Rhaglen a penderfyniadau

Pwrpas:        I derbyn datganiad o gysylltiada chynghori’s Aelodau yn unol a hynny.

Datganodd y Cynghorydd Thomas fuddiant personol yn eitem agenda rhif 20. Datganodd Craig Macleod, Prif Swyddog (Gwasanaethau Cymdeithasol), wrthdaro buddiannau yn eitemau agenda rhif 20 a 21.

Pwrpas:        I gadarnhau cofnodion y cyfarfod a gynhaliwyd ar 18 Chwefror 2025 a 24 Chwefror 2025 fel cofnod cywir.

Cadarnhau cofnodion y cyfarfodydd fel cofnod cywir.

Pwrpas:        Hysbysiad o eitemau y dylid, ym marn y Cadeirydd, eu hystyried

yn y cyfarfod fel mater o frys yn unol ag Adran 100B(4) o Ddeddf

Llywodraeth Leol 1972.

Dim.

Pwrpas:        Cyflwyno’r Asesiad o Anghenion y Farchnad Dai Leol.

(a)       Nodi canfyddiadau'r Asesiad o'r Farchnad Dai Leol; a

(b)       Cymeradwyo'r Asesiad o'r Farchnad Dai Leol.

Pwrpas:        Cyflwyno’r Strategaeth Newid Hinsawdd ddrafft.

(a)       Cydnabod y cynnydd a wnaed hyd yma o ran cyflwyno mesurau lleihau carbon; a

(b)       Cymeradwyo'r Strategaeth Newid Hinsawdd ar gyfer 2025 – 2030 a'i nodau ynddi.

Pwrpas:        Mae'r adroddiad misol rheolaidd hwn yn rhoi'r sefyllfa monitro cyllideb refeniw ddiweddaraf ar gyfer 2024/25 ar gyfer Cronfa'r Cyngor a'r Cyfrif Refeniw Tai. Mae'r sefyllfa'n seiliedig ar incwm a gwariant gwirioneddol ym Mis 10, a phrosiectau ymlaen hyd at ddiwedd y flwyddyn.

(a)       Nodi a chymeradwyo'r adroddiad a'r effaith ariannol amcangyfrifedig ar gyllideb 2024/25;

(b)       Cymeradwyo cyllid o'r Gronfa Wrth Gefn ar gyfer costau tipio anghyfreithlon pellach; a

(c)       Cefnogi'r mesurau sy'n cael eu rhoi ar waith i wella'r sefyllfa ariannol erbyn diwedd y flwyddyn ariannol.

Pwrpas:        Ail-dendro’r Contract Tymor Mesur (MTC) i gefnogi Rhaglen Gyfalaf y Cyngor.

Cymeradwyo ail-dendro a gosod Contract Tymor Mesuredig newydd.

Pwrpas:        Amlinellu’r dull diwygiedig a’r strwythur gweithredu ar gyfer rheoli perfformiad ar draws y portffolio a manylu sut y caiff y safonau gwasanaeth a osodwyd mewn polisi eu mesur a’u hadrodd drwy’r prosesau llywodraethu sydd eisoes ar waith, gan sicrhau bod perfformiad yn cael ei gysylltu’n agosach â chynllun y cyngor a’r cynllun busnes portffolio.

Cefnogi'r strwythur gweithredu diwygiedig ar gyfer rheoli perfformiad ac adrodd o fewn y portffolio Strydwedd a Chludiant, a nodi nad yw'r Safonau Strydlun blaenorol yn cael eu cefnogi mwyach.

Pwrpas:        Rhoi diweddariad ar Wasanaethau Bws Lleol yn Sir y Fflint.

(a)       Nodi'r adroddiad y gofynnwyd amdano gan Bwyllgor Trosolwg a Chraffu'r Amgylchedd a'r Economi, a chydnabod yr heriau a wynebir gan weithredwyr bysiau wrth ddarparu gwasanaethau dibynadwy a phrydlon; a

(b)       Cefnogi'r cyfleoedd a'r cynlluniau strategol sy'n cael eu datblygu gan y Cyd-bwyllgor Corfforaethol, Llywodraeth Cymru a Thrafnidiaeth Cymru.

Pwrpas:        Hysbysu’r Cabinet o gynnydd datblygiad cyfalaf Coed y Ddraig.

Cefnogi a nodi'r cynnydd a wnaed ar gyfer datblygiad Coed y Ddraig.

Pwrpas:        Y wybodaeth ddiweddaraf am y Cynllun Cludiant Rhanbarthol a ddatblygwyd trwy Gyd-bwyllgor Corfforedig Gogledd Cymru.

(a)       Bod y Cabinet yn cytuno i ymrwymo i Gytundeb Partneru a Chyllido (Atodiad 2) lle bydd rôl y Corff Atebol, cyfrifoldeb am gyflawni Bargen Twf Gogledd Cymru a threfniadau ariannu’r Cynllun Twf yn cael eu trosglwyddo i Gydbwyllgor Corfforaethol Gogledd Cymru ar neu cyn 31 Mawrth 2025;

(b)       Bod y Cabinet yn cytuno i drosglwyddo ac aseinio yn ôl yr angen y ddarpariaeth o Fargen Twf Gogledd Cymru a hawliau a rhwymedigaethau yn yr holl gytundebau ariannu sy’n dod i mewn a ddelir gan Gyngor Gwynedd fel Corff Atebol ar ran Bwrdd Uchelgais Economaidd Gogledd Cymru (“NWWEAB”) i drosglwyddo i Gydbwyllgor Corfforaethol Gogledd Cymru (“NWCJC”);

(c)       Bod y Cabinet yn cytuno i drosglwyddo neu aseinio'r holl fuddiannau yn y portffolio o brosiectau a ariennir gan Fargen Twf Gogledd Cymru ynghyd ag unrhyw gytundebau, taliadau a phrydlesau ategol oddi wrth Gyngor Gwynedd fel Corff Atebol ar ran NWEAB i NWCJC;

(d)       Bod y Cabinet yn cytuno i drosglwyddo a/neu aseinio'r holl falansau ariannol, arian sy'n ddyledus ac asedau a ddelir ar ran Bwrdd Uchelgais Economaidd Gogledd Cymru gan Gyngor Gwynedd i'r NWCJC;

(e)       Bod y Cabinet yn dirprwyo awdurdod i’r Prif Weithredwr, mewn ymgynghoriad â’r Swyddog Monitro, Swyddog Adran 151 ac Arweinydd y Cyngor, i gytuno a gweithredu’r ffurf derfynol cytundebau, gweithredoedd a’r holl ddogfennau cyfreithiol eraill sy’n angenrheidiol i weithredu’r trosglwyddiadau y cyfeirir atynt ym mhenderfyniad (a), (b) ac (c) uchod;

(f)        Ar ôl cwblhau'r Cytundeb Partneriaeth a Chyllido, bod y Cabinet yn cytuno i derfynu'r cytundeb GA2 a dirwyn Cyd-bwyllgor Bwrdd Uchelgais Economaidd Gogledd Cymru i ben; a

(g)       Bod y Cabinet yn cytuno i drosglwyddo atebolrwydd i’r CJC a bod y CJC yn derbyn cyfrifoldeb am wneud penderfyniadau ar gyfer gweithredu Cynllun Twf Gogledd Cymru yn amodol ar drosglwyddo’r Cynllun Twf a chymeradwyo Rheolau Sefydlog ychwanegol yn ymgorffori telerau allweddol y Cytundeb Cydweithio (“GA2”) rhwng y chwe Chyngor Cyfansoddol a’r pedwar parti Addysg.

Pwrpas:        Ystyried a chymeradwyo’r Cynlluniau Creu Lleoedd ar gyfer Treffynnon a Shotton.

(a)       Nodi'r cynnydd a wnaed wrth ddatblygu'r Cynlluniau Creu Lleoedd ar gyfer Treffynnon a Shotton;

(b)       Cymeradwyo'r Cynlluniau Creu Lleoedd ar gyfer Treffynnon a Shotton; a

(c)       Cymeradwyo cydgysylltu, datblygu a gweithredu cynlluniau gweithredu ar gyfer Treffynnon a Shotton.

Pwrpas:          Rhoi gwybod am ganlyniad yr ymarfer ymgynghori statudol ar drefniadau derbyn ar gyfer 2026/27 ac argymell eu cymeradwyo.

Cymeradwyo'r trefniadau derbyn arfaethedig ar gyfer 2026/27.

Pwrpas:        Datblygwyd y Siarter hon yn dilyn trychineb Hillsborough ac mae’n ymdrechu i sicrhau bod cyrff cyhoeddus yn ymateb i drychinebau cyhoeddus gyda natur agored, tryloywder ac atebolrwydd.  Mae’r Siarter yn cynnwys chwe ymrwymiad sydd â'r nod o feithrin diwylliant o onestrwydd a pharch mewn gwasanaethau cyhoeddus.  Mae’r adroddiad hwn yn amlinellu’r mesurau a gynigir i gyflawni'r ymrwymiadau hyn ac yn argymell bod y Cyngor yn cymeradwyo cadarnhau'r Siarter. 

Bod yr adroddiad yn cael ei nodi a'r Cabinet yn cadarnhau eu bwriad i gefnogi'r Siarter ar ôl ystyried y materion a nodwyd.

Pwrpas:        Darparu gwybodaeth am drefniadau llywodraethu arfaethedig Cwmnïau Masnachu Awdurdod Lleol a throsolwg o’r modelau gwahanol o Fodelau Cyflawni Amgen gweithredol.

(a)       Bod Erthyglau Cymdeithasu Llyfrgelloedd a Hamdden Sir y Fflint Cyfyngedig a FCC HOLDCO Cyfyngedig i'w gymeradwyo;

(b)       Cefnogi penodi Aelod Etholedig yn Gyfarwyddwr Llyfrgelloedd a Hamdden Sir y Fflint Cyfyngedig, i eistedd ar Fwrdd Cyfarwyddwyr y cwmni; a

(c)       Cadarnhau'r trefniadau llywodraethu cyffredinol, fel y manylwyd arnynt yn yr adroddiad.

Pwrpas:        Rhoi’r wybodaeth ddiweddaraf am effaith diwygiadau lles a’r

Gwaith sy’n mynd rhagddo i’w lliniaru.

Nodwyd

That the press and public be excluded for the remainder of the meeting for the following items by virtue of exempt information under paragraph(s) 14 of Part 4 of Schedule 12A of the Local Government Act 1972 (as amended).

Pwrpas:        Ceisio cefnogaeth i gomisiynu prosiect i leihau’r ddibyniaeth ar Leoliadau y Tu Allan i’r Sir ar gyfer 21 o blant sy’n derbyn gofal.

(a)       Bod y Cabinet yn cymeradwyo comisiynu'r cwmni y manylwyd arno yn yr adroddiad, trwy Matrix, i leihau'r ddibyniaeth ar Leoliadau All-Sirol cost uchel trwy waith dwys i gefnogi plant sy'n derbyn gofal yn ddiogel ac yn briodol i symud i drefniadau sy'n cyd-fynd â'u hanghenion a nodwyd.

(b)       Bod y Cabinet yn croesawu'r ymagwedd a fabwysiadwyd gan y portffolio i nodi atebion sydd â'r budd deuol o wella canlyniadau i blant a phobl ifanc a chyflawni arbedion cost.

Pwrpas:        Ceisio cymeradwyaeth y Cabinet i gaffael cerbydau fflyd yn unol â’r trothwyon awdurdodi a nodir yn Rheolau’r Weithdrefn Gontractau.

Bod y Cabinet yn cefnogi caffael 22 o gerbydau ailgylchu drwy ddyfarniad uniongyrchol drwy TPPL am gost amcangyfrifedig fel yr amlinellwyd yn yr adroddiad, gan sicrhau bod y fflyd ailgylchu yn cael ei hadnewyddu a’i hehangu’n amserol er mwyn cynnal gwasanaeth casglu gwastraff ac ailgylchu dibynadwy, effeithlon a chynaliadwy ledled Sir y Fflint.

Pwrpas:        Rhoi’r wybodaeth ddiweddaraf am ddatblygiadau ar gyfer contract newydd gyda NEWydd a cheisio cymeradwyaeth ar gyfer estyniad arall i’r contract presennol er mwyn cwblhau gwaith ar y contract newydd.

(a)       Nodi'r wybodaeth a ddarparwyd ar y trefniant newydd gyda NEWydd Catering and Cleaning Limited a'r rheswm pam yr oedd oedi gyda'r gwaith ar hyn; a

(b)       Cymeradwyo estyniad pellach i'r trefniant presennol rhwng y Cyngor a NEWydd Catering & Cleaning Limited, er mwyn caniatáu amser i'r trefniant newydd, ac unrhyw faterion cysylltiedig, gael eu cwblhau.

Pwrpas:        Cyflwyno trefniant cytundebol ar gyfer Llyfrgelloedd a Hamdden Sir y Fflint a cheisio cymeradwyaeth ar ei gyfer.

Cymeradwyo'r trefniant cytundebol gyda Llyfrgelloedd a Hamdden Sir y Fflint Cyfyngedig, fel yr amlinellwyd yn yr adroddiad.