Mater - cyfarfodydd
Employer Flexibilities and Funding Strategy Statement
Cyfarfod: 23/03/2021 - Pwyllgor Cronfa Bensiwn Clwyd (eitem 137)
137 Datganiad Strategaeth Gyllido - Diweddariadau Polisi PDF 111 KB
Rhoi’r wybodaeth ddiweddaraf i Aelodau’r Pwyllgor am bolisïau yn y Datganiad Strategaeth Ariannu o ganlyniad i ddarpariaethau hyblygrwydd cyflogwr newydd a chymeradwyo’r polisïau drafft i’w cynnwys yn y Datganiad ac ymgynghoriad â chyflogwyr.
Dogfennau ychwanegol:
- Appendix 1 for Employer Flexibilities and Funding Strategy Statement, eitem 137
PDF 65 KB
- Appendix 2 for Employer Flexibilities and Funding Strategy Statement, eitem 137
PDF 72 KB
- Appendix 3 for Employer Flexibilities and Funding Strategy Statement, eitem 137
PDF 173 KB
Cofnodion:
Nododd Mr Latham fod dau ddiweddariad polisi allweddol ynghylch newidiadau i’r rheoliadau, sy’n ymwneud â hyblygrwydd ychwanegol ynghylch taliadau ymadael cyflogwyr ac adolygu cyfraniadau cyflogwyr. Mae Datganiad y Strategaeth Gyllido wedi cael ei ddiweddaru yn unol â’r newidiadau yn y rheoliadau a bydd angen ymgynghori yn ei gylch gyda chyflogwyr.Er nad oes gan y Gronfa lawer o gyflogwyr a all ymadael oherwydd eu natur statudol, pwysleisiodd Mr Latham mor bwysig yw sicrhau bod y polisïau yn eu lle, yn enwedig gan fod y cyflogwyr eu hunain yn gallu gofyn am adolygiad o’u cyfraniadau.
Nododd Mr Latham hefyd fod adroddiad y Pwyllgor a’r atodiadau’n cynnwys mwy o wybodaeth ar y cynllun dirprwyo a oedd wedi ei ddiweddaru i ymgorffori’r polisïau newydd, yn ogystal â phroses arfaethedig os bydd cyflogwyr yn apelio yn erbyn y penderfyniad gwreiddiol a wneir am yr hyblygrwydd hwn.
Nododd Mr Middleman y pwyntiau allweddol y dylid ymgynghori yn eu cylch ym mharagraffau 1.03 ac 1.09 yr adroddiad, pan fo mewnbwn cyflogwyr yn bwysig.
PENDERFYNWYD:
(a) Cymeradwyodd y Pwyllgor y polisïau drafft i’w cynnwys yn Natganiad y Strategaeth Gyllido a’r ymgynghoriad gyda chyflogwyr.
(b) Penderfynodd y Pwyllgor y gellid dirprwyo mân newidiadau terfynol, yn dilyn ymgynghoriad, i Bennaeth Cronfa Bensiynau Clwyd a Dirprwy Bennaeth Cronfa Bensiynau Clwyd, ac y dylid dod ag unrhyw newidiadau sylweddol yn ôl gerbron y Pwyllgor i’w hystyried.
(c) Cytunodd y Pwyllgor ar y diweddariadau i Ddirprwyo Swyddogaethau, sydd ynghlwm yn Atodiad 3.