Rhaglen a chofnodion

Yn y Cyfarfod Blynyddol, penderfynodd y Cyngor y dylai’r gr?p Llafur enwebu Cadeirydd y pwyllgor. Gofynnir i’r Pwyllgor benodi Cadeirydd a enwebwyd. 

Dywedodd yr Hwylusydd Trosolwg a Chraffu Addysg ac Ieuenctid y cadarnhawyd yng Nghyfarfod Blynyddol y Cyngor Sir y dylai Cadeirydd y Pwyllgor ddod o’r Gr?p Llafur.    Gan y penodwyd y Cynghorydd David Healey i’r rôl hon gan y Gr?p, gofynnwyd i’r Pwyllgor gymeradwyo'r penderfyniad. 

Diolchodd y Cynghorydd David Healey i’r Cynghorydd Ian Roberts am ei waith fel Cadeirydd blaenorol y Pwyllgor. 

Atgoffwyd yr Aelodau mai hwn oedd cyfarfod olaf y Pwyllgor y byddai Ian Budd, Prif Swyddog (Addysg ac Ieuenctid) yn ei fynychu cyn dechrau mewn swydd newydd gyda Chyngor Sir Powys.     Talodd y Cynghorydd Ian Roberts deyrnged i’r Prif Swyddog am ei waith caled a’i gyfraniad gwerthfawr i addysg plant yn Sir y Fflint.  Mynegodd y Pwyllgor ei werthfawrogiad a’i ddymuniadau gorau i Mr Budd i'r dyfodol.

Hefyd croesawodd y Pwyllgor Claire Homard yn ei rôl fel Prif Swyddog Dros Dro (Addysg ac Ieuenctid).  

PENDERFYNWYD:

Cadarnhau’r Cynghorydd David Healey fel Cadeirydd y Pwyllgor.

Pwrpas: Penodi Is-Gadeirydd ar gyfer y Pwyllgor.

Enwebodd y Cynghorydd Andy Dunbobbin y Cynghorydd David Hytch fel Is-gadeirydd y Pwyllgor ac eiliwyd hyn.

Ar ôl cynnal pleidlais penodwyd David Hytch fel Is-gadeirydd y Pwyllgor.

PENDERFYNWYD:

Penodi David Hytch fel Is-gadeirydd y Pwyllgor.

Pwrpas:I derbyn unrhyw ddatganiad o gysylltiad a chynghori’r Aelodau yn unol a hynny.

Ni ddatganwyd unrhyw gysylltiad.

Pwrpas: I gadarnhau, fel cofnod cywir gofnodion y cyfarfod ar 16 Mawrth 2017.

Cyflwynwyd cofnodion y cyfarfod a gynhaliwyd ar 16 Mawrth 2017.

Cywirdeb

Cofnod 60, tudalen 6, dywedodd David Hytch y dylai’r gair ‘presenoldeb’ yn y trydydd paragraff fod yn ‘absenoldeb’.

PENDERFYNWYD:

Yn amodol ar y newid uchod, cymeradwyo’r cofnodion fel cofnod cywir a’u llofnodi gan y Cadeirydd.

Nid oedd unrhyw aelodau o’r wasg na’r cyhoedd yn bresennol.