Rhaglen a chofnodion

Enwebodd y Cadeirydd y Cynghorydd Mike Peers yn Is-gadeirydd y Pwyllgor ac eiliwyd hyn gan y Cynghorydd Hilary McGuill.  Ni chafwyd enwebiadau eraill.

PENDERFYNWYD:

Penodi’r Cynghorydd Mike Peers yn Is-gadeirydd y Pwyllgor.

Datganodd pob Aelod o’r Pwyllgor oedd yn bresennol gysylltiad personol yn eitem rhif 7.2 (FUL/000034/22) ar y rhaglen gan fod y gwrthwynebwyr wedi cysylltu â nhw.

Rhoddodd y Cadeirydd gyfle i Aelodau ddarllen y sylwadau hwyr a oedd wedi eu dosbarthu cyn y cyfarfod ac a oedd wedi eu hatodi i’r eitem yn y rhaglen ar wefan y Cyngor:

https://committeemeetings.flintshire.gov.uk/ieListDocuments.aspx?CId=490&MId=5287&LLL=0

Pwrpas:        I gadarnhau, fel cofnod cywir gofnodion y cyfarfod ar 26 Ebrill 2023.

Cadarnhawyd bod cofnodion y cyfarfod a gynhaliwyd ar 26 Ebrill 2023 yn gofnod cywir, ar ôl i’r Cynghorwyr Chris Bithell a Bernie Attridge eu cynnig a’u heilio.

PENDERFYNWYD:

Cymeradwyo’r cofnodion fel cofnod cywir.

Dywedodd y Prif Swyddog (Cynllunio, yr Amgylchedd a'r Economi) nad oedd unrhyw eitemau wedi eu hargymell i’w gohirio.

Pwrpas:        Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau fel maent ar y rhestr o Geisiadau Cynllunio sydd wedi’i chynnwys fel atodiad.

Rhoi caniatâd cynllunio yn ddibynnol ar Rwymedigaeth Adran 106 a’r amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio yn ddibynnol ar Rwymedigaeth Adran 106 a’r amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio yn ddibynnol ar Rwymedigaeth Adran 106/Ymgymeriad Unochrog (fel y’i diwygiwyd isod) a’r amodau a nodir yn yr adroddiad yn unol ag argymhelliad y swyddog.

Paragraff 2.01(b) i gael ei ddiwygio i ddarllen: ‘Taliad o £35,200 pan fydd 25% anheddau arfaethedig wedi’u meddiannu tuag at ddarpariaeth a gwella cyfleusterau hamdden yn yr ardal chwarae bresennol ym Maes Pennant.’

Rhoi caniatâd cynllunio yn ddibynnol ar yr amodau (fel y’i diwygiwyd isod) a Chytundeb Adran 106 diwygiedig fel y nodir yn yr adroddiad, yn unol ag argymhelliad y swyddog.

Amod 4 i nodi: ‘Cyfyngu ar y math o ddeunydd i gael ei gloddio a phrosesu i fod yn dywod a gro o Faes Mynnan a Fron Haul yn unig.;

Amod ychwanegol 60: ‘Cyfleusterau ar gyfer llwytho, dadlwytho, parcio a throi cerbydau i gael eu darparu ar y safle.’

Rhoi caniatâd cynllunio yn ddibynnol ar yr amodau a restrir yn yr adroddiad yn unol ag argymhelliad y swyddog.  Amod ychwanegol i fynd i’r afael ag uchder a gwaith cynnal a chadw’r gwrych mewn ymgynghoriad gyda’r ddau barti a’r Aelod Lleol.

Roedd wyth aelod o’r cyhoedd yn bresennol ar ddechrau’r cyfarfod.