Manylion y penderfyniad

Rhannu Llythyr Blynyddol Ombwdsmon Gwasanaethau Cyhoeddus Cymru 2023-24 ar gyfer Cyngor Sir y Fflint a throsolwg o’r cwynion a dderbyniwyd gan bob portffolio o’r Cyngor rhwng 1 Ebrill 2024 – 30 Medi 2024.

Cyflwynodd Prif Swyddog (Llywodraethu) a Rheolwr Gwasanaeth Cyswllt â Chwsmeriaid

adroddiad (eitem rhif 8 ar y rhaglen) ar Lythyr Blynyddol Ombwdsmon Gwasanaethau Cyhoeddus Cymru sy’n crynhoi perfformiad y Cyngor ar y cwynion yr ymchwiliwyd iddynt yn ystod 2023-24.  Yr oedd yr adroddiad hefyd yn cynnwys trosolwg o’r cwynion a gafwyd fesul portffolio yn ystod hanner cyntaf 2024-25.

Yr oedd hwn yn adroddiad cadarnhaol lle croesewid olrhain camau gweithredu yn arbennig.  Nododd swyddogion yr awgrym i adroddiadau yn y dyfodol gynnwys mwy o fanylion yngl?n â natur y cwynion yn Atodiad 1.

Cefnogwyd yr argymhellion ynghyd â chynnig ychwanegol i groesawu’r gwersi a ddysgwyd.

PENDERFYNWYD:

(a)       Bod y Pwyllgor yn nodi perfformiad blynyddol gwell y Cyngor mewn perthynas â’r cwynion a wnaed i Ombwdsmon Gwasanaethau Cyhoeddus Cymru yn ystod 2023-24;

(b)       Bod y Pwyllgor yn nodi perfformiad hanner blwyddyn (2024-25) y Cyngor o ran cwynion a wnaed i wasanaethau yn unol â’r Polisi Pryderon a Chwynion;

(c)       Bod y Pwyllgor yn cefnogi'r blaenoriaethau a amlinellwyd ym mharagraff 1.25; a

(d)       Bod y Pwyllgor yn nodi ac yn croesawu’r gwersi a ddysgwyd.