Manylion y penderfyniad
Revenue Budget Monitoring 2017/18 (MONTH 11)
Y sawl sy'n gwneud penderfyniad: Cabinet
Statws y Penderfyniad: Recommendations Approved
Is AllweddolPenderfyniad?: Yes
yn amodol ar gael ei alw i mewn?: Yes
Diben:
To provide the latest revenue budget monitoring position for 2017/18 for the Council Fund and Housing Revenue Account (based on actual income and expenditure as at Month 11 projected forward to year end).
Penderfyniadau:
Cyflwynodd y Rheolwr Cyllid Corfforaethol adroddiad Monitro Cyllideb Refeniw 2017/18 (Mis 11), a oedd yn nodi'r sefyllfa ddiweddaraf o ran monitro’r gyllideb refeniw yn 2017/18 ar gyfer Cronfa’r Cyngor a’r Cyfrif Refeniw Tai. Roedd yr adroddiad yn cyflwyno’r sefyllfa, yn seiliedig ar incwm a gwariant gwirioneddol, ac yn rhagamcanu beth fyddai sefyllfa'r gyllideb ar ddiwedd y flwyddyn ariannol pe bai popeth yn aros yn gyfartal. Byddai'r adroddiad nesaf ar sefyllfa ariannol y Cyngor i'r Cabinet 17 Gorffennaf, a dyma'r sefyllfa alldro derfynol yn dilyn cau cyfrifon 2017/18.
Y sefyllfa a ragamcanwyd ar gyfer diwedd y flwyddyn oedd:
Cronfa’r Cyngor:
· Rhagamcan gwariant net yng nghanol y flwyddyn, diffyg gweithredol o £0.109m;
· Roedd y sefyllfa gyffredinol a ragamcenir yn ystod y flwyddyn bellach yn cynnwys £1.422m oherwydd y newid yn y polisi cyfrifyddu ar gyfer Isafswm Darpariaeth Refeniw (MRP) fel y cytunwyd gan y Cyngor Sir 1 Mawrth. Effaith hyn oedd dileu'r diffyg gweithredol a rhagamcanwyd y byddai’r gwariant net £1.531 yn is na’r gyllideb; a
· Balans Cronfa Wrth Gefn At Raid a ragamcanwyd ar 31 Mawrth o £8.353m a leihaodd i £5.948m wrth ystyried y cyfraniadau y cytunwyd arnynt ar gyfer cyllideb 2018/19.
Cyfrif Refeniw Tai:
· Rhagwelir y bydd gwariant net yn ystod y flwyddyn £0.035m yn uwch na’r gyllideb; a
· Rhagamcanir y bydd balans y gronfa wrth gefn at raid ar 31 Mawrth 2018 yn £1.081m.
Crynhowyd y rhesymau dros yr amrywiannau a ragamcanwyd yn yr atodiad i’r adroddiad, gydag amrywiannau portffolio sylweddol allweddol wedi’u hegluro yn yr adroddiad.
Fe wnaeth yr adroddiad gynnwys y rhagamcan diweddaraf ganol blwyddyn fesul portffolio; symudiadau sylweddol yn y gyllideb rhwng Mis 10 a Mis 11; arbedion effeithiolrwydd a drefnwyd ar gyfer ganol y flwyddyn a gyflawnwyd; cynnal a chadw yn y gaeaf; chwyddiant; cronfeydd wrth gefn a balansau a cheisiadau i gario'r cyllid ymlaen.
O ran y Gronfa Wrth Gefn At Raid, eglurodd y Rheolwr Cyllid Corfforaethol, yng nghyfarfod cyllideb y Cyngor 20 Chwefror 2018, fod swm o £0.900m wedi’i gynnwys o fewn y lefel a ragamcanwyd o gronfeydd wrth gefn darbodus ar gyfer arian buddsoddi i arbed, i helpu i gyflawni arbedion effeithlonrwydd. Ar ôl ystyried y dyraniad o £0.550m ar gyfer y prosiect Strategaeth Ddigidol – Cwsmeriaid Digidol, argymhellwyd y byddai’r £0.350m yn cael ei glustnodi at y diben hwnnw hefyd.
Fe wnaeth adroddiad i’r Cabinet 26 Medi 2017 ar Gynnydd Cais Cytundeb Twf Economaidd Gogledd Cymru argymell awdurdod dirprwyedig i awdurdodi cyfraniad refeniw cychwynnol o wariant 2017/18 ar gyfer datblygiad manwl o’r Cais Cytundeb Twf, gydag uchafswm o hyd at £0.050m. Argymhellwyd iddo gael ei ariannu o’r Gronfa Wrth Gefn At Raid.
Fe wnaeth digwyddiad diweddar a arweiniodd at orfod symud sylweddau gwastraff peryglus o eiddo yn Sir y Fflint dynnu sylw at y gofyniad am arian i fodloni unrhyw gamau unioni brys na ragwelwyd, a gofynion cefnogi cysylltiedig. Argymhellwyd cyfraniad o £0.050m o’r Gronfa Wrth Gefn At Raid i'w glustnodi ar gyfer y diben hwnnw.
Rhoddodd y Cynghorydd Thomas sylw ar yr amodau tywydd gwael a oedd yn parhau i roi pwysau ar gyllideb cynnal a chadw dros y gaeaf, fodd bynnag, roedd yn falch ganddi gyhoeddi fod grant diweddar o £125,000 wedi’i dderbyn gan Lywodraeth Cymru (LlC).
PENDERFYNWYD:
(a) Nodi’r adroddiad cyffredinol a’r swm wrth gefn a ragamcanwyd ar gyfer Cronfa’r Cyngor ar 31 Mawrth 2018;
(b) Cymeradwyo’r trosglwyddiad o £0.900m o’r Gronfa Wrth Gefn At Raid ar gyfer prosiectau buddsoddi i arbed, lle’r oedd £0.550m wedi’i ddyrannu i ariannu’r strategaeth ddigidol;
(c) Cymeradwyo trosglwyddiad o £0.050m o’r Gronfa Wrth Gefn At Raid i ariannu'r cyfraniad tuag at ddatblygiad manwl o'r Cais Twf Economaidd;
(d) Cymeradwyo trosglwyddiad o £0.050m o’r Gronfa Wrth Gefn At Raid i glustnodi cronfa wrth gefn i fodloni unrhyw gamau unioni brys na ragwelwyd, a chostau cefnogi;
(e) Dylid nodi'r lefel derfynol o falansau a ragamcanwyd ar y Cyfrif Refeniw Tai; a
(f) Chymeradwyo’r ceisiadau cario ymlaen sydd wedi’u cynnwys yn Atodiad 6.
Awdur yr adroddiad: Jonathan M Davies
Dyddiad cyhoeddi: 05/06/2018
Dyddiad y penderfyniad: 24/04/2018
Penderfynwyd yn y cyfarfod: 24/04/2018 - Cabinet
Yn effeithiol o: 03/05/2018
Accompanying Documents:
- Revenue Budget Monitoring 2017/18 (MONTH 11)
PDF 112 KB
- Enc. 1 for Revenue Budget Monitoring 2017/18 (MONTH 11)
PDF 105 KB
- Enc. 2 for Revenue Budget Monitoring 2017/18 (MONTH 11)
PDF 160 KB
- Enc. 3 for Revenue Budget Monitoring 2017/18 (MONTH 11)
PDF 16 KB
- Enc. 4 for Revenue Budget Monitoring 2017/18 (MONTH 11)
PDF 70 KB
- Enc. 5 for Revenue Budget Monitoring 2017/18 (MONTH 11)
PDF 92 KB
- Enc. 6 for Revenue Budget Monitoring 2017/18 (MONTH 11)
PDF 87 KB