Manylion y penderfyniad

Cyflwyno fersiwn derfynol wedi’i harchwilio o Ddatganiad Cyfrifon 2023/24 i gael eu cymeradwyo.

Cyflwynodd Rheolwr Cyllid Corfforaethol adroddiad (eitem rhif 4 ar y rhaglen) i geisio cymeradwyaeth i fersiwn archwiliedig terfynol Datganiad Cyfrifon 2023/24.  Diolchodd i’r Rheolwr Cyllid Strategol a’i dîm am eu gwaith ar hyn, ynghyd â chydweithwyr yn Archwilio Cymru.  Amlygwyd mater cyfreithiol newydd yn ymwneud â sefydliad llywodraeth leol yr oedd y Cyngor yn un o’i aelodau.  Rhoddwyd gwybod i’r Pwyllgor am eiriad ychwanegol am ddyled ddigwyddiadol i’w gynnwys yn y cyfrifon i adlewyrchu’r risg ar y cam hwn.  Nodwyd y byddai briff ar y canlyniad yn cael ei ddarparu maes o law.

Wrth grynhoi’r adroddiad gan Archwilio Cymru, diolchodd Mike Whiteley i aelodau’r tîm Cyllid am eu cefnogaeth yn ystod yr archwiliad.

Ar y sail honno, cefnogwyd yr argymhellion.

PENDERFYNWYD:

(a)       Nodi adroddiad Archwilio Cymru ‘Archwiliad o’r Datganiadau Ariannol 2023/24 – Cyngor Sir y Fflint’;

(b)       Cymeradwyo fersiwn terfynol Datganiad Cyfrifon 2023/24, ar ôl ystyried adroddiad Archwilio Cymru; a

(c)       Chymeradwyo’r Llythyr Sylwadau.