Rhaglen a chofnodion

Lleoliad: Hybrid Meeting

Cyswllt: Janet Kelly 01352 702301  E-bost: janet.kelly@siryfflint.gov.uk

Media

Eitemau
Rhif eitem

30.

Datgan Cysylltiad (gan gynnwys Datganiadau Chwipio)

I dderbyn unrhyw ddatganiad o gysylltiad a chynghori’r Aelodau yn unol a hynny.

Dogfennau ychwanegol:

Cofnodion:

Ar gyfer eitem rhif 5 ar y rhaglen (Cyllideb 2024/25 – Cam 2), datganodd y Cadeirydd a Carolyn Preece gysylltiad personol fel llywodraethwyr ysgol. Cafodd cysylltiad personol ei ddatgan gan y Cynghorydd Fran Lister hefyd, gan fod ei phlant yn ddisgyblion yn un o ysgolion Sir y Fflint.

 

Dywedodd yr Hwylusydd nad oedd rhaid i Aelodau o’r Pwyllgor sy’n llywodraethwyr ysgol ddatgan cysylltiad personol yn y cyfarfod os oedd eu rôl fel llywodraethwr wedi’i chynnwys ar eu ffurflen cofrestr cysylltiadau.

31.

Cofnodion pdf icon PDF 97 KB

I gadarnhau, fel cofnod cywir gofnodion y cyfarfod ar 19Medi 2024.

Dogfennau ychwanegol:

Cofnodion:

Gofynnodd y Cynghorydd Gladys Healey i’w henw gael ei gynnwys yn y cofnodion, gan y bu hi’n bresennol.   Ar y sail honno, cymeradwywyd y cofnodion.

 

PENDERFYNWYD:

 

Yn amodol ar y diwygiad, bod cofnodion y cyfarfod a gynhaliwyd ar 9 Medi 2024 yn cael eu cymeradwyo fel cofnod cywir.

32.

Rhaglen Gwaith i'r Dyfodol a Olrhain Gweithred pdf icon PDF 82 KB

I Ystyried y flaenraglen waith Pwyllgor Trosolwg a Chraffu Addysg, Ieuenctid a Diwylliant a rhoi gwybodaeth i’r Pwyllgor o’r cynnydd yn erbyn camau gweithredu o’r cyfarfod blaenorol

Dogfennau ychwanegol:

Cofnodion:

Cyflwynodd yr Hwylusydd Trosolwg a Chraffu adroddiad (eitem rhif 4 ar y rhaglen) ar gyfer ystyried y Rhaglen Waith bresennol a’r cynnydd o ran Olrhain Camau Gweithredu.

 

Yn ogystal â’r awgrym i symud y Cynllun Ysgolion Iach i fis Gorffennaf 2025, cytunwyd hefyd i drefnu eitemau ar gyfer y dyfodol ar addysgu gartref a chludiant dewisol i’r ysgol.

 

Ar y sail honno, cefnogwyd yr argymhellion.

 

PENDERFYNWYD:

 

(a)       Nodi’r Rhaglen Waith;

 

(b)       Rhoi awdurdod i’r Hwylusydd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen; a

 

(c)       Nodi’r cynnydd a wnaed wrth gyflawni’r camau gweithredu oedd i’w cwblhau.

33.

Cyllideb 2024/25 - Cam 2 pdf icon PDF 122 KB

Adolygu a rhoi sylwadau ar bwysau ariannol dan gylch gwaith y Pwyllgor.

Dogfennau ychwanegol:

Cofnodion:

Cyflwynodd y Rheolwr Cyllid Corfforaethol a’r Prif Swyddog (Addysg ac Ieuenctid) adroddiad (eitem rhif 5 ar y rhaglen) er mwyn adolygu pwysau o ran costau a risgiau cysylltiedig ar gyfer y portffolio Addysg ac Ieuenctid a chyllidebau ysgolion, o dan gylch gwaith y Pwyllgor hwn.

 

Yn ystod y drafodaeth, codwyd y pwyntiau canlynol:

 

·         Hysbysu Llywodraeth Cymru (LlC) o effaith y toriadau i gyllid ar gyfer ysgolion a cheisio ystyried newid rhai ffrydiau cyllid grant yn gyllid statudol;

·         Bod penderfyniadau gan Lywodraeth Cymru (LlC) yn cael eu hariannu’n llawn.

·         Gwneud y mwyaf o gyfleoedd i ddatblygu sgiliau llythrennedd disgyblion ag anghenion dysgu ychwanegol.

·         Pwysigrwydd cynnal cyllid grant ar gyfer darpariaeth arbenigol i gefnogi disgyblion ag anghenion meddygol.

·         Cymorth i gynnal y pwysau o ran costau ar gyfer darparu prydau ysgol am ddim i unigolion cymwys yn ystod y gwyliau ac awgrymu bod modelau/ cyfleoedd amgen yn cael eu harchwilio gyda sefydliadau allanol a grwpiau gwirfoddol, er mwyn dod o hyd i ddatrysiadau i drechu tlodi plant yn ystod gwyliau’r ysgol.

 

Mewn ymateb i gwestiwn, cytunodd yr Hwylusydd i ganfod pa Bwyllgor fyddai’n derbyn manylion am bwysau ychwanegol o ran costau ar gyfer llyfrgelloedd a hamdden, unwaith y byddai’r cyfnod trosglwyddo wedi dod i ben. Yn ogystal, cadarnhaodd y byddai’r sylwadau a wnaed gan y Pwyllgor yn cael eu hadrodd yn ôl i’r Cabinet.

 

Cefnogwyd yr argymhellion a ddiwygiwyd i adlewyrchu’r drafodaeth.

 

PENDERFYNWYD:

 

(a)       Bod y Pwyllgor yn cydnabod pwysau o ran costau y portffolio Addysg ac Ieuenctid, fel yr amlinellir yn yr adroddiad, ac yn cadarnhau y dylid dwyn ymlaen y pwysau o ran costau fel rhan o gyllideb 2025/26;

 

(b)       Bod y Pwyllgor yn cydnabod y pwysau o ran costau i Ysgolion, fel yr amlinellir yn yr adroddiad, ac yn cadarnhau y dylid dwyn ymlaen y pwysau o ran costau fel rhan o gyllideb 2025/26;

 

(c)        Ysgrifennu llythyr at Lywodraeth Cymru i amlinellu pryder y Pwyllgor ynghylch yr her i’r Gwasanaethau Addysg ac Ieuenctid mewn perthynas â’r ansicrwydd o ran ffrydiau cyllido Grant a gofyn i ystyriaeth gael ei rhoi i newid y ffrydiau cyllido grant hynny yn gyllid statudol yn y dyfodol; ac

 

(d)       Ysgrifennu llythyr at Lywodraeth Cymru yn gofyn am gyllid ychwanegol ar gyfer plant sy’n cael eu haddysgu gartref oherwydd anghenion dysgu ychwanegol, yn sgil cyflwr meddygol.

34.

Adroddiad Hunanwerthuso Gwasanaethau Addysg 2023-24 pdf icon PDF 141 KB

Rhoi’r wybodaeth ddiweddaraf i Aelodau ar berfformiad y gwasanaeth yn gyffredinol gan gynnwys Canlyniadau Dysgwyr.

Dogfennau ychwanegol:

Cofnodion:

Cyflwynodd y Prif Swyddog (Addysg ac Ieuenctid) adroddiad (eitem rhif 6 ar y rhaglen) ynghylch canlyniad yr hunanwerthusiad blynyddol o berfformiad a gwasanaethau o fewn y portffolio Addysg ac Ieuenctid, er mwyn darparu sicrwydd o ran ansawdd y gwasanaethau addysg yn Sir y Fflint.

 

Manteisiodd y Prif Swyddog ar y cyfle i ddiolch i’w Huwch Dîm Rheoli am eu cyfraniadau gwerthfawr i’r adroddiad. Yn ogystal, mynegodd y Cynghorydd Mared Eastwood ei diolch i’r Prif Swyddog a’i thîm. Yr un oedd y neges gan Aelodau’r Pwyllgor.

 

Cefnogwyd yr argymhellion a ddiwygiwyd i adlewyrchu’r drafodaeth.

 

PENDERFYNWYD:

 

(a)       Bod y Pwyllgor yn nodi canlyniad adroddiad hunanwerthuso blynyddol y Portffolio Addysg ar ansawdd gwasanaethau addysg ar gyfer y cyfnod 2023-2024; ac

 

(b)       Ysgrifennu llythyr at y Prif Swyddog (Addysg ac Ieuenctid) i’w rannu â’i thîm, er mwyn diolch iddynt am y canfyddiadau cadarnhaol o ran Adroddiad Hunanwerthuso’r Gwasanaethau Addysg 2023-24.

35.

Cynllun Gweithredu Cymru Wrth-hiliol pdf icon PDF 144 KB

Rhoi diweddariad ar sut mae’r Cyngor yn bodloni gofynion Cynllun Gweithredu Cymru Wrth-hiliol Llywodraeth Cymru, yn unol â datblygiad y Cwricwlwm newydd i Gymru.

 

Dogfennau ychwanegol:

Cofnodion:

Cyflwynodd yr Ymgynghorydd Dysgu (Iechyd, Lles a Diogelu) adroddiad (eitem rhif 7 ar y rhaglen) ynghylch y cynnydd o ran bodloni gofynion y Cynllun Gweithredu Cymru Wrth-hiliol, yn unol â datblygiad y Cwricwlwm newydd i Gymru.

 

Cefnogwyd yr argymhelliad.

 

PENDERFYNWYD:

 

Bod y Pwyllgor yn cadarnhau ei fod wedi derbyn lefel briodol o sicrwydd ynghylch y cynnydd a wnaed o ran nodau’r Cynllun Gweithredu Cymru Wrth-hiliol ar gyfer Addysg a’r Gymraeg.

36.

Cynllun Chwarae Haf Sir y Fflint 2024 pdf icon PDF 132 KB

Darparu adborth ar Gynllun Chwarae Haf Sir y Fflint 2024.

Dogfennau ychwanegol:

Cofnodion:

Cyflwynodd y Swyddog Arweiniol Datblygu Chwarae adroddiad (eitem rhif 8 ar y rhaglen) ynghylch Cynllun Chwarae Haf Sir y Fflint 2024, a oedd yn tynnu sylw at gyflawniadau sylweddol, mentrau cyfredol a risgiau posibl, er mwyn sicrhau bod budd-ddeiliaid yn deall gwerth y rhaglenni hyn a phwysigrwydd eu cefnogaeth barhaus i’w llwyddiant. Bu iddo hefyd awgrymu cael sesiwn briffio Aelodau ar yr Asesiad Cyfleoedd Chwarae Digonol.

 

Cefnogwyd yr argymhellion yn yr adroddiad.

 

PENDERFYNWYD:

 

(a)       Bod y Pwyllgor yn cefnogi Darpariaethau Chwarae yn y Gymuned drwy gydol y Flwyddyn, er mwyn parhau i gynnig cyfleoedd chwarae diogel, dan oruchwyliaeth i blant yn eu cymunedau, yn enwedig mewn ardaloedd sy’n cael eu heffeithio gan galedi;

 

(b)       Bod y Pwyllgor yn cymeradwyo’r Rhaglen PlayPals: er mwyn hyrwyddo’r gwaith o gyflwyno menter PlayPals i Ysgolion, sef rhaglen 6 wythnos o hyd sydd wedi’i llunio er mwyn awdurdodi plant gyda gwybodaeth am eu hawliau i chwarae a’u hannog i ddod yn llysgenhadon chwarae yn eu hysgolion a’u cymunedau; a

 

(c)       Bod y Pwyllgor yn cefnogi’r Asesiad Cyfleoedd Chwarae Digonol: er mwyn mynd ati i hyrwyddo cyfleoedd chwarae i blant yn Sir y Fflint, drwy gefnogi’r Cynllun Gweithredu Cyfleoedd Chwarae Digonol. Mae hyn yn cynnwys cymryd rhan mewn ymdrechion eiriolaeth, mynychu cyfarfodydd perthnasol a chymryd rhan mewn digwyddiadau lleol. Trwy hynny, cyfrannu at y gwaith o ddatblygu Cynllun Cyfleoedd Chwarae Digonol cadarn ar gyfer 2025-2028, gan sicrhau bod chwarae yn parhau’n flaenoriaeth yn y gymuned.

37.

Rhaglen Bwyd a Hwyl 2024 pdf icon PDF 134 KB

Darparu trosolwg o ddarpariaeth Rhaglen Bwyd a Hwyl 2024.

 

Dogfennau ychwanegol:

Cofnodion:

Cyflwynodd yr Ymgynghorydd Dysgu (Iechyd, Lles a Diogelu) adroddiad (eitem rhif 9 ar y rhaglen) ynghylch cyflwyno’r Rhaglen Bwyd a Hwyl i ddeg ysgol yn ystod Haf 2024.

 

Diolchodd y Cadeirydd i’r swyddogion a phawb oedd yn gysylltiedig â’r rhaglen am eu cyflawniadau.

 

Cefnogwyd yr argymhelliad.

 

PENDERFYNWYD:

 

Bod y Pwyllgor yn cydnabod effaith gadarnhaol y Rhaglen Bwyd a Hwyl ar ddysgwyr yn ysgolion Sir y Fflint a’u teuluoedd.

38.

Aelodau'r wasg a'r cyhoedd yn y cyfarfod

Dogfennau ychwanegol:

Cofnodion:

Dim.