Agenda item

Y Pwyllgor i adolygu trwyddedau yn unol â’r gofyniad i adolygu trwyddedau’n flynyddol

Cyflwynodd yr Is-swyddog Monitro yr adroddiad ac esboniodd bod rhaid adolygu pob rhyddhad a ganiateir gan y Pwyllgor Safonau ac sy’n parhau i fod ar waith gan y Pwyllgor unwaith bob 12 mis o'r dyddiad y caniatawyd y rhyddhad yn y lle cyntaf. 

Dosbarthodd yr Is-swyddog Monitro restr yr holl ganiatâd am ryddhad a roddwyd gan y Pwyllgor a oedd yn parhau i fod ar waith yn ogystal â’r rhai a oedd wedi dod i ben yn ddiweddar ond roedd y Cynghorwyr dan sylw wedi gofyn iddynt gael eu hymestyn.  Gofynnwyd i’r Pwyllgor benderfynu p’un ai a ddylai’r rhyddhad barhau i fod ar waith neu gael eu hymestyn.

Esboniodd yr Is-swyddog Monitro bod yna sawl caniatâd am ryddhad ar gofnod a oedd wedi’u rhoi 10 mlynedd ynghynt a bod llythyrau wedi cael eu hanfon at bob Aelod i roi gwybod iddynt am yr argymhelliad i ddileu rhyddhad a roddwyd 10 mlynedd yn ôl neu fwy.  Gofynnwyd i aelodau gysylltu â’r Swyddog Monitro i neu Is-swyddog Monitro os oedd ganddynt unrhyw bryderon am y cynnig.Gofynnwyd i’r pwyllgor ystyried a chymeradwyo cael gwared ar ryddhad a roddwyd dros 10 mlynedd ynghynt.  Cynigiodd y Cynghorydd Paul Johnson y dylid cytuno ar yr argymhelliad a chafodd hyn ei eilio gan Ken Molyneux a’i gymeradwyo gan y Pwyllgor.

Esboniodd yr Is-swyddog Monitro bod Cynghorwyr a chanddynt ryddhad effeithiol wedi cael gwybod am ofyniad y Pwyllgor Safonau i adolygu eu rhyddhad a phenderfynu p’un ai a fyddant yn parhau i gael effaith, yn ogystal â'r rheiny a chanddynt ryddhad a oedd wedi dod i ben yn ddiweddar.

PENDERFYNWYD:

Dileu pob rhyddhad a roddwyd gan y Pwyllgor Safonau dros 10 mlynedd ynghynt.

Cynghorydd Sir Dennis Hutchinson

Caniatáu rhyddhad i’r Cynghorydd Dennis Hutchinson o dan baragraff (h) Rheoliadau Pwyllgor Safonau (Caniatáu Rhyddhad) (Cymru) 2001 am gyfnod o 12 is (yn dod i ben ar 3 Medi 2018) i siarad yng nghyfarfodydd Cyngor Tref Bwcle wrth ystyried cais am gymorth ariannol gan Ganolfan Gymunedol Hawkesbury.  Mae’r rhyddhad yn caniatáu iddo aros yn yr ystafell i siarad ac ateb cwestiynau ond rhaid iddo adael yr ystafell (ac felly ddim pleidleisio) ar ôl gwneud hynny.

Cynghorwyr Sir Dennis Hutchinson a Mike Peers

Caniatáu rhyddhad i’r Cynghorwyr Dennis Hutchinson a Mike Peers am gyfnod o 12 mis (yn dod i ben ar 3 Medi 2018) o dan baragraffau (d), (f) a (h) Rheoliadau Pwyllgor Safonau (Caniatáu Rhyddhad) (Cymru) 2001 i gyfathrebu gyda swyddogion Cyngor Tref Bwcle a Chyngor Sir Y Fflint mewn pob mater sy’n gysylltiedig â Hen Neuadd Gymunedol Baddonau Bwcle Cyfyngedig i:

• siarad ac ateb cwestiynau
• Gadael y cyfarfod cyn i’r ddadl ddechrau
• peidio â phleidleisio
• cyfathrebu gyda swyddogion mewn ysgrifen
• trafod gyda swyddogion os oedd o leiaf 3 pherson yn bresennol - 2 annibynnol (nid ymddiriedolwr arall na’u gwraig) a bod trafodaethau’n cael eu cofnodi

            Cynghorydd Sir Dennis Hutchinson

Caniatáu rhyddhad i’r Cynghorydd Dennis Hutchinson am gyfnod o 12 mis (yn dod i ben ar 3 Medi) o dan baragraffu (d) ac (f) Rheoliadau Pwyllgor Safonau (Caniatáu Rhyddhad) (Cymru) 2001 i siarad am bum munud mewn perthynas â chais cynllunio rhif 056023 a hefyd ceisiadau dilynol am ddatblygiad preswyl ar y tir gyferbyn y ceir mynediad iddo drwy’r cais hwnnw, ac i gyfathrebu gyda swyddogion mewn ysgrifen. 

Cynghorwyr Tref Stephen Rodham a Shelley Streeter

Y dylai’r rhyddhau a roddwyd gan y Pwyllgor ar 4^ydd Gorffennaf 2016 mewn perthynas â Throsglwyddo Ased Cymunedol y Ganolfan Gymunedol, Llyfrgell a Chanolfan Ieuenctid barhau nes yr 2^il Hydref 2017, pan ddaw i ben, oni fydd y Cynghorwyr wedi cysylltu â'r Swyddog Monitro neu Is-swyddog Monitro cyn y dyddiad hwnnw gyda chais i’r Pwyllgor ystyried ymestyn y rhyddhad, a bod y cais hwnnw yn cael ei ystyried yng nghyfarfod nesaf y Pwyllgor. 

Cynghorwyr Cymunedol J Lamb a H Lamb

Y dylai’r rhyddhad a roddwyd gan y Pwyllgor ar 4ydd Gorffennaf 2016 mewn perthynas â Throsglwyddo Ased Cymunedol y Ganolfan Gymunedol, Llyfrgell a Chanolfan Ieuenctid barhau nes yr 2il Hydref 2017, pan ddaw i ben, oni fydd y Cynghorwyr wedi cysylltu â'r Swyddog Monitro neu Is-swyddog Monitro cyn y dyddiad hwnnw gyda chais i’r Pwyllgor ystyried ymestyn y rhyddhad, a bod y cais hwnnw yn cael ei ystyried yng nghyfarfod nesaf y Pwyllgor. 

Cynghorydd Sir Veronica Gay

Y dylai’r rhyddhad a roddwyd gan y Pwyllgor ar 4^ydd Gorffennaf 2016 mewn perthynas â Throsglwyddo Ased Cymunedol y Ganolfan Gymunedol, Llyfrgell a Chanolfan Ieuenctid barhau nes yr 2^il Hydref 2017, pan ddaw i ben, oni fydd y Cynghorwr wedi cysylltu â'r Swyddog Monitro neu Is-swyddog Monitro cyn y dyddiad hwnnw gyda chais i’r Pwyllgor ystyried ymestyn y rhyddhad, a bod y cais hwnnw yn cael ei ystyried yng nghyfarfod nesaf y Pwyllgor. 

Cynghorydd Sir Mike Peers

Bod y rhyddhad a roddwyd gan y Pwyllgor ar 7^fed Gorffennaf 2014 i'r Cynghorydd Mike Peers allu cymryd rhan yng nghyfarfodydd Cyngor Tref Bwcle pan fydd yn dadlau am faterion sy’n effeithio ar Gyngor Cymunedol Hawkesbury barhau nes 3 Medi 2018 pan ddaw i ben.  Rhoddir y rhyddhad o dan baragraffau (d) ac (f) Rheoliadau Pwyllgor Safonau (Caniatáu Rhyddhad) (Cymru) 2001 ac mae’n caniatáu i’r Cynghorydd Peers gysylltu â swyddogion mewn ysgrifen, aros yn yr ystafell i siarad ac ateb cwestiynau ond rhaid iddo adael yr ystafell (ac felly peidio â phleidleisio) ar ôl gwneud hynny.

Cynghorydd Cymunedol K Houghton ac aelodau eraill Cyngor Cymunedol Argoed a oedd y cael eu cynrychioli ar MIFFY

Y dylai’r rhyddhad a roddwyd gan y Pwyllgor ar 14^eg Medi 2009 mewn perthynas â darparu cyfleusterau ieuenctid yn ardal y cyngor cymunedol barhau nes yr 2^il Hydref 2017, pan ddaw i ben, oni fydd clerc y Cyngor Cymunedol wedi cysylltu â'r Swyddog Monitro neu Is-swyddog Monitro ar ran y Cynghorwyr Cymunedol cyn y dyddiad hwnnw gyda chais i’r Pwyllgor ystyried ymestyn y rhyddhad, a bod y cyfryw gais yn cael ei ystyried yng nghyfarfod nesaf y Pwyllgor. 

Bod pob rhyddhad sy’n weddill a roddwyd gan y Pwyllgor, yn ôl y rhestr a ddosbarthwyd gan yr Is-bwyllgor Monitro yn y cyfarfod, yn cael eu dileu.