Penderfyniadau

Cyflwynodd y Swyddog Monitro’r adroddiad ac eglurodd bod y Protocol i Aelodau ar gyfer Delio â Chontractwyr/Datblygwyr a Thrydydd Partïon Eraill yn rhoi cyngor iddynt ynghylch sut i osgoi peryglu’r lefelau gofynnol o ran y didueddrwydd a’r tryloywder sy’n ofynnol ohonyn nhw a’r Cyngor wrth ddyfarnu contractau neu ystyried ceisiadau cynllunio.

Roedd yn bryd i’r protocol gael ei adolygu fel rhan o raglen dreigl y Pwyllgor o adolygu’r Cyfansoddiad.    Roedd adnewyddu’r protocol yn rheolaidd fel hyn yn gyfle i wirio bod y ddogfen yn dal i fod yn gyfredol.

Roedd y canllawiau ar ddelio â chontractwyr posibl yn parhau i fod yn angenrheidiol a dim ond angen diweddariadau bychan.   Roedd y canllawiau ar ddelio gyda datblygwyr angen eu diweddaru.   Fodd bynnag, wrth fynd i’r afael â’r materion hyn, roedd y protocol yn gorgyffwrdd â’r Cod Canllawiau Cynllunio.   Byddai’n well pe na bai’r protocol yn ceisio dyblygu cyngor a roddwyd yn rhywle arall a dylid tynnu’r rhannau yn ymwneud â chynllunio o’r ddogfen a diweddaru’r Cod Canllawiau Cynllunio yn lle.

Mewn ymateb i gwestiwn gan Julia Hughes, dywedodd y Swyddog Monitro yr ymhelaethir ar wybodaeth ynghylch Aelodau’n datgan os oedd rhywun wedi siarad â nhw bedair gwaith neu fwy, pan fyddai’r Cod Canllawiau Cynllunio yn cael ei gyflwyno i’r Pwyllgor Safonau.   Gan ymateb i gwestiwn pellach, dywedodd y Swyddog Monitro nad oedd Cod Ymddygiad yr Aelodau wedi cael ei newid, ond roedd wedi gwneud y geiriad ym mhwynt 2.3 yn fwy clir.

Gofynnodd Julia Hughes a ddylid cyfeirio’r Polisi Anrhegion a Lletygarwch at y Pwyllgor Safonau.   Esboniodd y Swyddog Monitro nad oedd Polisi o’r fath, a bod y rhwymedigaethau ar gyfer datgan anrhegion a lletygarwch wedi’u hamlinellu yng Nghod Ymddygiad yr Aelodau. 

Eglurodd y Cynghorydd Johnson yr anawsterau a oedd weithiau’n codi oherwydd cyswllt gan ddatblygwyr mewn perthynas â cheisiadau cynllunio ac y dylai hawliau Aelodau wrth geisio penderfyniad y Pwyllgor gael eu diogelu.

Mewn ymateb i gwestiwn gan Rob Dewey, dywedodd y Swyddog Monitro y dylai’r swyddogion canlynol gael eu cofnodi yn adran 5.6 y protocol:  Prif Weithredwr, Swyddog Adran 151, Swyddog Monitro a Dirprwy Swyddog Monitro.

Byddai’r protocol yn cael ei ddiweddaru a’i adrodd i’r Gr?p Strategaeth Cynllunio cyn dychwelyd i’r Pwyllgor Safonau.   

PENDERFYNWYD:

(a)       Bod y rhannau o’r ‘Protocol i Aelodau ar gyfer Delio â Chontractwyr/Datblygwyr a Thrydydd Partïon Eraill’ sy’n ymwneud â delio â phartïon a allai fod yn cynnig neu'n ceisio contract â'r Cyngor yn cael eu diwygio fel y dangosir yn yr atodiad ac uchod; a

(b)       Bod y rhannau o’r Protocol i Aelodau ar gyfer Delio â Chontractwyr/Datblygwyr a Thrydydd Partïon Eraill yn ymwneud â Chynllunio yn cael eu trosglwyddo i’r Cod Canllawiau Cynllunio (i'r fath raddau nad ydynt eisoes wedi'u hymgorffori ynddo) a bod y Cod Canllawiau Cynllunio yn cael ei ddiweddaru.

Dim.

Cyflwynodd y Swyddog Monitro’r adroddiad a oedd yn darparu crynodeb o’r cwynion moesegol a gyflwynwyd i Ombwdsmon Gwasanaethau Cyhoeddus Cymru a oedd yn honni bod y Cod  wedi’i dorri.  Yn unol â phenderfyniad y Pwyllgor, roedd y cwynion yn gwahaniaethu rhwng y Cynghorau a’r Cynghorwyr gwahanol tra’n parhau i fod yn ddienw.

Roedd yr adroddiad yn darparu dealltwriaeth o’r nifer a’r mathau o gwynion a oedd yn cael eu gwneud, a chanlyniad yr ystyriaeth gan Ombwdsman Gwasanaethau Cyhoeddus Cymru.    Eglurodd y Swyddog Monitro fod y ffigyrau yn yr adroddiad yn anghywir ac y dylent ddarllen; “ers yr adroddiad diwethaf ym mis Tachwedd 2020, derbyniwyd 10 cwyn.  Roedd tair cwyn wedi’u datrys ers yr adroddiad hwnnw, ac roedd saith yn weddill.”  Fel yn yr adroddiadau blaenorol, roedd un Cyngor yn wynebu’r rhan fwyaf o’r cwynion ac roedd y Swyddog Monitro wedi ymgysylltu’n ddiweddar ag Ombwdsman Gwasanaethau Cyhoeddus Cymru fel hwylusydd allanol mewn ymgais i wella’r sefyllfa o fewn y Cyngor hwnnw.    Roedd diweddariad pellach ar gael, gan fod chwech o’r saith cwyn wedi’u datrys ers i’r rhaglen gael ei dosbarthu. 

PENDERFYNWYD:

Nodi’r nifer a’r math o gwynion.

Cymeradwywyd cofnodion y cyfarfod a gynhaliwyd ar 11 Ionawr 2021 fel cofnod cywir.

PENDERFYNWYD:

Cymeradwyo'r cofnodion fel cofnod cywir.

Cyflwynodd y Swyddog Monitro yr adroddiad ac eglurodd bod Ombwdsmon Gwasanaethau Cyhoeddus Cymru wedi cyhoeddi canllawiau i Gynghorwyr ar sut i ddehongli’r Cod Ymddygiad.   Roedd y canllawiau’n berthnasol i Gynghorwyr Sir ac roeddent hefyd yn cynnwys Awdurdodau Tân a Pharciau Cenedlaethol.

Roedd yr Ombwdsmon wedi cyhoeddi ymgynghoriad ar ddiwygiadau arfaethedig i’r canllawiau, ac roedd dolen gyswllt i’r diwygiadau drafft wedi’i chynnwys yn yr adroddiad.

Yn ogystal, roedd Ombwdsman Gwasanaethau Cyhoeddus Cymru wedi cyhoeddi canllawiau ar wahân ar gyfer Cynghorwyr Tref a Chymuned, ac roedd dolen gyswllt hefyd wedi’i chynnwys yn yr adroddiad.

Nid oedd y newidiadau i’r ddwy set o ganllawiau yn newid cyngor presennol ar ystyr y Cod yn y bôn.   Roedd y newidiadau yn ceisio gwella cynllun, gwella eglurder a rhoi enghreifftiau diweddar o ganlyniadau achosion go iawn. 

Y prif newidiadau oedd:

·         Roedd yr Ombwdsmon wedi ehangu’r eglurhad o’r prawf 2 gam a ddefnyddir i benderfynu a ddylid ymchwilio i g?yn neu beidio;

·         Canllawiau mwy pendant ac ychydig yn fwy clir ar ryddid i lefaru oherwydd ei fod yn effeithio ar y gofyniad i drin pobl â pharch, gwahardd bwlio ac anfri; a

·         Gwneud y canllawiau ar beth i’w wneud os oedd gan unigolyn gysylltiad personol yn fwy penodol a’u hehangu.

PENDERFYNWYD:

Croesawu’r newidiadau arfaethedig i’r canllawiau.

Cyflwynodd y Swyddog Monitro’r Rhaglen Gwaith i’r Dyfodol i’w hystyried. 

Roedd y Rhaglen wedi’i strwythuro fel y cytunwyd yng nghyfarfod blaenorol y Pwyllgor Safonau. 

PENDERFYNWYD:

Cytuno ar y Rhaglen Gwaith i’r Dyfodol.

            Diolchodd y Cynghorydd Johnson i’r Cadeirydd a oedd yn gadael gan mai hwn oedd ei gyfarfod olaf ar ôl treulio dau dymor yn y swydd.   Dymunodd yr Aelodau a’r Swyddog Monitro’n dda i Rob Dewey a diolchwyd iddo am ei waith caled yn ystod ei gyfnod ar y Pwyllgor Safonau.  Diolchodd Rob Dewey am yr holl gefnogaeth a’r anogaeth roedd wedi’u cael dros y blynyddoedd, a’r holl waith roedd aelodau a swyddogion yn ei roi i’r Pwyllgor.

Cyflwynodd y Swyddog Monitro yr eitem a oedd yn rhoi cyfle i aelodau annibynnol y Pwyllgor Safonau roi adborth o’r cyfarfodydd yr oeddent wedi’u mynychu a’u harsylwi yn y Cyngor. 

Mynychwyd y cyfarfodydd canlynol:

·         Y Cabinet – 19.01.21 (Julia Hughes)

·         Pwyllgor Trosolwg a Chraffu Y Gymuned, Tai ac Asedau - 20.01.21 (Rob Dewey)

·         Pwyllgor Trosolwg a Chraffu Gofal Cymdeithasol ac Iechyd - 21.01.21 (Phillipa Earlam)

·         Cyngor Sir y Fflint - 26.01.21 (Julia Hughes)

·         Pwyllgor Trosolwg a Chraffu’r Amgylchedd a’r Economi - 09.02.21 (Rob Dewey)

·         Pwyllgor Trosolwg a Chraffu Adnoddau Corfforaethol - 11.02.21 (Mark Morgan)

Crynhodd y Swyddog Monitro’r negeseuon cyffredin o’r adborth fel a ganlyn: 

·         Diffyg gwahaniaethu rhwng Aelodau a swyddogion;

·         Esboniadau’n cael eu rhoi pan oedd jargon yn cael ei ddefnyddio;

·         Roedd angen sicrhau bod datganiadau o gysylltiad yn glir p’un ai oeddent yn bersonol, neu’n bersonol ac yn rhagfarnu;

·         Dylid esbonio bod areithiau’n cael eu hamseru;

·         Roedd cyfarfodydd yn cael eu cynnal yn dda.

Awgrymodd fod rhestr yn cael ei llunio gyda meysydd arfer da a lle gallai pethau gael eu gwella er eglurder.

PENDERFYNWYD:

(a)       Nodi ymweliadau’r aelodau annibynnol i gyfarfodydd y Cyngor Sir; a

(b)       Llunio rhestr o feysydd o arfer da a lle gallai pethau gael eu gwella er eglurder.

Dim.

Cyflwynodd y Cynghorydd Johnson yr adroddiad a oedd yn darparu’r wybodaeth fanwl ddiweddaraf am sefyllfa monitro’r gyllideb refeniw yn 2021/22 ar gyfer Cronfa’r Cyngor a’r Cyfrif Refeniw Tai ar gyfer y flwyddyn ariannol, a chyflwynodd y sefyllfa, yn seiliedig ar incwm a gwariant gwirioneddol, ar Mis 10. 

Roedd yr adroddiad yn rhagamcanu sefyllfa’r gyllideb ar ddiwedd y flwyddyn ariannol, heb gamau gweithredu newydd i leihau pwysau o ran costau a/neu wella’r elw ariannol ar gynllunio effeithlonrwydd a rheoli costau, sef:

Cronfa’r Cyngor

• Roedd y diffyg gweithredol o (£4.604m)  a oedd yn symudiad ffafriol o (£3.067m) o’r ffigwr diffyg (£1.537m) a adroddwyd ym Mis 9.
• Roedd balans y gronfa wrth gefn a rhagwelwyd ar 31 Mawrth 2022 yn £5.973m (ar ôl ystyried dyfarniad tâl NJC 2021/22 a’r cyfraniad cynyddol y Cronfa Wrth Gefn mewn Argyfwng a gytunwyd fel rhan o Gyllideb 2022/23).

Y Cyfrif Refeniw Tai

·         Rhagwelir y bydd gwariant refeniw net yn ystod y flwyddyn £0.382m yn uwch na’r gyllideb.

·         Rhagwelir mai’r balans terfynol ar 31 Mawrth 2022 fydd £4.035 miliwn.

Roedd y symudiad sylweddol ym Mis 10 o ganlyniad i gyllid Gofal Cymdeithasol ychwanegol ar gyfer pwysau’r Gaeaf, a gadarnhawyd yn hwyr yn y flwyddyn ariannol gan Lywodraeth Cymru o £2.167m, ynghyd â meini prawf cyllid grant ychwanegol yn cael ei ddiweddaru gan Lywodraeth Cymru o fewn Gwasanaethau Plant o £0.292m.

Roedd adroddiad hefyd yn rhoi manylion am sefyllfa pob portffolio; amrywiadau arwyddocaol y mis hwnnw; faint o’r arbedion effeithlonrwydd a gynlluniwyd ar gyfer y flwyddyn a gafodd eu cyflawni; cyllid mewn argyfwng; cronfeydd wrth gefn heb eu clustnodi a chronfeydd wrth gefn wedi eu clustnodi.

Gofynnodd y Cynghorydd Bithell a oedd unrhyw gostau yn gysylltiedig gyda difrod a gwaith clirio dilynol ar ôl y stormydd diweddar yn hysbys.  Dywedodd y Prif Weithredwr nad oedd y difrod wedi bod mor sylweddol a ofnwyd, a chadarnhaodd y Prif Swyddog (Gwasanaethau Stryd a Chludiant) eu bod dal i edrych ar y costau.

Mewn ymateb i gwestiwn arall gan y Cynghorydd Bithell, eglurodd y Prif Weithredwr bod ynni wedi’i brynu ymlaen llaw gyda chytundeb nwy yn rhedeg allan ym mis Ebrill 2023, a chytundeb trydan yn rhedeg allan ym mis Hydref 2022.

PENDERFYNWYD:

(a)       Nodi’r adroddiad a’r effaith ariannol a amcangyfrifir ar gyllideb 2021/22; a

(b)       Chymeradwyo’r ceisiadau i ddwyn arian ymlaen.

To seek approval to sign the Joint Committee Agreement for the proposed Joint Committee.

Cyflwynodd y Cynghorydd Jones yr adroddiad ac eglurodd drwy Gymdeithas Llywodraeth Leol Cymru (CLlLC), bod cynigion wedi cael eu datblygu i ehangu’r strwythur llywodraethu’r Gwasanaeth Mabwysiadu Cenedlaethol i gynnwys dull cenedlaethol i wasanaethau maethu penodol drwy Maethu Cymru (FW). 

Roedd cyfreithwyr CLlLC wedi drafftio Cytundeb Cyfreithiol Cyd-bwyllgor sydd i’w lofnodi gan 22 o’r awdurdod lleol gyda’r Cytundeb yn cynnwys Cynllun dirprwyo ffurfiol gyda Cydbwyllgor, yn darparu mecanwaith ar gyfer holl awdurdod lleol Cymru i ryddhau a gweithredu rôl oruchwylio ar gyfer NAS a FW.

Eglurodd y Prif Swyddog (Gwasanaethau Cymdeithasol) bod yr adroddiad yn ceisio cytundeb i lofnodi Cytundeb Cydbwyllgor ar gyfer y Cydbwyllgor arfaethedig.  Byddai cytuno i’r cynigion, a llofnodi’r Cytundeb Cydbwyllgor, yn rhoi cydweithrediad Cyngor Sir y Fflint yn y trefniadau cydweithio ar sail ffurfiol.  Roedd y Cytundeb yn cadarnhau rolau a chyfrifoldebau ar gyfer gwesteio, a darparu cyfrifoldebau mabwysiadu a maethu.

Gofynnwyd i awdurdodau lleol i lofnodi a dychwelyd y Cytundeb ar y cyd i CLlLC erbyn 31 Mawrth 2022.  Byddai rhaid i bob awdurdod lleol enwebu Aelod o’r Pwyllgor Gweithredol/ Cabinet i fod yn Aelod sy’n pleidleisio ar y Cydbwyllgor.

Mewn ymateb i gwestiwn gan y Cynghorydd Bithell, eglurodd y Prif Swyddog (Gwasanaethau Cymdeithasol) bod cyllid ar gyfer hwn drwy grant a fydd yn dod i ben ym mis Mawrth 2023.  Codwyd yr angen am strategaeth ymadael cyllid gyda Llywodraeth Cymru i alluogi gwasanaeth cynaliadwy ar ôl cyfnod y grant.

Yn dilyn cwestiwn gan y Cynghorydd Banks, cadarnhaodd y Prif Swyddog (Llywodraethu) mai Aelod Cabinet Gwasanaethau Cymdeithasol dylai fod yn gynrychiolydd ar y Cydbwyllgor.

PENDERFYNWYD:

(a) Bod y cynigion i ddarparu trefniadau llywodraethu ar gyfer y Gwasanaeth Mabwysiadu Cenedlaethol Cymru, gan ei fod yn honni cyfrifoldeb i Maethu Cymru, yn cael eu mabwysiadu.

(b) Bod y Cabinet yn cefnogi llofnodi’r Cytundeb Cydbwyllgor ar gyfer y Gwasanaeth Mabwysiadu Cenedlaethol a Maethu Cymru;

(c)        Bod cynrychiolydd ar y Cydbwyllgor yn Aelod Cabinet Gwasanaethau Cymdeithasol; a

(d)       Bod datblygiad y dull cenedlaethol, dirprwyaeth cysylltiedig o lywodraethu, trefniadau craffu lleol yn cael eu hadrodd i’r Pwyllgor Gwasanaethau Democrataidd a Chyfansoddiad, Pwyllgor Trosolwg a Chraffu Iechyd a Gofal a’r Cyngor Llawn.

Cyflwynodd y Cynghorydd Bithell yr adroddiad ac eglurodd bod Rheoliadau Lles Anifeiliaid (Trwyddedu Gweithgareddau sy’n ymwneud ag anifeiliaid) (Cymru) 2021 yn gofyn, yn amodol ar feini prawf cymhwyso, bod unrhyw unigolyn sydd yn dymuno gwerthu anifeiliaid mewn busnes i gael trwydded gan eu hawdurdod lleol dan y rheoliadau hynny.

            Y prif newidiadau a gyflwynwyd gan y rheoliadau oedd:

·         Gofyn am drwydded gweithredwyr a oedd yn gwerthu anifeiliaid fel anifeiliaid anwes yn ystod rhedeg busnes, gan gynnwys cadw anifeiliaid yn ystod busnes gyda’r bwriad o gael eu gwerthu neu ailwerthu.

·         Cyflwyno safonau lles llymach i’r rheiny sydd yn gwerthu anifeiliaid fel anifeiliaid anwes.

·         Cyflwyno amodau trwyddedu gorfodol i’r rheiny sydd â thrwydded i werthu anifeiliaid fel anifeiliaid anwes.

·         Cyflwyno gwaharddiad ar werthiant trydydd parti masnachol o g?n a chathod bach.

Er mwyn ymdrin â cheisiadau a materion lles anifeiliaid, cynigiwyd bod pwerau o fewn y ddeddfwriaeth yn cael eu dirprwyo i’r Rheolwr Tîm- Trwyddedu a Rheoli Plâu a’r Rheolwr Gwasanaeth Diogelu Busnes a’r Gymuned.

PENDERFYNWYD:

(a)       Bod pwerau dirprwyedig yn cael eu rhoi i’r Rheolwr Tîm - Trwyddedu a Rheoli Plâu a’r Rheolwr Gwasanaeth Diogelu Busnes a’r Gymuned ar gyfer y pwerau canlynol o fewn Rheoliadau Lles Anifeiliaid (Trwyddedu Gweithgareddau sy’n ymwneud ag Anifeiliaid).

·         P?er i roi trwydded

·         P?er i wrthod trwydded

·         P?er i adnewyddu trwydded

·         P?er i amrywio trwydded

·         P?er i amrywio trwydded ar unwaith

·         P?er i weithredu amodau

·         P?er i atal trwydded

·         P?er i atal trwydded ar unwaith

·         P?er i adfer trwydded wedi’i gwahardd

·         P?er i ddiddymu trwydded

·         P?er i benodi arolygwyr

(b)       Bod Cyfansoddiad Cyngor Sir y Fflint yn cael ei ddiwygio i adlewyrchu’r newid; a

(c)        Bod unrhyw newidiadau i’r ddirprwyo pwerau o ran y rheoliadau hynny yn cael eu dirprwyo i’r Prif Swyddog (Cynllunio, Yr Amgylchedd a’r Economi) mewn trafodaeth gyda’r Aelod Cabinet Cynllunio a Gwarchod y Cyhoedd.

To present the NEWydd Catering & Cleaning Ltd Business Plan 2022/23 for endorsement.

Cyflwynodd y Cynghorydd Roberts yr adroddiad a oedd yn cynghori ar ganlyniad yr ymarfer ymgynghori statudol ar drefniadau derbyn ar gyfer 2023/24 i’w cymeradwyo.

Yn unol â Chod Derbyniadau Ysgol, roedd gofyn i’r awdurdod lleol gyflawni ymarfer ymgynghori statudol ar ei drefniadau derbyn ar gyfer y flwyddyn ganlynol.  Mae’n rhaid cwblhau’r ymgynghoriad erbyn 1 Mawrth a rhaid i drefniadau derbyn gael eu bennu erbyn 15 Ebrill bob blwyddyn.  Roedd ymgynghorai statudol yn cynnwys pob ysgol yn yr ardal, yr awdurdodau esgobaethol a’r awdurdodau cyfagos.

Roedd y trefniadau derbyn cyfredol wedi bod mewn lle ers 2003 a roedd y mwyafrif o ddewisiadau rhieni yn parhau i gael eu bodloni.  Amlinellwyd y nifer o apeliadau derbyn yn y blynyddoedd diweddar yn yr adroddiad.

Cynhaliwyd y broses ymgynghori rhwng 05.01.22 a 04.02.22 ac ni dderbyniwyd unrhyw sylwadau.  Nid oedd unrhyw newid arfaethedig i drefniadau derbyn.

PENDERFYNWYD:

Cymeradwyo’r trefniadau derbyn arfaethedig ar gyfer 2023/24.

PENDERFYNWYD:

Cofnodi’r penderfyniadau fel y dangosir ar amserlen y Ceisiadau Cynllunio sydd wedi ei gynnwys fel atodiad.

Dywedodd y Prif Swyddog (Cynllunio, yr Amgylchedd a’r Economi) nad oedd unrhyw eitemau i’w gohirio.

Cadarnhawyd bod cofnodion y cyfarfod a gynhaliwyd ar 2 Mawrth 2022 yn gofnod cywir, ar ôl i’r Cynghorwyr Chris Bithell a Gladys Healey eu cynnig a’u heilio.

PENDERFYNWYD:

Derbyn y cofnodion fel cofnod cywir a phriodol.

Yn ystod y drafodaeth am eitem rhif 6.1 (061585), datgelodd y Cynghorydd Christine Jones gysylltiad personol sy’n rhagfarnu a gadawodd y cyfarfod ar ôl siarad ac ni chymerodd ran yn y bleidlais.  Datgelodd gysylltiad personol sy’n rhagfarnu yn eitem 6.5 (063591) hefyd, a gadawodd y cyfarfod ar ôl siarad, cyn y drafodaeth a’r bleidlais.

Datgelodd y Cynghorydd Mike Peers gysylltiad personol sy’n rhagfarnu yn eitem 6.1 (061585) hefyd, a gadawodd y cyfarfod ar ôl siarad, cyn y drafodaeth a’r bleidlais.

Rhoi caniatâd cynllunio yn ddibynnol ar yr amodau a restrir yn yr adroddiad yn unol ag argymhelliad y swyddog.

Bod y cais yn cael ei ohirio, i gynnwys amodau ar gynllun rheoli safle adeiladu, symudiad traffig/cerbydau nwyddau trwm a chadw coed a gwrychoedd.

Gwrthod rhoi caniatâd cynllunio, yn groes i argymhelliad swyddog, ar y sail ganlynol:

·         Diffyg parcio dynodedig a darpariaeth llwytho/dadlwytho ar gyfer cerbydau darparu gwasanaeth.

·         Effaith ar fannau parcio dynodedig i bobl anabl.

Cymeradwyo caniatâd cynllunio yn amodol bod yr ymgeisydd yn ymrwymo i Rwymedigaeth Adran 106 neu wneud rhagdaliad o £1100 fesul annedd yn lle darpariaeth hamdden ar y safle, gyda’r arian yn cael ei ddefnyddio i wella darpariaeth chwarae plant bach ym Maes Chwarae King George Street.

Hefyd yn ddibynnol ar yr amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio yn ddarostyngedig i’r cais yn rhan o Rwymedigaeth Adran 106 i ddarparu’r canlynol:

·         Talu cyfraniad ariannol tuag at Addysg o £970,600.00 i Ysgol Gynradd Sealand ac Ysgol Uwchradd Penarlâg.

·         Sefydlu Cwmni Rheoli i reoli a chynnal a chadw man agored cyhoeddus ar y safle ac ardaloedd tirlunio cymunedol yn y dyfodol.

Hefyd yn ddibynnol ar yr amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio yn ddarostyngedig i’r cais yn rhan o Rwymedigaeth Adran 106 i ddarparu’r canlynol:

·         Sicrhau 100 annedd i fod yn fforddiadwy a’u cadw felly am byth.

·         Sicrhau bod Cwmni Rheoli yn cael ei gynnwys yng ngwaith rheoli a chynnal a chadw man agored cyhoeddus ar y safle ac ardaloedd tirlunio cymunedol.

Hefyd yn ddibynnol ar yr amodau a restrir yn yr adroddiad yn unol ag argymhelliad y swyddog.

Bod y cais yn cael ei ohirio, hyd nes y ceir ymweliad safle.