Agenda item

Rhoi diweddariad i Aelodau’r Pwyllgor ar gynnydd y Strategaeth Rheoli Arian Parod a Risg

          Cyflwynodd Mr Page ei hun i’r bwrdd a chyflwynodd y sesiwn hyfforddi cyflwyniad i’r llwybr hedfan. Bydd sesiynau manwl pellach yn cael eu trefnu i roi mwy o fanylion ar elfennau amrywiol.Roedd y cyflwyniad yn cynnwys prif amcanion y llwybr hedfan a gwnaed y pwyntiau allweddol canlynol;

-       Nod y strategaeth fuddsoddi yw darparu enillion uwchben chwyddiant, yn benodol chwyddiant CPI, o ystyried bod dyledion y Gronfa yn cynyddu gyda chwyddiant.

-       Mae enillion uwch uwchben chwyddiant yn golygu bod angen cyfraniadau cyflogwyr llai tuag at fuddion aelodau.I’r gwrthwyneb, byddai enillion llai uwchben chwyddiant yn golygu gofynion cyfraniadau uwch i gyflogwyr.

-       Er mwyn creu enillion, rhaid cymryd risg.Fodd bynnag, mae angen dod o hyd i gydbwysedd rhwng cymryd digon o risg i sicrhau bod cyfraniadau’n fforddiadwy, ond heb ormod o risg a all arwain at golledion ar fuddsoddiadau gan olygu cyfraniadau uwch yn y dyfodol.   Yr amcan trosfwaol yw bod yn deg i drethdalwyr presennol ac yn y dyfodol trwy gael cydbwysedd rhesymol.

-       Nod y strategaeth llwybr hedfan yw rheoli risgiau buddsoddi i wella fforddiadwyedd a sefydlogrwydd cyfraniadau cyflogwyr.

-       Mae’r llwybr hedfan yn ddull rheoli risg yn hytrach na mecanwaith dileu risg, ac yn gweithio ar y cyd gyda strategaeth fuddsoddi’r Gronfa.

-       Mae’r llwybr hedfan yn ceisio rheoli (h.y. mantoli)’r risgiau sy’n gysylltiedig â’r asedau a’r atebolrwyddau.Fodd bynnag, nid yw’n rheoli holl risgiau buddsoddi nac atebolrwydd; yn hytrach mae’n asesu os yw buddion rheoli risg penodol yn fwy na’r costau o wneud hynny.Mae ystyriaethau cost yn ymwneud â ffioedd rheolwr ac ymgynghori, costau trafodion, gofynion llywodraethu dechreuol a pharhaus ac effaith gyffredinol a thebygolrwydd o risg yn amlygu’n negyddol fel nad yw’r amcan yn cael ei fodloni.

-       Risg fwyaf y Gronfa yw cynnydd mewn chwyddiant, o ystyried bod buddion aelodau h.y. atebolrwyddau’r Gronfa, yn gysylltiedig â chwyddiant.Caiff hyn ei reoli drwy strategaeth Buddsoddiad a Gymhellwyd gan Atebolrwyddau, gyda’r nod o wneud y mwyaf o sicrwydd enillion dros chwyddiant pan mae cyfleoedd y farchnad yn codi trwy fecanwaith sbarduno yn seiliedig ar arenillion.Roedd y lefel mantoli yn flaenorol ar 20% ar gyfer cyfraddau llog a 40% ar gyfer chwyddiant.Mae’r Gronfa wedi penderfynu lleihau chwyddiant i 20% dros dro yng ngoleuni risg diwygio RPI a drafodwyd yn fanylach ar ôl yr hyfforddiant.

-       Mae’r llwybr hedfan hefyd yn rheoli risgiau negyddol ecwiti drwy strategaeth amddiffyn ecwiti, a’r risg mae sterling yn ei godi, drwy leihau gwerth asedau tramor yn nhermau GBP, drwy strategaeth mantoli cyfredol.

-       Mae’r llwybr hedfan yn ceisio gweithredu strategaethau rheoli risg mewn modd effeithlon.Caiff hyn ei dystiolaethu gan y dull “rhaeadr” sicrwydd cyfochrog, sy’n sicrhau bod y strategaethau yn cael eu cefnogi gan ddigon o sicrwydd cyfochrog (cronfa arian o asedau sy’n cefnogi’r fframwaith fantoli) ond nid gormod fel ei fod yn gweithredu fel rhwystr ar enillion y Gronfa.Mae sicrwydd cyfochrog dros ben yn cael ei fuddsoddi mewn arenillion uwch ond cronfeydd busnes dyddiol er mwyn creu enillion uwch, ond mae ar gael ar gyfer sicrwydd cyfochrog i gynnal safle mantoli os fydd ei angen ar fyr rybudd mewn modd llywodraethu isel.

-       Mae’r llwybr hedfan yn gweithredu trwy gyfres o gyfarfodydd y Gr?p Rheoli Risg a Chyllid gydag ymgynghorwyr a swyddogion bob chwarter, adrodd bob mis a bob chwarter a monitro lefel cyllid a sbardunau marchnad yn ddyddiol.Mae hyn yn caniatáu i gyfleoedd gael eu canfod ac mae gan y Pwyllgor bwerau dirprwyedig i Bennaeth Cronfa Bensiynau Clwyd i weithredu ar y cyfleoedd hynny yn amserol.

-       O ganlyniad uniongyrchol i weithredu’r llwybr hedfan, mae’r diffyg ariannol £250 miliwn yn well (popeth arall yn gyfartal) ers ei sefydlu yn 2014, sy’n gyfystyr ag oddeutu £15miliwn-£20miliwn y flwyddyn o arbedion cyfraniadau ar gyfer cyflogwyr. Yn amlwg mae hyn yn effaith gadarnhaol sylweddol ar gyfer y Gronfa a’i gyflogwyr.

                      Gofynnodd Mrs McWilliam sut oedd yr LDI yn rheoli risgiau atebolrwydd ar sleid 6. Cadarnhaodd Mr Page ei fod yn edrych ar chwyddiant a chyfraddau llog, sydd gyda’i gilydd yn darparu arenillion/enillion dros chwyddiant gyda lefel uchel o sicrwydd. Mae hyn yn cysylltu â phrif amcan y Gronfa o gyflawni enillion uwchben chwyddiant gyda sicrwydd cynyddol o ddarparu fforddiadwyedd a sefydlogrwydd i gyfraniadau cyflogwyr. Eglurodd Mr Page ei fod yn bwysig bod hyn yn digwydd ar yr amser iawn neu fel arall byddai’n rhy gostus i gyflawni sicrwydd. Dyma’r rheswm bod sbardunau yn eu lle pan fydd y cyfle’n codi.

            Gofynnodd Mrs McWilliam os y dylai’r Gronfa fod yn bryderus am fod yn unigryw yn y PPC drwy gael strategaeth llwybr hedfan.Cadarnhaodd Mr Page bod gan Gronfeydd Cynllun Pensiwn Llywodraeth Leol eraill strategaethau rheoli risg tebyg yn eu lle a bod rheoli risg yn faes a ganolbwyntir arno’n gynyddol o fewn y Cynllun Pensiwn Llywodraeth Leol.Er nad yw ar Raglen y PPC eto i gynnig portffolio a all ymgorffori strategaeth o’r fath, mae Brunel wedi penodi darparwr rheoli risg sy’n debyg i’r hyn sydd gan Gronfa Bensiynau Clwyd yn ei le.

            Nododd Mr Middleman nad yw holl syniadau rheoli risg a ystyrir yn cael eu gweithredu.Yn hytrach, mae risg yn cael ei asesu ac os y penderfynir ei fod yn risg materol, ystyrir ystod o opsiynau i’w reoli.Croesawodd Mr Everett fanylion pellach ar yr ystod o ddewisiadau mewn perthynas â gwneud penderfyniad er mwyn cynorthwyo i ddarparu cyd-destun pellach ar gyfer y Pwyllgor yn y dyfodol.

            Yn sgil y diwygiad arfaethedig gan y llywodraeth i ddiddymu RPI, cadarnhaodd Mr Page mai’r cynllun oedd alinio’r RPI presennol i’r CPIH yn y dyfodol, sy’n debyg i’r CPI ond yn cynnwys costau tai megis newidiadau i gyfraddau treth y cyngor. O safbwynt atebolrwydd, ni fydd unrhyw effaith gan fod yr atebolrwyddau yn gysylltiedig â’r CPI sydd ddim yn newid.Nododd Mr Page bod yr RPI ar hyn o bryd oddeutu 1% y flwyddyn yn uwch na’r CPIH, a byddai asedau mantoli chwyddiant y Gronfa sydd yn gysylltiedig â’r RPI yn gostwng mewn gwerth o dan y diwygiadau.Roedd Mr Page yn amcangyfrif mai’r senario waethaf bosibl fyddai cynnydd o £100 miliwn mewn diffyg ariannol.

            Yn y Gr?p Rheoli Risg a Chyllid, trafodwyd, yn sgil y newid posibl, os y dylid ailstrwythuro’r asedau mantoli chwyddiant.Daethpwyd i’r canlyniad y dylid gostwng y gymhareb mantoli chwyddiant o 40% i 20% o ganlyniad i liniaru’r risg cyn i’r ymgynghoriad ddechrau ar 11 Mawrth.Mae’r Gronfa dal i fod yn agored i gynnydd mewn chwyddiant ac mae risg ychwanegol na fydd y diwygiad yn digwydd, a dyma yw’r rhesymeg dros leihau hanner ac nid y cyfan.Felly, byddai’r cynnydd o £100 miliwn mewn diffyg ariannol a nodwyd uchod yn £50 miliwn yn y senarios gwaethaf bosibl a fodelir.Cadarnhaodd Mr Page yn yr hirdymor, dylai’r Gronfa geisio dychwelyd i’r gyfradd mantoli chwyddiant o 40% unwaith i ganlyniad yr ymgynghoriad ddod yn gliriach.Bydd yr ymgynghoriad yn rhedeg o 11 Mawrth 2020 am 6 wythnos ac mae’r Canghellor wedi ymrwymo i ymateb ar hyn erbyn Gorffennaf 2020.

            Gofynnodd y Cadeirydd os oedd unrhyw lwfans ar gyfer costau tai yn y CPI.Cadarnhaodd Mr Page nad yw wedi cael ei gynnwys yn y CPI ond wedi ei gynnwys yn y CPIH.CPIH yw ystadegau cenedlaethol y DU ar gyfer chwyddiant er nad yw’n cael ei ddefnyddio’n aml neu’n wybyddus.

            Holodd y Cadeirydd os y disgwylir ymgynghoriad ar ostyngiad treth llywodraeth.Dywedodd Mr Middleman y byddai’n synnu petai’n cael ei gyhoeddi yn y Gyllideb hwn, ond efallai y bydd ymgynghoriad yn cael ei gyhoeddi ar y mater o ystyried y ffynonellau o arian sydd ei angen gan y Llywodraeth.  Bydd y Pwyllgor yn cael ei ddiweddaru ar unrhyw faterion sy’n codi.

            Ychwanegodd Mr Page ar 31 Rhagfyr 2019, mai amcangyfrif y lefel cyllido oedd 94%, roedd yr amddiffyniad ecwiti wedi gwneud elw o £38 miliwn ers ei sefydlu, ac roedd y mantoli cyfredol wedi gwneud elw o £9 miliwn ers ei sefydlu.

Nodwyd yr adroddiad ac ni ofynnwyd unrhyw gwestiynau pellach.

          PENDERFYNWYD:

(a)  Bod y pwyllgor yn nodi’r adroddiad ar elfennau amrywiol y Fframwaith Rheoli Risg, diogelwch ecwiti a’r strategaeth fantoli gyfredol.

(b)  Cafodd y Pwyllgor wybod am y risg o’r diwygiad RPI posibl a’r gweithred cytbwys a gymerwyd i leihau’r risg yn ogystal â chostau.