Rhaglen a chofnodion

Dim.

Rhoddodd y Cadeirydd gyfle i Aelodau ddarllen y sylwadau hwyr a oedd wedi eu dosbarthu cyn y cyfarfod ac a oedd wedi eu hatodi i’r eitem yn y rhaglen ar wefan y Cyngor:

https://committeemeetings.flintshire.gov.uk/ieListDocuments.aspx?CId=490&MId=5496&LLL=0

I gadarnhau, fel cofnod cywir gofnodion y cyfarfod ar 27 Medi 2023.

Cadarnhawyd bod cofnodion y cyfarfod a gynhaliwyd ar 27 Medi 2023 yn gofnod cywir, ar ôl i’r Cynghorwyr Bernie Attridge a Chris Bithell eu cynnig a’u heilio.

PENDERFYNWYD:

Cymeradwyo’r cofnodion fel cofnod cywir.

Ni argymhellwyd gohirio dim un o’r eitemau.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

Cofnodi’r penderfyniadau fel maent ar y rhestr o Geisiadau Cynllunio sydd wedi’i chynnwys fel atodiad.

Yn unol ag argymhelliad y swyddog, rhoi caniatâd cynllunio yn ddibynnol ar Rwymedigaeth Adran 106 a’r amodau a restrir yn yr adroddiad gydag amod ychwanegol fel a ganlyn:

Amod 21

Cyn eu gosod, dylid cyflwyno manylion llawn goleuadau a derbyn cytundeb ysgrifenedig gan yr Awdurdod Cynllunio Lleol. Fe ddylai’r Cynllun Goleuadau gynnwys:  Manylion lleoliad a’r mathau o oleuadau a ddefnyddir Manylion y tafliad golau mewnol Cynlluniau’n amlinellu’r tafliad golau ar hyd Afon Cegidog Manylion y goleuadau a ddefnyddir yn ystod y gwaith adeiladu a gweithredu Mesurau i fonitro tafliad golau unwaith y bydd y datblygiad yn weithredol Dylid gosod a chadw’r goleuadau fel y cawsant eu cymeradwyo.

Yn unol ag argymhelliad y swyddog, rhoi caniatâd cynllunio yn ddibynnol ar yr amodau a restrir yn yr adroddiad a’i ddiwygio fel a ganlyn:

Amod 8 i nodi:

Cyn datblygu, bydd cynlluniau cychwynnol yn dangos lefelau topograffeg ac adrannau hydredol y safle, yn ogystal â manylion unrhyw strwythurau sydd eu hangen, yn cael eu cyflwyno i’r Awdurdod Cynllunio Lleol i’w cymeradwyo. 

Ar ôl eu cymeradwyo, bydd yn rhaid i'r datblygiad gael ei wneud yn unol â'r manylion a gymeradwyir.

Amod 9 i nodi:

Er gwaethaf y manylion a gymeradwyir drwy hyn, bydd cynllun goleuadau allanol yn cael ei gyflwyno i’r Awdurdod Cynllunio Lleol i’w gymeradwyo’n ysgrifenedig cyn y bydd unrhyw un yn meddiannu’r anheddau.  Ar ôl derbyn cymeradwyaeth ysgrifenedig, bydd yn rhaid i unrhyw oleuadau allanol gydymffurfio â’r manylion cymeradwy.

Gwrthod rhoi caniatâd cynllunio, yn groes i argymhelliad y swyddog, am y rhesymau canlynol:

·           Effaith ar yr amgylchedd yn sgil colli coed.

·           Effaith ar amwynder yn sgil preswylwyr newydd yn bacio i’r maes parcio.

·           Effaith ar hyfywedd y dafarn.

·           Cerbydau’n parcio ar y briffordd gyfagos yn sgil diffyg llefydd parcio.

Roedd saith aelod o’r cyhoedd yn bresennol ar ddechrau’r cyfarfod.