Rhaglen a chofnodion

Datganodd y Cadeirydd gysylltiad personol gydag eitem rhif 6.1 ar y rhaglen (FUL/000077/22), gan fod wedi cael cyswllt, ar fwy na dri achlysur, gydag aelodau o’r cyhoedd a’r ymgeisydd, ond heb ymateb i’r negeseuon.

Dywedodd y Cyfreithiwr wrth y Pwyllgor bod y rheoliadau ar ddatgan cysylltiad wedi newid i adlewyrchu’r ‘cyswllt sylweddol’ ar geisiadau cynllunio mewn perthynas ag Aelod yn derbyn gohebiaeth pedwar neu ragor o weithiau gan yr ymgeisydd, neu’r gwrthwynebydd, ar lafar, neu’n ysgrifenedig.

Rhoddodd y Cadeirydd gyfle i Aelodau ddarllen y sylwadau hwyr a oedd wedi eu dosbarthu cyn y cyfarfod ac a oedd wedi eu hatodi i’r eitem yn y rhaglen ar wefan y Cyngor:

https://committeemeetings.flintshire.gov.uk/ieListDocuments.aspx?CId=490&MId=5494&LLL=0

Pwrpas:        I gadarnhau, fel cofnod cywir gofnodion y cyfarfod ar 19 Gorffennaf 2023.

Cadarnhawyd bod cofnodion y cyfarfod a gynhaliwyd ar 19 Gorffennaf 2023 yn gofnod cywir, ar ôl i’r Cynghorwyr Mike Peters a Richard Jones.

PENDERFYNWYD:

Cymeradwyo’r cofnodion fel cofnod cywir.

Cynghorodd y Prif Swyddog (Cynllunio, yr Amgylchedd a’r Economi) bod eitemau rhif 6.3 a 6.4 ar y rhaglen yn cael eu hargymell i’w gohirio oherwydd problemau ar yr ymweliad safle, ac i ddatrys materion technegol ar lefelau safle arfaethedig a threfniadau mynediad ar gyfer parcio.  Cafodd yr argymhelliad ei gynnig a’i eilio gan y Cynghorwyr Chris Bithell a Mike Peers.

PENDERFYNWYD:

Bod eitemau rhif 6.3 a 6.4 ar y rhaglen (FUL/000621/23 a CONS/000790/22) yn cael eu gohirio i ddatrys materion mynediad a thechnegol, ac i alluogi ymweliad safle pellach, ac adroddiad diwygiedig ar gyfer dyddiad yn y dyfodol.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau fel maent ar y rhestr o Geisiadau Cynllunio sydd wedi’i chynnwys fel atodiad.

Rhoi caniatâd cynllunio yn ddibynnol ar Rwymedigaeth Adran 106 a’r amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio yn ddibynnol ar yr amodau a restrir yn yr adroddiad yn unol ag argymhelliad y swyddog.

Bod y cais yn cael ei ohirio i ddatrys materion mynediad a thechnegol, ac i alluogi ymweliad safle pellach, ac adroddiad diwygiedig ar gyfer dyddiad yn y dyfodol.

Bod y cais yn cael ei ohirio i ddatrys materion mynediad a thechnegol, ac i alluogi ymweliad safle pellach, ac adroddiad diwygiedig ar gyfer dyddiad yn y dyfodol.

Bod y cais yn cael ei gyfeirio’n ôl i Benderfyniadau Cynllunio ac Amgylchedd Cymru i nodi nad yw’r Pwyllgor yn cefnogi’r argymhelliad i roi caniatâd cynllunio am y rhesymau canlynol:

·         Nid yw manteision economaidd, cymdeithasol ac amgylcheddol yn gorbwyso’r niwed amgylcheddol a’r problemau o ran iechyd y cyhoedd.

·         Nid oes modd cyfiawnhau’r cais yn y lleoliad hwn.

·         Effaith gronnus hyn, a’r datblygiad arfaethedig arall.

·         O ganlyniad, nid yw’r cais yn cefnogi amcanion Deddf Llesiant Cenedlaethau’r Dyfodol (Cymru) 2015.

Roedd naw aelod o’r cyhoedd yn bresennol ar ddechrau’r cyfarfod.