negyddol.

Argymhellodd y Cynghorydd Helen Brown argymhelliad ychwanegol, sef llythyr gan y Cadeirydd, ar ran y Pwyllgor, i’w anfon at y Gweinidog Gwaith a Phensiynau, yn gofyn bod ystyriaeth yn cael ei rhoi i dynnu’r dreth ystafell wely greulon, a fyddai’n tynnu pobl allan o’r argyfwng costau byw.

Yn dilyn cwestiwn am y lwfans tanwydd gaeaf, dywedodd y Rheolwr Gwasanaeth (Lles Tai a Chymunedau) y byddai’n anfon dolen i wefan y Cyngor yn dangos gwybodaeth a lleoliadau canolfannau clyd ledled y Sir i’r Pwyllgor, ar ôl y cyfarfod. 

PENDERFYNWYD:

(a)       Bod y Pwyllgor yn cefnogi’r gwaith parhaus i reoli’r effaith y mae diwygio’r gyfundrefn les a’r argyfwng costau byw yn eu cael, ac y byddant yn parhau i’w cael, ar rai o’r preswylwyr mwyaf diamddiffyn; a

(b)       Bod y Pwyllgor yn nodi'r mesurau cymorth a roddwyd ar waith drwy Lywodraeth Cymru a’r Cyngor i liniaru'r effeithiau

(c)       Bod y Cadeirydd, ar ran y Pwyllgor, yn ysgrifennu at y Gweinidog Gwaith a Phensiynau, yn gofyn bod ystyriaeth yn cael ei rhoi i dynnu’r dreth ystafell wely greulon, a fyddai’n tynnu pobl allan o’r argyfwng costau byw.

Pwrpas:        Ystyried yr Adroddiad Perfformiad Blynyddol 2023-24, gan nodi perfformiad diwedd blwyddyn Cynllun y Cyngor (2023-28) ar gyfer 2023-24.

Cyflwynodd y Rheolwr Tîm Perfformiad Busnes yr adroddiad sy’n nodi dadansoddiad o berfformiad y Cyngor yn erbyn Amcanion Lles, Blaenoriaethau, ac is flaenoriaethau ar ddiwedd blwyddyn ariannol 2023/24 Cynllun y Cyngor (2023-28).  Roedd Adroddiad Perfformiad Blynyddol yn darparu crynodeb o berfformiad hefyd, mewn perthynas â meysydd canolbwyntio eraill y Cyngor, h.y. Gweithgarwch Partneriaeth a Chydweithio, yn ogystal â’r Cynllun Cydraddoldeb Strategol.

PENDERFYNWYD:

Bod y Pwyllgor yn cefnogi Adroddiad Perfformiad Blynyddol 2023/24, wedi’i gyfuno ag adroddiad Perfformiad Diwedd Blwyddyn Cynllun y Cyngor 2023/24, gan nodi’r perfformiad a gyflawnwyd.

Pwrpas:        Rhoi diweddariad i’r Pwyllgor ar nifer cartrefi gwag a’r gwaith sy’n cael ei wneud i allu defnyddio’r cartrefi hyn eto.

Cyflwynodd y Rheolwr Gwasanaeth - Tai ac Asedau y ffigyrau allweddol a’r gweithgareddau allweddol yn ôl y Cynllun Gweithredu ar Unedau Gwag, fel yr amlinellir yn y nodyn briffio.

PENDERFYNWYD:

Nodi’r diweddariad.

None.