Manylion y penderfyniad

To provide an overview of the Armed Forces Covenant and the Council’s achievements and future ambitions, and to re-affirm the Council’s commitments to the Armed Forces community by signing the updated Covenant at County Council.

Cyflwynodd y Prif Weithredwr Lefftenant-Cyrnol Mark Powell a Janette Williams (Swyddog Cyswllt y Lluoedd Arfog dros Ogledd-ddwyrain Cymru) i adnewyddu ymrwymiad y Cyngor i gefnogi cymuned y Lluoedd Arfog drwy ail-lofnodi Cyfamod y Lluoedd Arfog a lofnodwyd yn wreiddiol yn 2013. Cyflwynwyd sleidiau a amlinellai ddiben y Cyfamod ynghyd â chyflawniadau’r Cyngor a’i uchelgeisiau i’r dyfodol.

Fel Hyrwyddwr Lluoedd Arfog y Cyngor, cynigiodd y Cynghorydd Andy Dunbobbin y dylid ail-lofnodi’r Cyfamod i ail-gadarnhau ymrwymiad y Cyngor i sicrhau na ddylai aelodau’r gymuned Lluoedd Arfog gael eu rhoi dan anfantais annheg wrth ddarparu gwasanaethau ac y dylid rhoi iddi ystyriaeth arbennig lle bo angen. Mae’r ymrwymiad hwn yn cydnabod gwerth personél sydd ar wasanaeth, yn filwyr rheolaidd neu wrth gefn, yn gyn-filwyr a theuluoedd milwrol am eu cyfraniadau i’r wlad. Mae’r gr?p llywio wedi cael cryn lwyddiant yn hyrwyddo’r Cyfamod, cymaint felly fel bod y Cyngor wedi ennill y Wobr Arian yng Nghynllun Cydnabod Cyflogwyr y Weinyddiaeth Amddiffyn. Diolchodd y Cynghorydd Dunbobbin i’r holl swyddogion dan sylw, yn enwedig Janette Williams a Stephen Townley. Eiliodd y Cynghorydd Joe Johnson y cynnig.

Llofnodwyd y Cyfamod yn ffurfiol gan y Lefftenant-Cyrnol Powell a’r Cynghorydd Dunbobbin.

Ar ran Cadlywydd y Frigâd, diolchodd y Lefftenant-Cyrnol Powell i’r Cyngor am ei gefnogaeth a werthfawrogwyd yn fawr.

Cymerodd y Cynghorydd Glyn Banks y cyfle i dalu teyrnged i bersonél y Lluoedd Arfog, ddoe a heddiw, yn ogystal ag i bawb a fu’n gweithio ar y Cyfamod, yn enwedig y Cynghorydd Dunbobbin.

PENDERFYNWYD:

Adnewyddu ymrwymiad y Cyngor i’r gymuned Lluoedd Arfog drwy ail-lofnodi’r Cyfamod.