Penderfyniadau

Diolchodd y Cynghorydd Roberts i bawb am gyfrannu at broses y gyllideb.   Hefyd, diolchodd i Lywodraeth Cymru (LlC) am y setliad gorau yr oedd y Cyngor wedi’i dderbyn hyd yma.    Fodd bynnag, roedd yna heriau o’n blaen i’w hwynebu.

Dywedodd y Rheolwr Cyllid Corfforaethol fod y Cabinet wedi derbyn y wybodaeth ddiweddaraf ar y prif benawdau ac effeithiau ariannol Setliad Dros Dro Llywodraeth Leol Cymru yn ei gyfarfod ar 18 Ionawr 2022. 

Yn y bôn, roedd y setliad yn cynnwys cadarnhad o’r angen i dalu costau rhai cyfrifoldebau newydd - y mwyaf sylweddol ohonynt fyddai (1) costau llawn dyfarniadau tâl yn y dyfodol; (2) gweithredu’r Cyflog Byw Gwirioneddol; (3) rhoi’r gorau i’r gronfa galedi; ac (4) effeithiau Grant Penodol.

Oherwydd yr uchod, roedd angen gwneud gwaith brys wedi’i flaenoriaethu ac roedd deilliant y gwaith hwnnw wedi’i gynnwys yn yr adroddiad.    Roedd yr adroddiad yn cynnig atebion ac argymhellion i’r Cyngor allu llunio cyllideb gyfreithiol a chytbwys.  Roedd yr adroddiad hefyd yn cynnwys argymhelliad Treth y Cyngor ar gyfer gosod lefelau trethiant lleol ar gyfer 2022/23.   Cynigiwyd penderfyniad ffurfiol i'w roi gerbron y Cyngor yn ddiweddarach y diwrnod hwnnw i roi gwybod eu bod wedi derbyn praeseptau Comisiynydd yr Heddlu a Throsedd a phob Cyngor Tref a Chymuned yn Sir y Fflint.

Roedd lefel cynnydd blynyddol yn Nhreth y Cyngor yn benderfyniad i’r Cyngor llawn.   Yn y blynyddoedd blaenorol, roedd y Cyngor wedi gosod cyfeiriad clir y dylai cynnydd blynyddol fod yn 5% neu lai.    Roedd yn rhaid i’r Cyngor gynnwys nifer o bwysau ychwanegol i ddarparu ar gyfer y pwysau ychwanegol a nodwyd yn y Setliad Dros Dro gan Lywodraeth Leol Cymru oedd wedi cynyddu gofyniad y gyllideb.    Yn seiliedig ar ofyniad y gyllideb ychwanegol terfynol o £30.562miliwn, roedd angen cynnydd blynyddol cyffredinol o 3.3% ar Dreth y Cyngor i Wasanaethau’r Cyngor a 0.65% ar gyfer cyfraniadau ychwanegol i Wasanaeth Tân ac Achub Gogledd Cymru, Gwasanaeth y Crwner Rhanbarthol a Chonsortiwm Addysg Rhanbarthol GwE.   Roedd hynny’n cyfateb i ymgodiad cyffredinol o 3.95% ac yn darparu arenillion ychwanegol cyffredinol o £3.825miliwn yn 2022/23.  Roedd hynny’n gyfystyr â chynnydd blynyddol o £55.08 y flwyddyn ac yn dod â’r swm i £1,449.58 ar Band D cyfatebol (£1.06 yr wythnos).

Roedd y Cyngor wedi cael gwybod am y praesept Heddlu a phraeseptau cyngor tref a chymuned ar gyfer 2022/23 fel awdurdod casglu Treth y Cyngor ac roedd yna adroddiad ar wahân ar raglen y Cyngor i’w drafod yn ddiweddarach y diwrnod hwnnw. 

Dywedodd y Cynghorydd Johnson am yr heriau y byddai’r Cyngor yn wynebu ym mlwyddyn 2 a 3, gan gynnwys y pwysau ychwanegol fel y cynnydd mewn chwyddiant a chostau ynni. 

Dywedodd y Prif Weithredwr bod cyhoeddiad diweddar wedi’i wneud gan Lywodraeth Cymru ar dâl costau byw o £150 i bob aelwyd ym Mandiau A-D, ac roedd angen deall manylion hynny. 

PENDERFYNWYD:

(a)       Nodi a chymeradwyo’r diwygiad ychwanegol yng ngofynion y gyllideb ar gyfer 2022/23;

(b)       Cymeradwyo’r cynigion terfynol ar gyfer yr arbedion effeithlonrwydd corfforaethol a fydd yn cyfrannu at y gyllideb;

(c)        Y bydd y Cabinet yn argymell cyllideb gyfreithiol a chytbwys i'r Cyngor yn seiliedig ar y cyfrifiad a amlinellir yn yr adroddiad;

(d)       Nodi’r risgiau agored sydd angen parhau i’w rheoli yn ystod y flwyddyn ariannol 2022/23;

(e)       Bod cynnydd blynyddol cyffredinol yn Nhreth y Cyngor ar gyfer 2022/23 o 3.3% am Wasanaethau’r Cyngor a 0.65% o gyfraniadau i Wasanaeth Tân ac Achub Gogledd Cymru, Gwasanaeth y Crwner Rhanbarthol a Chonsortiwm Addysg Rhanbarthol GwE - ymgodiad cyffredinol o 3.95% i gael ei argymell i’r Cyngor;

(f)        Bod £3.250miliwn ychwanegol yn cael ei drosglwyddo o’r Arian at Raid i’r Gronfa Wrth Gefn at Argyfwng i ddiogelu yn erbyn risgiau ariannol parhaus y pandemig yn 2022/23;

(g)       Bod y Cyngor yn cael gwahoddiad i gymeradwyo Treth y Cyngor ffurfiol nawr bod praeseptau Comisiynydd yr Heddlu a Throsedd a phob cyngor tref a chymuned o fewn Sir y Fflint wedi’i dderbyn a

(h)       Nodi’r rhagolygon tymor canolig fel sail ar gyfer yr adolygiad nesaf o’r Strategaeth Ariannol Tymor Canolig.

To seek comments on the findings in the report.

Roedd y Cynghorydd Hughes yn cyflwyno’r adroddiad oedd yn cadarnhau canlyniad Archwiliad diweddar o reoli llety dros dro o fewn Sir y Fflint.    Roedd yr archwiliad wedi amlygu nifer o feysydd ar gyfer gwella ac yn cael ei gynnwys fel Adroddiad Archwilio Coch.

            Roedd yr Adroddiad Archwilio ar fin cael ei gyflwyno i’r Pwyllgor Llywodraethu ac Archwilio ar 14 Mawrth 2022.   Roedd yr adroddiad yn rhoi cefndir i’r cais ar gyfer yr archwiliad, prif ganfyddiadau’r archwiliad a’r broses gwella gwasanaeth sy’n ofynnol i fynd i’r afael â’r risgiau a nodwyd.

            Eglurodd y Prif Weithredwr bod llety dros dro yn “dai dros dro” a ddarparwyd i bobl oedd yn ddigartref (pobl sengl/cyplau/teuluoedd) oedd yn unol â dyletswyddau o dan Deddf Tai Cymru (2014) gan y Cyngor.   Roedd y gwasanaeth yn cael ei ddarparu drwy’r Tîm Digartrefedd. 

            Roedd y portffolio presennol o eiddo yn gymysgedd o dai amlfeddiannaeth (HMO), fflatiau hunangynhwysol a thai oedd yn cael eu prydlesu gan landlordiaid preifat, ynghyd â nifer fach o eiddo HRA y Cyngor. 

            Roedd y galw am Lety Dros Dro a Llety Brys wedi tyfu’n sylweddol o ganlyniad i’r pandemig Covid-19 gyda Llywodraeth Cymru yn gofyn i holl bobl ddigartref dderbyn llety drwy’r gyfarwyddeb “pawb i mewn”.  Cyn Covid-19, roedd y portffolio yn cynnwys nifer uchel o eiddo gwag, ond ers Covid-19 a’r dyletswyddau ychwanegol i gartrefu mwy o bobl, roedd eiddo ychwanegol drwy HRA wedi ei sicrhau i fodloni’r galw cynyddol.    Roedd y gwasanaeth hefyd yn dibynnu ar lety gwely a brecwast.    Roedd y galw yn debyg o barhau i dyfu wrth i’r pandemig ddod i ben a’r cyfnod adfer ddechrau.  

PENDERFYNWYD:

Bod unrhyw sylwadau yn cael eu darparu cyn i’r adroddiad gael ei gyflwyno i’r Pwyllgor Llywodraethu ac Archwilio ar 14 Mawrth 2022. 

To explain the approach being taken to ensure delivery and implementation of the Housing Support Programme Strategy for Flintshire ahead of the implementation date of 1st April 2022.

Cyflwynodd y Cynghorydd Hughes yr adroddiad oedd yn rhoi gorolwg o ofynion y Strategaeth Rhaglen Cefnogi Tai a’r dull a gymerwyd yn Sir y Fflint i ddatblygu a mabwysiadu’r Strategaeth Rhaglen Cefnogi Tai erbyn diwedd Mawrth 2022.   

Roedd y Strategaeth rhaglen Cefnogi Tai ynghlwm i’r adroddiad ar gyfer adolygiad terfynol, ynghyd â manylion ar gyfer darparu a monitro’r Strategaeth RhCT a Chynllun Gweithredu cefnogol ar gyfer y cyfnod 2022-2026.

Ychwanegodd y Prif Weithredwr fod Llywodraeth Cymru (LlC) angen i Awdurdodau Lleol ddatblygu RhCT bob pedair blynedd, gydag adolygiad hanner ffordd bob dwy flynedd.    Roedd y RhCT yn amlinellu cyfeiriad strategol awdurdod lleol ar gyfer gwasanaethau cefnogi sy’n ymwneud â thai, gan ddarparu un golwg strategol o ddull awdurdod lleol ar gyfer atal digartrefedd a gwasanaethau cefnogi tai.    Felly, roedd yn cynnwys swyddogaethau digartrefedd statudol a ariannwyd drwy’r setliad refeniw a gwasanaethau ataliol anstatudol a ariannwyd drwy’r Grant Cefnogi Tai. 

Roedd y GCT wedi cynyddu o £5,950,818 i £7,828,610 oedd yn gynnydd sylweddol ac yn adlewyrchu’r flaenoriaeth yr oedd Llywodraeth Cymru yn ei roi ar y ffrwd gyllido a phwysigrwydd cefnogaeth cysylltiedig â thai ac atal digartrefedd.    Roedd manylion y gwasanaethau presennol a ddarperir drwy’r GCT wedi eu hamlinellu yn yr adroddiad. 

Hefyd, wedi’i amlinellu yn yr adroddiad oedd Gweledigaeth, Egwyddorion a Blaenoriaethau’r Strategaeth RhCT.

Roedd yr Aelodau’n croesawu’r adroddiad.

PENDERFYNWYD:

Bod y Strategaeth Rhaglen Cefnogi Tai yn cael ei chymeradwyo. 

To receive te Council’s draft policy on Minimum Revenue Provision.

Cyflwynodd y Cynghorydd Johnson yr adroddiad ac esboniodd fod rhaid i awdurdodau lleol osod polisi Isafswm Darpariaeth Refeniw ym mhob blwyddyn ariannol.  Roedd yn ofynnol i awdurdodau lleol neilltuo rhywfaint o adnoddau refeniw fel darpariaeth ar gyfer ad-dalu dyled.

Roedd y Cyngor, fel rhan o strategaeth y gyllideb, wedi cynnal adolygiadau manwl o’i bolisi MRP yn 2016/17 a 2017/18 ac wedi diwygio’r polisi o ganlyniad.

Roedd angen gwneud newidiadau i’r polisi ar gyfer 2022/23 mewn cysylltiad â’r MRP ar gyfer y Cyfrif Refeniw Tai (CRT).  Nid oedd angen newidiadau i’r polisi ar gyfer MRP Cronfa’r Cyngor.

Byddai’r adroddiad yn cael ei ystyried yn y Cyngor Sir yn ddiweddarach y diwrnod hwnnw. 

PENDERFYNWYD:

(a)       Bod y canlynol yn cael ei argymell i'r Cyngor Sir ar gyfer dyled Cronfa'r Cyngor heb ei thalu:

·         Opsiwn 3 (Dull Oes Ased) i’w ddefnyddio ar gyfer cyfrifo'r Isafswm Darpariaeth Refeniw ym mlwyddyn ariannol 2022/23 ar gyfer cydbwyso gwariant cyfalaf sy’n ddyledus wedi ei gyllido o fenthyca cefnogol wedi ei osod ar 31 Mawrth 2017.   Bydd yn cael ei gyfrifo yn ôl y dull ‘blwydd-dal’ dros 49 mlynedd.

·         Opsiwn 3 (Dull Oes Ased) i’w ddefnyddio i gyfrifo'r Isafswm Darpariaeth Refeniw yn 2022/23 ar gyfer yr holl wariant cyfalaf wedi ei ariannu gan fenthyca cefnogol o 1 Ebrill 2016 ymlaen.    Bydd yn cael ei gyfrif yn ôl y dull ‘blwydd-dal’ dros y nifer briodol o flynyddoedd, yn ddibynnol ar y cyfnod o amser y mae’r gwariant cyfalaf yn debygol o greu buddion.

·         Opsiwn 3 (Dull Oes Ased) i’w ddefnyddio i gyfrifo'r Isafswm Darpariaeth Refeniw yn 2022/23 ar gyfer yr holl wariant cyfalaf wedi ei ariannu gan drefniadau benthyca (darbodus) nad yw wedi ei gefnogi neu drefniadau credyd.   Bydd yn cael ei gyfrif yn ôl y dull ‘blwydd-dal’ dros nifer briodol o flynyddoedd, yn ddibynnol ar y cyfnod o amser y mae’r gwariant cyfalaf yn debygol o greu buddion.

(b)       Bod y canlynol yn cael ei argymell i'r Cyngor Sir ar gyfer dyled heb ei thalu’r Cyfrif Refeniw Tai:

·         Opsiwn 3 (Dull Oes Ased) i’w ddefnyddio ar gyfer cyfrifo'r Isafswm Darpariaeth Refeniw ym mlwyddyn ariannol 2022/23 ar gyfer cydbwyso gwariant cyfalaf sy’n ddyledus wedi ei gyllido o fenthyca cefnogol wedi ei osod ar 31 Mawrth 2021.   Bydd yn cael ei gyfrifo yn ôl y dull ‘blwydd-dal’ dros 49 mlynedd.

·         Opsiwn 3 (Dull Oes Ased) i’w ddefnyddio i gyfrifo'r Isafswm Darpariaeth Refeniw yn 2022/23 ar gyfer yr holl wariant cyfalaf wedi ei ariannu gan ddyled o 1 Ebrill 2021 ymlaen.   Bydd yn cael ei gyfrif yn ôl y dull ‘blwydd-dâl’ dros nifer briodol o flynyddoedd, yn ddibynnol ar y cyfnod o amser y mae’r gwariant cyfalaf yn debygol o greu buddion.

(b)       Bod y canlynol yn cael ei gymeradwyo a'i argymell i'r Cyngor Sir, bod Isafswm Darpariaeth Refeniw ar fenthyciadau gan y Cyngor i Gartrefi Gogledd Ddwyrain Cymru i adeiladu tai fforddiadwy drwy’r Rhaglen Tai ac Adfywio Strategol (SHARP) (sy’n gymwys fel gwariant cyfalaf mewn telerau cyfrifeg) fel a ganlyn:

·         Ni wneir Isafswm Darpariaeth Refeniw yn ystod y cyfnod adeiladu (sy’n fyr) gan nad yw’r ased mewn defnydd ac nad oes unrhyw fudd o’i ddefnydd.

·         Unwaith mae’r asedau’n cael eu defnyddio, bydd ad-daliadau cyfalaf yn cael eu gwneud gan Gartrefi Gogledd Ddwyrain Cymru.  Bydd yr ad-daliadau a wneir gan Gartrefi Gogledd Ddwyrain Cymru yn cael eu dosbarthu, yn nhermau cyfrifeg, fel derbyniadau cyfalaf, a gellir ond defnyddio’r rhain i ariannu gwariant cyfalaf neu i ad-dalu dyled.  Bydd yr ad-daliad cyfalaf/derbyniadau cyfalaf yn cael eu neilltuo i ad-dalu dyled, a dyma yw polisi Isafswm Darpariaeth Refeniw y Cyngor i ad-dalu'r benthyciad.

To raise the current risks and challenges affecting the Social Value programme currently, and the opportunities for the programmes enhancement, which will support the future development of the workstream.

Cyflwynodd y Cynghorydd Johnson yr adroddiad ac eglurodd bod cyflawni gwerth cymdeithasol o weithgaredd a gwariant y Cyngor yn flaenoriaeth gorfforaethol i’r Cyngor ac roedd y Cyngor wedi’i gydnabod am ei waith cadarnhaol ar werth cymdeithasol, gyda llawer o alw am wybodaeth, sgiliau ac arbenigedd gan y Swyddog Datblygu Gwerthu Cymdeithasol. 

            Eglurodd y Swyddog Datblygu Gwerth Cymdeithasol bod y rhaglen gwerth cymdeithasol, ers ei sefydlu, wedi ffynnu o amgylch 90% o holl weithgaredd caffael a gefnogwyd i gynnwys cyflawniadau gwerth cymdeithasol.    Rhwng Ionawr a Medi 2021 cofnodwyd bod dros £2.2miliwn o union werth cymdeithasol wedi’i gyflawni yn Sir y Fflint. 

            Er mwyn cynnal yr effaith gadarnhaol o werth cymdeithasol i gymunedau lleol, roedd Cyngor Sir y Fflint eisoes wedi ymrwymo i raglen barhaus o waith gwerth cymdeithasol drwy wneud swydd Swyddog Datblygu Gwerth Cymdeithasol yn barhaol. 

            Roedd yr adroddiad yn amlygu rhai o’r deilliannau cadarnhaol hyd yma ac yn edrych ar gynnal blaenoriaeth y Cyngor i gyflawni gwerth cymdeithasol gyda thargedau diwygiedig ar gyfer 2022/23. 

            Roedd yr adroddiad wedi cael ei gyflwyno i’r Pwyllgor Trosolwg a Chraffu Adnoddau Corfforaethol yr wythnos flaenorol ble derbyniodd ymateb da. 

            Diolchodd yr Aelodau i’r Swyddog Gweithredol Strategol a’r Swyddog Datblygu Gwerth Cymdeithasol am eu holl waith ar hyn. 

PENDERFYNWYD:

(a)       Bod perfformiad y rhaglen gwerth cymdeithasol hyd yma yn cael ei nodi;

(b)       Bod y cynnig o amgylch adroddiad perfformiad a sicrhau rhaglen waith gwerth cymdeithasol cyflawnadwy ar gyfer 2022/23, gydag adnoddau sydd ar gael, yn cael ei gymeradwyo; a

(c)        Bod y Cabinet yn parhau i gefnogi’r rhaglen gwerth cymdeithasol, gan ddeall bod cyfleoedd pellach yn bodoli i wella hyn ond bydd angen capasiti/adnoddau ychwanegol i ddatblygu hyn. 

Cyflwynodd y Prif Weithredwr yr adroddiad ac eglurodd fod y Crynodeb Archwilio Blynyddol yn cynnwys gwaith rheoleiddio ac archwilio a wneir gan Archwilio Cymru o Gyngor Sir y Fflint.    Roedd yn rhoi diweddariad ar yr adroddiad blaenorol a gyhoeddwyd ym mis Ionawr 2021.

            Yn gyffredinol, roedd Archwilydd Cyffredinol Cymru wedi dod i gasgliad cadarnhaol “Roedd yr Archwiliwr Cyffredinol wedi tystio fod y Cyngor wedi cyflawni gweddill ei ddyletswyddau yn y Mesur Llywodraeth Leol (Cymru) 2009 ar gyfer y flwyddyn ariannol 2020-21, fel yr arbedwyd drwy archeb a wnaed o dan Ddeddf Llywodraeth Leol ac Etholiadau (Cymru) 2021.”

Ni wnaed unrhyw argymhellion ffurfiol yn ystod y flwyddyn.

Roedd nifer o gynigion newydd ar gyfer gwelliannau a chynigion datblygu'n codi o'r adolygiadau a gynhaliwyd gan Archwilio Cymru.

Rhoddodd yr Archwilydd Cyffredinol farn ddiamod, gwir a theg ar ddatganiadau ariannol y Cyngor ar 29 Medi 2021, dau fis cyn y terfyn amser statudol.

Dywedodd y Cynghorydd Johnson mewn cymhariaeth â Chynghorau eraill, roedd Sir y Fflint wedi gwneud yn dda.  

PENDERFYNWYD:

Bod y Pwyllgor wedi’i sicrhau gan gynnwys ac arsylwadau Adroddiad Archwilio Cryno Blynyddol Archwilydd Cyffredinol Cymru ar gyfer 2020/21.

To present the draft Treasury Management Strategy 2022/23 for recommendation to Council.

Cyflwynodd y Cynghorydd Johnson yr adroddiad oedd yn cyflwyno’r Strategaeth Rheoli’r Trysorlys drafft 2022/23 ar gyfer cymeradwyaeth ac argymhelliad i’r Cyngor ar y cyd â:

·         Datganiad Polisi Rheoli’r Trysorlys Drafft 2022 i 2025

·         Arferion ac Atodlenni Rheoli’r Trysorlys Drafft 2022 i 2025

Cafodd yr adroddiad ei ystyried yn fanwl yn y Pwyllgor Llywodraethu ac Archwilio ar 26 Ionawr 2022.

Roedd hyfforddiant i holl Aelodau’r Cyngor ar reoli’r trysorlys wedi’i ddarparu ar 8 Rhagfyr 2021. 

PENDERFYNWYD:

Bod y ddogfen ganlynol yn cael ei chymeradwyo a’i hargymell i’r Cyngor:

·         Strategaeth Rheoli’r Trysorlys Drafft 2022/23

·         Datganiad Polisi Rheoli’r Trysorlys Drafft 2022 i 2025

·         Arferion ac Atodlenni Rheoli’r Trysorlys Drafft 2022 i 2025

Cyflwynodd y Cynghorydd Johnson yr adroddiad a oedd yn darparu’r wybodaeth fanwl ddiweddaraf am sefyllfa monitro’r gyllideb refeniw yn 2021/22 ar gyfer Cronfa’r Cyngor a’r Cyfrif Refeniw Tai ar gyfer y flwyddyn ariannol, a chyflwynodd y sefyllfa, yn seiliedig ar incwm a gwariant gwirioneddol, erbyn Mis 9. 

Roedd yr adroddiad yn rhagamcanu sefyllfa’r gyllideb ar ddiwedd y flwyddyn ariannol, heb gamau gweithredu newydd i leihau pwysau o ran costau a/neu wella’r elw ariannol ar gynllunio effeithlonrwydd a rheoli costau, sef:

Cronfa’r Cyngor

• Gwarged gweithredol o £1.537 miliwn (heb gynnwys effaith y dyfarniad cyflog a fyddai’n cael ei dalu o gronfeydd wrth gefn), a oedd yn newid ffafriol o £0.821 miliwn ers ffigur y gwarged a adroddwyd ym Mis 8, sef £0.716 miliwn.
• Rhagwelid y byddai balans y gronfa wrth gefn at raid ar 31 Mawrth 2022 yn £7.407 miliwn.

Y Cyfrif Refeniw Tai

·         Rhagwelir y bydd gwariant refeniw net yn ystod y flwyddyn £0.437m yn uwch na’r gyllideb.

·         Rhagwelid mai’r balans terfynol ar 31 Mawrth 2022 fydd £4.035m.

Esboniodd y Rheolwr Cyllid Corfforaethol fod yr adroddiad hefyd yn rhoi manylion am sefyllfa pob portffolio; amrywiadau arwyddocaol y mis hwnnw; faint o’r arbedion effeithlonrwydd a gynlluniwyd ar gyfer y flwyddyn a gafodd eu cyflawni; cyllid mewn argyfwng; cronfeydd wrth gefn heb eu clustnodi a chronfeydd wrth gefn wedi eu clustnodi.

PENDERFYNWYD:

(a)       Nodi’r adroddiad a’r effaith ariannol a amcangyfrifir ar gyllideb 2021/22; a

(b)       Cymeradwyo’r ceisiadau i ddwyn arian ymlaen.

To present the Month 9 capital programme information for 2021/22.

Cyflwynodd y Cynghorydd Johnson yr adroddiad a oedd yn crynhoi’r newidiadau a wnaed i’r Rhaglen Gyfalaf 2021/22 ers ei gosod ym mis Rhagfyr 2020 hyd at ddiwedd Mis 9 (Rhagfyr 2021), ynghyd â’r gwariant hyd yma a’r canlyniadau amcanol.

            Gwelodd y Rhaglen Gyfalaf gynnydd net o £6.626 miliwn yn ystod y cyfnod a oedd yn cynnwys:

·         Cynnydd net o £10.337 miliwn yng nghyllideb y rhaglen (Cronfa’r Cyngor £9.222 miliwn, y Cyfrif Refeniw Tai £1.115 miliwn);

·         Dygwyl ymlaen net i 2022/23, cymeradwywyd ym mis 6, o (£0.687miliwn) a Grant Cynnal a Chadw Ysgol ychwanegol (£2.638) (Cronfa’r cyngor i gyd)

·         Arbedion a nodwyd ym mis 9 (£0.386miliwn) (Cronfa’r Cyngor)

Y gwariant gwirioneddol oedd £52.871miliwn.

Roedd derbyniadau cyfalaf a dderbyniwyd yn nhrydydd chwarter 2021/22 ynghyd ag arbedion a nodwyd yn gyfanswm o £0.757miliwn.   Roedd hynny’n rhoi gweddill rhagamcanol diwygiedig yn y Rhaglen Gyfalaf ym Mis 9 o £4.904m (o weddill sefyllfa gyllid 6 mis o £4.147m) ar gyfer Rhaglen Gyfalaf 2021/22 – 2023/24, cyn gwireddu derbynebau cyfalaf ychwanegol ac/neu ffynonellau cyllid eraill.

PENDERFYNWYD:

(a)       Cymeradwyo’r adroddiad; a

(b)       Cymeradwyo'r addasiadau dwyn ymlaen.

Cyflwynodd y Cynghorydd Hughes yr adroddiad oedd yn delio gyda’r Cynllun Busnes Ariannol 30 Blynedd y Cyfrif Refeniw Tai (HRA) ar gyfer 2022/23.

Eglurodd y Prif Weithredwr fod y cynnydd yn y rhent a fwriedir yn y cynllun busnes yn ymgodiad cyffredinol o 1.18% ac yn ogystal, yn cynnwys ymgodiad trosiannol o £2 i’r tenantiaid oedd ar hyn o bryd yn talu o leiaf £3 o dan y rhent targed.  Roedd hynny’n cyfateb i gynnydd cyffredinol yn y rhent o 2% yn y cynllun busnes.    Cynnydd chwyddiant cyffredinol o 2% o incwm rhenti a ragwelir yn £38.047miliwn ar gyfer 2022/23.

Roedd cynnydd yn y rhent garej a llain garej yn 2% ar gyfer 2022/23 oedd yn cyfateb i £0.20 yr wythnos ar gyfer rhent garej ac yn golygu bod rhent fesul wythnos yn £10.23.   Roedd y cynnydd mewn rhent garej yn £0.03 yr wythnos gyda chynnydd plot garet yn £1.66 yr wythnos.

Roedd y cynllun busnes yn rhagweld lefelau incwm o £0.395 miliwn ar gyfer garejys a lleiniau garej.

Byddai tâl gwasanaeth yn cael ei rewi eto ar gyfer y flwyddyn ariannol 2022/23.

Roedd y cyfanswm rhaglen gyfalaf arfaethedig ar gyfer 2022/23 yn £25.074miliwn ac roedd wedi’i grynhoi yn atodiad C yr adroddiad. 

Roedd yr adroddiad wedi’i ystyried yn y Pwyllgor Trosolwg a Chraffu Cymuned, Tai ac Asedau oedd yn cefnogi’r cynnwys. 

PENDERFYNWYD:

Cefnogi a chymeradwyo cyllideb y Cyfrif Refeniw Tai ar gyfer 2022/23 fel y'i hamlinellir yn atodiadau’r adroddiad.

To present the new delivery plan for Integrated Youth Provision 2021-24.

Cyflwynodd y Cynghorydd Roberts yr adroddiad oedd yn rhoi manylion y cynllun newydd a ddatblygwyd ar gyfer darparu gwasanaethau ieuenctid y Cyngor, a elwir yn Ddarpariaeth Ieuenctid Integredig ar gyfer y cyfnod 2021-2024.

            Roedd y cynllun wedi’i baratoi yn dilyn ymgynghoriad gyda phobl ifanc, gyda staff yn y Tîm Darpariaeth Ieuenctid Integredig a gyda phartneriaid allweddol oedd yn cefnogi’r Cyngor i ddarparu gwasanaethau i bobl ifanc 11 i 25 oed yn Sir y Fflint.   Roedd wedi’i ddatblygu o fewn cyd-destun y pandemig COVID-19 parhaus a oedd wedi’i gydnabod yn eang i fod wedi cael effeithiau arwyddocaol ar iechyd emosiynol, meddyliol a chorfforol pobl ifanc. 

            Roedd elfennau o’r cynllun cyflenwi eisoes yn cael eu gweithredu gan fod y gwasanaeth wedi parhau i gefnogi plant a phobl ifanc drwy gydol y pandemig.    Roedd wedi cael ei gynnig mewn ffyrdd gwahanol i weithgareddau gwaith ieuenctid oherwydd cyfyngiadau COVID-19 a fu ar waith ar adegau gwahanol.

            Roedd teitl y cynllun, Cynyddu Effaith, yn fwriadol er mwyn dangos sut yr oedd gwersi a ddysgwyd am ddarparu gwasanaeth yn ystod y pandemig wedi eu hymgorffori yn y gwaith ieuenctid wrth symud ymlaen a sut yr oedd gweithio mewn partneriaeth effeithiol rhwng y Cyngor a phartneriaid allweddol yn yr ardal honno yn fantais gadarnhaol i bobl ifanc a mwyhau ei effaith.

            Roedd y cynllun yn amlinellu’r cyd-destun cenedlaethol a lleol ar gyfer gwaith ieuenctid, cyfeirio at yr adborth o’r broses ymgynghori a ddatblygwyd y cynllun a gosod blaenoriaethau uchelgeisiol ar gyfer datblygu’r gwasanaeth yn y dyfodol.

            Eglurodd y Prif Swyddog (Addysg ac Ieuenctid) bod yr adroddiad wedi’i ystyried yn y Pwyllgor Trosolwg a Chraffu Addysg, Ieuenctid a Diwylliant yr wythnos gynt ac roedd trafodaeth wedi’i chynnal ar sut yr oedd pobl ifanc yn cael eu cefnogi ar ôl gadael addysg, oedd drwy’r Ddarpariaeth Ieuenctid Integredig oedd yn gyfrifoldeb statudol.   Eglurodd fod darpariaeth draddodiadol gwaith ieuenctid yn ystod y pandemig wedi’u cwtogi ond roedd llawer o wasanaethau wedi eu darparu drwy blatfform digidol.   Roedd yr awdurdod yn anelu i gynnal clybiau ieuenctid mewn cymunedau mawr ble roedd yna alw, ond yn ychwanegol, roedd cyfleusterau dros dro yn cael eu darparu ble roedd yna angen.    Yn ogystal, roedd Gweithwyr Ieuenctid yn gweithio o fewn ysgolion uwchradd ble gallai disgyblion dderbyn cyngor a chael eu hatgyfeirio i wasanaethau priodol. 

            Roedd y Prif Swyddog a’r Aelod o'r Cabinet yn talu teyrnged i Ann Roberts oedd wedi arwain y darn hwn o waith, oedd yn ymddeol o’r awdurdod.

PENDERFYNWYD:

(a)       Bod gwaith hanfodol y Ddarpariaeth Ieuenctid Integredig yn ystod y pandemig COVID-19 yn cefnogi plant a phobl ifanc yn Sir y Fflint i gael ei gydnabod yn gadarnhaol; a

(b)       Cynyddu Effaith – Cynllun Cyflawni Darpariaeth Ieuenctid Integredig Sir y Fflint 2021-2024 i gael ei gymeradwyo.

To provide an update on the draft Welsh in Education Strategic Plan (WESP) and the statutory consultation arrangements.

Cyflwynodd y Cynghorydd Roberts yr adroddiad a ddatblygwyd i ddarparu trosolwg i’r Aelodau o’r cynllun drafft ar gyfer y Cynllun Strategol Cymraeg mewn Addysg (WESP) nesaf a gynhelir rhwng Medi 2022 a 2032. 

            Roedd y Cyngor yn credu bod y Gymraeg yn perthyn i bawb.    Roedd y Cynllun Strategol Cymraeg mewn Addysg yn Sir y Fflint yn declyn strategol hirdymor er mwyn i’r Cyngor gyfrannu at y nod ledled y wlad i gael miliwn o siaradwyr Cymraeg erbyn 2050.    Roedd y Cyngor wedi ymrwymo i gynyddu nifer y siaradwyr Cymraeg rhugl sydd yn y gymuned ehangach, gyda'r nod o greu sir a gwlad sy'n gynyddol ddwyieithog.

            Byddai’r cynllun deng mlynedd cyntaf yn dechrau ar 1 Medi 2022 ac yn dod i ben ar 31 Awst 2032.   Byddai pob cynllun pellach yn dechrau ar 1 Medi yn y flwyddyn pan fyddai’r cynllun deng mlynedd blaenorol yn dod i ben e.e. 1 Medi 2032 hyd at 31 Awst 2042.   Mae’n rhaid i’n cynllun gynnwys targed yn amlinellu’r cynnydd disgwyliedig yn nifer y dysgwyr Blwyddyn 1 sy'n cael eu haddysgu drwy gyfrwng y Gymraeg yn ardal yr awdurdod lleol yn ystod oes y cynllun.

            Roedd Rheoliadau Cynlluniau Strategol Cymraeg mewn Addysg (Cymru) 2019 yn cyflwyno darpariaethau sy’n ei gwneud yn ofynnol i awdurdod lleol ddylunio eu cynlluniau yn seiliedig ar darged.   Felly, roedd yn ofynnol i’r Cyngor osod targed deng mlynedd yn amlinellu’r cynnydd disgwyliedig mewn plant Blwyddyn 1 oedd yn cael eu haddysgu drwy gyfrwng y Gymraeg yn Sir y Fflint.

            Mae Cynghorau wedi’u grwpio gan Lywodraeth Cymru i wahanol gategorïau yn adlewyrchu’r gwahaniaethau a’r elfennau tebyg rhwng y 22 awdurdod lleol yng Nghymru.   Roedd y ffactorau a ystyriwyd wrth grwpio yn cynnwys canran y dysgwyr a addysgir yn Gymraeg mewn ardal; modelau darpariaeth addysg cyfrwng Cymraeg a fabwysiadwyd a natur ieithyddol yr ardal.   At y diben hwn mae Sir y Fflint wedi'i gosod yng Ngr?p 4.   Y diffiniad o Gr?p 4 oedd 12% neu lai o blant Blwyddyn 1 yn yr awdurdodau lleol hynny oedd yn cael eu haddysgu drwy gyfrwng y Gymraeg yn 2017/18.   Roedd yna ddewis rhwng addysg cyfrwng Cymraeg a chyfrwng Saesneg yn yr awdurdodau lleol hynny.

            Ychwanegodd y Prif Swyddog (Addysg ac Ieuenctid) bod Llywodraeth Cymru wedi sefydlu targed ystod is ac ystod uwch ar gyfer Sir y Fflint.   Roedd hyn yn cynrychioli cynnydd o 6 pwynt canran (ystod is) a chynnydd o 10 pwynt canran (ystod uwch) yn nifer y disgyblion Blwyddyn 1 sy'n cael eu haddysgu drwy gyfrwng y Gymraeg.   Er y dylid trin yr ystod is fel yr isafswm y dylid ei gyflawni, ni ddylid trin yr ystod uwch fel yr uchafswm.   Bydd angen ystyried cynyddu nifer y disgyblion Blwyddyn 1 sy’n cael eu haddysgu drwy gyfrwng y  Gymraeg i rywfaint rhwng 225 a 295 disgybl dros gyfnod deng mlynedd y Cynllun.    Talodd deyrnged i Sian Hilton a Vicky Barlow oedd wedi arwain datblygiad y Cynllun. 

            Mewn ymateb i ymrwymiad gan y Cynghorydd Bithell, eglurodd y Prif Swyddog (Addysg ac Ieuenctid) fod dysgu Cymraeg mewn ysgolion Saesneg yn swyddogaeth statudol a bod yr awdurdod wedi ymrwymo i sicrhau fod gan athrawon yr adnoddau i ddarparu addysg Gymraeg mewn ysgolion cynradd ac uwchradd. 

PENDERFYNWYD:

Derbyn adborth ar yr ymgynghoriad ar gyfer y Cynllun Strategol Addysg Gymraeg 2022-2032 a bod y cynllun yn cael ei gymeradwyo ar gyfer ei weithredu gan y Cyngor, yn ddarostyngedig i’w gymeradwyo gan Weinidogion Cymru.

To seek agreement and commitment to the Climate Change Strategy.

Cyflwynodd y Cynghorydd Roberts yr adroddiad ac eglurodd yn 2019 bod Llywodraeth Cymru (LlC) wedi galw ar y Sector Cyhoeddus i fod yn garbon niwtral erbyn 2030.   Yn dilyn y datganiad hwnnw, roedd y Cabinet wedi penderfynu ym mis Rhagfyr 2019 ar Strategaeth Newid Hinsawdd a fyddai’n gosod amcanion allweddol a chamau i greu Cyngor carbon niwtral erbyn 2030. 

            Roedd y Strategaeth Newid Hinsawdd yn manylu’r gwaith a wneir gan y Cyngor hyd yma: ei allyriadau carbon llinell sylfaen; a meysydd oedd angen eu datblygu ac amcanestyniad o’r cyflwr yn y dyfodol os bydd y camau hynny’n cael eu cwblhau i yrru’r Cyngor tuag at ei nod carbon niwtral/di-garbon erbyn 2030. 

            Dywedodd fod pawb yn gyfrifol am helpu i gyrraedd nod carbon niwtral.  Yr ysgol newydd ym Mynydd Isa fyddai’r cyntaf yn y sir i fod yn garbon niwtral.  Diolchodd i bawb oedd wedi cyfrannu, gan gynnwys yr Aelod Cabinet blaenorol a oedd wedi bod yn allweddol i’w yrru ymlaen. 

            Croesawodd y Cynghorydd Bithell yr adroddiad oedd yn gynhwysfawr a chadarnhaol, gan ychwanegu ei fod wedi’i annog gan y diddordeb a ddangoswyd yn y pwnc gan y bobl ifanc. 

            Diolchodd y Prif Swyddog (yr Amgylchedd a’r Economi) i’r Cynghorydd Sean Bibby oedd yn Gadeirydd y Bwrdd Newid Hinsawdd ac roedd wedi arwain cynhyrchu’r ddogfen i Aelodau. 

            Mewn ymateb i sylw gan y Cynghorydd Butler, eglurodd y Prif Swyddog (Addysg ac Ieuenctid) fod newid hinsawdd yn chwarae rhan allweddol o’r strategaeth o fewn ysgolion ac yn y gwasanaeth ieuenctid, oedd yn darparu cefnogaeth i bobl 11-25 oed. 

            Dywedodd y Prif Swyddog (yr Amgylchedd a’r Economi) y byddai brîff ar leihau carbon yn cael ei ddarparu i Aelodau newydd yn dilyn yr etholiad a byddai hefyd yn ffurfio rhan o’r rhaglen gynefino.  Byddai’r wefan hefyd yn cael ei diweddaru.           

PENDERFYNWYD:

(a)       Bod cynnydd a wnaed i gyflawni mesurau lleihau carbon hyd yma yn cael ei gydnabod;

(b)       Bod y Strategaeth Newid Hinsawdd ar gyfer 2022 - 2030 a’i nod yn cael ei gymeradwyo.

(c)        Bod brîff ar gyfer Aelodau newydd yn dilyn yr etholiad yn cael ei drefnu i amlygu’r gwaith a wnaed hyd yma ac ymrwymiadau’r Cyngor wrth symud ymlaen, a bod y Strategaeth Newid Hinsawdd yn rhan o Raglen Gynefino’r Aelodau; a

(d)       Bod gwefan y Cyngor yn cael ei ddiweddaru i gynnwys y Strategaeth Newid Hinsawdd;

To share the Public Services Ombudsman for Wales Annual Letter 2020-21 and Complaints made against Flintshire County Council Services in the first half of 2021-22 (April-September 2021).

Cyflwynodd y Prif Swyddog (Llywodraethu) yr adroddiad a’r diben oedd rhannu Llythyr Blynyddol Ombwdsmon Gwasanaethau Cyhoeddus Cymru 2020-21 ar gyfer Cyngor Sir y Fflint. 

            Roedd Llythyr Blynyddol yr Ombwdsmon yn rhoi trosolwg o berfformiad blynyddol y Cyngor mewn perthynas â chwynion a ymchwiliwyd yn 2020-21. 

            Roedd yr adroddiad hefyd yn rhoi trosolwg o gwynion a dderbyniwyd gan bob portffolio i’r Cyngor rhwng y cyfnod 1 Ebrill - 30 Medi 2021. 

            Roedd y nifer o gwynion a dderbyniwyd gan yr Ombwdsmon am awdurdodau lleol ar draws Cymru wedi gostwng 12.5% yn 2020-21 oedd yn adlewyrchu’r gostyngiad mewn cwynion a adroddir arnynt gan awdurdodau lleol yn ystod y pandemig Covid-19. 

            Roedd yr Ombwdsmon wedi ymyrryd (wedi cadarnhau, setlo neu ddatrys yn fuan) yn yr un gyfran o gwynion am gyrff cyhoeddus, 20% o’i gymharu â 2019-20.

            Roedd 35 o gwynion Sir y Fflint yn gynamserol ac roedd hynny’n cyfrif am 59% o’r cwynion.    Ar draws Gogledd Cymru roedd cyfartaledd y cwynion cynamserol yn 11.    Roedd y dadansoddiad yn egluro er bod y nifer cyffredinol o gwynion a wnaed yn erbyn Sir y Fflint yn uchel, roedd hynny yn bennaf oherwydd y nifer uwch na’r cyfartaledd o gwynion cynamserol.

            Roedd angen adolygu sut yr oedd yr awdurdod yn hybu ei weithdrefnau cwynion ei hun a phwysigrwydd hysbysu achwynwyr am gynnydd eu cwyn i leihau’r nifer o atgyfeiriadau cynamserol i’r Ombwdsmon. 

PENDERFYNWYD:

(a)       Bod y perfformiad blynyddol o’r Cyngor mewn perthynas â chwynion a wnaed i Ombwdsmon Gwasanaethau Cyhoeddus Cymru yn ystod 2020-21 yn cael ei nodi;

(b)       Bod perfformiad hanner blwyddyn 2021-22 y Cyngor mewn perthynas â chwynion a wnaed i wasanaethau yn unol â’i weithdrefnau cwynion yn cael ei nodi; a

(c)        Cefnogi’r camau a amlinellwyd yn yr adroddiad i wella’r broses o ddelio â chwynion ar draws y Cyngor.

Cyflwynodd y Cynghorydd Johnson yr adroddiad ac esboniodd bod y Cabinet wedi cael diweddariad ar 14 Rhagfyr yn dweud bod angen £20.696 miliwn yn ychwanegol yn y gyllideb ar gyfer blwyddyn ariannol 2022/23.  Cafwyd y diweddariad hwnnw cyn derbyn Setliad Dros Dro Llywodraeth Leol Cymru ar 21 Rhagfyr.

Rhoddodd adroddiad y Cabinet ddiweddariad am brif benawdau ac effeithiau ariannol y Setliad cyn cam olaf y broses o osod cyllideb ffurfiol ym mis Chwefror.

Byddai angen i’r gofyniad ychwanegol gynyddu’n sylweddol i gymryd i ystyriaeth yr angen i ddiwallu effeithiau’r holl faterion a nodwyd yn yr adroddiad, gan gynnwys Dyfarniadau Cyflog / Cyflog Byw Cenedlaethol a pharhad mewn costau ychwanegol a cholli incwm o ganlyniad i’r pandemig ar ôl i Gronfa Caledi Llywodraeth Cymru ddod i ben ar ddiwedd mis Mawrth 2022.

Byddai angen i gyllideb gyfreithiol a chytbwys gael ei hargymell i’r Cyngor gan y Cabinet ar gyfer 2022/23 unwaith y byddai’r holl waith ar y materion a amlinellwyd yn yr adroddiad wedi’u cwblhau.

Roedd y dyraniad Cyllid Allanol Cyfun (AEF) yn darparu swm o £1,476 y pen o’i gymharu â £1,611 y pen ar gyfartaledd yng Nghymru, sy’n gosod y Sir yn safle 20 allan o 22 o gynghorau Cymru.

Am y tro cyntaf ers sawl blwyddyn, roedd setliad dros dro 2022/23 yn darparu dyraniadau dangosol ar gyfer y ddwy flynedd nesaf.   Er bod hynny’n cael ei groesawu, roedd yr ymgodiadau dangosol yn yr AEF o 3.5% a 2.4% ar gyfer 2023/24 a 2024/25 yn y drefn honno, yn llawer is na 2022/23 a byddai’n her sylweddol ceisio goresgyn effeithiau anochel yn gysylltiedig â chwyddiant a chynnydd yn y galw am Wasanaethau’r Cyngor.  Gan hynny byddai’n hanfodol bod penderfyniadau a wneir fel rhan o gyllideb 2022/23 yn cael eu hystyried yng nghyd-destun y sefyllfa tymor canolig, er mwyn datblygu gwytnwch i ateb yr heriau sy’n gysylltiedig â phwysau anochel costau a fyddai’n codi yn y blynyddoedd dilynol.

Er mai Sir y Fflint oedd y chweched Cyngor mwyaf yng Nghymru yn ôl nifer y boblogaeth, roedd yn cyrraedd safle 20 allan o 22 yn seiliedig ar gyllid y pen.  Pe bai Sir y Fflint yn derbyn yr un swm o gyllid y pen â’r cyfartaledd yng ngogledd Cymru, byddai’n derbyn £21 miliwn y flwyddyn yn ychwanegol.

Barn Aelodau’r Cabinet oedd, os yw pethau fel Dyfarniadau Cyflog yn cael eu cyhoeddi’n genedlaethol, yna dylent gael eu hariannu yn genedlaethol.

Esboniodd y Rheolwr Cyllid Corfforaethol eu bod yn gweithio drwy effeithiau’r dyfarniadau cyflog, yn ogystal â’r cyllid grant unigol.  Byddai adroddiad yn cael ei gyflwyno i’r Cabinet ym mis Chwefror cyn cyfarfod y Cyngor Sir yn y prynhawn.

            Holodd y Cynghorydd Roberts a fyddai modd i lythyr gael ei anfon at Aelodau’r Senedd o ogledd Cymru i ofyn iddynt lobïo dros adfer y Grant Cynnal a Chadw Priffyrdd o £950,000, ar ôl cael cadarnhad ei fod wedi dod i ben.

PENDERFYNWYD:

Nodi goblygiadau ariannol Setliad Dros Dro Llywodraeth Leol Cymru a’r gwaith sydd ar ôl i’w gwblhau cyn cytuno ar gyfres o argymhellion i’r Cyngor i osod cyllideb gyfreithiol a chytbwys ym mis Chwefror.

To seek approval to submit bids into the forthcoming Round Two of the UK Government Levelling Up Fund.

Cyflwynodd y Cynghorydd Butler yr adroddiad.  Esboniodd fod y Gronfa Codi’r Gwastad yn cyfrannu at agenda codi’r gwastad Llywodraeth y DU trwy fuddsoddi mewn seilwaith a fyddai’n gwella bywyd bob dydd ledled y DU, gan gynnwys adfywio canol trefi a strydoedd mawr, uwchraddio cludiant lleol, a buddsoddi mewn asedau diwylliannol a threftadaeth.  Bwriad y gronfa gwerth £4.8 biliwn oedd creu effaith weledol a diriaethol ar bobl a lleoedd a chefnogi adferiad economaidd.

            Roedd yr adroddiad yn cynnig datblygu dau gynnig i’w cyflwyno i Lywodraeth y DU fel rhan o ail rownd y rhaglen a ddisgwylir ar ddechrau 2022.  Cynigiwyd bod y cynigion yn canolbwyntio ar gymunedau arfordirol Sir y Fflint er mwyn: gwella amodau i fusnesau, lleihau trosedd ac ymddygiad gwrthgymdeithasol; dod ag asedau treftadaeth yn ôl i ddefnydd; ac annog pobl leol ac ymwelwyr i ddefnyddio’r ardal arfordirol.

            Er bod modd i bob awdurdod lleol wneud cais am gyllid Codi’r Gwastad, diben penodol y gronfa yw cefnogi buddsoddiad mewn lleoedd a fydd yn gwneud y gwahaniaeth mwyaf i fywydau pob dydd, gan gynnwys hen ardaloedd diwydiannol, trefi difreintiedig a chymunedau arfordirol.   Roedd Llywodraeth y DU wedi gosod awdurdodau lleol mewn categorïau 1, 2 neu 3 yn dibynnu ar lefel yr angen a nodwyd, gyda chategori 1 yn cynrychioli lleoedd yn yr angen mwyaf am fuddsoddiad.  Roedd Cyngor Sir y Fflint wedi cael ei nodi fel awdurdod lleol ‘categori 2’.

            Roedd y Gronfa Codi’r Gwastad yn galluogi awdurdodau lleol i wneud cais am hyd at £20 miliwn i bob etholaeth seneddol.  Byddai cynigion uwch na £20 miliwn ac is na £50 miliwn yn cael eu derbyn ar gyfer prosiectau trafnidiaeth yn unig.  Roedd disgwyl i’r ail rownd ddechrau yng ngwanwyn 2022.  Roedd disgwyl i’r rhaglen ddod i ben ym mis Mawrth 2024 a oedd yn golygu fod y cyfnod  i ddarparu prosiectau cyfalaf yn gyfyngedig iawn.

            Esboniodd y Prif Swyddog (Cynllunio, yr Amgylchedd a’r Economi) mai’r bwriad oedd cyflwyno dau gynnig, un ar gyfer pob etholaeth seneddol.  Byddai’r cynigion yn canolbwyntio ar gynnwys adfywio, diwylliant a threftadaeth.  Roedd y Cyngor wedi penodi ‘Mutual Ventures’ i weithredu fel rheolwr prosiect y broses a chyfrannu at baratoi cynigion.

Croesawodd yr Aelodau’r adroddiad ac roeddent yn dymuno pob llwyddiant i’r cynigion.

PENDERFYNWYD:

(a)       bod y bwriad i ddatblygu a chyflwyno cynigion ar gyfer Ail Rownd Cronfa Codi'r Gwastad yn cael ei gymeradwyo yn unol â’r cynigion a osodwyd yn yr adroddiad a

(b)       Bod awdurdod dirprwyedig yn cael ei roi i’r Prif Swyddog (Cynllunio, yr Amgylchedd a’r Economi) ac Aelod Cabinet Datblygu Economaidd i newid a chyflwyno’r cynigion terfynol yn unol â’r cyfeiriad strategol a osodir yn yr adroddiad, datblygu ymyraethau penodol i adlewyrchu’r angen i gyflwyno cynigion cystadleuol a chyraeddadwy.

To provide an update on the state of the economy in Flintshire and on work programmes to assist recovery.

Cyflwynodd y Cynghorydd Butler yr adroddiad a oedd yn rhoi crynodeb o amodau economaidd presennol y rhanbarth a’r Sir, gan ddefnyddio gwybodaeth o nifer o ffynonellau.  Roedd yr adroddiad yn rhoi manylion y strwythurau llywodraethu a oedd mewn lle i ymateb i adferiad economaidd a’r rhaglenni gwaith a oedd ar y gweill ar hyn o bryd.

            Nid oedd effeithiau pandemig Covid-19 ac ymadawiad y DU o’r Undeb Ewropeaidd yn amlwg eto, ac roeddent yn dal i esblygu.

            Rhoddodd yr adroddiad wybodaeth fanwl am Brexit; Covid-19; diweddariad economaidd; ystadau masnachol; ardrethi busnes; canol trefi ac ymatebion rhanbarthol a lleol.

            Esboniodd y Prif Swyddog (Cynllunio, yr Amgylchedd a’r Economi) bod hwn yn adroddiad yn seiliedig ar dystiolaeth yr oedd  y Pwyllgor Adfer wedi gofyn amdano ac wedi’i groesawu.  Ychwanegodd nad oedd cymaint o swyddi wedi’u dileu ar raddfa fawr ag y disgwylid yn dilyn Covid.  Roedd lefel uchel o swyddi gwag ym meysydd nyrsio, gofal personol, gweithwyr gofal, cynorthwywyr cegin ac arlwyo, glanhawyr a gyrwyr faniau a oedd yn anodd eu llenwi.

            Roedd y Prif Weithredwr yn croesawu’r adroddiad a oedd yn darparu asesiad cryf o’r economi.  Diolchodd i’r swyddogion am yr adroddiad.

            Croesawodd y Cynghorwyr Bithell a Johnson yr adroddiad gan ddweud fod Sir y Fflint wedi cael ei chrybwyll ym mhapur y Sunday Times.  Dywedodd yr adroddiad fod Sir y Fflint yn mynd yn groes i’r duedd o ran adferiad a bod y ffigyrau wedi gwella ar y Mynegai Cystadleurwydd. Mewn ymateb i gwestiwn gan y Cynghorydd Bithell, dywedodd y Prif Weithredwr fod trafodaeth wedi’i chynnal yn y Pwyllgor Adfer yngl?n â sgiliau a chreu cyswllt gyda Bwrdd Uchelgais Economaidd Gogledd Cymru (BUEGC).  Gofynnodd y Pwyllgor i gynrychiolydd o BUEGC fynychu cyfarfod yn y dyfodol i esbonio sut yr oeddent yn creu cyswllt â Sir y Fflint i yrru’r economi leol ymlaen.

PENDERFYNWYD:

Bod cynnwys a chasgliadau’r adroddiad yn cael eu nodi a’u cefnogi.

Cyflwynodd y Cynghorydd Banks yr adroddiad ac esboniodd, fel rhan o gaffaeliad y contract Parc Adfer a Phartneriaeth Trin Gwastraff Gweddilliol Gogledd Cymru, cytunwyd ariannu a rheoli Cronfa Mantais Gymunedol a fyddai’n cael ei rhedeg am hyd y contract.

            Roedd y Gronfa Mantais Gymunedol yn ymrwymiad trwy gontract rhwng yr Awdurdod ac Enfinium (Wheelabrator Technologies Inc gynt), ac roedd hefyd yn ymrwymiad trwy gontract i bob awdurdod partner unigol o fewn yr Ail Gytundeb Rhwng Awdurdodau.

            Hyd yma roedd y Gronfa Mantais Gymunedol wedi cael ei defnyddio i ariannu Cronfa Adferiad Cymunedol Parc Adfer i ddechrau, a oedd bellach ar gau i geisiadau.  Mae wedi dyfarnu grantiau i dros 10 o brosiectau sydd wedi bod yn werth cyfanswm o dros £60,000.  Amlinellwyd manylion y brif Gronfa Mantais Gymunedol, gan gynnwys prosiectau a meini prawf cymhwyso, yn yr adroddiad gan geisio cymeradwyaeth i lansio ar ddechrau 2022.

            Byddai’r panel a’r trefniadau llywodraethu presennol, a sefydlwyd ar gyfer y Gronfa Adferiad Cymunedol, yn aros yr un fath yn bennaf ar gyfer y brif Gronfa Mantais Gymunedol pan fyddai’n cael ei lansio, yn ogystal â nifer o’r meini prawf cymhwyso cyffredinol.  Fodd bynnag, byddai’r math o brosiectau a ariennir yn wahanol er mwyn adlewyrchu bwriad gwreiddiol y gronfa, sef ariannu prosiectau cymunedol a fyddai o fudd amgylcheddol i’r ardal leol.

Diolchodd y Cynghorydd i’r Rheolwr Prosiect, Steffan Owen, am ei holl waith ar y prosiect hwn.

Ar feini prawf y prosiect, esboniodd y Prif Swyddog (Gwasanaethau Stryd a Thrafnidiaeth) fod 5 maen prawf, nid 6 fel y nodwyd yn yr adroddiad.  Ar ôl cael cymeradwyaeth y Cabinet, byddai Cyd-bwyllgor Gwastraff Gweddilliol Gogledd Cymru yn cael briffiad yngl?n â’r canlyniad a’r meini prawf cymhwyso diwygiedig ar gyfer y Gronfa Mantais Gymunedol.  Unwaith y byddai’r briffiad hwnnw wedi digwydd, byddai modd lansio’r Gronfa Mantais Gymunedol yn gyhoeddus trwy ddosbarthu datganiad i’r wasg, rhoi diweddariad ar wefan y Cyngor a anfon llythyr at randdeiliaid i’w hysbysu.  Roedd disgwyl i hyn ddigwydd ar ddiwedd mis Chwefror / dechrau mis Mawrth 2022.

PENDERFYNWYD:

(a)       Bod y prif feini prawf cymhwyso arfaethedig ar gyfer Cronfa Mantais Gymunedol y Parc Adfer yn cael eu cymeradwyo a bod lansiad arfaethedig y gronfa ar ddechrau 2022 yn cael ei gefnogi; a

(b)       Bod awdurdod dirprwyedig yn cael ei roi i’r Prif Swyddog (Gwasanaethau Stryd a Thrafnidiaeth), mewn ymgynghoriad â’r Aelod Cabinet Gwasanaethau Stryd, i wneud newidiadau i’r dogfennau angenrheidiol (e.e. nodiadau cyfarwyddyd) sy’n gynwysedig o fewn bwriadau a chanlyniadau dymunol y gronfa, a gwneud newidiadau bach i’r trefniadau llywodraethu (e.e. aelodaeth panel, cymorth swyddogion ac ati).

To seek approval to tender for the named services within the report.

To seek views on the establishment and designation of a Regional Park along the Dee Estuary foreshore.

Cyflwynodd y Cynghorydd Butler yr adroddiad ac esboniodd fod fframwaith strategol o gyfleoedd ar hyd blaendraeth aber Afon Dyfrdwy wedi’i gynhyrchu yn 2014.  Roedd y cynnig ar gyfer parc arfordir yn ceisio nodi blaendraeth yr aber fel endid unigol tebyg i Barc Rhanbarthol.

            Dylai’r cysyniad o Barc Arfordir Sir y Fflint gael ei archwilio eto yng ngoleuni’r cyfleoedd sy’n gysylltiedig ag argaeledd Cronfa Codi’r Gwastad.

            Byddai gwaith i ddatblygu Parc Arfordir Rhanbarthol i Sir y Fflint yn rhoi ysgogiad a ffocws newydd i’r arfordir, gan godi proffil y blaendraeth a galluogi cymunedau a busnesau i weithio’n gynaliadwy ac yn arloesol i helpu i ddarparu ffyniant amgylcheddol, economaidd a chymdeithasol.

            Croesawodd y Cynghorydd Roberts yr adroddiad a dywedodd mai un mater allweddol yr oedd angen mynd i’r afael ag ef oedd y cyswllt coll yn llwybr yr arfordir rhwng Cei Connah a’r Fflint.  Ar hyd ochr yr A548 roedd y rhannau mwyaf cul.  Roedd cynigion wedi bod yn y gorffennol i ddatrys y broblem ond cawsant eu gwrthod ar y pryd gan RSPB a Chyngor Cefn Gwlad Cymru, a oedd yn poeni y byddai’n tarfu ar y Safle o Ddiddordeb Gwyddonol Arbennig.  Teimlai ef y dylai gwella’r llwybr rhwng Cei Connah a’r Fflint ffurfio rhan allweddol o’r cynigion.  Roedd angen canfod datrysiad gydag RSPB a Chyfoeth Naturiol Cymru oherwydd bod gan yr ardal botensial i gael ei defnyddio ar gyfer cerdded, beicio a gweithgareddau hamdden. Dywedodd y Prif Swyddog y byddai’n trefnu cyfarfod gyda’r cyrff cyhoeddus perthnasol i drafod y mater.

            Roedd holl Aelodau eraill y Cabinet yn croesawu’r adroddiad, gan dynnu sylw at y dreftadaeth, gan gynnwys treftadaeth ddiwydiannol a chefn gwlad brydferth.  Holodd y Cynghorydd Jones a fyddai “Porth y Gogledd” yn gallu cael ei newid i ddarllen “Porth y Gogledd Sealand”.  Teimlai’r Cynghorydd Hughes nad oedd Castell y Fflint yn cael ei hysbysebu’n ddigon da ac y dylai llwybr yr arfordir gysylltu â Dyffryn Maes Glas.  Mewn ymateb i’r sylw hwn am y Castell, esboniodd Y Cynghorydd Roberts mai nod Llywodraeth Cymru oedd cael canolfan ymwelwyr a chaffi yn y Castell.

PENDERFYNWYD:

(a)       Nodi’r cyfeiriad strategol a osodwyd ym Mhrosbectws Parc yr Arfordir a chefnogi’r gwaith i ddatblygu Parc Arfordir Rhanbarthol Sir y Fflint, a

(b)       Bod y Cabinet yn croesawu barn y Pwyllgor Trosolwg a Chraffu’r Amgylchedd a’r Economi ac yn rhoi awdurdod dirprwyedig i’r Prif Swyddog (Cynllunio, yr Amgylchedd a’r Economi), (mewn ymgynghoriad â’r Aelod Cabinet Datblygu Economaidd) i wneud newidiadau bach i’r cynigion er mwyn adlewyrchu’r farn honno.

To seek approval to revise the Household Recycling Centre vehicle permit application criteria.

Cyflwynodd y Cynghorydd Banks yr adroddiad ac esboniodd fod nifer o argymhellion wedi cael eu cyflwyno i’r Cabinet, yn dilyn dau seminar i’r holl Aelodau ym mis Medi 2021, ar newidiadau i’w gwneud i’r strategaeth wastraff bresennol fel bod y Cyngor yn gallu cyflawni cyfradd ailgylchu o 70% erbyn 2025.

Un argymhelliad oedd adolygu’r meini prawf ar gyfer cael pàs cerbyd i ganolfannau ailgylchu gwastraff t?, er mwyn egluro’n well i ddefnyddwyr pa fathau a meintiau o gerbydau a ganiateir a sicrhau nad yw masnachwyr yn cymryd mantais o’r system.  Ail argymhelliad oedd y dylid cyflwyno system archebu ar gyfer ffrydiau gwastraff peryglus neu anodd er mwyn medru eu rheoli’n well wrth iddyn nhw gyrraedd y safle.

Cafodd y ddau argymhelliad eu cymeradwyo gan y Cabinet ym mis Medi 2021, ond gofynnwyd am adroddiad arall er mwyn cael eglurhad pellach yngl?n â sut y byddai’r newidiadau yn cael eu gweithredu.  Roedd yr adroddiad hwn yn gosod allan y Polisi Pàs Cerbydau diwygiedig ac yn cynnig meini prawf archebu ar gyfer gwaredu asbestos a matresi.

Esboniodd y Prif Swyddog (Gwasanaethau Stryd a Thrafnidiaeth) bod y pwyntiau allweddol yn y Polisi arfaethedig ar gyfer Meini Prawf Pàs Cerbydau wedi’u hamlinellu yn yr adroddiad.  Ychwanegodd hi fod y system ganiatâd bresennol yn caniatáu, yn anfwriadol, i fasnachwyr a busnesau masnachol gamddefnyddio’r system a dod â ffrydiau gwastraff masnachol i mewn.  Wrth i staff eu cwestiynu neu eu herio, roedd rhai o’r cwsmeriaid hynny yn troi’n ymosodol gan arwain at amgylcheddau gwaith amhleserus.

PENDERFYNWYD:

(a)       Cymeradwyo’r Polisi Pàs Cerbydau diwygiedig ar gyfer Canolfannau Ailgylchu Gwastraff T?; a

(b)       Chymeradwyo’r meini prawf system archebu Canolfannau Ailgylchu Gwastraff T?.

Cyflwynodd y Cynghorydd Johnson yr adroddiad a oedd yn darparu’r wybodaeth fanwl ddiweddaraf am sefyllfa monitro’r gyllideb refeniw yn 2021/22 ar gyfer Cronfa’r Cyngor a’r Cyfrif Refeniw Tai ar gyfer y flwyddyn ariannol.  Cyflwynodd y sefyllfa o ran incwm a gwariant gwirioneddol, fel ag yr oedd ym Mis 8. 

Roedd yr adroddiad yn rhagamcanu sefyllfa’r gyllideb ar ddiwedd y flwyddyn ariannol, heb gamau gweithredu newydd i leihau pwysau o ran costau a/neu wella’r elw ariannol ar gynllunio effeithlonrwydd a rheoli costau, sef:

Cronfa’r Cyngor

• Gwarged gweithredol o £0.716 miliwn (heb gynnwys effaith y dyfarniad cyflog NJC a fyddai’n cael ei dalu o gronfeydd wrth gefn), a oedd yn newid ffafriol o £0.061 miliwn ers ffigur y gwarged (0.655 miliwn) a adroddwyd ym Mis 7.
• Rhagwelid y byddai balans y gronfa wrth gefn at raid ar 31 Mawrth 2022 yn £6.586 miliwn.

Y Cyfrif Refeniw Tai

·         Rhagwelid y byddai gwariant refeniw net yn ystod y flwyddyn £0.548 miliwn yn uwch na’r gyllideb.

·         Rhagwelid y byddai’r balans terfynol ar 31 Mawrth 2022 yn £3.924 miliwn.

Amlinellwyd manylion effaith Storm Christoph ar y gyllideb yn yr adroddiad a oedd yn gyfanswm o ryw £0.200 miliwn.

Esboniodd y Rheolwr Cyllid Corfforaethol fod yr adroddiad hefyd yn rhoi manylion am sefyllfa pob portffolio; amrywiadau arwyddocaol y mis hwnnw; faint o’r arbedion effeithlonrwydd a gynlluniwyd ar gyfer y flwyddyn a gafodd eu cyflawni; cyllid mewn argyfwng; cronfeydd wrth gefn heb eu clustnodi a chronfeydd wrth gefn wedi eu clustnodi.

PENDERFYNWYD:

Nodi’r adroddiad a’r effaith ariannol a amcangyfrifir ar gyllideb 2021/22.

To present the draft Treasury Management Mid-Year Review for 2021/22 for recommendation to Council.

Cyflwynodd y Cynghorydd Johnson yr adroddiad a oedd yn cyflwyno’r Adroddiad Canol Blwyddyn Rheoli’r Trysorlys drafft ar gyfer 2021/22 i’w gymeradwyo a’i argymell i’r Cyngor.

            Fel sy’n ofynnol gan Reolau Gweithdrefn Ariannol y Cyngor, roedd yr adolygiad hwn wedi cael ei adrodd i’r Pwyllgor Llywodraethu ac Archwilio ar 17 Tachwedd a byddai’n cael ei adrodd i’r Cyngor ar 25 Ionawr 2022.

PENDERFYNWYD:

Bod Adroddiad Canol Blwyddyn Rheoli'r Trysorlys 2021/22 yn cael ei gymeradwyo a'i argymell i'r Cyngor.

To seek approval of the Food Service Plan 2021-22.

Cyflwynodd y Cynghorydd Bithell yr adroddiad ac esboniodd fod y Cynllun Gwasanaeth Bwyd yn darparu trosolwg o’r Gwasanaeth Bwyd yn unol â’r Cytundeb Fframwaith ar Reolau Bwyd a Phorthiant Swyddogol gan Awdurdodau Lleol Ebrill 2010.  Roedd y cynllun yn nodi nodau ac amcanion y Gwasanaeth ar gyfer y flwyddyn i ddod, a sut y byddai’r rhain yn cael eu cyflawni.

            Roedd Cynllun 2021-22 wedi cael ei oedi oherwydd y pwysau ar y gwasanaeth o ganlyniad i’r pandemig byd-eang, a hefyd oherwydd bod yr Asiantaeth Safonau Bwyd wedi bod yn hwyr yn cyhoeddi’r Cynllun Adfer.

            Amlinellodd y Prif Swyddog (Cynllunio, yr Amgylchedd a’r Economi) y prif gyflawniadau ar gyfer 2020-21, a’r targedau ar gyfer 2021-22.

            Diolchodd yr Aelodau i’r tîm am y gwaith yr oeddent wedi’i wneud.

PENDERFYNWYD:

Cymeradwyo Cynllun y Gwasanaeth Bwyd ar gyfer 2021-22.

Cyflwynodd y Cynghorydd Jones yr adroddiad a ddarparodd drosolwg o Asesiad o Anghenion Poblogaeth Gogledd Cymru 2022 a oedd wedi’i gynnal yn unol â gofyniad y Ddeddf Gwasanaethau Cymdeithasol a Llesiant (Cymru) 2014.

Roedd yr adroddiad yn asesiad o anghenion gofal a chymorth y boblogaeth ac anghenion cymorth gofalwyr, a oedd yn cwmpasu ôl-troed gogledd Cymru.  Datblygwyd y ddogfen dan arweiniad Cydweithredfa Gwella Gwasanaethau Cymdeithasol a Lles Gogledd Cymru, gyda gwybodaeth gan chwe chyngor gogledd Cymru a’r bwrdd iechyd, gyda chefnogaeth Iechyd Cyhoeddus Cymru.

Ym mis Mehefin 2022, mae’n rhaid i Adroddiad Sefydlogrwydd y Farchnad gael ei gyhoeddi hefyd.  Gyda’i gilydd, dylai’r ddwy ddogfen ddarparu darlun cynhwysfawr o’r galw a’r cyflenwad presennol a rhagamcanol i’r rheiny sy’n comisiynu gofal a chymorth ar lefel ranbarthol a lleol.

Pwysleisiodd y Prif Swyddog (Gwasanaethau Cymdeithasol) pa mor bwysig yw’r ddogfen a fyddai’n helpu i gynllunio ar gyfer y dyfodol.  O’r ymatebion i’r arolwg, roedd 39% yn dod gan bobl o Sir y Fflint felly roedd lleisiau lleol yn cael eu clywed.  Byddai ymgysylltu â’r cyhoedd yn parhau yn ystod y gwaith o ddatblygu’r Adroddiad Sefydlogrwydd y Farchnad.

Rhoddodd y Swyddog Cynllunio a Datblygu enghraifft o ble fyddai’r data yn helpu i gynllunio a pharatoi ar gyfer y dyfodol, sef atal dementia.

Ychwanegodd y Cynghorydd Jones yr ystod eang o feysydd a fyddai’n cael eu cwmpasu yn yr asesiad, gan gynnwys anghydraddoldeb a digartrefedd. Croesawodd yr Aelodau’r adroddiad.

PENDERFYNWYD:

(a)       Bod yr Asesiad o Anghenion Poblogaeth Gogledd Cymru yn cael ei gefnogi cyn ei gyflwyno i’r Cyngor ym mis Chwefror 2022; a

(b)       Bod y broses ar gyfer cymeradwyo’r Adroddiad Sefydlogrwydd y Farchnad Ranbarthol yn cael ei chytuno.

To seek approval for the introduction of a cashless payment solution for car parking.

Cyflwynodd y Cynghorydd Banks yr adroddiad gan egluro, ers cyflwyno taliadau maes parcio ledled y sir yn 2015, mai’r unig ddull o dalu am barcio oedd peiriant talu ac arddangos yn y maes parcio.  Dim ond â darnau arian oedd modd talu wrth y peiriannau hynny, ac roedd yn rhaid i'r cwsmer fod â’r swm cywir o arian i brynu tocynnau talu ac arddangos gan na allai'r peiriannau roi newid.

            I wella’r profiad i gwsmeriaid, roedd opsiwn i gyflwyno ffyrdd o dalu heb ddefnyddio arian parod fel dewis amgen i beiriannau talu ac arddangos ac i gyd-fynd â’r dull presennol o dalu ag arian parod.  System dalu dros y ffôn oedd hon, a oedd eisoes wedi cael ei chyflwyno yn holl feysydd parcio awdurdodau lleol eraill Gogledd Cymru.  Roedd yn ffordd ddiogel o dalu am barcio dros y we, neges destun, ar y ffôn neu drwy ap ar ffon clyfar.

            Ychwanegodd y Prif Swyddog (Gwasanaethau Stryd a Chludiant) fod angen i’r cwsmer gofrestru gyda’r darparwr gwasanaeth pan oeddent yn ei ddefnyddio’r tro cyntaf.  Roedd y system yn ffordd gyfleus o dalu ar y diwrnod, ond gallai’r cwsmer hefyd archebu parcio am fwy o amser, fel wythnos, mis neu docyn tymor.

            Ni fyddai’n rhaid i gwsmeriaid ddangos tocyn parcio a gallent dalu i aros am fyw o amser heb orfod dychwelyd i’w car drwy dalu ffi fechan.

            Nid oedd unrhyw gostau sefydlu ac roedd yr arwyddion a’r system cefn swyddfa yn cael eu darparu yn rhad ac am ddim.  Byddai taliadau â darnau arian yn parhau i gael eu derbyn ym mhob maes parcio.

            Croesawai’r Cynghorydd Johnson yr adroddiad a’r wybodaeth am drefi a dinasoedd eraill lle gallai’r ap gael ei defnyddio.

PENDERFYNWYD:

Cefnogi cyflwyno system dalu heb arian parod mewn meysydd parcio.

Cyflwynodd y Prif Weithredwr yr adroddiad a oedd yn rhoi'r wybodaeth ddiweddaraf am y gofyniad cyllidebol ychwanegol ar gyfer 2022/23 cyn derbyn Setliad Dros Dro Llywodraeth Leol Cymru a'r broses ffurfiol o bennu'r gyllideb.

Eglurodd y Rheolwr Cyllid Corfforaethol fod adroddiad wedi mynd ger bron y Cabinet a'r Pwyllgor Trosolwg a Chraffu Adnoddau Corfforaethol ym mis Gorffennaf yn nodi bod gofyniad cyllidebol ychwanegol o £16.750m.  Ystyriwyd yr holl bwysau costau gan y Pwyllgorau Trosolwg a Chraffu perthnasol ym mis Medi a mis Hydref a chefnogwyd pob un ohonynt, heb argymell unrhyw newidiadau.  Yn y Cabinet ym mis Hydref, dwedwyd wrth yr Aelodau bod gofyniad cyllidebol ychwanegol wedi'i ddiweddaru o £18m oherwydd amryw newidiadau, a'r mwyaf arwyddocaol o'r rhain oedd y cynnydd yng nghyfraniadau Yswiriant Gwladol Cyflogwyr o 1 Ebrill 2022 ymlaen.  Ers hynny, roedd rhagor o waith wedi’i wneud ar ragdybiaethau cyflog a chwyddiant ac roedd y Cyngor wedi cael gwybod am gynnydd i’r gyllideb ddrafft gan Wasanaeth Tân ac Achub Gogledd Cymru.  Roedd effaith y rheiny, ac addasiadau eraill i bwysau costau presennol, wedi cynyddu'r gofyniad cyllidebol ychwanegol ar gyfer pwysau costau presennol ac wedi cynyddu'r gofyniad cyllidebol ychwanegol i £20.696m fel mae Tabl 1 yn yr adroddiad yn ei nodi.  Roedd newidiadau i’r gofynion cyllidebol ychwanegol o Gam 1 ym mis Gorffennaf yn Nhabl 2 yn yr adroddiad.

Roedd yr adroddiad hefyd yn dweud bod isafswm y gofyniad cyllidebol ychwanegol ar gyfer 2022/23 o £20.696m gyfwerth â chynnydd yng Ngrant Llywodraeth Cymru (LlC) o isafswm o 7%.

Roedd hyn yn cyd-fynd â Chynghorau eraill Gogledd Cymru ac roedd llythyr wedi'i anfon at LlC gan chwe Arweinydd a Phrif Weithredwr Cynghorau Gogledd Cymru cyn cael y Setliad Dros Dro a oedd ynghlwm wrth yr adroddiad.  Roedd y Setliad i fod i gael ei dderbyn ar 21 Rhagfyr 2021.

PENDERFYNWYD:

(a)       Derbyn a nodi'r gofyniad cyllidebol ychwanegol diwygiedig a newidiadau i bwysau costau; a

(b)       Nodi'r strategaeth ddatrysiadau a'r cynnydd angenrheidiol yn y Cyllid Allanol Cyfun cyn derbyn y Setliad Dros Dro.

To approve outline Governance arrangements for the Corporate Joint Committee.

Cyflwynodd y Cynghorydd Mullin yr adroddiad ac eglurodd fod Deddf Llywodraeth Leol ac Etholiadau (Cymru) 2021 yn rhoi p?er i Weinidogion greu math newydd o gorff rhanbarthol o’r enw Cyd-bwyllgor Corfforedig.  Roedd Gweinidogion wedi gorchymyn bod pedwar Cyd-bwyllgor Corfforedig yn cael eu creu yng Nghymru, a phob un â’r un pedair swyddogaeth: lles economaidd; paratoi Cynllun Datblygu Strategol; cludiant; a gwella addysg.  Roedd yr union drefniadau llywodraethu ar gyfer pob Cyd-bwyllgor i gael eu pennu gan y corff ei hun.

Ychwanegodd y Prif Weithredwr bod Cyd-bwyllgor Corfforedig Gogledd Cymru wedi’i greu ar 1 Ebrill 2021 ac y byddai ei swyddogaethau’n dod i rym ar 30 Mehefin 2022.  Roedd yn rhaid iddo osod ei gyllideb amlinellol ar gyfer ei flwyddyn gyntaf o weithredu cyn pen mis Ionawr 2022.  Roedd felly angen i’r Cyd-bwyllgor amlinellu ei drefniadau llywodraethu.  Roedd y swyddogaeth lles economaidd yn cwmpasu’r diben y sefydlwyd Bwrdd Uchelgais Economaidd Gogledd Cymru (BUEGC) ar ei gyfer.  Byddai’r swyddogaethau cynllunio strategol a chludiant hefyd yn dylanwadu ar rôl BUEGC felly roedd yn bwysig bod y corff newydd yn ystyried, ac yn plethu ynghyd â strwythurau llywodraethu rhanbarthol presennol.  Roedd cynigion ar gyfer y strwythurau llywodraethu ynghlwm wrth yr adroddiad. 

Ychwanegodd y Prif Swyddog (Llywodraethu) fod Awdurdod Parc Cenedlaethol Eryri yn aelod ychwanegol oedd â hawl i bleidleisio ar y Cyd-bwyllgor, ond ar faterion oedd ynghlwm â’r swyddogaeth cynllunio strategol a’i gyllideb yn unig. 

Croesawai’r Cynghorydd Johnson yr adroddiad, yn enwedig bod gan y Cynghorau a’r Cyd-bwyllgor Corfforedig bwerau cyfochrog ynghlwm â hyrwyddo lles economaidd, a’r dyletswyddau ehangach a oedd yn sail i’r cynigion.

Mewn ymateb i gwestiwn gan y Cynghorydd Bithell am yr angen am awdurdod cynnal ar gyfer cynllunio strategol, ac un ar gyfer trafnidiaeth strategol, eglurodd y Prif Weithredwr fod Sir y Fflint yn gweithio'n strategol ar gludiant ar hyn o bryd, felly roedd y sgiliau angenrheidiol ar gael pe bai gofyn i Sir y Fflint fod yn yr awdurdod cynnal ar gyfer trafnidiaeth strategol. 

Roedd y Cynghorydd Banks hefyd yn croesawu’r adroddiad a gofynnodd a fyddai’n bwnc mewn gweithdy i Aelodau yn y dyfodol.  Eglurodd y Prif Weithredwr fod hwn yn ddarn o waith a oedd yn datblygu ac y byddai adroddiadau'n cael eu cyflwyno'n rheolaidd i'r Pwyllgor Trosolwg a Chraffu ac i'r Cabinet.

Ychwanegodd y Prif Swyddog (Llywodraethu) fod yr adroddiad yn cael ei ystyried gan bob un o'r chwe Chyngor ac felly ei fod mewn fformat cyffredin i sicrhau bod y materion yn cael eu cyflwyno'n gyson i bob Cyngor.

PENDERFYNWYD:

(a)       Cytuno mewn egwyddor fod swyddogaethau Bwrdd Uchelgais Economaidd Gogledd Cymru yn cael eu trosglwyddo drwy gytundeb dirprwyo i Gyd-bwyllgor Corfforedig Gogledd Cymru ar yr amod;

a)         bod y fframwaith statudol sy’n cael ei ddatblygu gan Lywodraeth Cymru yn caniatáu dirprwyo’r swyddogaethau gweithredol perthnasol i Gyd-bwyllgor Corfforaethol

b)         bod Cydbwyllgor Corfforedig Gogledd Cymru yn cytuno i sefydlu Is-bwyllgor, gan gytuno ar yr aelodaeth gyda’r Cynghorau, i ymgymryd â swyddogaethau’r Bwrdd Uchelgais Economaidd.

b)         Cytuno ar y trosglwyddiad er mwyn cael model llywodraethu mwy syml, sy’n osgoi dyblygu gwaith.  Bydd adroddiad manwl pellach ar y fframwaith er mwyn gweithredu’n dod ger bron y Cabinet mewn cyfarfod arall.

Cyflwynodd y Cynghorydd Mullin yr adroddiad ac eglurodd ei fod yn rhoi crynodeb o berfformiad ar ganol y flwyddyn.

Dywedodd y Prif Weithredwr ei fod yn dangos bod 70% o weithgareddau’n gwneud cynnydd da, ac roedd 73% yn debygol o gyflawni’r canlyniadau a gynlluniwyd.  Roedd 53% o'r dangosyddion perfformiad wedi cyrraedd neu ragori ar eu targedau, gyda 2% yn cael eu monitro'n agos ac roedd 20% ddim yn cyrraedd y targed ar hyn o bryd.  Roedd y 25% arall yn fesurau newydd ac yn cael eu monitro fel blwyddyn sylfaen.

Ychwanegodd yr Ymgynghorydd Perfformiad Strategol fod yr adroddiad yn un ar sail eithriadau ac yn canolbwyntio ar danberfformio ar y targedau.

Roedd y Cynghorydd Roberts yn dymuno cofnodi diolch i holl staff y Cyngor am eu hymdrechion yn ystod y pandemig, gan ychwanegu y byddai gwasanaethau hefyd yn parhau drwy gydol cyfnod y Nadolig.  Cytunodd y Prif Weithredwr â’r sylwadau hynny gan ddweud bod gan yr awdurdod le i ddiolch yn arbennig i’r staff.  Fe wnaeth pob aelod hefyd dalu teyrnged i’r holl staff.

PENDERFYNWYD:

(a)       Cymeradwyo a chefnogi’r canlynol:

·         Y lefelau cynnydd a hyder cyffredinol o ran cyflawni gweithgareddau o fewn Cynllun y Cyngor 2021/22

·         Y perfformiad cyffredinol yn erbyn dangosyddion perfformiad Cynllun y Cyngor 2021/22

(b)       Bod yr Aelodau'n cael eu sicrhau gan gynlluniau a chamau gweithredu i reoli'r gwaith o gyflawni Cynllun y Cyngor 2021/22 a gan yr esboniadau ar gyfer y meysydd hynny lle’r oedd tanberfformiad.

To note the Progress Action Plan October 2021.

Cyflwynodd y Cynghorydd Hughes yr adroddiad a oedd yn rhoi diweddariad blynyddol ar y cynnydd i gyflawni’r blaenoriaethau yn Strategaeth Tai Lleol 2019-24.

            Roedd cynllun gweithredu ar gyfer y Strategaeth Tai a oedd yn nodi tair blaenoriaeth gyda meysydd allweddol i weithredu arnynt o dan bob blaenoriaeth:

Blaenoriaeth 1: Cynyddu’r cyflenwad i ddarparu’r math cywir o gartrefi yn y lleoliad cywir

Blaenoriaeth 2: Darparu cefnogaeth i sicrhau bod pobl yn byw ac yn aros yn y math cywir o gartref

            Blaenoriaeth 3: Gwella ansawdd a chynaliadwyedd cartrefi.

             Roedd pob un o’r blaenoriaethau wedi’u manylu yn yr adroddiad, ynghyd â sut y byddai’r Cyngor yn mynd i’r afael â’r blaenoriaethau yn y cynllun gweithredu.

PENDERFYNWYD:

Nodi adroddiad cynnydd Hydref 2021 y Cynllun Gweithredu.

Cyflwynodd y Cynghorydd Johnson yr adroddiad a oedd yn darparu’r wybodaeth fanwl ddiweddaraf am sefyllfa monitro’r gyllideb refeniw yn 2021/22 ar gyfer Cronfa’r Cyngor a’r Cyfrif Refeniw Tai am y flwyddyn ariannol, a chyflwynodd y sefyllfa, yn seiliedig ar incwm a gwariant gwirioneddol, fel yr oedd ym Mis 7.

Roedd yr adroddiad yn darogan sefyllfa’r gyllideb ar ddiwedd y flwyddyn ariannol, heb gamau gweithredu newydd i leihau pwysau o ran costau a/neu wella’r elw ariannol ar gynllunio effeithlonrwydd a rheoli costau, sef:

Cronfa’r Cyngor

• Swm gweithredol o £0.655m dros ben (heb gynnwys effaith dyfarniad cyflog yr NJC a fyddai’n cael ei dalu o gronfeydd wrth gefn), a oedd yn newid ffafriol o £0.428m o’r swm o £0.227m dros ben a adroddwyd ym Mis 6
• Amcangyfrif o falans o £6.543m yn y gronfa wrth gefn at raid ar 31 Mawrth 2022

Y Cyfrif Refeniw Tai

·         Amcangyfrif y bydd gwariant refeniw net yn ystod y flwyddyn £0.539m yn uwch na’r gyllideb

·         Amcangyfrif o falans terfynol o £3.933m ar 31 Mawrth 2022

Eglurodd y Rheolwr Cyllid Corfforaethol fod yr adroddiad hefyd yn rhoi manylion am sefyllfa pob portffolio; amrywiadau arwyddocaol y mis hwnnw; faint o’r arbedion effeithlonrwydd a gynlluniwyd ar gyfer y flwyddyn a gyflawnwyd; cyllid at argyfwng, cronfeydd wrth gefn heb eu clustnodi a chronfeydd wrth gefn wedi eu clustnodi.

Yn ystod 2021/22 hyd yma, roedd cyfanswm o hawliadau costau ychwanegol dan y Gronfa Galedi rhwng mis Ebrill a mis Hydref o £6.192m ac roedd £1.096m o hawliadau Colli Incwm yn Chwarter 1 a 2 ar gyfer Aura, Newydd a Cambrian Aquatics.

PENDERFYNWYD:

(a)       Nodi’r amcangyfrif o’r effaith ariannol ar gyllideb 2021/22; a

(b)       Chymeradwyo trosglwyddiad cyllidebol o £2.731m ar gyfer Costau Cyfleustodau Canolog o’r Portffolio Tai ac Asedau i Gyllid Canolog a Chorfforaethol.

To approve the updated Part 1 for the Council Plan 2022/23 in advance of consultation with Overview and Scrutiny Committees.

Cyflwynodd y Cynghorydd Mullin yr adroddiad ac eglurodd ei fod yn dangos blaenoriaethau allweddol y Cyngor ar gyfer cyfnod y weinyddiaeth newydd o bum mlynedd.  Roedd y Cynllun i gael ei adolygu’n flynyddol.

Roedd Cynllun Drafft 2022/23 wedi'i adolygu a'i adnewyddu o ran ei gynnwys yn dilyn yr ymateb i'r pandemig a'r Strategaeth Adfer.  Roedd y themâu a’r blaenoriaethau yr un fath ag ar gyfer 2021/22, ond roedd rhai datblygiadau gydag is-flaenoriaethau.

Roedd ‘uwch-strwythur’ y Cynllun yn parhau i gyd-fynd â set o chwech o Amcanion Lles.  Roedd y chwe thema’n parhau i roi ystyriaeth tymor hir i adfer, uchelgeisiau a gwaith dros y ddwy flynedd nesaf.  Roedd yr amlinelliad o Gynllun y Cyngor ar gyfer 2022/23, yn cynnwys y chwe thema, eu blaenoriaethau a chamau gweithredu, wedi’u hatodi i’r adroddiad.

PENDERFYNWYD:

Cytuno ar themâu a blaenoriaethau drafft Rhan 1 Cynllun y Cyngor.

To provide an update on the progress to date.

Cyflwynodd y Cynghorydd Jones yr adroddiad ac eglurodd fod Sir y Fflint, fel llawer o awdurdodau lleol, yn wynebu pwysau i fodloni’r galw mwy am ofal cymdeithasol, gyda phoblogaeth h?n ac asiantaethau gofal yn ei chael yn anodd recriwtio a chadw gweithwyr.  Gallai darparu gofal yn rhannau mwy gwledig y sir fod yn benodol broblemus.

            Yn dilyn astudiaeth ddichonoldeb, roedd menter beilot Micro-ofal wedi’i sefydlu i fynd i’r afael â’r broblem o gyflenwi gofal ac roedd yr awdurdod wedi bod yn llwyddiannus yn ei geisiadau am gyllid gan Cadwyn Clwyd a Llywodraeth Cymru (LlC) i gefnogi gweithredu'r prosiect.

            Roedd mentrau Micro-ofal yn cael eu diffinio fel cwmnïau bach â phum gweithiwr, gyda nifer ohonynt yn fasnachwyr unigol, yn darparu gofal neu wasanaethau'n ymwneud â gofal i drigolion Sir y Fflint.  Hyd yma, roedd y cynllun peilot wedi llwyddo i gefnogi 22 o unigolion i sefydlu a gweithredu fel busnes gofal annibynnol.  Ym mis Medi 2021, roedd y busnesau hynny’n darparu ar gyfer 79 o gleientiaid ac yn cynnig cyfartaledd o 497 awr o wasanaethau gofal, cymorth neu les.  O’r 497 awr, roedd 420 ar gyfer gofal personol a 77 awr ar gyfer gwasanaethau yn ymwneud â lles, e.e. glanhau, siopa a chwmni.

            Roedd y cynllun wedi bodloni pob un o dargedau dangosyddion perfformiad allweddol y ddau gyllidwr a gan ei fod mor llwyddiannus, roedd wedi’i ariannu am 12 mis arall drwy Gronfa Economi Sylfaenol LlC ar gyfer 2021/22.  Byddai’n cael ei ddefnyddio i barhau â’r cynllun Micro-ofal a thyfu nifer y microfusnesau a oedd wedi’u sefydlu ac yn darparu gofal yn y sir.

            Dywedodd yr Uwch Reolwr – Plant a’r Gweithlu, yn dilyn gwerthusiad cynnar o’r cynllun, fod micro-ofal yn Sir y Fflint eisoes i’w weld yn gwneud cyfraniad sylweddol i’r farchnad ofal.  Roedd yn creu swyddi cynaliadwy a datrysiadau gofal mwy lleol i bobl.  Roedd adborth gan gleientiaid, teuluoedd a swyddogion y Cyngor wedi bod yn hynod gadarnhaol.

            Canmolodd y Prif Weithredwr y gwasanaeth am y fenter arloesol oedd yn creu gwytnwch mewn marchnad dan bwysau a chroesawai y byddai’n ychwanegu gwerth at y gymuned.

            Croesawai’r Cynghorydd Bithell yr adroddiad, a oedd yn dangos y byddai gwasanaethau gofal addas yn cael eu darparu at anghenion unigol.  Gofynnodd sut y byddai hyfforddiant yn cael ei ddarparu i bobl a oedd yn ymgymryd â’r gwaith ac eglurodd yr Uwch Reolwr – Plant a’r Gweithlu fod hyfforddiant o safon wedi’i ddatblygu ac y byddai’r gwasanaeth yn sicrhau ei fod yn cael ei gyflwyno i bawb.

PENDERFYNWYD:

Parhau i gefnogi cynnydd a wnaed wrth gyflwyno’r cynllun peilot micro-ofal arloesol a chyfraniad cadarnhaol y cynllun i fodloni’r galw am ofal yn Sir y Fflint.

Byddai cofnodion y cyfarfod a gynhaliwyd ym mis Mehefin yn cael eu hystyried yng nghyfarfod mis Tachwedd.

PENDERFYNWYD:

Cyflwyno cofnodion mis Mehefin i gyfarfod mis Tachwedd.

Dim.

Cyflwynodd Pennaeth y Gwasanaethau Democrataidd yr adroddiad ac eglurodd, ar ôl etholiadau’r Cyngor cyfan, oedd yn digwydd ar gylch pum mlynedd, roedd Rhaglen Gynefino i Aelodau yn cael ei chynnig.   Bwriad y rhaglen oedd cynnwys Aelodau newydd a’r rhai sy’n dychwelyd.

                        I Aelodau  newydd, byddai’r pwyslais ar roi cyflwyniad i’w rôl newydd a rhannu gwybodaeth i’w galluogi i ddechrau eu datblygiad fel Cynghorydd.

                        I Aelodau  sy’n dychwelyd, y nod fyddai adnewyddu gwybodaeth, rhoi’r wybodaeth ddiweddaraf a sgiliau ychwanegol pan fo angen.

                        Roedd y Rhaglen wedi cael ei chyflwyno i Arweinwyr Gr?p ble’r oedd yn cael ei gefnogi.

                        Gofynnodd y Cynghorydd Bithell a oedd angen cyhoeddi dyfeisiau RSA i Aelodau o hyd.  Eglurodd Pennaeth y Gwasanaethau Democrataidd bod y dyfeisiau RSA yn cael eu hadeiladu i’r gliniaduron oedd yn cael eu cyhoeddi i Aelodau erbyn hyn. Mewn ymateb i gwestiwn arall, eglurodd y byddai’r ‘Pwy yw Pwy’ yn rhoi manylion yr uwch swyddogion. Byddai manylion cyswllt swyddogion eraill ar gael ar yr Infonet. Cydnabuwyd y byddai angen amserlen i gyflwyno Aelodau i gyfarfodydd dros y we. Gofynnodd y Cynghorydd Bithell am wybodaeth ynghylch sut gallai Aelodau  eu diogelu eu hunain. Dywedodd Pennaeth y Gwasanaethau Democrataidd fod y ddogfen yn cael ei diweddaru ac y byddai’n cael ei chylchredeg i’r holl Aelodau.  Mewn ymateb i sylw ar broblemau TG, eglurodd y Prif Swyddog (Llywodraethu) y byddai Pennaeth y Gwasanaethau Democrataidd a’r Arweinydd Tîm - Gwasanaethau Democrataidd yn rhoi manylion gwasanaeth trywydd cyflym sydd ar gael i Aelodau wrth gysylltu â’r Ddesg Gymorth TG.   Awgrymwyd y dylid rhannu’r amserlen gynefino ag ymgeiswyr cyn yr etholiad.

                        Roedd y Cynghorydd Smith yn croesawu’r sesiynau gyda’r nos.

Cafodd yr argymhellion yn yr adroddiad eu cynnig gan y Cynghorydd Chris Bithell a’u heilio gan y Cynghorydd Ian Smith.

PENDERFYNWYD:

(a)       Nodi’r sylwadau ar Raglen Gynefino Aelodau 2022; a

(b)       Cyflwyno’r awgrymiadau i’w cynnwys yn y Rhaglen Gynefino Aelodau i Bennaeth y Gwasanaethau Democrataidd.

Cyflwynodd y Dirprwy Swyddog Monitro yr adroddiad gan egluro bod y Pwyllgor wedi ystyried ym mis Mawrth 2021 adolygu’r Protocol ar gyfer Cyfarfod Contractwyr, fel rhan o adolygiad treigl y Pwyllgor o Gyfansoddiad y Cyngor.  Cafodd y rhannau o’r Protocol oedd yn ymwneud ag Aelodau a’u Trafodion â Chontractwyr/Datblygwyr a Thrydydd Parti eraill a allai fod yn ymgeisio neu’n ceisio contract gyda’r Cyngor eu diweddaru.

Penderfynodd y Pwyllgor y dylai’r rhannau o’r Protocol ar gyfer Cyfarfodydd â Chontractwyr oedd yn rhoi cyngor o ran Datblygwyr gael eu cynnwys yn y Cod Ymarfer Cynllunio ac y dylid ei ddiweddaru’n briodol.

Yng nghyfarfod y Cyngor ym mis Ebrill 2021, pan gafodd y Protocol diwygiedig ei gymeradwyo, gofynnodd Aelodau hefyd am i gyngor gael ei ychwanegu at y Cod Ymarfer Cynllunio ar y broses ymgynghoriad cyn ymgeisio.

Ystyriodd y Gr?p Strategaeth Cynllunio y newidiadau arfaethedig uchod i’r Cod Ymarfer Cynllunio ar 13 Mai 2021 a 10 Mehefin 2021 a gwnaed nifer o addasiadau ychwanegol, fyddai o gymorth i Aelodau oedd yn rhan o’r broses gynllunio. Yn ychwanegol, cynigiodd y Pwyllgor Safonau ddiwygiadau ychwanegol pellach ar 5 Gorffennaf 2021. Cafodd yr holl ddiwygiadau hyn eu hatodi i’r adroddiad.

Mewn ymateb i gwestiwn gan y Cynghorydd Bithell, eglurodd y Dirprwy Swyddog Monitro nad yw’n ofynnol i holl Aelodau’r Pwyllgor Cynllunio gael holl fanylion y cynnig yn y  cyfnod ymgynghori statudol cyn ymgeisio.  Dylid cysylltu â’r Aelodau Lleol fel y gallant gynghori am unrhyw faterion lleol i helpu’r datblygwr baratoi’r cais.  Roedd angen i Aelodau’r Pwyllgor Cynllunio gael eu gweld i fod yn ddiduedd gyda datblygwyr.

Wrth ymateb i gwestiwn arall, eglurodd y Prif Swyddog (Llywodraethu), os bydd y cymydog yn gofyn i Aelod edrych ar y safle o’i eiddo yn ystod ymweliad safle, ni fyddai hyn yn dderbyniol dim ond os byddai pob Aelod ar yr ymweliad safle yn mynd i weld y safle. Yn ychwanegol, ni ddylai ymweliadau safle gynnwys sgyrsiau ag aelodau o'r cyhoedd.

Gofynnodd y Cynghorydd Bithell am wybodaeth am y broses apeliadau.  Eglurodd y Dirprwy Swyddog Monitro bod y cynigwyr ac eilydd y cynnig yn erbyn argymhelliad y swyddogion yn cael eu gwahodd i gyfarfod â’r Swyddog Cynllunio perthnasol i baratoi datganiad mewn ymateb i apêl.

Gofynnodd y Cynghorydd Bithell a ellid rhoi unrhyw fanylion yn adran 15, Cwynion.  Eglurodd y Prif Swyddog (Llywodraethu) y gellid cynnwys y Weithdrefn Gwynion Gyhoeddus.  Roedd proses uwchgyfeirio ar gyfer Cynghorwyr oedd wedi codi mater a heb gael ymateb, ond ni fyddai’r manylion hyn yn cael eu rhoi mewn dogfen gyhoeddus.   Gofynnodd hefyd a ellid cynnwys adran yn y Cod Ymarfer Cynllunio i egluro y gellir darparu cyflwyniadau ysgrifenedig ymlaen llaw gan yr ymgeisydd, y sawl sydd o blaid y cais a’r sawl sydd yn erbyn y cais, i sicrhau bod eu datganiad yn gallu cael ei ddarllen ar eu rhan gan swyddog os na fyddant yn gallu mynychu’r cyfarfod.

Awgrymodd y Cynghorydd Peers y dylai’r geiriad “pan ofynnir amdano, dylid darparu cymorth o’r fath yn brydlon”, gael ei gynnwys yn adran 2.4.2.

Yn adran 4.3.1, holodd y Cynghorydd Peers a ddylid newid y geiriad, i “un ai dan yr eitem ar gyfer datgan buddiant neu ar yr eiliad pan fo’r Aelod yn sylweddoli bod ganddynt fuddiant”.

Croesawodd y Cynghorydd Peers y diweddariadau i adrannau 8.1 ac 8.2.  Ar gytundebau Adran 106, roedd yn teimlo y dylai pob Aelod o’r Pwyllgor fod yn ymwybodol o’r trafodaethau a gynhaliwyd cyn cyfarfod y Pwyllgor.  Roedd hefyd yn teimlo, pan fydd cynigwyr wedi crynhoi, gan amlinellu eu rhesymau dros wrthod, y dylid gofyn i weddill y Pwyllgor a ydynt yn cytuno â’r rhesymau dros wrthod.   Dywedodd y Prif Swyddog (Llywodraethu) y gellid trafod y ddau gynnig yna yn y Gr?p Strategaeth Cynllunio.

Mewn ymateb i gwestiwn gan y Cynghorydd Smith, dywedodd y Swyddog Monitro y byddai Pennaeth y Gwasanaethau Democrataidd a’r Arweinydd Tîm - Gwasanaethau Democrataidd yn ymchwilio i’r posibilrwydd o ddarparu rhaglenni a chofnodion y Gr?p Strategaeth Cynllunio i holl Aelodau’r Cyngor.

Cafodd yr argymhelliad yn yr adroddiad ei gynnig gan y Cynghorydd Chris Bithell ac eiliodd y Cynghorydd Mike Peers, yn cynnwys y canlynol fel y cynigiwyd yn ystod y drafodaeth:

·         Bod y Cod Ymarfer Cynllunio yn cynnwys y Weithdrefn Gwynion Gyhoeddus yn Adran 15

·         Bod y Cod Ymarfer Cynllunio yn cynnwys adran i egluro y gellir darparu cyflwyniadau ysgrifenedig ymlaen llaw gan yr ymgeisydd, y sawl sydd o blaid y cais a’r sawl sydd yn erbyn y cais, i sicrhau bod eu datganiad yn gallu cael ei ddarllen ar eu rhan gan swyddog os na fyddant yn gallu mynychu’r cyfarfod

·         Bod y geiriad “pan ofynnir amdano, dylid darparu cymorth o’r fath yn brydlon”, yn cael ei gynnwys yn adran 2.4.2

·         Bod y geiriad yn 4.3.1 yn cael ei newid i “un ai dan yr eitem ar gyfer datgan buddiant neu ar yr eiliad pan fo’r Aelod yn sylweddoli bod ganddynt fuddiant”

·         Bod y Gr?p Strategaeth Cynllunio yn ystyried awgrym y Cynghorydd Peers ar roi gwybod i holl aelodau’r Pwyllgor Cynllunio cyn y cyfarfod am unrhyw drafodaethau ar gytundebau Adran 106 ac a ddylid gofyn i bob Aelod o’r Pwyllgor a ydynt yn cytuno â’r rhesymau dros wrthod pan fydd y cynigiwr wedi crynhoi 

PENDERFYNWYD:

(a)       Bod y pwyllgor yn cymeradwyo’r addasiadau i’r Cod Ymarfer Cynllunio fel y nodwyd yn y newidiadau i Atodiad 1 yr adroddiad. 

(b)       Bod y Cod Ymarfer Cynllunio yn cynnwys y Weithdrefn Gwynion Gyhoeddus yn Adran 15;

(c)        Bod y Cod Ymarfer Cynllunio yn cynnwys adran i egluro y gellir darparu cyflwyniadau ysgrifenedig ymlaen llaw gan yr ymgeisydd, y sawl sydd o blaid y cais a’r sawl sydd yn erbyn y cais, i sicrhau bod eu datganiad yn gallu cael ei ddarllen ar eu rhan gan swyddog os na fyddant yn gallu mynychu’r cyfarfod;

(d)       Bod y geiriad “pan ofynnir amdano, dylid darparu cymorth o’r fath yn brydlon”, yn cael ei gynnwys yn adran 2.4.2;

(e)       Bod y geiriad yn 4.3.1 yn cael ei newid i “un ai dan yr eitem ar gyfer datgan buddiant neu ar yr eiliad pan fo’r Aelod yn sylweddoli bod ganddynt fuddiant”; a

(f)        Bod y Gr?p Strategaeth Cynllunio yn ystyried awgrym y Cynghorydd Peers ar roi gwybod i holl aelodau’r Pwyllgor Cynllunio cyn y cyfarfod am unrhyw drafodaethau ar gytundebau Adran 106 ac a ddylid gofyn i bob Aelod o’r Pwyllgor a ydynt yn cytuno â’r rhesymau dros wrthod pan fydd y cynigiwr wedi crynhoi. 

Cyflwynodd Pennaeth y Gwasanaethau Democrataidd yr adroddiad ac eglurodd ei fod yn rhoi manylion am y digwyddiadau a gynhaliwyd ers y cyfarfod diwethaf ym mis Mawrth 2021 a’r rhai oedd ar y gweill.

                        Yn y tabl a ganlyn, mae’r digwyddiadau ymgysylltu a gynhaliwyd ers y diweddariad diwethaf, yn cynnwys tri digwyddiad a oedd heb eu cynnal eto, a hefyd nifer yr Aelodau oedd yn bresennol fel y cytunwyd yn y cyfarfod diwethaf:

Gwahoddodd Aelodau i gysylltu ag ef gydag unrhyw awgrymiadau yr oeddent yn dymuno eu cyflwyno ar gyfer digwyddiadau datblygu Aelodau yn y dyfodol.

Dywedodd y Cynghorydd Bithell y byddai’n hoffi cael hyfforddiant ar y meddalwedd Cynllunio newydd cyn gynted y bydd ar gael.

Cynigiodd y Cynghorydd Joe Johnson yr argymhellion yn yr adroddiad ac eiliwyd gan y Cynghorydd Bob Connah.

PENDERFYNWYD:

(a)       Nodi’r cynnydd gyda’r Gweithdai, Sesiynau Briffio a’r Seminarau i Aelodau ers yr adroddiad diwethaf; a

(b)       Cyflwyno unrhyw awgrymiadau ar gyfer Gweithdai, Sesiynau Briffio neu Seminarau i Aelodau yn y dyfodol i Bennaeth y Gwasanaethau Democrataidd.