Rhaglen a chofnodion

Pwrpas:        Derbynunrhyw ddatganiad o gysylltiad a chynghori’r Aelodau yn unol a hynny.

Dim.

Pwrpas:        Derbyn manylion ynghylch adolygiad y Cadeirydd o’r flwyddyn.

Fel Cadeirydd a oedd yn ymadael, cyflwynodd y Cynghorydd Brian Lloyd ei adolygiad o’r flwyddyn, yn ei hystod roedd y Cynghorydd a’i Gymar wedi bod yn falch iawn o gynrychioli Sir y Fflint mewn sawl digwyddiad dinesig teilwng, megis Diwrnod Lluoedd Arfog Gogledd Cymru a Gwobrau Balchder Sir y Fflint.  Wrth drafod Wythnos Fusnes Sir y Fflint, mynegodd ei ddiolch i’r Cynghorydd Derek Butler, Kate Catherall a’r Arglwydd Barry Jones am eu help.

Diolchodd i’r rheiny a oedd wedi’i helpu wrth ei gefnogi i godi bron i £14,000 ar gyfer ei elusennau dewisol, sef Cymorth Canser Macmillan, Hosbis Plant Claire House a Barnados Cymru.

Wrth ddod i gasgliad, diolchodd i'r Prif Weithredwr a Thîm y Prif Swyddog, Arweinydd a gweithwyr y Cyngor am eu cefnogaeth ac i’r Aelodau am ei ethol.  Mynegodd ei ddiolchgarwch i dîm Gwasanaethau'r Aelodau Dinesig am yr help yn ystod y flwyddyn a’i ddau gaplan.  Fe aeth ymlaen i ddiolch i’r Is-Gadeirydd am ei gymorth, a dymuno’n dda iddo yn ei rôl newydd, ac fe dalodd deyrnged i’w wraig, Jean, am ei chymorth fel Cymar, rôl a oedd wedi’i mwynhau’n fawr iawn.

Yn ystod y cyfarfod, fe dalodd sawl Aelod deyrnged i’r Cadeirydd a oedd yn ymadael am ei waith yn ystod y flwyddyn a’i lwyddiant wrth godi arian.

Cynigiodd y Cynghorydd Ian Roberts ac eiliodd y Cynghorydd Michelle Perfect y dylid penodi’r Cynghorydd Paul Cunningham yn Gadeirydd y Cyngor ar gyfer blwyddyn y Cyngor 2018/19.

PENDERFYNWYD:

Ethol y Cynghorydd Paul Cunningham yn Gadeirydd y Cyngor ar gyfer blwyddyn y Cyngor 2018/19.

Rhoddwyd Cadwyn y Swydd i’r Cynghorydd Cunningham gan y Cadeirydd sy’n ymadael a llofnododd ei Ddatganiad Derbyn y Swydd yng ng?ydd y Prif Weithredwr.

 (Ar y pwynt hwn, cadeiriodd y Cynghorydd Cunningham weddill y cyfarfod.)

Yna cyflwynodd y Cadeirydd Fathodyn y Swydd fel Cadeirydd a oedd yn ymddeol i’r Cynghorydd Brian Lloyd a Bathodyn y Swydd fel Cymar a oedd yn ymddeol i Mrs Jean Lloyd.

Diolchodd y Cadeirydd i’r Cynghorydd Lloyd fel Cadeirydd sy’n Ymadael ac i’r Aelodau am eu cefnogaeth yn ei ethol yn Gadeirydd am y flwyddyn i ddod.

Cynigiodd y Cynghorydd Carol Ellis ac eiliodd y Cynghorydd Rita Johnson y dylid penodi’r Cynghorydd Marion Bateman yn Is-gadeirydd y Cyngor ar gyfer blwyddyn y Cyngor 2018/19.

PENDERFYNWYD:

Penodi’r Cynghorydd Marion Bateman yn Is-gadeirydd y Cyngor ar gyfer blwyddyn y Cyngor 2018/19.

Rhoddwyd Cadwyn y Swydd i’r Cynghorydd Bateman gan y Cadeirydd a llofnododd y Datganiad Derbyn y Swydd yng ng?ydd y Prif Weithredwr.

Cynigiodd y Cynghorydd Tony Sharps ac eiliodd y Cynghorydd Ray Hughes y dylai’r Cynghorydd Aaron Shotton gael ei benodi’n Arweinydd y Cyngor ar gyfer blwyddyn y Cyngor 2018/19. I gefnogi ei gynnig, cydnabyddodd y Cynghorydd Sharps y penderfyniadau anodd a wnaed yn ystod yr hinsawdd ariannol bresennol gydag arweinyddiaeth gref.

PENDERFYNWYD:

Penodi’r Cynghorydd Aaron Shotton yn Arweinydd y Cyngor ar gyfer blwyddyn y Cyngor 2018/19.

Diolchodd y Cynghorydd Aaron Shotton i’r Aelodau am eu cefnogaeth wrth ei benodi’n Arweinydd y Cyngor am y 12 mis nesaf.  Croesawodd y safiad unedig a phragmatig a wnaed gan y Cyngor yn ystod y flwyddyn a gobeithiodd y byddai hyn yn parhau wrth wynebu heriau yn y dyfodol.

Yn unol â’r Cyfansoddiad, nododd y Cynghorydd Aaron Shotton ei ddewis o Gynghorwyr i wasanaethu ar y Cabinet.

PENDERFYNWYD:

Nodi’r dewis o Gynghorwyr i wasanaethu ar y Cabinet a’u portffolios a fanylir arnynt isod.

Pwrpas:        Rhoi gwybod am gyfansoddiad newydd Bwrdd y Theatr, gan gyfuno penodiadau aelodau etholedig a phenodiadau allanol, a’r broses ar gyfer (ail)benodi aelodau etholedig i’r Bwrdd.

Cyflwynodd y Prif Weithredwr yr adroddiad ar gyfansoddiad y Bwrdd Llywodraethwyr newydd, a oedd yn cynnwys saith Aelod etholedig a chwe phenodiad allanol, cyn ceisio cymeradwyaeth ffurfiol gan y Cabinet.

Diolchodd i Arweinwyr y Grwpiau am eu cydweithrediad wrth enwebu dau aelod etholedig ar gyfer y ddwy swydd wag, i wasanaethu ochr yn ochr â phum aelod etholedig a oedd wedi dewis aros yn rhan o’r Bwrdd.  Byddai’r aelodaeth lawn, gan gynnwys y chwe aelod cyfetholedig allanol gyda sgiliau priodol a oedd wedi’u recriwtio trwy'r broses, yn cael ei hadrodd i’r Cabinet.

Diolchodd i’r Prif Swyddog (Rhaglenni Strategol) a Chyfarwyddwyr Artistig a Gweithredol y Theatr am eu gwaith i gryfhau’r model busnes.

PENDERFYNWYD:

Bod y cynigion ar gyfer Bwrdd Llywodraethwyr Theatr Clwyd, fel yr amlinellwyd yn yr adroddiad, yn cael eu cymeradwyo a’u hargymell i’r Cabinet.

Pwrpas:        Derbyn argymhellion gan Bwyllgor y Cyfansoddiad a Gwasanaethau Democrataidd, ar ôl adolygu Proses y Gyllideb.

Cyflwynodd Rheolwr y Gwasanaethau Democrataidd argymhellion o gyfarfod Pwyllgor y Cyfansoddiad a Gwasanaethau Democrataidd a gynhaliwyd ar 26 Ebrill 2018 yn dilyn adolygiad o’r broses ymgynghori ar y gyllideb.

Roedd yr adborth a gafwyd gan yr Aelodau yn ystod yr ymgynghoriad wedi’i ddatblygu i gyfres o ofynion fel y nodwyd yn yr adroddiad ochr yn ochr â’r ymatebion.  Gellir addasu siart lif Proses y Gyllideb Fesul Cam, gan ddefnyddio dull 2018/19, i’w defnyddio yn y dyfodol ac i helpu i ddangos cymhlethdodau'r broes a gofynion ymgynghori.

Oherwydd amseriad cyfarfod Pwyllgor y Cyfansoddiad a Gwasanaethau Democrataidd, dosbarthodd Rheolwr y Gwasanaethau Democrataidd adroddiad diwygiedig gyda’r newidiadau y cytunwyd arnynt yn ystod y cyfarfod hwnnw.

Cytunodd yr Aelodau ar y penderfyniadau diwygiedig i gymeradwyo’r adroddiad diwygiedig a’r geiriad i’w cynnwys yn adran 16 y Cyfansoddiad.

Yn dilyn ymholiad gan y Cynghorydd Mackie, eglurwyd y byddai gofyniad 19 yn cael ei dynnu o’r adroddiad gan y byddai defnydd galw i mewn yn cael ei ystyried gan Bwyllgor y Cyfansoddiad a’r Gwasanaethau Democrataidd ym mis Mehefin.

Gwnaeth y Prif Weithredwr sylw ar gynwysoldeb yr ymgynghoriad ar broses y gyllideb a'r cynnydd o ran y gyllideb ar gyfer 2019/20.

Cyfeiriodd y Cynghorydd Richard Jones at ofyniad 18 ar gasgliad y cynigion a oedd wedi bod trwy broses y gyllideb a gofynnodd ‘oni bai bod gwybodaeth newydd yn dod i’r amlwg’ ei fod yn cael ei fewnosod i ystyried unrhyw newid. O ran yr angen am gyfrinachedd wrth rannu gwybodaeth, rhoddodd y Prif Weithredwr enghreifftiau o gamau adrodd rhwng pwyllgorau a chyfeiriodd at y protocol gwaith a allai gael ei ddatblygu.  Nodwyd pwysigrwydd galw i mewn a byddai angen trafodaeth bellach ar hyn.  Mewn ymateb i sylwadau pellach, roedd trosolwg o’r gyllideb gyfan yn gyfrifoldeb ar y Pwyllgor Trosolwg a Chraffu Adnoddau Corfforaethol a fyddai’n ystyried adroddiad ar yr Offeryn Asesu Integredig. Byddai Swyddogion yn rhoi ystyriaeth bellach i'r angen am ddealltwriaeth glir o ganlyniadau penderfyniadau am y gyllideb.

Mewn ymateb i awgrym y Cynghorydd Jones i weddarlledu pob cyfarfod pwyllgor gydag effaith ar drafodaethau o ran y gyllideb, eglurodd y Prif Swyddog (Llywodraethu) y cyfyngiadau ar yr offer gweddarlledu. Dywedodd y Prif Weithredwr y byddai’r cytundeb i weddarlledu cyfarfod cyllideb y Pwyllgor Trosolwg a Chraffu Adnoddau Corfforaethol yn cael ei ymestyn i gyfarfodydd eraill y Pwyllgor a oedd yn cael eu cynnal fel rhan o broses y gyllideb fesul cam, p’run ai oedd yr holl Aelodau yn cael eu gwahodd ai peidio.  Byddai gofyniad 19 yn cael ei ddiwygio i adlewyrchu hyn, gan nodi'r ‘bydd’ y cyfarfod cyllideb blynyddol yn cael ei we  ...  view the full Cofnodion text for item 8.

Pwrpas:        Mabwysiadu rheolau diwygiedig ar rannu gwybodaeth o fewn y Cyngor.

Cyflwynodd y Prif Swyddog (Llywodraethu) adroddiad ar gyfres ddiwygiedig o egwyddorion yngl?n â rhannu gwybodaeth o fewn y Cyngor i alluogi Aelodau a Swyddogion i gyflawni eu dyletswyddau. Eglurodd bwysigrwydd deall yr egwyddorion a oedd wedi’u datblygu gan weithgor a chynnwys sefyllfaoedd enghreifftiol a safbwyntiau gwahanol. Roedd peth gwaith coethi wedi’i wneud yn dilyn ymgynghoriad gyda swyddogion ac Aelodau.

Wrth gymeradwyo’r argymhellion, siaradodd y Cynghorydd Heesom o blaid yr adroddiad.

Fel Cadeirydd  Pwyllgor y Cyfansoddiad a Gwasanaethau Democrataidd cynigodd y Cynghorydd Rita Jones bod yr egwyddorion yn cael eu cymeradwyo i’w mabwysiadu o fewn y Cyfansoddiad.

Rhoddodd y Cynghorydd Richard Jones enghraifft lle gallai preswylydd roi caniatâd ysgrifenedig i’w Aelod lleol drafod ei ddata personol gyda Swyddogion y Cyngor.  Dywedodd y Prif Swyddog fod yr enghreifftiau sydd wedi’u hatodi i’r canllawiau yn adlewyrchu’r sefyllfa hon ac enghreifftiau eraill lle dylid diogelu gwybodaeth bersonol.

Diolchodd y Cynghorydd Marion Bateman i aelodau a swyddogion y gweithgor y bu’n ei gadeirio.

PENDERFYNWYD:

Cymeradwyo’r canllawiau i’w mabwysiadu i'r Cyfansoddiad.

Pwrpas:        Delio â'r materion hynny sydd angen penderfynu arnynt yn ystod Cyfarfod Blynyddol y Cyngor Sir, yn unol â rheol 1.1 (vii)-(xiii) Gweithdrefn y Cyngor.

Rhoddodd y Cyngor ystyriaeth i adroddiad y Prif Swyddog (Llywodraethu) a ddeliodd â materion hynny sydd angen penderfynu arnynt yn ystod Cyfarfod Blynyddol y Cyngor Sir, yn unol â rheol 1.1 (vii)-(xiv) Gweithdrefn y Cyngor.  Rhannwyd yr adroddiad yn adrannau, pob un yn delio ag un penderfyniad oedd angen ei wneud a’r materion perthnasol i’w hystyried.  Rhoddwyd ystyriaeth i bob adran a phleidleisio arnynt yn eu tro.

(A)       Penodi Pwyllgorau

Eglurodd y Prif Swyddog (Llywodraethu) fod y Cyfansoddiad yn caniatáu penodi'r canlynol: Pwyllgor Archwilio; Pwyllgor Cronfa Bensiynau Clwyd; Pwyllgor y Cyfansoddiad a Gwasanaethau Democrataidd, Pwyllgor Cyd-lywodraethu (ar gyfer Pensiynau), Pwyllgor Trwyddedu, Pwyllgor Cynllunio, Pwyllgor Safonau a chwe Phwyllgor Trosolwg a Chraffu.

Cynigiodd y Cynghorydd Attridge gymeradwyo’r argymhellion fel yr amlinellwyd yn yr adroddiad ac eiliwyd hyn gan y Cynghorydd Bithell.

PENDERFYNWYD:

 (a)      Bod y Cyngor yn penodi’r Pwyllgorau canlynol:

Pwyllgor Archwilio.

Pwyllgor Cronfa Bensiynau Clwyd

Pwyllgor y Cyfansoddiad a Gwasanaethau Democrataidd

Pwyllgor Cydlywodraethu (ar gyfer Pensiynau)

Pwyllgor Trwyddedu

Pwyllgor Cynllunio

Pwyllgor Safonau

Y chwe Phwyllgor Trosolwg a Chraffu sydd wedi’u rhestru ym mharagraff 1.01

(B)       Penderfyniad ar faint Pwyllgorau

Eglurodd y Prif Swyddog (Llywodraethu) fod rhaid penderfynu ar faint bob pwyllgor yn y Cyfarfod Blynyddol.  Amlinellwyd y ddarpariaeth ar gyfer maint y Pwyllgorau yn yr adroddiad.

Cynigiodd y Cynghorydd Attridge gymeradwyo’r argymhellion fel yr amlinellwyd yn yr adroddiad ac eiliwyd hyn gan y Cynghorydd Bithell.

PENDERFYNWYD:

Dylai maint pob Pwyllgor fod yn unol â’r hyn a nodwyd ym mharagraff 1.03 yr adroddiad.

(C)       Cylch Gorchwyl Pwyllgorau a Dirprwyon Pensiwn

Eglurodd y Prif Swyddog (Llywodraethu) ei bod yn ofynnol i’r Cyfarfod Blynyddol benderfynu ar gylch gorchwyl y pwyllgorau a benodwyd ganddo.  Roedd cylch gorchwyl presennol y Pwyllgorau presennol fel y nodwyd yn Rhan 2 y Cyfansoddiad.

Cynigiodd y Cynghorydd Attridge gymeradwyo’r argymhellion fel yr amlinellwyd yn yr adroddiad ac eiliwyd hyn gan y Cynghorydd Bithell.

PENDERFYNWYD:

Cymeradwyo’r cylch gorchwyl ar gyfer pob pwyllgor yn Rhan 2 y Cyfansoddiad.

(D)       Cydbwysedd Gwleidyddol

Eglurodd y Prif Swyddog (Llywodraethu) fod yn rhaid i’r Cyngor benderfynu yn, neu cyn gynted ag y bo'n ymarferol ar ôl, y Cyfarfod Blynyddol, ar ddyraniad seddi i grwpiau gwleidyddol yn unol â’r Rheolau Cydbwysedd Gwleidyddol sydd wedi eu cynnwys yn Rheoliadau Llywodraeth Leol (Pwyllgorau a Grwpiau Gwleidyddol) 1990 fel y’i diwygiwyd.

Roedd cyfanswm o 157 o seddi ar gyfer Cynghorwyr ar draws yr holl Bwyllgorau yn seiliedig ar y gr?p presennol o aelodau a dangoswyd hawl pob gr?p i seddi ym mharagraff 1.12 yr adroddiad.  Gan na fu unrhyw newid o ran meintiau'r grwpiau, atodwyd y cyfrifiadau cydbwysedd gwleidyddol presennol i’w hystyried fel un o sawl datrysiad posibl.

Cyfeiriodd y Cynghorydd Peers at gyfyngiadau aelodaeth y Pwyllgor Cynllunio ar wardiau aml-aelod fel y nodwyd yn y ddeddfwriaeth a'r mecanwaith a gytunwyd gan y Cyngor yn gyntaf oll i ddatrys yr enwebiadau hyn drwy drafodaethau rhwng Arweinwyr y Grwpiau.  Os nad oedd modd cyflawni hyn, y cam nesaf oedd i'r swyddog priodol dderbyn yr enwebiad cyntaf a dderbyniwyd.  Cynigodd y Cynghorydd Peers welliant fod unrhyw enwebiad yn  ...  view the full Cofnodion text for item 10.

Pwrpas:        Galluogi’r Cyngor i ystyried yr Amserlen ddrafft o gyfarfodydd ar gyfer 2018/19.

Derbyniodd y Cyngor yr adroddiad ar yr amserlen o gyfarfodydd ar gyfer 2018/19.

PENDERFYNWYD:

Cymeradwyo’r amserlen ddrafft o gyfarfodydd ar gyfer 2018/19.

Roedd un aelod o’r wasg a 12 aelod o’r cyhoedd yn bresennol.