Rhaglen a chofnodion

Cynigiodd y Cynghorydd Christine Jones y Cynghorydd Richard Lloyd fel Is-Gadeirydd y Pwyllgor ac eiliwyd hyn gan y Cynghorydd Chris Bithell. Ni chyflwynwyd unrhyw enwebiadau eraill.

PENDERFYNWYD:

Penodi'r Cynghorydd Richard Lloyd fel Is-Gadeirydd y Pwyllgor.

Yn dilyn cyngor gan Reolwr y Gwasanaethau Cyfreithiol, datganodd y Cynghorydd Paul Johnson gysylltiad personol sy’n rhagfarnu ag eitem 7.3 (062912) y rhaglen.

Rhoddodd y Cadeirydd gyfle i’r Aelodau i ddarllen y sylwadau hwyr a oedd wedi eu dosbarthu cyn y cyfarfod ac wedi eu hatodi i’r rhaglen ar wefan Cyngor Sir Y Fflint: 

https://cyfarfodyddpwyllgor.siryfflint.gov.uk/ieListDocuments.aspx?CId=490&MId=4859&Ver=4&LLL=1

I gadarnhau, fel cofnod cywir gofnodion y cyfarfod ar 31 Mawrth 2021.

Cadarnhawyd cofnodion y cyfarfod a gynhaliwyd ar 31 Mawrth 2021 fel cofnod cywir, fel y cynigwyd ac eiliwyd gan y Cynghorwyr Chris Bithell a Richard Lloyd.

PENDERFYNWYD:

Derbyn y cofnodion fel cofnod cywir a phriodol.

Awgrymodd y Prif Swyddog (Cynllunio, yr Amgylchedd a’r Economi) y dylid gohirio eitem rhif 7.2 – (052236) - Cais Amlinellol – ar gyfer datblygiad preswyl a gwaith cysylltiedig yn Atlas Yard, Ffordd Corwen, Pontybotgyn.  Argymhellodd y Prif Swyddog y dylid gohirio’r cais oherwydd bod materion heb eu penderfynu yn ymwneud â’r Asesiad o Ganlyniadau Llifogydd (FCA) er mwyn caniatáu i wybodaeth ddiwygiedig gael ei derbyn gan yr asiant.

Cynigiodd y Cynghorydd Richard Lloyd y dylid gohirio’r cais ar y sail bod yr asiant yn cyflwyno'r wybodaeth ofynnol o fewn y 3 wythnos nesaf (erbyn 15 Mehefin 2021).  Os na fydd y wybodaeth yn cael ei chyflwyno, neu’n parhau'n anfoddhaol, yna dylid cynnwys yr eitem yng nghyfarfod nesaf y Pwyllgor Cynllunio. Eiliwyd y cynnig hwn gan y Cynghorydd Chris Bithell.

Wrth fynd i bleidlais, cytunwyd i ohirio’r eitem.

PENDERFYNWYD:

Gohirio eitem rhif 7.2 – (052236) y rhaglen - Cais Amlinellol ar gyfer ddatblygiad preswyl a gwaith cysylltiedig yn Atlas Yard, Ffordd Corwen, Pontybotgyn.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau fel y dangosir ar amserlen y Ceisiadau Cynllunio sydd wedi ei gynnwys fel atodiad.

As in report

Ar ddechrau’r cyfarfod, roedd un aelod o’r wasg a dau aelod o’r cyhoedd hefyd yn bresennol.