Manylion y penderfyniad

Ystyried Rhaglen Gwaith i'r Dyfodol y Pwyllgor Trosolwg a Chraffu Cymuned a Tai a rhoi gwybod i’r Pwyllgor am y cynnydd yn erbyn camau gweithredu o gyfarfodydd blaenorol.

Cyflwynodd yr Hwylusydd Trosolwg a Chraffu adroddiad (eitem rhif 4 ar y rhaglen) ar gyfer ystyried y Rhaglen Waith bresennol a’r cynnydd o ran Olrhain Camau Gweithredu.

Awgrymwyd bod adroddiad Asesiad o Anghenion y Farchnad Dai Leol yn cael ei symud yn ôl i gyfarfod mis Ionawr 2025 ar y Rhaglen Waith.

Mewn ymateb i gais gan y Cynghorydd Kevin Rush bod arolygydd yn bresennol yn ystod yr ymweliad safle i eiddo gwag ac y darperir gwybodaeth am gostau cyn-arolygu a chostau ar ôl arolygu, awgrymodd Rheolwr Gwasanaeth - Tai ac Asedau y dylid cyflwyno’r wybodaeth hon i’r Aelodau ar ôl cwblhau’r arolwg ac yn dilyn yr ymweliad i’r safle gwag.

PENDERFYNWYD:

(a)       Cymeradwyo’r Rhaglen Waith, fel y’i diwygiwyd; a

(b)       Rhoi awdurdod i Reolwr Gwasanaethau Democrataidd, mewn ymgynghoriad â Chadeirydd y Pwyllgor, amrywio’r Rhaglen Waith rhwng cyfarfodydd, yn ôl yr angen.

(c)       Bod y Pwyllgor yn nodi’r cynnydd a wnaed ar y camau gweithredu oedd i’w cwblhau.