Manylion y penderfyniad

Cyflwynodd y Prif Swyddog (Tai a Chymunedau) a’r Rheolwr Gwasanaeth - Tai ac Asedau adroddiad (eitem rhif 5 ar y rhaglen) i ddarparu’r wybodaeth ddiweddaraf yngl?n â’r Safonau Ansawdd Tai Cymru newydd (SATC 2 2023), y safonau gosod eiddo gwag a rhwymedigaethau’r Cyngor mewn perthynas â chyflawni’r safonau newydd.

Cytunwyd y byddai copi o’r ohebiaeth i denantiaid yngl?n â’r broses o adrodd am ddiffyg atgyweirio a’r risgiau i denantiaid wrth benodi cyfreithiwr ar sail ‘dim llwyddiant/dim ffi’ yn cael ei ddosbarthu i’r Aelodau er gwybodaeth a hefyd yn cael ei ychwanegu at dudalen cyfryngau cymdeithasol y Cyngor

Byddai’r argymhellion a’r sylwadau a wnaed gan y Pwyllgor yn cael eu hadrodd i’r Cabinet.

PENDERFYNWYD:

(a)       Bod y Pwyllgor yn cefnogi’r rhaglen buddsoddi cyfalaf yng ngham nesaf ei chyflwyno wrth symud tuag at gydymffurfio â Safon Ansawdd Tai Cymru a’r gofynion newydd wedi’u diweddaru; a

(b)       Bod y Pwyllgor yn cefnogi’r gwasanaeth Asedau Tai i barhau i reoli protocol Diffyg Atgyweirio Tai ar ran y Cyngor, gan sicrhau bod y rhwymedigaethau a roddir ar y Cyngor yn cael eu bodloni.