Manylion y penderfyniad

To provide an update on the latest position regarding outstanding Continuing Health Care invoices raised by the Council for payment by Betsi Cadwaladr University Health Board.

Cyflwynodd yr Uwch Reolwr (Diogelu a Chomisiynu) adroddiad (eitem 8 ar y rhaglen) yn rhoi’r wybodaeth ddiweddaraf i’r Pwyllgor am y ddyled hirdymor gyfredol gyda Bwrdd Iechyd Prifysgol Betsi Cadwaladr (BIPBC) mewn perthynas â phecynnau Gofal Iechyd Parhaus y GIG yn Sir y Fflint.

Fe holodd y Cadeirydd am rai o’r ffigurau sydd yn yr atodiad ac fe dynnodd sylw at yr angen am gywirdeb.

Yn ystod trafodaeth am y llythyr oedd yn atodiad i’r adroddiad, cynigiodd y Cynghorydd Ibbotson fod y Cadeirydd yn ysgrifennu unwaith eto at Jeremy Miles AS i fynegi siom y Pwyllgor gyda’r ymateb cychwynnol a cheisio rhagor o gymorth.   Cafodd ei eilio gan y Cynghorydd Coggins Cogan.

Yn dilyn y drafodaeth, rhoddodd y Rheolwr Gwasanaethau Democrataidd grynodeb o’r pwyntiau a godwyd ac ar ôl pleidlais, cafodd y diwygiad ei basio.

Cytunwyd hefyd fod yr Uwch Reolwr a’i chydweithiwr yn cyfarfod y Cadeirydd i lunio’r llythyr er mwyn adlewyrchu’r sylwadau a wnaed.

PENDERFYNWYD:

(a)       Bod y Pwyllgor yn nodi’r wybodaeth ddiweddaraf am y sefyllfa bresennol yn ymwneud ag anfonebau Gofal Iechyd Parhaus sydd heb eu talu i’r Cyngor gan Fwrdd Iechyd Prifysgol Betsi Cadwaladr; a

(b)       Bod y Cadeirydd yn ysgrifennu at Lywodraeth Cymru i ddiolch i’r Gweinidog am ei lythyr, ond i nodi nad oedd yr ymateb yn mynd i’r afael â phrif bryderon y llythyr gwreiddiol a anfonwyd gan y Cyngor am y broses gymrodeddu, ac i geisio ei gymorth â chefnogaeth bellach wrth symud y broses yn ei blaen.