Rhaglen a chofnodion

I dderbyn unrhyw ddatganiad o gysylltiad a chynghori’r Aelodau yn unol a hynny.

Datganodd y Cynghorydd Andrew Parkhurst gysylltiad personol ar gyfer eitem 6 ar y Rhaglen (Cynllun Busnes Theatr Clwyd) gan ei fod yn aelod o Theatr Clwyd.

Datganodd y Cynghorydd Carolyn Preece gysylltiad personol sy’n rhagfarnu yn eitem rhif 6 ar y rhaglen (Cynllun Busnes Theatr Clwyd) gan ei bod yn aelod o Theatr Clwyd ac roedd aelod o’i theulu yn astudio doethuriaeth yr oeddynt yn ei ariannu’n rhannol.

I gadarnhau, fel cofnod cywir gofnodion y cyfarfod ar 10 Mai, 2024.

Cyflwynwyd cofnodion y cyfarfod a gynhaliwyd ar 10 Mai 2024 i’w cymeradwyo.

Cyfeiriodd y Cynghorydd Andrew Parkhurst at argymhellion (e) ar y dudalen olaf, oedd yn nodi pa adroddiadau pellach fyddai’n dod yn ôl gerbron y Pwyllgor. Yna fe gyfeiriodd at erthygl ddiweddar yn y wasg mewn cysylltiad â chytundeb contract mewn egwyddor, a gofynnodd pam nad oedd gwybodaeth bellach wedi cael ei roi i’r Pwyllgor cyn i’r wybodaeth yma ddod yn gyhoeddus. Cytunodd yr Hwylusydd i siarad gyda swyddogion perthnasol ar ôl y cyfarfod i holi pryd fyddai adroddiad diweddaru yn cael ei roi i’r Pwyllgor.

Cafodd y cofnodion eu cymeradwyo.

PENDERFYNWYD:

Cymeradwyo cofnodion y cyfarfod a gynhaliwyd ar 10 Mai 2024 a bod y Cadeirydd yn eu llofnodi fel cofnod cywir.

I Ystyried y flaenraglen waith Pwyllgor Trosolwg a Chraffu Addysg, Ieuenctid a Diwylliant a rhoi gwybodaeth i’r Pwyllgor o’r cynnydd yn erbyn camau gweithredu o’r cyfarfod blaenorol.

Cyflwynodd yr Hwylusydd Trosolwg a Chraffu y Rhaglen Waith ac Adroddiad Olrhain Camau Gweithredu i’w hystyried a chroesawodd unrhyw gwestiynau gan Aelodau.

Cyfeiriodd y Cynghorydd Andrew Parkhurst at dudalen 19 o Adroddiad Olrhain Cam Gweithredu, eitem Trefniadau Cynllunio Rhag Argyfwng, a gofynnodd pam nad oedd cofnodion cyfarfod EMRT wedi cael eu darparu i’r Pwyllgor. Cytunodd yr Hwylusydd i ystyried hyn fel cam gweithredu o’r cyfarfod.

Cefnogwyd argymhellion yr adroddiad.

PENDERFYNWYD:

(a)       Nodi’r Rhaglen Waith;

(b)       Rhoi awdurdod i’r Hwylusydd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen; a

(c)       Nodi’r cynnydd a wnaed wrth gyflawni’r camau gweithredu oedd i’w cwblhau.

Diweddaru’r Pwyllgor ar gynnydd hyd yma, a chynllunio ar gyfer cyflwyno’r Cynllun Ysgolion Iach a’r Cynllun Lleoliadau Cyn Ysgol Iach a Chynaliadwy.

Cyflwynodd yr Ymgynghorydd Dysgu (Iechyd Lles a Diogelu) yr adroddiad a rhoddodd gefndir i Rwydwaith Cymru i Gynllun Lleoliadau Cyn Ysgol Iach a Chynaliadwy, sydd bellach yn cael ei gefnogi gan bob ysgol a 50 o leoliadau cyn ysgol. Roedd y cynllun hefyd yn cynnwys cysylltiadau gydag Addysg ac Iechyd oedd yn hyrwyddo ethos cwricwlwm ysgolion iach ar draws cymuned yr ysgol gyfan gyda chyfathrebu a phartneriaeth yn ganolog i’r cynllun.

Gofynnodd y Cadeirydd a oedd modd darparu enghreifftiau dienw o bryderon a fynegwyd gan staff ac i ble y cawsant eu cyfeirio a’u cefnogi. Cytunodd yr Ymgynghorydd Dysgu i rannu’r astudiaeth achos pan fyddai’r holl arolygon wedi cael eu derbyn a’u dadansoddi ar ôl y cynllun peilot. Gofynnodd y Cadeirydd a oedd modd cynnwys hyn ar y Rhaglen Waith unwaith y byddai’r casgliadau wedi cael eu dadansoddi.

Gofynnodd y Cadeirydd bod copi o’r Polisi D?r yn cael ei rannu gyda’r Pwyllgor ar ôl y cyfarfod. Cytunwyd i rannu hyn ar ôl y cyfarfod.

Gofynnodd y Cynghorydd Carolyn Preece a fyddai modd darparu gwybodaeth o ddigwyddiad Llais y Dysgwr, yn cynnwys pa adborth a ddarparwyd gan ddysgwyr ac a dderbyniodd NEWydd rai o’r awgrymiadau a wnaed. Fe awgrymodd yr Ymgynghorydd Dysgu bod yr adborth o ddigwyddiadau Llais y Dysgwr yn cael eu cynnwys yn adroddiad NEWydd. Roedd hynny’n golygu y gallai Steve Jones ymateb i’r rheswm pam fod awgrymiadau’n cael eu hystyried neu beidio. Fe awgrymwyd hefyd efallai y bydd Aelodau eisiau mynychu’r digwyddiad nesaf sydd wedi’i drefnu ar gyfer tymor yr hydref.

Cynigiodd y Cadeirydd fod trydydd argymhelliad yn cael ei gynnwys i ddweud “bod y Pwyllgor yn diolch yn ffurfiol i’r Ymgynghorydd Dysgu (Iechyd, Lles a Diogelu) am yr adroddiad a’r gwaith sy’n cael ei wneud gydag Ysgolion.” Cefnogwyd hyn gan y Pwyllgor.

Cafodd yr argymhellion gyda’r argymhelliad ychwanegol eu cefnogi.

PENDERFYNWYD:

(a)       Bod y Pwyllgor yn cael ei friffio mewn cysylltiad â’r gwelliannau sydd wedi’u cynllunio i raglen Ysgolion Iach yn 2023/24 a 2024/25.

(b)       Dylai Aelodau o’r Pwyllgor ddod i’w casgliadau a’u hargymhellion yn seiliedig ar yr wybodaeth yn yr adroddiad a’r drafodaeth yn y cyfarfod; a

(c)        Bod y Pwyllgor yn diolch yn ffurfiol i’r Ymgynghorydd Dysgu (Iechyd, Lles a Diogelu) am yr adroddiad a’r gwaith sy’n cael ei wneud gydag Ysgolion.

Gofynnodd y Cynghorydd Andrew Parkhurst am eglurhad yngl?n â pham fod hwn yn cael ei ystyried o dan gweithgareddau Rhan 2. Fe eglurwyd fod yna rywfaint o sensitifrwydd masnachol o ran y Prosiect Cyfalaf.

PENDERFYNWYD:

Gwahardd y wasg a’r cyhoedd o weddill y cyfarfod gan yr ystyrir bod yr eitem ganlynol wedi’i heithrio yn rhinwedd paragraff 14 Rhan 4 Atodlen 12A Deddf Llywodraeth Leol 1972 (fel y’i diwygiwyd).

Rhoi cyfle i Aelodau weld Cynllun Busnes terfynol Theatr Clwyd 2023-29, a chael diweddariad blynyddol ar gyflawniad yn erbyn y Cynllun.

Wrth gyflwyno’r adroddiad, eglurodd Cyfarwyddwr a Phrif Weithredwr Theatr Clwyd bod y Cynllun Busnes, Adroddiad Effaith a Chyfrifon Theatr Clwyd at fis Mawrth 2023 wedi’u cynnwys yn y dogfennau a gyflwynwyd heddiw.

Fe ymatebodd Rheolwr Corfforaethol (Eiddo ac Asedau Corfforaethol) a Chyfarwyddwr a Phrif Weithredwr Theatr Clwyd i gwestiynau a godwyd gan y Pwyllgor.

Cefnogwyd yr argymhelliad yn yr adroddiad.

PENDERFYNWYD:

Bod y Pwyllgor yn nodi cynnwys Cynllun Busnes Theatr Clwyd, y cyflawniadau fel y nodwyd yn yr Adroddiad Effaith, a’r sefyllfa ariannol fel y manylir yn y cyfrifon a ddarparwyd.

Dim.