Rhaglen a chofnodion

Cymeradwywyd cofnodion y cyfarfod a gynhaliwyd ar 7 Chwefror, 6 Mawrth a 22 Ebrill fel cofnod cywir.

PENDERFYNWYD:

Cymeradwyo cofnodion y cyfarfodydd a gynhaliwyd ar 7 Chwefror (cofnodion), 6 Mawrth (cofnodion) a 22 Ebrill, 2024 (cofnodion) fel cofnod cywir.

Cyflwynodd yr Hwylusydd Trosolwg a Chraffu y Rhaglen Waith gyfredol i’w hystyried, a oedd yn cynnwys diweddariad ar gamau gweithredu oedd i’w cwblhau.

Cafodd yr argymhellion yn yr adroddiad eu cefnogi.

PENDERFYNWYD:

(a) Nodi’r Rhaglen Waith;

(b) Rhoi awdurdod i’r Hwylusydd, wrth ymgynghori â Chadeirydd y Pwyllgor, amrywio’r Rhaglen Waith rhwng cyfarfodydd, yn ôl yr angen; a

(c) Bod y Pwyllgor yn nodi’r cynnydd a wnaed ar y camau gweithredu oedd i’w cwblhau.

Cyflwynodd y Prif Swyddog (Tai a Chymunedau) adroddiadoedd yn cynnig ffioedd ar gyfer 2024/25.

Eglurwyd y byddai sylwadau’r Pwyllgor yn cael eu cyflwyno i’r Cabinet yn ei gyfarfod ar 18 Mehefin 2024.

Cafodd yr argymhellion yn yr adroddiad eu cefnogi.

PENDERFYNWYD:

Bod y Pwyllgor yn cefnogi’r newidiadau arfaethedig i’r ffioedd gwresogi cyfredol yn adeiladau'r Cyngor sydd â systemau gwresogi adeiladau cyffredin fel yr amlinellir yn yr adroddiad.

Cyflwynodd y Prif Swyddog (Tai a Chymunedau) adroddiadoedd yn rhoi trosolwg o adroddiad Archwilio Cymru “‘Gyda’n gilydd fe allwn ni’ – Cydnerthedd a hunanddibyniaeth cymunedol”, oedd yn trafod sut y gallai meithrin cydnerthedd a hunanddibyniaeth cymunedol helpu i leihau’r ddibyniaeth ar wasanaethau awdurdodau lleol yn y dyfodol, pe bai awdurdodau lleol yn newid o fod yn ‘ddarparwr uniongyrchol’ i fod yn ‘alluogwr’.

Eglurwyd y byddai sylwadau’r Pwyllgor yn cael eu cyflwyno i’r Cabinet yn ei gyfarfod ar 18 Mehefin 2024.

Cefnogwyd yr argymhellion yn yr adroddiad ynghyd â chynnig ychwanegol.

PENDERFYNWYD:

(a) Bod y Pwyllgor yn nodi canfyddiadau ac argymhellion adroddiad Archwilio Cymru “‘Gyda’n gilydd fe allwn ni’ – Cydnerthedd a hunanddibyniaeth cymunedol”;

(b) Bod y Pwyllgor yn nodi’r ymateb oedd yn cael ei argymell mewn perthynas ag argymhellion Archwilio Cymru; a

(c) Bod y Pwyllgor yn cydnabod gwaith nifer o sefydliadau gwirfoddol ac unigolion ar hyd a lled y Sir ac yn cyfleu hyn i’r Cabinet wrth ystyried yr adroddiad yn ei gyfarfod ar 18 Mehefin.

Cyflwynodd y Prif Swyddog (Tai a Chymunedau) a Rheolwr Strategol Tai a’r Rhaglen Gyflawni adroddiad i roi diweddariad ar gyflawni Cynllun Gweithredu’r Strategaeth Tai 2019–2024 gyda phwyslais penodol ar flwyddyn ariannol 2023/24.  

Ar gais y Cynghorydd Helen Brown, byddai nodyn briffio am y risgiau yn y dyfodol yn cael ei rannu ag Aelodau’r Pwyllgor cyn gweithdai’r Strategaeth Tai.

Cafodd yr argymhellion yn yr adroddiad eu cefnogi.

PENDERFYNWYD:

(a) Bod y Pwyllgor yn nodi’r cynnydd ar gyflawni Cynllun Gweithredu’r Strategaeth Tai 2019–2024; a

(b) Bod y Pwyllgor yn nodi’r newidiadau a amlinellwyd yn yr adroddiad i’r canlynol:

·         Alinio safonau a’r gyfradd ymyrryd ar gyfer caffaeliadau o dan y Grant Tai Cymdeithasol gyda’r rhai o’r Rhaglen Gyfalaf ar gyfer Llety Dros Dro (TACP).

·         Yr amserlen ddiweddaraf i adnewyddu’r Strategaeth Tai gyfredol.

Cyflwynodd y Rheolwr Gwasanaeth Asedau Tai’r ffigyrau a’r gweithgareddau allweddol wrth gyflawni’r cynllun gweithredu ar eiddo gwag, fel y nodwyd yn y nodyn briffio.

Yn dilyn sylwadau a wnaed gan y Cynghorydd Helen Brown yngl?n â gweithredoedd cadarnhaol gweithiwr tai, cytunwyd ar anfon llythyr diolch at y gweithiwr gan y Pwyllgor.

PENDERFYNWYD:

Nodi’r diweddariad.