Rhaglen a chofnodion

Pwrpas:        Derbyn unrhyw ddatganiad o gysylltiad a chynghori’r Aelodau yn unol a hynny.

Dywedodd y Prif Swyddog (Llywodraethu) fod gan bob Aelod gysylltiad personol yn eitem rhif 11 ar y rhaglen – Atodlen Cydnabyddiaeth Ariannol 2017-18. 

Pwrpas:        Derbyn manylion ynghylch adolygiad y Cadeirydd o’r flwyddyn.

Croesawodd Mr Curtis, fel y Cadeirydd oedd yn ymadael, bob Aelod newydd a’r rhai oedd yn dychwelyd, i’r cyfarfod.Cyflwynodd ei adolygiad o’r flwyddyn ac amlygodd lwyddiannau’r Cyngor, yn arbennig agoriad Ysgol Uwchradd Treffynnon a’r nifer o dai Cyngor newydd oedd wedi cael eu hadeiladu.  Diolchodd i’w gonsort am ei chymorth ac i’r Is-gadeirydd, y Cynghorydd Brian Lloyd, am ei gefnogaeth.  Diolchodd hefyd y Parch Roberto Ciardo a fu’n gaplan iddo. 

            Roedd ef a’i gonsort wedi cwrdd â phobl fendigedig o’r Sir a hefyd drwy fynd i dderbyniadau mewn awdurdodau cyfagos. 

            Wrth gloi, diolchodd i dîm y Prif Swyddog a holl weithwyr y Cyngor a oedd yn darparu gwasanaethau’r Cyngor a hefyd am ei gefnogi wrth godi £8,000 at yr elusennau o’i ddewis.

            Diolchodd y Cynghorydd Aaron Shotton i Mr Curtis am y gwaith a wnaed yn ei swydd fel Cadeirydd y Cyngor a’i gwelodd yn bod yn llysgennad da i’r Sir.  Roedd ei waith wedi ei wneud gydag urddas a hiwmor a byddai ei gyd-gynghorwyr yn ei golli.  Dymunodd yn dda i Mr Curtis a’i wraig Jenny ar gyfer y dyfodol.

            Dymunodd y Cynghorydd Palmer, ar ran Cyngor Tref Treffynnon, ymddeoliad bendigedig i Mr a Mrs Curtis.

            Llongyfarchodd y Cynghorydd Peers Mr Curtis ar ddiwedd ei ail dymor yn swydd Cadeirydd y Cyngor.  Rhoddodd ganmoliaeth iddo am ei degwch yn ystod cyfarfodydd a’r modd y gwnaeth drin pawb yn gyfartal bob amser a dymunodd yn dda iddo yn ei ymddeoliad. 

Cynigiodd y Cynghorydd Ray Hughes ac eiliodd y Cynghorydd Aaron Shotton y dylai’r Cynghorydd Brian Lloyd gael ei ethol yn Gadeirydd y Cyngor ar gyfer blwyddyn y Cyngor 2017/18. 

PENDERFYNWYD:

Ethol y Cynghorydd Brian Lloyd yn Gadeirydd y Cyngor ar gyfer blwyddyn y Cyngor 2017/18.

Rhoddwyd Cadwyn y Swydd i’r Cynghorydd Lloyd gan y Cadeirydd a oedd yn ymddeol a llofnododd ei Ddatganiad Derbyn y Swydd yng ng?ydd y Prif Weithredwr.

 (Ar y pwynt hwn, cadeiriodd y Cynghorydd Lloyd weddill y cyfarfod.)

Yna cyflwynodd y Cadeirydd Fathodyn y Swydd fel Cadeirydd a oedd yn ymddeol i Mr Peter Curtis a Bathodyn y Swydd fel Consort a oedd yn ymddeol i Mrs Jenny Curtis. 

Ymatebodd y Cadeirydd a diolchodd i Aelodau am eu cefnogaeth yn ei ethol yn Gadeirydd am y flwyddyn i ddod. 

Cynigiodd y Cynghorydd Ian Roberts ac eiliodd y Cynghorydd Aaron Shotton y dylid penodi’r Cynghorydd Paul Cunningham yn Is-gadeirydd y Cyngor ar gyfer blwyddyn y Cyngor 2017/18. 

PENDERFYNWYD:

Penodi’r Cynghorydd Paul Cunningham yn Is-gadeirydd y Cyngor ar gyfer blwyddyn y Cyngor 2017/18.

Rhoddwyd Cadwyn y Swydd i’r Cynghorydd Cunningham gan y Cadeirydd a llofnododd ei Ddatganiad Derbyn y Swydd yng ng?ydd y Prif Weithredwr.

Cynigiodd y Cynghorydd Tony Sharps ac eiliodd y Cynghorydd Ray Hughes y dylai’r Cynghorydd Aaron Shotton gael ei benodi’n Arweinydd y Cyngor ar gyfer blwyddyn y Cyngor 2017/18.

            Siaradodd y Cynghorydd Sharps o blaid ei gynnig a dywedodd ei fod yn hyderus y byddai’r Cynghorydd Shotton yn cynnig yr arweiniad a oedd ei angen ar gyfer Cyngor sefydlog er lles gorau trigolion Sir y Fflint.  Er ei fod yn cefnogi’r Cynghorydd Shotton, ychwanegodd y byddai’r Aelodau Annibynnol yn parhau’n annibynnol o reolaeth y gr?p.   

            Mynegodd y Cynghorydd Sharps bryder am yr amseroedd ymateb i Gynghorwyr gan rai adrannau.  Dywedodd y Prif Weithredwr fod hyn wedi ei godi gyda fo ac roedd set o safonau a fyddai angen cwrdd â nhw yn cael ei chreu.

PENDERFYNWYD:

Penodi’r Cynghorydd Aaron Shotton yn Arweinydd y Cyngor ar gyfer blwyddyn y Cyngor 2017/18.

Diolchodd y Cynghorydd Aaron Shotton i’r Aelodau am eu cefnogaeth wrth ei benodi’n Arweinydd y Cyngor am y 12 mis nesaf a oedd yn anrhydedd.  Cyfeiriau at yr heriau o’n blaen a hefyd y gefnogaeth unedig a welwyd ar draws y Siambr yn ystod y blynyddoedd diwethaf er lles trigolion a gwasanaethau Sir y Fflint ac roedd yn gobeithio y byddai hynny'n parhau. 

Yn unol â’r Cyfansoddiad, cyfeiriodd y Cynghorydd Aaron Shotton at ei ddewis o Gynghorwyr a fyddai’n gwasanaethu ar y Cabinet. 

PENDERFYNWYD:

Nodi’r dewis o Gynghorwyr i wasanaethu ar y Cabinet a’u portffolios a fanylir arnynt isod.

Pwrpas:        I adrodd i’r Cyngor Sir ar gynnal a chanlyniadau etholiadau Cyngor Sir 2017.

Llongyfarchodd y Prif Weithredwr, fel Swyddog Canlyniadau, bob Aelod ar gael eu hethol i’r Cyngor.  Cyflwynodd yr adroddiad ar Etholiadau’r Cyngor Sir a oedd wedi eu cynnal ar 4 Mai 2017. 

Cadarnhaodd yr adroddiad fod yr etholiadau lleol wedi eu cynnal yn unol â chyfraith etholiadau, canllawiau ac arfer cyffredin, ac yn unol â’r safonau perfformiad a amlinellir ar gyfer Swyddogion Canlyniadau, a darparwyd manylion yngl?n â chanlyniadau etholiadau a chyfansoddiad gwleidyddol y Cyngor. 

Diolchodd y Dirprwy Swyddog Canlyniadau, y Tîm Etholiadau, ymgeiswyr, asiantwyr a gweithredwyr y pleidiau am eu rhan yn yr etholiad a gwnaeth sylw am anhawster cynyddol y broses yn sgil twf cyfryngau cymdeithasol.

Diolchodd hefyd i aelodau newydd a rhai sy’n dychwelyd am eu rhan yn y sesiynau sefydlu.

Diolchodd y Cynghorydd Peers a Paul Shotton y Tîm Etholiadau am eu help yn ystod yr etholiad a hefyd i’r Swyddog Canlyniadau, Dirprwy Swyddog Canlyniadau, staff gorsaf bleidleisio a staff y cyfrif.

Cyfeiriodd y Cynghorydd Peers at y sylwadau di-fudd a wnaed gan Brif Weinidog Cymru cyn yr etholiad ynghylch ymgeiswyr Annibynnol.  Roedd wedi ysgrifennu at y Prif Weinidog yn gofyn am ymddiheuriad ond nid oedd wedi cael un hyd yma.

Dywedodd y Cynghorydd Carolyn Thomas fod gwall yn atodiad yr adroddiad gan ei bod wedi sefyll fel ymgeisydd Llafur.  Ymddiheurodd y Prif Weithredwr am hyn.

PENDERFYNWYD:

Nodi’r adroddiad.

Pwrpas:        Delio â'r materion hynny sydd angen penderfynu arnynt yn ystod Cyfarfod Blynyddol y Cyngor Sir, yn unol â rheol 1.1 (vii)-(xiii) Gweithdrefn y Cyngor.

Rhoddodd y Cyngor ystyriaeth i adroddiad y Prif Swyddog (Llywodraethu) a ddeliodd â materion hynny sydd angen penderfynu arnynt yn ystod Cyfarfod Blynyddol y Cyngor Sir, yn unol â rheol 1.1 (vii)-(xiii) Gweithdrefn y Cyngor.  Rhannwyd yr adroddiad yn adrannau, pob un yn delio ag un penderfyniad oedd angen ei wneud a’r materion perthnasol i’w hystyried.  Rhoddwyd ystyriaeth i bob adran a phleidleisio arnynt yn eu tro.

            Yn ogystal, rhoddodd y Cyngor ystyriaeth hefyd i benodi aelod lleyg newydd i'r Pwyllgor Archwilio a amlinellwyd mewn adroddiad ar wahân, a hefyd cymeradwyo’r broses dros ddewis cynrychiolydd tref a chymuned ar y Pwyllgor Safonau.  Roedd hefyd nifer o newidiadau i’w gwneud o ran y modd y byddai’r Pwyllgor Cynllunio yn gweithredu i sicrhau cydymffurfiad â deddfwriaeth a ddaeth i rym ar 5 Mai 2017.

 (A)      Penodi Pwyllgorau

            Eglurodd y Prif Swyddog (Llywodraethu) fod y Cyfansoddiad yn caniatáu penodi'r canlynol:Pwyllgor Archwilio; Pwyllgor Cronfa Bensiwn Clwyd; Pwyllgor y Cyfansoddiad; Pwyllgor Gwasanaethau Democrataidd, Pwyllgor Cyd-lywodraethu (ar gyfer Pensiynau), Pwyllgor Trwyddedu, Pwyllgor Cynllunio a Rheoli Datblygu, Pwyllgor Safonau a chwe Phwyllgor Trosolwg a Chraffu. 

            Roedd gan Bwyllgor y Cyfansoddiad a’r Pwyllgor Gwasanaethau Democrataidd swyddogaethau tebyg iawn.  Yng nghyfarfod diwethaf Pwyllgor y Cyfansoddiad roedd cais i gyfuno’r ddau bwyllgor.  Credwyd fod y cylch gwaith statudol yn ddigon eang i ymgorffori’r swyddogaeth a gyflawnwyd gan Bwyllgor y Cyfansoddiad felly argymhellwyd ymgorffori Pwyllgor y Cyfansoddiad i mewn i’r Pwyllgor Gwasanaethau Democrataidd.

            Cynigiodd y Cynghorydd Aaron Shotton gymeradwyo’r argymhellion fel yr amlinellwyd yn yr adroddiad a eiliwyd gan y Cynghorydd Attridge.

PENDERFYNWYD:

 (a)      Ymgorffori Pwyllgor y Cyfansoddiad i mewn i'r Pwyllgor Gwasanaethau Democrataidd, ac y dylai’r Cyngor Llawn adolygu, creu neu ddirymu is-ddeddfau;

 (b)      Dylid penodi’r Pwyllgorau a amlinellir yn adran 1.04 yr adroddiad; a

 (c)       Dylid diwygio’r Cyfansoddiad i adlewyrchu’r pwyllgorau a benodwyd.

 (B)      Penderfyniad ar faint Pwyllgorau

            Eglurodd y Prif Swyddog (Llywodraethu) fod rhaid penderfynu ar faint bob pwyllgor yn y Cyfarfod Blynyddol.  Amlinellwyd y ddarpariaeth ar gyfer maint y Pwyllgorau yn yr adroddiad.

Crëwyd Rheoliadau Maint a Chyfansoddiad Pwyllgorau Awdurdod Cynllunio Lleol (Cymru) 2017 ar 21 Mawrth a daethant i rym ar 5 Mai 2017.  Roeddent yn gorchymyn y dylai’r Pwyllgor Cynllunio gynnwys rhwng 11 a 21 Aelod o ran maint a dim mwy na 50% o aelodaeth lawn y Cyngor.  Roedd maint arfaethedig y Pwyllgor yn cyflawni’r gofynion hynny.

Cynigiodd y Cynghorydd Aaron Shotton y dylid cymeradwyo’r argymhellion fel yr amlinellwyd yn yr adroddiad ac eiliwyd hyn gan y Cynghorydd Attridge.

PENDERFYNWYD: 

Dylai maint pob Pwyllgor fod yn unol â’r hyn a amlinellwyd ym mharagraff 1.06 yr adroddiad, gan nodi'r cyfyngiadau sy'n rhaid eu gweithredu bellach i aelodaeth y Pwyllgor Cynllunio.

 (C)      Cylch Gorchwyl Pwyllgorau a Dirprwyon Pensiwn

            Eglurodd y Prif Swyddog Llywodraethu ei bod yn ofynnol i’r Cyfarfod Blynyddol benderfynu ar gylch gorchwyl y pwyllgorau a benodwyd ganddo.  Amlinellwyd cylch gorchwyl presennol y Pwyllgorau presennol fel yr amlinellwyd yn Rhan 2 y Cyfansoddiad.

            Cynigiodd y Cynghorydd Attridge gymeradwyo’r argymhellion fel yr amlinellwyd yn yr adroddiad a eiliwyd gan y Cynghorydd Aaron Shotton.

PENDERFYNWYD:

Cymeradwyo’r  ...  view the full Cofnodion text for item 8.

Pwrpas:        Galluogi’r Cyngor i ystyried enwebiadau i Gyrff Allanol

Cyflwynodd y Rheolwr Gwasanaethau Democrataidd yr adroddiad ar Gyrff Allanol yr oedd y Cyngor yn gwneud penodiadau iddynt, ynghyd â’r rhai hynny a enwebwyd a’u tymhorau penodol yn y swydd.  Yn dilyn etholiadau diweddar y Cyngor Sir, roedd angen ystyried pob enwebiad. 

Ym mhob Cyfarfod Blynyddol, gwnaed argymhelliad i ddirprwyo i'r Prif Weithredwr, mewn ymgynghoriad ag Arweinwyr y Grwpiau gwleidyddol, y gallu i wneud penodiadau i gyrff.  Roedd angen dirprwyo r?an i wneud yr enwebiad cyntaf a hefyd yn ystod blwyddyn y Cyngor 2017/18 a fyddai’n sicrhau y gellid ymdrin yn effeithlon ag unrhyw newidiadau.

            Y bwriad oedd fod pob enwebiad a wnaed yn parhau drwy gydol oes y Cyngor, tan fis Mai 2022.

            Mewn ymateb i gwestiwn gan y Cynghorydd Hutchinson, eglurodd y Prif Swyddog (Llywodraethu) fod pob aelod wedi peidio â bod yn gynrychiolwyr ar gyrff allanol cyn yr etholiad ac roeddent yn ceisio enwebiadau newydd.

            Yn dilyn cwestiwn gan y Cynghorydd Phillips, eglurodd y Prif Weithredwr fod Cyngor Bwrdeistref Sirol Conwy wrthi’n pennu’r niferoedd i'w dyrannu i bob Cyngor ar gyfer cynrychiolydd ar y Panel Heddlu a Throsedd.

PENDERFYNWYD:

 (a)      Bod y Cyngor yn nodi'r rhestr Cyrff Allanol presennol;

 (b)      Bydd pob enwebiad yn para tan fis Mai 2022 oni bai fod yr Aelod a enwebwyd yn ymddiswyddo o’r Corff Allanol hwnnw; a

 (c)       Bod y Prif Weithredwr, mewn ymgynghoriad ag Arweinwyr y Grwpiau, yn cael ei awdurdodi i wneud enwebiadau i Gyrff Allanol ar ran y Cyngor.

Pwrpas:        Galluogi’r Cyngor i dderbyn penderfyniadau Panel Annibynnol Cymru ar Gydnabyddiaeth Ariannol o ran taliadau cyflog/ lwfans Aelodau a gwneud sawl penderfyniad ‘dewis lleol’.

Cyflwynodd y Rheolwr Gwasanaethau Democrataidd adroddiad yr Atodlen o Gydnabyddiaeth Ariannol.  Eglurodd bod Panel Annibynnol Cymru ar Gydnabyddiaeth Ariannol bob blwyddyn yn pennu cyfraddau tâl a fyddai’n cael eu gwneud i Aelodau etholedig a chyfetholedig awdurdodau lleol Cymru ar gyfer blwyddyn y Cyngor sydd i ddod.  Cynhaliwyd ymgynghoriad ar y cynnig y gwanwyn blaenorol gyda’r adroddiad terfynol yn cael ei gyhoeddi ym mis Chwefror 2017 a oedd yn gosod lefel y taliadau i Aelodau ar gyfer 2017/18.

            Rhaid gosod lefelau tâl ar gyfer Cadeirydd ac Is-gadeirydd y Cyngor, Aelodau’r Cabinet a Chadeiryddion Pwyllgorau.  Rhaid i’r Cyngor hefyd gyhoeddi atodlen yn dangos pwy dderbyniodd pa lefel o dâl.  Felly, byddai adroddiad pellach yn cael ei gyflwyno i’r Cyngor Sir ar 20 Mehefin unwaith y byddai penodiadau wedi eu gwneud i swyddi tâl uwch.  Cadarnhawyd fod pob swydd o’r fath yn cynnwys y cyflog sylfaenol o £13,400.

            Cynigiodd Aaron Shotton y dylai’r status quo aros ar gyfer Aelodau’r Cabinet, Cadeiryddion Pwyllgorau, Cadeirydd y Cyngor ac Is-gadeirydd y Cyngor ac eiliwyd hyn gan y Cynghorydd Attridge.

            Cynigiodd y Cynghorydd Chris Dolphin welliant y dylid cytuno ar y taliad lleiaf i bob un o’r swyddi sy’n derbyn taliad ac eiliwyd hyn gan y Cynghorydd Owen Thomas.  O'i roi i bleidlais, gwrthodwyd y gwelliant.

            Cynhaliwyd pleidlais ar y cynnig gwreiddiol, a gynigiwyd gan y Cynghorydd Aaron Shotton, a chafodd ei gymeradwyo.

            PENDERFYNWYD:

 (a)      Dylai Aelodau’r Cabinet dderbyn Lefel 1, sy’n cynnwys y cyflog sylfaenol;

 (b)      Dylid talu cyflog uwch Lefel 1 i Gadeiryddion y Pwyllgor, sy’n cynnwys cyflog sylfaenol;

 (c)       Dylai tâl Cadeiryddion y Cyngor fod ar Lefel 2, sy’n cynnwys cyflog sylfaenol; a

 (d)      Dylai tâl Is-gadeirydd y Cyngor fod ar Lefel 2, sy’n cynnwys cyflog sylfaenol.

Pwrpas:        I benodi Aelod Lleyg newydd i'r Pwyllgor Archwilio

Cyflwynodd y Prif Swyddog (Llywodraethu) adroddiad i gytuno ar benodi aelod Lleyg i'r Pwyllgor Archwilio.  Gwnaeth Mesur Llywodraeth Leol (Cymru) 2011 hi’n ofynnol i’r Cyngor Sir benodi aelodau lleyg hyd at draean o aelodaeth y Pwyllgor Archwilio.  Ar 14 Chwefror 2014 penderfynodd y Cyngor Sir benodi’r lleiafswm statudol o un aelod lleyg.

            Ar ôl hysbysebu’r swydd, cynhaliwyd cyfweliadau ar 8 Mai ac argymhellwyd y dylid penodi Sally Ellis.  Atodwyd disgrifiad o Sally Ellis fel atodiad i’r adroddiad.

PENDERFYNWYD:

Bod y Cyngor yn cytuno i benodi’r ymgeisydd a ffafrir, Sally Ellis fel aelod lleyg i’r Pwyllgor Archwilio, gan wasanaethu am dymor o 5 mlynedd.

Pwrpas:        Galluogi’r Cyngor i ystyried yr Amserlen ddrafft o gyfarfodydd ar gyfer 2017/18.

Cyflwynodd y Prif Swyddog (Llywodraethu) yr adroddiad ar yr amserlen o gyfarfodydd ar gyfer 2017/18. 

Ym mis Mawrth 2016 gofynnwyd i Gynghorwyr am eu dewis o ran amseroedd dechrau cyfarfodydd gyda’r mwyafrif yn ffafrio’r dydd.  Fodd bynnag, cydnabuwyd y dylai’r Cyngor newydd wneud ei benderfyniad ei hun o ran pa bryd y dylid cynnal cyfarfodydd ac argymhellwyd y dylid cael arolwg pellach.  Fodd bynnag, o safbwynt cynllunio busnes, roedd angen i’r Cyngor allu cynllunio ar gyfer y flwyddyn gyfan felly roedd yr amserlen ddrafft yn dangos cyfarfodydd bore a phnawn i’w hystyried ger bron Aelodau.

PENDERFYNWYD:

 (a)      Cymeradwyo’r amserlen ddrafft o gyfarfodydd ar gyfer 2017/18 am y tro; a

 (b)      Bydd y Rheolwr Gwasanaethau Democrataidd yn cynnal arolwg o ddewis yr Aelodau o ran pryd y dylid cynnal cyfarfodydd.  Bydd hyn ar ôl toriad mis Awst gyda’r bwriad o gyflwyno adroddiad yn dadansoddi'r canlyniadau i Bwyllgor y Cyfansoddiad ym mis Hydref.

Dechreuodd y cyfarfod am 11.00am a daeth i ben am 1.05pm.