Rhaglen a chofnodion

Carfan Pêl-droed Ysgolion Cynradd Sir y Fflint

Enillwyr Adain y Gogledd Tom Yeoman (pencampwyr Gogledd Cymru), rownd derfynol Tarian Tom Yeoman (Pencampwyr Cymru) a tharian Phil Staley.

Gareth Thomas, Rheolwr Logisteg Strydwedd

I gydnabod ei lwyddiant fel Rheolwr Clwb Pêl-droed Bwrdeistref Conwy. Enillwyr Pencampwyr Cynghrair Cymru (ennill dyrchafiad i Gynghrair Cymru), Tlws Cymdeithas Pêl-droed Cymru a Chwpan Cookson.

(i) Carfan Pêl-droed Ysgolion Cynradd Sir y Fflint

Estynnodd y Cadeirydd a’r Prif Weithredwr groeso i Andrew Jones (Rheolwr a Phennaeth Ysgol Derwenfa yng Nghoed-llai) ac Ian Price, Jamie Davies a Reagen Nicholas (Hyfforddwr/Athro a dau gapten tîm) o Ysgol Gynradd Ewloe Green. Cawsant eu llongyfarch ar eu cyflawniad ffantastig yn ennill tair cystadleuaeth mewn blwyddyn: Adain y Gogledd Tom Yeoman (pencampwyr Gogledd Cymru), Rownd Derfynol Genedlaethol Tarian Tom Yeoman (Pencampwyr Cymru) a Tharian Phil Staley. Nodwyd mai Ysgolion Glannau Dyfrdwy/Sir y Fflint oedd yn dal y record am y nifer fwyaf o fuddugoliaethau yn rowndiau terfynol cenedlaethol Tarian Tom Yeoman, ar ôl ennill 16 gwaith ers cystadlu yn y gystadleuaeth.                    

Fel yr Aelod Cabinet Addysg, talodd y Cynghorydd Roberts deyrnged i Ysgolion Cynradd Sir y Fflint a chyfraniadau athrawon a rhieni o ran helpu’r bobl ifanc i gyflawni eu llwyddiant.

Ar ran pawb yn y Gymdeithas Bêl-droed, dywedodd Mr Jones ei bod yn anrhydedd gofyn iddo fynychu mewn cydnabyddiaeth o waith caled pawb oedd yn gysylltiedig.

(ii) Gareth Thomas, Rheolwr Clwb Pêl-droed Bwrdeistref Conwy

Croesawyd swyddogion Cyngor Sir y Fflint, Gareth Thomas (Rheolwr Logisteg, Strydlun) ac Alun Winstanley (Gwasanaeth Cyfiawnder Ieuenctid) - Rheolwr a Rheolwr Cynorthwyol Clwb Pêl-droed Bwrdeistref Conwy – er mwyn cydnabod llwyddiant y clwb fel enillwyr Pencampwriaeth Cynghrair Cymru (ennill dyrchafiad i Gynghrair Cymru), Tlws Cymdeithas Pêl-droed Cymru a Chwpan Cookson. Enillodd Gareth hefyd dair gwobr ‘Rheolwr y Mis’ yn ogystal â chael ei wobrwyo’n ‘Reolwr y Tymor’ gan gylchgrawn Y Clwb Pêl Droed a’r Gynghrair.             

Llongyfarchodd y Cynghorydd Roberts gyflawniadau’r clwb yn ystod y tymor.                      

Wrth ddymuno’n dda i’r clwb yn y tymor newydd, dywedodd y Cynghorydd Attridge ei fod yn bleser mawr ganddo enwebu Gareth ac Alun oherwydd eu hymroddiad a’u hymrwymiad i’r clwb. Talwyd teyrnged yn yr un modd gan y Cynghorydd Owen Thomas a’r Cynghorydd Hutchinson.

Mewn ymateb, mynegodd Gareth ei ddiolch am y gwahoddiad i fynychu’r cyfarfod.

I gadarnhau, fel cofnod cywir gofnodion y cyfarfodydd ar 24 Ebrill a 1 Mai 2018.

Cyflwynwyd cofnodion y cyfarfodydd a gynhaliwyd ar 14 Ebrill a 1 Mai 2018.

PENDERFYNWYD:

Cymeradwyo a llofnodi’r cofnodion gan y Cadeirydd fel cofnodion cywir.

Pwrpas:        Derbyn unrhyw ddatganiad o gysylltiad a chynghori'r Aelodau yn unol â hynny.

Ar gyngor y Prif Swyddog (Llywodraethu), datganodd y canlynol gysylltiad personol mewn perthynas â Chymeradwyo Datganiad Cyfrifon Cronfa Bensiwn Clwyd (Eitem Agenda 14) fel aelodau o Gronfa Bensiwn Clwyd:

Y Cynghorwyr: Haydn Bateman, Marion Bateman, Sian Braun, Helen Brown, Rob Davies, Adele Davies-Cooke, Mared Eastwood, Gladys Healey, Dave Hughes, Joe Johnson, Paul Johnson, Dave Mackie, Ian Roberts ac Ian Smith.

Dywedodd y Prif Swyddog y byddai cysylltiad personol yn cael ei gofnodi ar ran yr holl Aelodau sy’n bresennol ar gyfer Eitem Agenda 15 ‘Rhestr o Gydnabyddiaethau Ariannol ar gyfer 2018/19’.

Derbyn unrhyw gyhoeddiad fel y'i dosbarthwyd.

Roedd copi o Gyhoeddiadau’r Cadeirydd wedi’i gylchredeg cyn y cyfarfod. Soniodd y Cadeirydd yn arbennig am achlysur codi Lluman yr Awyrlu Brenhinol yn Neuadd y Sir i ddathlu ei ganmlwyddiant, a fynychwyd gan nifer fawr o bobl.

Derbyn unrhyw ddeiseb.

Ni dderbyniwyd rhai.

Derbyn unrhyw gwestiwn gan y cyhoedd.

Ni dderbyniwyd rhai.

Nodi’r atebion i unrhyw gwestiwn a gyflwynwyd yn unol â Rheol Sefydlog 9.4(A) y Cyngor Sir.

Ni dderbyniwyd rhai.

Mae’r Llyfr Cofnodion, Rhifyn 1 2018/19, wedi ei ddosbarthu i'r Aelodau.  Mae hawl gan yr Aelodau ofyn cwestiynau am y cofnodion hyn, yn amodol ar gyfyngiadau penodol, a bydd yr atebion yn cael eu darparu yn y cyfarfod. Gofynnir i Aelodau ddod â’u copi o'r Llyfr Cofnodion i’r cyfarfod. Mae’n rhaid cyflwyno unrhyw gwestiwn i’r Rheolwr Democratiaeth a Llywodraethu cyn diwedd y diwrnod gwaith ar 13 Mehefin 2018.

Ni dderbyniwyd rhai.

Ystyried unrhyw Hysbysiadau o Gynnig a dderbyniwyd.

Derbyniwyd dau Rybudd o Gynnig gan y Cynghorydd Hinds:

(i)         Cilfachau Parcio y tu allan i Fyngalos Pensiynwyr

‘Dylai’r holl gilfachau parcio y tu allan i fyngalos pensiynwyr ar draws Sir y Fflint fod ar eu cyfer nhw a cherbydau argyfwng yn unig. Dylid bod modd gorfodi hyn.’

I gefnogi ei Chynnig, siaradodd y Cynghorydd Hinds am ba mor bwysig ydyw i gilfachau parcio o’r fath fod ar gael i breswylwyr, eu gofalwyr ac yn bwysicaf oll, y gwasanaethau argyfwng a all fod angen mynediad brys. Yr oedd wedi derbyn sawl gwrthwynebiad i bobl eraill sy’n defnyddio’r cilfachau parcio, ynghyd â rhieni’n rhwystro mynediad yn ystod adegau ysgol.

Fel y Dirprwy Arweinydd a’r Aelod Cabinet Tai, roedd y Cynghorydd Attridge yn deall yr angen am ryw fodd o reoli hyn ond siaradodd am y materion ehangach nad ydynt ond yn ymwneud â byngalos pensiynwyr. Cyfeiriodd at y rhaglen o waith amgylcheddol ar draws y Sir a oedd yn cynnwys creu darpariaeth barcio newydd, ac awgrymodd y gallai hyn ymgorffori adolygiad o gyfyngiadau parcio presennol yn yr ardaloedd dan sylw ynghyd â chanfod yn lle y gellid cyflwyno cardiau parcio ar gyfer preswylwyr, pe bai hynny’n cael ei gefnogi. Roedd yn cydnabod efallai na fyddai hyn yn mynd i’r afael â phryderon cyfredol y Cynghorydd Hinds, ond awgrymodd y gallai swyddogion ganfod y lleoliadau sy’n flaenoriaeth o ran bod mannau parcio’n cael eu camddefnyddio, a mynd ati i ddatblygu polisi cardiau parcio ar gyfer preswylwyr, fyddai’n cynnwys ymgynghori effeithiol â defnyddwyr a effeithir.

Dywedodd y Cynghorydd Hinds ei bod yn fodlon gyda’r diwygiad, a eiliwyd gan y Cynghorydd Heesom.                 

Eglurodd y Prif Weithredwr, pe cefnogir hyn, y byddai swyddogion yn ymdrechu i flaenoriaethu’r mathau o lety a amlygwyd gan y Cynghorydd Hinds o fewn yr adolygiad.

Siaradodd y Cynghorydd Carolyn Thomas o blaid y diwygiad, gan gynnwys yr ardaloedd fyddai’n cael eu blaenoriaethu, yn amodol ar yr adnoddau a’r cyllid sydd ar gael.

Roedd y Cynghorydd Heesom, David Williams ac Owen Thomas yn siarad o blaid y diwygiad hefyd.

Gofynnodd y Cynghorydd Carver p’un a fyddai’r adolygiad yn berthnasol i fyngalos sy’n eiddo i’r Cyngor yn unig, a nododd bod llety weithiau’n cael ei ddyrannu i breswylwyr sydd o dan oedran pensiwn. 

Gofynnodd y Cynghorydd Peers am sicrwydd y byddai’r adolygiad yn cynnwys cynlluniau a oedd wedi’u nodi’n flaenorol ar draws Sir.

Dywedodd y Cynghorydd Gladys Healey y dylai’r adolygiad ystyried gwahanol anghenion preswylwyr sy’n defnyddio’r math hwn o lety, ynghyd â nifer cerbydau bob aelwyd.

Eglurodd y Cynghorydd Attridge y byddai’r adolygiad yn berthnasol i lety gwarchod ac y byddai’n cael ei gynnal ar wahân i’r adolygiad Strydlun. Nododd y Cynghorydd Hinds ei bod yn cytuno.

Mewn ymateb i’r sylwadau a godwyd, eglurodd y Prif Swyddog (Strydlun a Chludiant) bod polisi ar gyfer cynlluniau parcio i breswylwyr wedi’i gyflwyno, oedd yn cynnwys proses fanwl ac ymgynghori helaeth. Mewn ymateb i sylwadau gan y Cynghorydd Chris Dolphin, dywedodd, tra bod rhestr o ardaloedd wedi’u blaenoriaethu, nid oedd cynllun wedi’i weithredu eto  ...  view the full Cofnodion text for item 22.

Cefnogi Cynllun y Cyngor 2018-23 gan gydnabod yr uchelgeisiau yn y flwyddyn a’r amcanion i’w cyflawni.

Cynigiodd y Cynghorydd Mullin yr argymhellion yn yr adroddiad ar yr adolygiad blynyddol o Gynllun y Cyngor 2017-23 yr oedd ei strwythur a’i gynnwys wedi’i adnewyddu ar gyfer 2018-19. Diolchodd i’r Aelodau am eu mewnbwn yn y gweithdy diweddar ac yn y Pwyllgor Trosolwg a Chraffu Adnoddau Corfforaethol. Eiliwyd hyn gan y Cynghorydd Attridge.

Wrth gyflwyno’r adroddiad, eglurodd y Prif Weithredwr y dylid cyhoeddi’r Cynllun yn flynyddol ac roedd y cynnwys yn destun adolygiad treigl. Tynnodd sylw at yr atodiadau gan gynnwys yr ymatebion i ymgynghoriad yr Aelodau a chadarnhaodd bod y Cabinet wedi argymell cymeradwyo’r Cynllun.

Gwnaeth y Swyddog Gweithredol Busnes a Chyfathrebu gyflwyniad oedd yn cwmpasu’r canlynol:

·         Sut mae’r Cynllun yn cael ei ddwyn ynghyd

·         Dewis y blaenoriaethau o fewn y flwyddyn

·         Cynnwys newydd: materion cenedlaethol

·         Ymgynghori ag aelodau

·         Manteision cynllunio            

·         Cynllun y Cyngor 2018/19 ar gyfer eleni

·         Defnyddio’r Cynllun

·         Y camau nesaf

Yn ystod y cyflwyniad, atgoffwyd pawb am rôl Trosolwg a Chraffu mewn monitro cynnydd, ynghyd â’r Pwyllgor Archwilio mewn monitro risgiau strategol. Byddai’r nifer isel o faterion arwyddocaol parhaus o ran tanberfformiad yn 2017/18 yn destun monitro pellach drwy gynlluniau gweithredu a gytunwyd.

Dywedodd y Cynghorydd Richard Jones, er gwaethaf ceisiadau blaenorol, nid oedd y diwygiadau wedi’u hamlygu yn Rhan 2 o’r Cynllun a rhoddodd enghreifftiau o newidiadau i fesuriadau a thargedau lle dylid fod wedi rhoi eglurhad, yr oedd yn cytuno i’w rhannu’n llawn ar ôl y cyfarfod. I alluogi’r Cyngor i gyflawni ei ddyletswydd statudol o ran cyhoeddi’r Cynllun, awgrymodd y Prif Weithredwr y dylid newid yr argymhelliad i fabwysiadu Cynllun y Cyngor fel yr oedd, yn amodol ar adolygiad parhaus o dargedau ar gyfer gwella.

Roedd y Cynghorydd Jones hefyd yn awgrymu newidiadau i eiriad dau o’r effeithiau o dan y flaenoriaeth ‘Twf ac Adfywio’r Sector Busnes’ y dywedodd na ellid ei gynnwys ar yr adeg hon. O ran cyflawni ymrwymiadau drwy’r Fargen Twf Economaidd Ranbarthol (Eitem 2), cytunodd y Prif Weithredwr y dylid dileu’r ail frawddeg. O ran datblygu’r strategaeth gludiant ranbarthol a lleol (Eitem 7), cytunwyd y dylid diwygio’r pwynt bwled cyntaf i ddarllen ‘Cynnig y dylid cynnwys isadeiledd cludiant yng nghynnig y Fargen Twf Economaidd Ranbarthol’ i adlewyrchu’r nod hwn o fewn y flwyddyn.                                 

Dywedodd y Cynghorydd Peers y dylai’r newidiadau sydd wedi’u tracio yn Rhan 1 o’r Cynllun adlewyrchu eglurhad o ran pam y cafodd nodau eu dileu. Mewn ymateb i ymholiadau, darparodd y Prif Weithredwr eglurhad o’r derminoleg yn y ddogfen. O ran y flaenoriaeth ‘Cartrefi Modern, Effeithlon ac sydd wedi’u Haddasu’, tra bo’r Prif Swyddog (Cynllunio, yr Amgylchedd a’r Economi) yn cydnabod y cais i adfer y nod o ddarparu cymaint â phosib o gartrefi fforddiadwy drwy’r broses gynllunio, amlygodd mai ychydig iawn o reolaeth oedd gan y Cyngor a ran dylanwadu ar berfformiad. Fel y cyfryw, awgrymodd y dylid cynnwys yr amcan fel trydydd pwynt bwled o dan ‘bydd cyflawniad yn cael ei fesur drwy’, ond heb darged gosodedig. Cytunodd y Prif Weithredwr a’r Cynghorydd Bithell y dylid mesur y cynlluniau’n unigol gan nad oedd  ...  view the full Cofnodion text for item 23.

Nodi cynnydd ar ddatblygiad Cais Bargen Twf a mabwysiadu’r Cytundeb Llywodraethu cam cyntaf.

Cyflwynodd y Prif Weithredwr a’r Prif Swyddog (Llywodraethu) yr adroddiad ar ddatblygu Cais Bargen Twf Gogledd Cymru i geisio cymeradwyaeth ar gyfer y trefniadau anweithredol o fewn Cytundeb Llywodraethu (GA1) yn dilyn cymeradwyaeth y Cabinet o’r trefniadau gweithredol yn gynharach yn y dydd.

Rhoddwyd eglurhad o’r ddau faes penderfynu yr oedd eu hangen i gymeradwyo cam cyntaf y Cytundeb Llywodraethu fel y gellid diweddaru’r Cyfansoddiad yn gyfatebol. Nod Cais y Bargen Twf oedd bod o fudd i economi’r rhanbarth a byddai’r Strategaeth Twf yn galluogi ymagwedd unedig i gael mynediad i geisiadau am gyllid, fel y Gronfa Ffyniant. Fel y gofynnwyd yn y gweithdy diweddar i Aelodau, rhannwyd gwybodaeth ar fodel Llywodraethu diwygiedig y cydbwyllgor rhanbarthol statudol a gylchredwyd yn lle’r atodiad i’r adroddiad. Roedd hwn yn egluro proses benderfynu neu gyfrifoldebau ymgynghorol bob partner. Tra bo’r GA1 yn nodi sut y byddai’r pwyllgor yn gweithredu yn y cyfnod interim, byddai ail ran y Cytundeb yn cynnwys rhagor o fanylion am yr ymrwymiadau a byddai’n destun ymgynghoriad yn 2019.

Dywedodd y Prif Weithredwr y byddai cyflawniadau o ran Cais y Fargen Twf yn cryfhau’r achos dros well cydweithio ar lefel ranbarthol, yr ystyriwyd ei fod yn ddewis tebygol yn lle diwygio llywodraeth leol yng Nghymru. Dywedodd mai’r tri maes a nodwyd ar gyfer eu gwella drwy weithio ar lefel ranbarthol yng Ngogledd Cymru oedd yr economi, iechyd a gofal cymdeithasol a diogelwch cymunedol.

Darparodd y Prif Swyddog wybodaeth ar gynnwys y GA1, gan egluro mai penderfyniad y Cyngor oedd cytuno ar drefniadau ar gyfer Trosolwg a Chraffu. Amlinellodd y pedwar mesur diogelu fel y nodwyd yn yr adroddiad, ac atgoffodd bawb y byddai’r ddogfen gynnig yn cael ei chyflwyno i’w chymeradwyo gan y Cyngor ym mis Medi.

Wrth gynnig yr argymhellion, roedd y Cynghorydd Butler yn cydnabod y pryderon a fynegwyd gan rai Aelodau ond amlygodd bwysigrwydd y Fargen a chadw rheolaeth leol dros faterion Llywodraethu penodol.              

Cododd y Cynghorydd Peers sawl pwynt o ran y modd yr oedd y ddogfen wedi’i chyflwyno y cytunodd y Prif Swyddog fynd i’r afael â hwy wrth gwblhau’r GA1 ar ôl derbyn sylwadau pob cyngor. Rhoddodd y Prif Weithredwr eglurhad o sawl maes o fewn y GA1 gan gynnwys cyfraniadau gan y chwe chyngor a chytunodd i ailgylchredeg y Strategaeth Twf i’r Aelodau. O ran yr awgrym i gynnwys ‘lle’n bosibl’ mewn perthynas ag ymrwymo digon o adnoddau i gyflenwi’r Fargen Twf, amlygodd y swyddogion bwysigrwydd pob cyngor yn anrhydeddu ei ran o’r ymrwymiadau fel rhan o’r cytundeb.

Tra bo’r Cynghorydd Heesom yn cydnabod y cyfleoedd sylweddol drwy’r Fargen Twf, nododd unwaith eto ei bryderon ynghylch graddau’r manteision.

Siaradodd y Cynghorydd Richard Jones o blaid yr ymagwedd ranbarthol ond cwestiynodd y manteision ar gyfer y Sir gyfan. Cyfeiriodd at yr amcanion a nodwyd yn y GA1 a dywedodd y dylai’r eitemau sydd o fudd uniongyrchol i Sir y Fflint fod wedi cael eu dwyn i sylw’r Cyngor yn gynharach er mwyn egluro i’r Aelodau beth yr oedd gofyn iddynt ei gytuno. Holodd am  ...  view the full Cofnodion text for item 24.

Ystyried rhoi cynllun gostyngiadau ar waith i rai sy’n gadael gofal.

Derbyniwyd adroddiad ar y cynigion i ddarparu gostyngiad o hyd at 100% o dalu Treth y Cyngor i rai sy’n gadael gofal sydd rhwng 18 a 25 mlwydd oed sy’n preswylio yn Sir y Fflint.

Fel yr Aelod Cabinet Gwasanaethau Cymdeithasol, roedd y Cynghorydd Christine Jones yn croesawu’r cynigion i helpu pobl ifanc yn y cyfnod o newid i fod yn oedolion ac i fyw’n annibynnol.

Dywedodd y Rheolwr Refeniw mai cost amcangyfrifiedig ariannu’r cynllun fyddai tua £14K y flwyddyn ac y byddai hyd at ddeg unigolyn yn Sir y Fflint yn gymwys i gael gostyngiad, gan gynnwys rhai sy’n gadael gofal sy’n preswylio yn Sir y Fflint ond a fu dan ofal cyngor arall yn flaenorol. Os cefnogir hyn gan Aelodau, gofynnid i’r Cabinet fabwysiadu’r cynllun newydd i fod yn effeithiol o 1 Ebrill 2018.

Fel Cadeirydd y Fforwm Gwasanaethau Plant, roedd y Cynghorydd Bithell yn croesawu’r cynigion.

Mewn ymateb i ymholiad gan y Cynghorydd Carver, eglurodd y Rheolwr Refeniw y byddai’r polisi ar gyfer y cynllun yn ystyried gwahanol amgylchiadau a threfniadau byw.        

Wrth gefnogi’r cynigion, siaradodd y Cynghorydd Tudor Jones ynghylch yr angen am gefnogaeth barhaus i rai sy’n gadael gofal ar ôl iddynt droi’n 18 oed. Dywedodd y Prif Swyddog (Y Gwasanaethau Cymdeithasol) bod cymorth ar gael i rai sy’n gadael gofal hyd at yr adeg y maent yn 25 oed, yn dibynnu ar amgylchiadau’r unigolyn. Cyfeiriodd at gynlluniau i gryfhau ymhellach y cymorth i rai sy’n gadael gofal.

PENDERFYNWYD:

(a)       Bod y Cyngor yn darparu adborth i’r Cabinet ar y posibilrwydd o gyflwyno cynllun Gostyngiad Treth y Cyngor i rai sy’n gadael gofal; a

(b)       Bod y Cyngor yn cefnogi datblygiad cynllun Gostyngiad Dewisol Treth y Cyngor ar gyfer rhai sy’n Gadael Gofal, yn amodol ar gymeradwyaeth derfynol y Cabinet, gyda’r nod o ddarparu gostyngiadau o hyd at 100% i bawb sy’n gadael gofal hyd at 25 mlwydd oed.

I gytuno y bydd Cronfa Bensiynau Clwyd yn cymeradwyo ei Gyfrifon Blynyddol ei hun ar ôl archwiliad allanol.

Cyflwynodd y Prif Weithredwr (Llywodraethu) yr adroddiad i alluogi Pwyllgor Cronfa Bensiwn Clwyd, fel y corff mwy priodol, i gymeradwyo datganiad cyfrifon terfynol Cronfa Bensiwn Clwyd, yn hytrach na’r Cyngor Llawn. Byddai’r ymagwedd hon, a gefnogwyd gan Swyddfa Archwilio Cymru, yn dal i gynnwys ystyriaeth o’r cyfrifon terfynol gan y Pwyllgor Archwilio.

Ar ran Pwyllgor Cronfa Bensiwn Clwyd, cadarnhaodd y Cadeirydd, y Cynghorydd Dave Hughes, ei gefnogaeth ar gyfer yr ymagwedd hon.

PENDERFYNWYD:

Bod datganiad cyfrifon terfynol Cronfa Bensiwn Clwyd yn cael ei ystyried gan y Pwyllgor Archwilio ac yn cael ei gymeradwyo gan Bwyllgor Cronfa Bensiwn Clwyd.

I’r Cyngor gymeradwyo’r rhestr o gydnabyddiaethau ariannol ar gyfer Aelodau etholedig a chyfetholedig ar gyfer 2018/19 ar gyfer eu cyhoeddi, gan fod yr holl benodiadau wedi eu gwneud.

Cyflwynodd y Rheolwr Gwasanaethau Democrataidd y Rhestr o Gydnabyddiaethau Ariannol ar gyfer 2018/19 i’w chymeradwyo’n ffurfiol, yn amodol ar ddau ddiwygiad o dan adran 14 ac atodlen 1.

PENDERFYNWYD:

(a)       Yn amodol ar y ddau ddiwygiad, bod y Rhestr o Gydnabyddiaethau Ariannol ar gyfer 2018/19 oedd wedi’i chwblhau yn cael ei chymeradwyo ar gyfer ei chyhoeddi; a

(b)       Awdurdodi’r Rheolwr Gwasanaethau Democrataidd i ychwanegu enw’r aelod etholedig terfynol i’r rhestr ar ôl ei benodi.

Roedd un aelod o’r wasg yn bresennol.