Rhaglen a chofnodion

Pwrpas:        I dderbyn unrhyw ddatganiad o gysylltiad a chynghori’r Aelodau yn unol a hynny.

Ni dderbyniwyd dim.

Pwrpas:        Ystyried y flaenraglen waith Pwyllgor Craffu & Trosolwg Newid Sefydiadol.

Cyflwynwyd y Rhaglen Gwaith I'r Dyfodol gyfredol i’w hystyried.  Wedi gwaith manwl ar Fodelau Darparu Amgen a Throsglwyddiadau Asedau Cymunedol dros y blynyddoedd diwethaf, mae tair blaenoriaeth wedi eu nodi.  Rhoddodd y Prif Swyddogion (Newid Sefydliadol) drosolwg o’r blaenoriaethau hyn o fewn eu meysydd hwy:

Gwytnwch Cymunedol

Croesawodd y Cynghorydd Paul Shotton fentrau ‘rhagnodi cymdeithasol’ lle gallai cyfeirio pobl at grwpiau a gweithgareddau hyrwyddo byw’n iach a chynorthwyo i ostwng y pwysau ar y Gwasanaeth Ambiwlans.

Dywedodd y Prif Swyddog (Newid Sefydliadol 1) mai bwriad y flaenoriaeth hon oedd gwneud y mwyaf o gyfleoedd ar gyfer gwytnwch cymunedol drwy weithio gyda phartneriaid y sector cyhoeddus.  Roedd yr elfen ‘rhagnodi cymdeithasol’ yn cynnwys creu llwybrau y tu allan i leoliadau gofal cymdeithasol er mwyn annog trigolion i gael mynediad at rwydwaith o gyfleoedd a chynorthwyo i atal problemau iechyd.

Darparwyd gwybodaeth ychwanegol gan yr Uwch Reolwr – Gwasanaethau Integredig ar ddatblygiad y Pwynt Mynediad Sengl i gynorthwyo meddygon teulu drwy atgyfeirio at amrywiol weithgareddau cymunedol.  Cyfeiriodd hefyd at y gwaith sydd ar y gweill ar y Cynllun Heneiddio'n Dda

Dywedodd y Cadeirydd y gallai Meddygon Teulu wneud mwy i atgyfeirio unigolion at fentrau a gweithgareddau iach fel grwpiau cerdded lleol.

Rhoddodd y Prif Swyddog (Newid Sefydliadol 2) esiamplau o dechnoleg newydd a allai gael ei ddefnyddio i gynorthwyo pobl ddiamddiffyn yn eu cartrefi eu hunain.

Ar y pwynt olaf, dywedodd y Cynghorydd Ellis y byddai angen eglurhad manwl ar ddefnydd dyfeisiadau o'r fath.  Nododd fod gan rai wardiau nifer tipyn  is o drigolion h?n ac y byddai o gymorth i Aelodau lleol dderbyn cyswllt swyddog penodedig y gallent atgyfeirio materion atynt.

Strategaeth Ddigidol a Gwasanaethau Cwsmeriaid

Mewn ymateb i bryderon gan rai Aelodau, eglurodd y Prif Swyddog (Newid Sefydliadol 1) mai nod y Strategaeth Ddigidol oedd annog a gwella cyswllt digidol ar gyfer y rheiny oedd yn dyheu amdano.  Roedd y trosolwg cwsmer digidol oedd yn atodedig i’r adroddiad yn arddangos cread cyfrif cwsmer.  Byddai’r dull gweithredu hwn yn helpu i wella cyfleoedd i unigolion eraill yr oedd yn well ganddynt ffyrdd mwy traddodiadol o gyswllt, er enghraifft ar y ffôn neu wyneb yn wyneb.  Rhoddwyd sicrwydd y byddai'r opsiynau yn dal i fod ar gael i fodloni anghenion yr holl gwsmeriaid.

Siaradodd y Cynghorydd Gay am rôl yr ‘asiantwyr cymuned’ yr oedd hi’n deimlo y gellid eu harchwilio ar gyfer Sir y Fflint .  Mewn ymateb i bryderon am ddiffyg cyswllt di wifr mewn adeiladau cyhoeddus, cytunodd y Prif Swyddog i ymchwilio i ddarpariaeth yn Douglas Place yn Saltney.  Dywedodd y dylai datblygiadau adeiladu cyhoeddus yn y dyfodol ystyried darpariaeth cyswllt di wifr ar gyfer y cyhoedd.  Tra nad oedd gan y Cyngor reolaeth dros y rhaglen cyflwyno Band Eang, byddai cwsmeriaid yn dal i allu cael mynediad at y Cyngor drwy gysylltu ar y ffôn neu wyneb yn wyneb.

Gofynnodd y Cynghorydd McGuill a fyddai ehangu gwasanaethau digidol yn golygu oriau gweithio hirach i swyddogion.  Dywedodd y Prif Swyddog y byddai angen nodi disgwyliadau trigolion er mwyn sefydlu  ...  view the full Cofnodion text for item 41.

PENDERFYNWYD:

Eithrio’r wasg a’r cyhoedd o’r cyfarfod gan fod yr eitem ganlynol yn cael ei hystyried yn wybodaeth wedi’i heithrio yn rhinwedd paragraff 14 Adran 4 Atodlen 12A Deddf Llywodraeth Leol 1972 (fel y’i diwygiwyd).

Pwrpas:        Darparu diweddariad am y cynnydd gyda sefydlu Model Darparu Amgen ar gyfer Cyfleoedd Gwaith a Gofal Dydd Anableddau Dysgu.

Cyflwynodd y Prif Swyddog (Newid Sefydliadol 1) adroddiad diweddaru am y cynnydd wrth sefydlu Model Darparu Amgen ar gyfer Gofal Dydd Anableddau Dysgu a Chyfleoedd Gwaith.

Atgoffwyd pawb gan yr Uwch Reolwr – Gwasanaethau Integredig ac Arweinydd Oedolion mai amcan y Model Darparu Amgen oedd sefydlu gwasanaeth cynaliadwy drwy gomisiynu darparwr profiadol gyda gwerthoedd cymdeithasol.  Siaradodd am rôl y Bwrdd Trawsnewid wrth oruchwylio’r prosiect ac ymwneud y defnyddwyr gwasanaeth a’u teuluoedd er mwyn sicrhau diwydrwydd dyladwy wrth gwblhau’r contract.

Diolchodd y Cynghorydd Aaron Shotton am y gwaith a wnaed gan swyddogion ac Aelodau.  Dywedodd fod y Cyngor wedi gweld pwysigrwydd parhau i fuddsoddi yn y gwasanaeth gwerthfawr hwn, nad oedd yn ddyletswydd statudol.  Byddai’r Model Darparu Amgen o gymorth i gefnogi datblygiad yr adnodd newydd oedd i ddod yn lle'r ganolfan ddydd anableddau dysgu gyfredol yng Nglanrafon yn Queensferry.

Canmolodd yr Aelodau’r adroddiad a dywedwyd y dylid adrodd am y cynnydd yn y Pwyllgor Trosolwg a Chraffu.

Wrth ymateb i gwestiynau, rhoddodd swyddogion eglurhad ar amrywiaeth o faterion gan gynnwys mynediad at gyllid grant, y broses ddethol ar gyfer y darparwr gwasanaeth, ac amodau’r contract.  Cyfeiriodd y Rheolwr Comisiynu at y dull gweithredu tryloyw o ran materion ariannol y bartneriaeth a chytunodd i ddarparu ymateb ar wahân ar werth y contract.  Dywedodd yr Uwch Reolwr y byddai angen i’r Bwrdd Trawsnewid ystyried y trefniadau ar gyfer ymweliadau rota.

Talodd y Cynghorydd Christine Jones deyrnged i ymdrechion y tîm a’r ddau Brif Swyddog yn ystod y broses, a’r dull o gynnwys pawb oedd yn cynnwys defnyddwyr gwasanaeth, cydweithwyr Undebau Llafur a gweithwyr.

Roedd y Pwyllgor yn cefnogi cais y Cadeirydd i wneud newid mân i'r argymhelliad er mwyn adlewyrchu'r pwyntiau a wnaed.  

PENDERFYNWYD:

 (a)      Bod y Pwyllgor yn nodi bod y Cyngor am barhau i gefnogi’r gwasanaeth ac yn cydnabod yr ymdrechion a wneir gan staff; a

 (b)      Bod y Pwyllgor yn nodi'r cynnydd sydd wedi ei wneud hyd yma, ac yn cefnogi’r cynnydd sydd wedi ei wneud o ran gweithredu’r Model Darparu Amgen ar gyfer Gofal Cymdeithasol – Gofal Dydd Anableddau Dysgu a Chyfleoedd Gwaith.

Nid oedd unrhyw aelod o’r cyhoedd na’r wasg yn bresennol.