Manylion y penderfyniad

Ymgynghori ynghylch ymgysylltu â chwmni at ddibenion darparu gwasanaethau llety i bobl ddigartref ar gyfer hyd at 50 aelwyd sy’n profi digartrefedd.

Cyflwynodd Prif Swyddog (Tai a Chymunedau) a Rheolwr Gwasanaeth Tai ac Atal adroddiad (eitem rhif 7 ar y rhaglen) i amlinellu’r model o wasanaethau rheoli tai dwys a ddarperir gan D2 PropCo ar gyfer llety i bobl ddigartref a buddion o ran costau drwy ymgysylltu â phartner ar gyfer y gwasanaethau hyn.

Awgrymwyd pe byddai’r Cabinet yn cefnogi’r argymhellion, estynnir gwahoddiad i D2 PropCo i ddarparu cyflwyniad i’r Aelodau er mwyn darparu gwybodaeth am lwyddiant mewn Awdurdodau Lleol eraill ac i arddangos y gwasanaeth.  

Byddai’r argymhellion / sylwadau a wnaed gan y Pwyllgor yn cael eu hadrodd i’r Cabinet. 

Gofynnwyd am bleidlais wedi ei chofnodi, a chefnogwyd hynny gan y nifer ofynnol o Aelodau.

O blaid yr argymhellion:-

Y Cynghorwyr: Tina Claydon, Geoff Collett, Rob Davies, Ron Davies, Rosetta Dolphin, David Evans, Dennis Hutchinson, Ted Palmer a Kevin Rush

Yn erbyn yr argymhellion:

Y Cynghorydd Alasdair Ibbotson

Ymatal

Ni chafwyd unrhyw un yn ymatal.

PENDERFYNWYD:

(a)       Bod y Pwyllgor yn nodi’r gwaith a wnaed i nodi darparwyr posibl ar gyfer gwasanaeth rheoli tai dwys ar gyfer llety i bobl ddigartref. 

(b)       Bod y Pwyllgor yn nodi canlyniad yr Hysbysiad Gwybodaeth Ymlaen Llaw fel modd o brofi’r farchnad; a

(c)        Bod y Pwyllgor yn cefnogi dyfarnu’n uniongyrchol i D2 PropCo i ymgysylltu â nhw fel partner i ddarparu datrysiad rheoli tai dwys ar gyfer llety i bobl ddigartref.