Rhaglen a chofnodion

PENDERFYNWYD:

Cymeradwyo cofnodion y cyfarfod a gynhaliwyd ar 10 Ebrill 2024 yn gofnod cywir.

Cyflwynodd Rheolwr Gwasanaeth (Menter ac Adfywio) adroddiad i geisio sicrwydd ar ymateb y Cyngor i’r archwiliad a gynhaliwyd gan Archwilio Cymru.

Cefnogwyd yr argymhellion, gan nodi bod y Cabinet eisoes wedi derbyn yr adroddiad ac yn cydnabod cyfraniad y sector gwirfoddol i gymunedau Sir y Fflint.

PENDERFYNWYD:

(a) Bod y Pwyllgor yn nodi canfyddiadau ac argymhellion adroddiad Archwilio Cymru “Gyda’n Gilydd Fe Allwn Ni’ – Cydnerthedd a Hunanddibyniaeth Cymunedau”.

(b) bod y Pwyllgor yn nodi’r ymateb a argymhellir mewn perthynas ag argymhellion Archwilio Cymru ac yn cefnogi bod hyn yn cael ei adrodd i’r Pwyllgorau priodol ym mis Mehefin 2024; a

(c) Bod y Pwyllgor yn cydnabod gwaith yr amryw o sefydliadau gwirfoddol ac unigolion ar draws y Sir.

Cyflwynodd y Prif Swyddog (Llywodraethu) adroddiad i geisio sicrwydd ar ymateb y Cyngor i’r canfyddiadau yn yr archwiliad gan Archwilio Cymru.

Cefnogwyd yr argymhelliad yn yr adroddiad, yn amodol ar gais y rhoddir sylw penodol i weithredu’r camau gweithredu mewn perthynas ag Argymhellion Archwilio 3 a 4 pan fydd yr adroddiad yn cael ei ystyried gan Bwyllgor Trosolwg a Chraffu Adnoddau Corfforaethol.

PENDERFYNWYD:

Bod y Pwyllgor yn nodi’r cynllun gweithredu arfaethedig ac yn gofyn bod y Pwyllgor Trosolwg a Chraffu Adnoddau Corfforaethol yn talu sylw penodol i weithrediad camau gweithredu mewn perthynas ag Argymhellion Archwilio 3 a 4.

Cyflwynodd yr Ymgynghorydd Perfformiad Strategol adroddiadi geisio sicrwydd ar ymateb y Cyngor i’r canfyddiadau yn yr archwiliad gan Archwilio Cymru.

Mewn ymateb i’r sylwadau, eglurodd y Prif Swyddog y byddai carreg filltir gynharach i gymeradwyo’r Ymgynghoriad a’r Strategaeth Ymgysylltu yn cael ei gynnwys yn y cynllun gweithredu.

Oherwydd pryderon o ran cadernid y cynllun gweithredu a gwirio data, cytunwyd ar argymhelliad diwygiedig, hefyd yn adlewyrchu’r sylwadau a wnaed gan Bwyllgor Trosolwg a Chraffu Adnoddau Corfforaethol a anfonwyd ymlaen at y Cabinet.

PENDERFYNWYD:

Bod y Pwyllgor yn cefnogi’r cynllun gweithredu diwygiedig mewn perthynas â’r argymhellion gwella.

Cyflwynodd y Rheolwr Corfforaethol - Rhaglen Gyfalaf ac Asedau a’r Ymgynghorydd Perfformiad Strategol adroddiad i geisio sicrwydd ar ymateb y Cyngor i’r canfyddiadau yn yr archwiliad gan Archwilio Cymru.

Cefnogwyd yr argymhelliad.

PENDERFYNWYD:

Bod y Pwyllgor yn nodi’r cynnydd i ddiwallu’r argymhellion gan Archwilio Cymru yn “Asesiadau o’r Effaith ar Gydraddoldeb: Mwy nag ymarfer blwch ticio?”

Cyflwynodd y Prif Weithredwr adroddiad ar y gwaith archwilio a rheoleiddio a gwblhawyd gan Archwilio Cymru, ers yr adroddiad blynyddol diwethaf, a gyhoeddwyd ym mis Mawrth 2023.

Cefnogwyd yr argymhelliad.

PENDERFYNWYD:

Bod y Pwyllgor wedi’i sicrhau gan gynnwys a sylwadau Adroddiad Archwilio Cryno Blynyddol Archwilydd Cyffredinol Cymru ar gyfer 2023.

Cyflwynodd y Prif Archwilydd adroddiad ar y Siarter Archwilio Mewnol ddiwygiedig a oedd yn cynnwys mân addasiadau yn dilyn yr adolygiad yn ddiweddar.   Mae wedi cytuno i rannu sylwadau gyda’r Rheolwr Archwilio Mewnol o ran a ddylai’r Siarter adlewyrchu gwybodaeth ar y linell amddiffyn gyntaf a’r ail linell amddiffyn.

Cafodd yr argymhelliad yn yr adroddiad ei gefnogi.

PENDERFYNWYD:

Bod y Pwyllgor yn cymeradwyo’r Siarter Archwilio Mewnol ddiweddaraf.

Cyflwynodd y Prif Archwilydd adroddiad ar gynnydd y camau gweithredu o gyfarfodydd blaenorol y Pwyllgor.

Cafodd yr argymhelliad yn yr adroddiad ei gefnogi.

PENDERFYNWYD:

Bod y Pwyllgor yn derbyn yr adroddiad.

Cyflwynodd y Prif Archwilydd  y Rhaglen Waithgyfredol i’w hystyried.

Cefnogwyd yr argymhellion, yn amodol ar y ceisiadau canlynol:

• Bod adroddiadau ar gyfer cyfarfod mis Gorffennaf, yn cael eu rhannu cyn gynted â phosib’, yn enwedig adroddiad Gwerthuso Perfformiad AGC.
• Bod adroddiad Archwilio Cymru ar sefydlogrwydd ariannol yn cael ei drefnu’n briodol pan fydd ar gael.
• Y rhoddir ystyriaeth ar gyfer eitem yn y dyfodol ar fodel ‘y tair llinell amddiffyn’.

PENDERFYNWYD:

(a)Derbyn y Rhaglen Waith, fel y’i diwygiwyd; a

(b)Rhoi awdurdod i’r Rheolwr Archwilio Mewnol, Perfformiad a Risg, mewn ymgynghoriad â Chadeirydd ac Is-gadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen.