Rhaglen a chofnodion

Nodi bod y Cyngor, yn y Cyfarfod Blynyddol, wedi penderfynu y dylid penodi’r Cynghorydd Rob Davies yn Gadeirydd y Pwyllgor.

PENDERFYNWYD:

Nodi bod y Cyngor, yn y Cyfarfod Blynyddol, wedi penderfynu penodi’r Cynghorydd Rob Davies fel Cadeirydd y Pwyllgor.

Penodi Is-Gadeirydd ar gyfer y Pwyllgor.

Ceisiodd y Cadeirydd enwebiadau ar gyfer swydd yr Is-gadeirydd.

Derbyniwyd dau enwebiad ar gyfer y Cynghorwyr Ian Hodge a Steve Copple.  Yn dilyn pleidlais, penodwyd y Cynghorydd Ian Hodge fel Is-gadeirydd.

PENDERFYNWYD:

Penodi’r Cynghorydd Ian Hodge yn Is-gadeirydd y Pwyllgor.

I dderbyn unrhyw ddatganiad o gysylltiad a chynghori’r Aelodau yn unol a hynny.

Ni chafwyd unrhyw ddatganiadau.

I gadarnhau, fel cofnod cywir gofnodion y cyfarfod ar 20 Mawrth 2024.

Cyflwynwyd cofnodion y cyfarfod a gynhaliwyd ar 20 Mawrth 2024 i’w cymeradwyo.

PENDERFYNWYD:

Cymeradwyo cofnodion cyfarfod 20 Mawrth 2024 fel cofnod cywir.

Cytuno ar eitemau o fusnesau i gael eu trafod mewn cyfarfodydd yn y dyfodol.

Cyflwynodd y Rheolwr Gwasanaethau Democrataidd y Rhaglen Waith i’w hystyried a chroesawyd unrhyw gwestiynau gan yr Aelodau.

Mewn ymateb i gais i gynnwys eitem mewn perthynas â hyd cyfarfodydd a’r amser a ganiateir i Aelodau siarad, cytunodd y Rheolwr Gwasanaethau Democrataidd i gymryd hyn fel cam gweithredu.

Mewn ymateb i’r cais ar gyfer gosod dyfais amseru yn Ystafell Bwyllgor Delyn, cytunodd y Rheolwr Gwasanaethau Democrataidd i ymchwilio i hyn ac adrodd yn ôl i’r Pwyllgor.

Cefnogwyd argymhellion yr adroddiad.

PENDERFYNWYD:

(a)     Cymeradwyo’r Rhaglen Gwaith; a

(b)     Rhoi awdurdod i’r Rheolwr Gwasanaethau Democrataidd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen.

Rhoi’r wybodaeth ddiweddaraf i’r Pwyllgor am y newidiadau i fformat cofnodion y Pwyllgor a’r effaith ar y trefniadau cynnal ar gyfer cyfarfodydd.

Wrth gyflwyno’r adroddiad, darparodd y Rheolwr Gwasanaethau Democrataidd rywfaint o wybodaeth gefndirol i’r rheswm dros gynnig y newidiadau a chyfeiriwyd Aelodau at yr atodiadau, a oedd yn enghreifftiau o’r fformat a ddefnyddiwyd.  Roedd y fformat hwn wedi cael ei ddefnyddio ar gyfer nifer o Bwyllgorau Trosolwg a Chraffu ac wedi’i dderbyn.   Eglurwyd wrth i ragor o gyfarfodydd gael eu cynnal ar ffurf hybrid, roedd hyn yn rhoi pwysau ychwanegol ar yr adnoddau o fewn y tîm.

Mewn ymateb i gwestiwn gan y Cynghorydd Paul Johnson, cadarnhaodd y Rheolwr Gwasanaethau Democrataidd y gellid cynnwys llinell ychwanegol i nodi’r deiliad portffolio - Aelod Cabinet.  Gofynnodd y Cynghorydd Johnson hefyd a ddylid gwahanu’r Datganiadau Cysylltiad a’r Datganiadau Chwipio i ddwy linell. 

Cefnogwyd argymhellion yr adroddiad.

PENDERFYNWYD:

(a)     Bod y Pwyllgor yn derbyn y newid i fformat y cofnodion yn unol â’r templed a oedd ynghlwm fel Atodiad 1; ac

(b)     Yn dilyn gweithredu’r newid i fformat y cofnodion, darparu pob un o gyfarfodydd y Cyngor a Phwyllgorau ar ffurf ‘hybrid’.

Dim.