Rhaglen a chofnodion

Pwrpas:        I dderbyn unrhyw ddatganiad o gysylltiad a chynghori’r Aelodau yn unol a hynny.

Datganodd y Cynghorydd Mel Buckley gysylltiad personol yn eitem rhif 7 ar y rhaglen (Y Wybodaeth Ddiweddaraf am Adolygu’r Strategaeth Newid Hinsawdd yn ymwneud ag ymgysylltu â'r gymuned) fel trefnydd Pride y Fflint.

Nododd y Cynghorydd Allan Marshall ei resymau dros symud y cynnig i ohirio’r cyfarfod ac eiliwyd hyn gan Y Cynghorydd Ron Davies.   O’i roi i bleidlais, cafodd y cynnig ei golli.

Pwrpas:        Cadarnhau cofnodion y cyfarfod a gynhaliwyd ar 26 Tachwedd 2024.

Rhoddodd y Cadeirydd eglurhad ar y penderfyniadau ar gyfer cofnod 27.

Er mwyn cywirdeb, cytunwyd y dylai cofnod 28 adlewyrchu na dderbyniwyd y Rhaglen Waith.

PENDERFYNWYD:

Yn amodol ar y diwygiad, bod cofnodion y cyfarfod a gynhaliwyd ar 26 Tachwedd 2024 yn cael eu cymeradwyo fel cofnod cywir.

Pwrpas:        Ystyried yr Adroddiad Olrhain Camau Gweithredu ar gyfer y Pwyllgor Newid Hinsawdd.

Derbyniodd yr Aelodau adroddiad (eitem rhif 4 ar y rhaglen) ar gynnydd gyda chamau gweithredu o gyfarfodydd blaenorol ynghyd â diweddariad ar lafar.

Mewn perthynas â nifer o gamau sydd heb eu cwblhau, cytunodd y Rheolwr Rhaglen Newid Hinsawdd a Lleihau Carbon i gysylltu â’r Rheolwr Gwasanaethau Democrataidd i ddiweddaru’r ddogfen ar gyfer y cyfarfod nesaf.

Ar y sail honno, cefnogwyd yr argymhelliad.

PENDERFYNWYD:

Bod y Pwyllgor yn nodi’r cynnydd sydd wedi’i wneud.

Pwrpas:        Hysbysu’r Pwyllgor ar ôl troed carbon y Cyngor ar gyfer 2023-24 yn dilyn cyflwyno data i Lywodraeth Cymru.

Cyflwynodd y Swyddog Prosiect Newid Hinsawdd adroddiad (eitem rhif 5 ar y rhaglen) ar ganlyniadau cyfrifiad ôl-troed carbon y Cyngor ar gyfer y cyfnod 1 Ebrill 2023 i 31 Mawrth 2024, yn cynnwys ystadegau cymharu.

Cytunodd y Swyddog Prosiect i fynd ar ôl ymatebion gan y Gwasanaethau Stryd i’r cwestiynau canlynol (i’w cynnwys yn yr adroddiad Olrhain Camau Gweithredu):

• Sut ydym yn gwybod os yw’r defnydd yn lleihau neu’n cynyddu os nad yw goleuadau stryd unigol yn cael eu mesur?
• A ddylai’r symudiad i LEDs ddangos gostyngiad mewn defnydd yn gyffredinol?
• A yw defnydd yn dal i gael ei godi i’r Cyngor ar sail biliau amcangyfrifedig ar ddefnydd o oleuadau sodiwm ac os felly, a ydyn nhw’n codi gormod arnom?

Cytunodd y Swyddog Prosiect i anfon e-bost at y Pwyllgor hefyd gydag ymateb i gwestiwn y Cadeirydd ar gyfran y gwariant SIC na ellir ei fapio sydd â dim gwerth o allyriadau yn dychwelyd. 

Ar y sail honno, cefnogwyd yr argymhelliad.

PENDERFYNWYD:

(a)     Bod y Pwyllgor yn nodi cynnwys yr adroddiad, a’r cynnydd a wnaed yn y flwyddyn ddiwethaf i wella prosesau casglu data mewn perthynas ag ôl-troed carbon y Cyngor; a

(b)     Bod ymatebion i’r cwestiynau a godwyd yn cael eu rhannu gyda’r Pwyllgor.

Pwrpas:        Hysbysu’r Pwyllgor ar sut mae prosiectau hinsawdd wedi cael eu hariannu hyd yn hyn, a’r dewisiadau ar gyfer ariannu prosiectau yn y dyfodol.

Cyflwynodd y Rheolwr Rhaglen Newid Hinsawdd a Lleihau Carbon adroddiad (eitem rhif 6 ar y rhaglen) ar ariannu prosiectau newid hinsawdd hyd yma a darparu dewisiadau posibl ar gyfer prosiectau’r dyfodol i helpu’r Cyngor i ddod yn Gyngor Di-Garbon Net erbyn 2030.

Mewn ymateb i sylwadau gan y Cynghorydd Allan Marshall ar incwm tariff cyflenwi trydan ym mharagraff 1.02 yr adroddiad, byddai’r swyddog yn cysylltu â’r tîm Ynni i gadarnhau manylion penodol data ar b?er a gynhyrchir gan araeau solar ffotofoltäig a chyfraddau talu.   Byddai hyn yn cael ei adlewyrchu yn yr adroddiad Olrhain Camau Gweithredu.

Cefnogwyd yr argymhelliad.

PENDERFYNWYD:

Bod y Pwyllgor yn nodi cynnwys yr adroddiad.

Pwrpas:        Diweddaru’r Pwyllgor ar y cynnydd presennol gyda’r adolygiad strategaeth newid hinsawdd, penawdau allweddol a negeseuon o ymgysylltiad mewnol ac allanol, a’r camau nesaf.

Cyflwynodd y Rheolwr Rhaglen Newid Hinsawdd a Lleihau Carbon yr adroddiad (eitem rhif 7 ar y rhaglen) ar gynnydd gydag amrywiaeth o weithgareddau o fewn yr adolygiad Strategaeth Newid Hinsawdd, ynghyd â phrif benawdau, negeseuon o ymgysylltiad allanol a mewnol.   Roedd y camau nesaf yn cynnwys gweithdy a awgrymwyd ym mis Chwefror i alluogi’r Pwyllgor i adolygu’r Strategaeth Ddrafft cyn ei hystyried yn ffurfiol ym mis Mawrth.

Cefnogwyd yr argymhelliad.

PENDERFYNWYD:

Bod y Pwyllgor yn nodi’r statws a’r cynnydd gydag adolygu’r strategaeth Newid Hinsawdd, themâu a negeseuon allweddol, newidiadau arfaethedig ac amserlenni ar gyfer y strategaeth ddrafft.

Pwrpas:        Darparu’r wybodaeth ddiweddaraf ar Ymchwiliadau Llifogydd a Phensiynau’r Pwyllgor a thrafod y camau nesaf.

Cadarnhaodd y Cadeirydd y byddai’r adroddiad drafft ar Ymchwiliad y Pwyllgor i lifogydd d?r wyneb yn cael ei gyflwyno i’r Cyngor Sir yn ddiweddarach yn y mis.

Ynghylch yr Ymchwiliad Pensiynau, nodwyd dyddiad dros dro o 21 Chwefror ar gyfer sesiynau tystiolaeth ar lafar.   Byddai’r Cadeirydd yn cadarnhau dros e-bost i’r Pwyllgor unwaith y bydd lleoliad wedi’i gytuno arno.

Pwrpas:        Cwblhau Rhaglen Waith y Pwyllgor Newid Hinsawdd.

Cyflwynodd y Cadeirydd y Rhaglen Waith bresennol i’w hystyried.

Cytunwyd y byddai’r eitemau canlynol yn cael eu cynnwys:

• Adroddiad ar nifer y Swyddogion ac Aelodau sy’n ymgymryd â hyfforddiant carbon yn unol â thargedau Cynllun y Cyngor.
• Sicrhau bod effeithiau carbon yn rhan o’r broses gwneud penderfyniadau trwy’r Asesiad o Effaith Integredig ac effeithiau carbon mewn cynigion gwariant cyfalaf - templed yr achos busnes cyfalaf.
• Effeithiolrwydd y pecyn gwaith Newid Hinsawdd a ddefnyddiwyd mewn ysgolion a chynghorau tref/cymuned.   Risgiau hinsawdd corfforaethol a chamau lliniaru.
• Hyrwyddo gwaith lleol gyda chyflenwyr ar Gaffael Datgarboneiddio.
• Risg hinsawdd rhanbarthol a gwaith addasu.
• Defnydd tir arfaethedig y Cyngor, ynni adnewyddadwy, gwella bioamrywiaeth a chysylltiadau â Chynllun Ynni’r Ardal Leol.   Astudiaeth ddichonoldeb ar gyfer cymeradwyaeth cynllunio i sicrhau bod bachau solar yn cael eu gosod ar adeiladau newydd priodol.
• Gweithdy’r Pwyllgor ym mis Chwefror i adolygu’r Strategaeth Newid Hinsawdd Drafft.

Cytunodd y Cadeirydd i gysylltu â Swyddogion i drefnu’r eitemau.

Ar y sail honno, cefnogwyd y Rhaglen Waith.

PENDERFYNWYD:

Bod y Rhaglen Waith yn cael ei derbyn gyda’r eitemau ychwanegol.

Dim.