Rhaglen a chofnodion

Sylwadau gan y rhai a lofnododd y cais galw i mewn

Y Cynghorwyr: Alastair Ibbotson, Bill Crease, Marion Bateman, Carol Ellis, Helen Brown a Richard Jones yn amlinellu’r rhesymau ar gyfer y Galw i Mewn, gan egluro’r rhesymau wedi’u hamlinellu yn y Rhaglen.

Ymatebion gan y Penderfynwyr

Darparodd y Prif Swyddog (Gwasanaethau Stryd a Chludiant) a Rheolwr Gwasanaethau Rheoleiddio gyflwyniad manwl yn ymateb i’r pryderon wedi’u mynegi gan y llofnodwyr Galw i Mewn.

Ymatebodd Arweinydd y Cyngor a’r Dirprwy Arweinydd a’r Aelod Cabinet dros Wasanaethau Stryd a Chludiant i’r sylwadau a gafodd eu gwneud gan y llofnodwyr Galw i Mewn.

Gwahoddodd y Cadeirydd Aelodau’r Pwyllgor i ofyn cwestiynau i’r penderfynwyr a’r llofnodwyr Galw i Mewn.

Gwahoddodd y Cadeirydd y rhai a alwodd y penderfyniad i mewn i grynhoi.

Cafwyd crynodeb o’r penderfyniad gan y Cynghorwyr Alasdair Ibbotson a Richard Jones ar ran y llofnodwyr Galw i Mewn.

Cafwyd crynodeb o’r rhesymau dros y cynigion gan y Prif Swyddog (Gwasanaethau Stryd a Chludiant) gyda’r Aelod Cabinet dros Wasanaethau Stryd a Chludiant hefyd yn crynhoi ei gefnogaeth i benderfyniad y Cabinet.

Estynnodd y Cadeirydd wahoddiad i’r Rheolwr Gwasanaethau Democrataidd atgoffa’r Aelodau o’r dewisiadau ar gyfer gwneud penderfyniad fel y manylwyd yn eitem 3 ar y rhaglen.

Cynigodd y Cynghorydd Richard Lloyd Opsiwn 2 gyda’r Cynghorydd Simon Jones yn eilio’r cynnig.

Cynigodd y Cynghorydd Roy Wakelam Opsiwn 4, ac eiliwyd hyn gan y Cynghorydd David Coggins-Cogan.  Cafwyd eglurhad na fyddai’n bosib cyflawni’r ail gynnig cyn y bleidlais ar y cynnig cyntaf. 

Cafwyd pleidlais a chefnogwyd Opsiwn 2.

PENDERFYNWYD:

Ar ôl ystyried y penderfyniad nid oedd y Pwyllgor ‘bellach yn bryderus’ ar ôl derbyn yr eglurhad, ond eto ddim o blaid dynodi ei fod yn ‘fodlon gyda’r eglurhad’ ac felly roedd y Pwyllgor yn derbyn ond nid yn cymeradwyo’r penderfyniad.