Manylion y penderfyniad

To share the Annual Report, which provides information to partners with regard to the North Wales Regional Partnership Board and its activities during 2019/20.

            Cyflwynodd y Cynghorydd Jones yr adroddiad ac eglurodd fod Rhan 9 Deddf Gwasanaethau Cymdeithasol a Llesiant (Cymru) 2014 yn dweud bod angen i bob Bwrdd Partneriaeth Rhanbarthol baratoi, cyhoeddi a chyflwyno ei adroddiad blynyddol i Lywodraeth Cymru (LlC).  Oherwydd y sefyllfa o argyfwng, dyddiad cyflwyno’r adroddiad blynyddol oedd diwedd Hydref 2020.

            Roedd yr adroddiad yn rhoi gwybodaeth i’r partneriaid am Fwrdd Partneriaeth Rhanbarthol Gogledd Cymru a’i weithgareddau yn ystod 2019/20.  Roedd yr adroddiad yn dangos y cynnydd oedd wedi’i wneud mewn perthynas â ffrydiau gwaith y Bwrdd yn ystod y flwyddyn.

            Dywedodd y Prif Swyddog (Gwasanaethau Cymdeithasol) mai blaenoriaeth y Bwrdd yn 2019/2020 oedd cyflawni ei bedair rhaglen drawsnewid uchelgeisiol ar gyfer “Cymru iachach”, a oedd wedi’u bwriadu i arwain at ddatblygu gwasanaethau cymunedol integredig yn gyflym ar draws y rhanbarth. Mewn blwyddyn heriol tu hwnt ar gyfer Iechyd a Gofal Cymdeithasol, roedd ein timau ar draws Gogledd Cymru wedi gweithio’n ddiflino drwy gydol y cyfnod hwn i gynnig gwasanaeth i’n trigolion.

PENDERFYNWYD:

 (a)      Cadarnhau bod y Cabinet wedi darllen, deall ac ystyried y gwaith sydd angen cael ei wneud gan y Bwrdd Partneriaeth Rhanbarthol; a

 (b)      Nodi’r gwaith a’r cynnydd yn 2019/20 ar y meysydd gwaith sy’n cael eu dwyn ymlaen yn rhanbarthol trwy Fwrdd Partneriaeth Rhanbarthol Gogledd Cymru.