Rhaglen a chofnodion

Datganodd y Cynghorydd Bernie Attridge gysylltiad personol yn eitem 6.2 ar y rhaglen (063810) gan fod gwrthwynebwyr wedi cysylltu ag o ar fwy na phedwar achlysur.

Rhoddodd y Cadeirydd gyfle i’r Aelodau ddarllen y sylwadau hwyr a oedd wedi’u dosbarthu cyn y cyfarfod a’u hatodi i’r eitem ar y rhaglen ar wefan y Cyngor:

https://cyfarfodyddpwyllgor.siryfflint.gov.uk/ieListDocuments.aspx?CId=490&MId=5282&LLL=1

I gadarnhau, fel cofnod cywir gofnodion y cyfarfod ar 11 Ionawr 2023.

Cadarnhawyd bod cofnodion y cyfarfod a gynhaliwyd ar 11 Ionawr 2023 yn gofnod cywir, ar ôl i’r Cynghorwyr Bernie Attridge a Mike Peers eu cynnig a’u heilio.

PENDERFYNWYD: 

Derbyn y cofnodion fel cofnod cywir a phriodol.

Dywedodd y Prif Swyddog (Cynllunio, yr Amgylchedd a'r Economi) nad oedd swyddogion wedi argymell gohirio unrhyw rai o’r eitemau ar y rhaglen.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

Dywedodd y Cyfreithiwr wrth y Pwyllgor fod yr adroddiadau ar y rhaglen yn cyfeirio at bolisïau’r Cynllun Datblygu Unedol a’r Cynllun Datblygu Lleol, gan eu bod wedi’u paratoi cyn i’r Cyngor fabwysiadau’r Cynllun Datblygu Lleol (CDLl) yn ffurfiol ar 24 Ionawr 2023.  Dywedodd gan fod y CDLl bellach yn brif ddogfen strategaeth a pholisi y dylai’r Cyngor wneud penderfyniadau ar geisiadau cynllunio ac apeliadau yn ei herbyn, rhaid i Aelodau ystyried polisïau’r CDLl ac ystyriaethau materol eraill wrth benderfynu ar y materion a gyflwynir.  Mae’r safbwynt diwygiedig ar bolisïau CDLl perthnasol wedi cael ei adlewyrchu yn y sylwadau hwyr a ddosbarthwyd cyn y cyfarfod.

PENDERFYNWYD:

Cofnodi’r penderfyniadau fel y dangosir ar amserlen y Ceisiadau Cynllunio sydd wedi’i chynnwys fel atodiad.

Cefnogi’r cais cynllunio yn ddibynnol ar yr amodau a restrir yn yr adroddiad yn unol ag argymhelliad y swyddog.

Gohirio’r cais er mwyn aros am ganlyniad yr apêl bresennol a gyflwynwyd trwy Benderfyniadau Amgylchedd Cynllunio Cymru (PEDW) ar gyfer datblygiad cabanau gwyliau o fewn y parc gwledig (a gyflwynwyd o dan 063500) oherwydd ystyrir fod y ceisiadau wedi’u cysylltu’n benodol.

Cefnogi’r cais yn ddibynnol ar yr amodau a restrir yn yr adroddiad yn unol ag argymhelliad y swyddog.

Roedd dau aelod o’r cyhoedd yn bresennol ar ddechrau’r cyfarfod.