Rhaglen a chofnodion

Pwrpas:        I dderbyn unrhyw ddatganiad o gysylltiad a chynghori’r Aelodau yn unol a hynny.

Datganodd y Cynghorydd Dave Mackie gysylltiad personol a datganodd y Cynghorydd Sean Bibby gysylltiad hanesyddol ag eitem rhif 6.

Pwrpas:        I gadarnhau, fel cofnod cywir gofnodion y cyfarfod ar 17 Ionawr 2025.

PENDERFYNWYD:

Cymeradwyo cofnodion y cyfarfod a gynhaliwyd ar 17 Ionawr 2025 a bod y Cadeirydd yn eu llofnodi fel cofnod cywir.

Pwrpas:        I ystyried y flaenraglen waith Pwyllgor Trosolwg & Chraffu Gofal Cymdeithasol ac Iechyd a rhoi gwybodaeth i’r Pwyllgor o’r cynnydd yn erbyn camau gweithredu o’r cyfarfod blaenorol.

Cyflwynodd yr Hwylusydd Trosolwg a Chraffu y Rhaglen Waith (eitem rhif 4 ar y rhaglen) i’w hystyried, a oedd yn cynnwys diweddariad ar gamau gweithredu oedd i’w cwblhau.  Dywedodd y byddai Ymweliadau Rota yn cael eu cynnal ag Aelodau’r Pwyllgor ac y byddai adroddiad ar Garbon Sero ar y rhaglen ar gyfer y cyfarfod ym mis Mawrth. Cadarnhaodd y byddai’r gân roedd Marleyfield House wedi’i recordio gyda gr?p Celfyddydau a Cherddoriaeth ar sut y gwnaeth y pandemig eu heffeithio, yn cael ei hanfon at yr Aelodau fel y gofynnwyd mewn cyfarfod blaenorol.

Diolchodd y Cadeirydd i’r Aelodau a fynychodd yr Ymweliad Climbie yn Swyddfeydd y Fflint ar 17 Chwefror.

PENDERFYNWYD:

(a)       Nodi’r Rhaglen Waith; 

(b)       Rhoi awdurdod i’r Hwylusydd, wrth ymgynghori â Chadeirydd y Pwyllgor, amrywio’r Rhaglen Waith rhwng cyfarfodydd, yn ôl yr angen; a

(c)        Bod y Pwyllgor wedi nodi’r cynnydd a wnaed ar gyflawni’r camau gweithredu heb eu cwblhau.

Pwrpas:        Rhoi’r wybodaeth ddiweddaraf i’r aelodau am y gwasanaethau gofalwyr di-dâl yn Sir y Fflint ar hyn o bryd gan gynnwys canlyniad yr ymarfer caffael diweddar a’r adolygiad gan yr Ombwdsmon.

Cyflwynodd y Swyddog Cynllunio a Datblygu a Claire Sullivan (GOGDdC) ddiweddariad mewn perthynas â’r adroddiad (eitem rhif 5 ar y rhaglen) ar wasanaethau gofalwyr di-dâl yn Sir y Fflint yn cynnwys canlyniad yr ymarfer caffael diweddar a’r adolygiad gan yr Ombwdsmon.

Diolchodd y Cadeirydd i’r Swyddog Cynllunio a Datblygu a Claire Sullivan am drefnu’r ymweliad hynod ddiddorol i’r Ganolfan GOGDdC yn yr Wyddgrug a gynhaliwyd cyn y cyfarfod.

PENDERFYNWYD:

(a)       Bod y Pwyllgor yn cydnabod y diweddariad i’r broses o ailgomisiynu gwasanaethau gofalwyr di-dâl;

(b)       Bod y Pwyllgor yn cydnabod canlyniad yr Ymchwiliad ar ei “Liwt ei Hun” i Wasanaethau Gofal gan Ombwdsmon Gwasanaethau Cyhoeddus Cymru a’r cynllun gweithredu dilynol;

(c)        Bod y Pwyllgor yn cydnabod canlyniad Adroddiad “Dilyn y Ddeddf” Gofalwyr Cymru; a

(d)       Bod y Pwyllgor cymeradwyo’r gwaith cadarnhaol sy’n mynd rhagddo gyda GOGDdC i ddatblygu gwasanaethau gofalwyr di-dâl a’r Ganolfan i Ofalwyr fel canolbwynt i ofalwyr di-dâl yn Sir y Fflint.

Pwrpas:        Ceisio cymeradwyaeth a chefnogaeth yr Aelodau ar gyfer y safleoedd sydd wedi’u nodi gan Dîm Cyfalaf y Gwasanaeth Blynyddoedd Cynnar a Chymorth i Deuluoedd, ac ar gyfer dechrau’r gwaith sgrinio cynnar cyn-adeiladu ar gyfer y safleoedd arfaethedig, er mwyn sicrhau cyllid drwy gyflwyno Achosion Cyfiawnhau Busnes i Lywodraeth Cymru.

Cyflwynodd Rheolwr y Ganolfan i Deuluoedd adroddiad (eitem rhif 6 ar y rhaglen) i geisio cymeradwyaeth a chefnogaeth yr Aelodau ar gyfer y safleoedd a oedd wedi’u nodi gan Dîm Cyfalaf y Gwasanaeth Blynyddoedd Cynnar a Chymorth i Deuluoedd, ac ar gyfer dechrau’r gwaith sgrinio cynnar cyn-adeiladu ar gyfer y safleoedd arfaethedig, er mwyn sicrhau cyllid drwy gyflwyno Achosion Cyfiawnhau Busnes i Lywodraeth Cymru.

Cytunodd i ddosbarthu rhestr o ffrydiau cyllido i’r Aelodau ac mewn ymateb i gais gan y Cynghorydd Mackie, cytunodd i gwrdd ag ef y tu allan i’r cyfarfod ar gyfer trafodaethau pellach.

PENDERFYNWYD:

(a)       Bod y Pwyllgor yn cefnogi’r safleoedd cyfalaf a nodwyd yn Sir y Fflint at ddiben sicrhau’r Grant Cyfalaf Gofal Plant a’r Blynyddoedd Cynnar 2025-2028 (cam 3) gan Lywodraeth Cymru; a 

(b)       Bod y Pwyllgor yn cefnogi gwaith sgrinio cynnar cyn-adeiladu a chyflwyno Achos Cyfiawnhau Busnes i Lywodraeth Cymru ar gyfer y safleoedd arfaethedig.

Dim.