Rhaglen a chofnodion

Ar eitem 6.2 (061842) y rhaglen, dywedodd y Cynghorydd Gladys Healey, yn dilyn cyngor cyfreithiol yn ymwneud â’i sylwadau yn yr adroddiad, y byddai’n siarad fel Aelod lleol yn unig ac na fyddai’n cymryd rhan yn y bleidlais.

Rhoddodd y Cadeirydd gyfle i’r Aelodau ddarllen y sylwadau hwyr a rannwyd cyn y cyfarfod a oedd wedi eu hatodi i’r rhaglen ar wefan y Cyngor:

https://cyfarfodyddpwyllgor.siryfflint.gov.uk/ieListDocuments.aspx?CId=490&MId=4991&LLL=1

I gadarnhau, fel cofnod cywir gofnodion y cyfarfod ar 29 Medi 2021.

Cadarnhawyd bod cofnodion y cyfarfod a gynhaliwyd ar 29 Medi 2021 yn gofnod cywir, ar ôl i’r Cynghorwyr Richard Lloyd a Ted Palmer eu cynnig a’u heilio.

PENDERFYNWYD:

Cymeradwyo’r cofnodion fel rhai cywir.

Ni argymhellwyd gohirio unrhyw eitem.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau fel y’i dangosir ar yr amserlen Ceisiadau Cynllunio sydd ynghlwm fel atodiad.

Gwrthod y caniatâd cynllunio yn unol ag argymhelliad y swyddog, am y rhesymau a nodir yn yr adroddiad.

Gwrthod y caniatâd cynllunio, yn groes i argymhelliad y swyddog, ar y seiliau canlynol: (i) effaith ar gefn gwlad agored a (ii) y tu allan i ffin anheddiad.

Gwrthod y caniatâd cynllunio yn groes i argymhelliad y swyddog, ar y seiliau canlynol: (i) tynnu sylw ar groesffyrdd prysur gan beryglu diogelwch gyrwyr/ cerddwyr (ii) effaith niweidiol ar gymdogion a chyflwr y dref gyfagos (iii) diffyg angen am arwydd nad yw o fudd i fusnesau lleol.

Caniatáu caniatâd cynllunio yn ddarostyngedig i’r amodau a nodir yn yr adroddiad, yn unol ag argymhelliad y swyddog.

Ar ddechrau’r cyfarfod, nid oedd unrhyw aelod o’r wasg yn bresennol.