Rhaglen a chofnodion

Ar eitem 6.6 (058583) ar y rhaglen, datganodd y Cynghorydd Dunbar gysylltiad personol sy’n rhagfarnu gan ei fod yn llywodraethwr Ysgol Gynradd Gwepra a fyddai’n elwa o gyfraniad ariannol addysg pe bai’r cais yn cael ei gymeradwyo.  Byddai’n gadael yr ystafell ar gyfer yr eitem honno ac ni fyddai’n cymryd rhan yn y drafodaeth na’r bleidlais.

Ar eitem 6.1 (058489) ar y rhaglen, dynododd y Cynghorydd Hutchinson y byddai’n siarad fel Aelod lleol, a datganodd gysylltiad personol sy’n rhagfarnu gan ei fod yn berchen ar dir gerllaw safle’r cais.  Roedd y Cynghorydd Hutchinson wedi cael caniatâd gan y Pwyllgor Safonau i siarad ar yr eitem.

Rhoddodd y Cadeirydd gyfle i’r Aelodau ddarllen y sylwadau hwyr a rannwyd yn ystod y cyfarfod ac a oedd wedi eu hatodi i'r rhaglen ar wefan Cyngor Sir y Fflint:

http://cyfarfodyddpwyllgor.siryfflint.gov.uk/ieListDocuments.aspx?CId=490&MId=4366&Ver=4&LLL=1

Pwrpas:        I gadarnhau, fel cofnod cywir gofnodion y cyfarfod ar 6 Chwefror 2019.

Cafodd cofnodion drafft y cyfarfod ar 6 Chwefror 2019 eu cyflwyno a’u cadarnhau fel cofnod cywir.

PENDERFYNWYD:

Cymeradwyo’r cofnodion fel cofnod gwir a chywir a’u llofnodi gan y Cadeirydd.

Cyfeiriodd y Prif Swyddog (Cynllunio, Amgylchedd a’r Economi) at y sylwadau hwyr a chynghorodd bod yr eitem ganlynol wedi’i hargymell i’w gohirio, er mwyn canfod a oedd y cyfraniadau addysg yn cydymffurfio â rheoliadau CIL.  Pe cytunwyd gohirio, byddai’r eitem yn cael ei dwyn yn ôl i’r cyfarfod nesaf.

Eitem 6.4 ar y Rhaglen - Cais Llawn – Codi 32 o anheddau ar dir ar Ffordd Penarlâg, Penyffordd (059352)

Cynigodd y Cynghorydd Lloyd ohirio a gafodd ei eilio gan y Cynghorydd Dunbar.  Ar gael ei rhoi i’r bleidlais, cafodd yr eitem ei gohirio.

PENDERFYNWYD:

Gohirio eitem 6.4 (059352) ar y rhaglen tan y cyfarfod nesaf o’r Pwyllgor am y rhesymau a nodwyd.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau a gyflwynwyd ar y rhestr o Geisiadau Cynllunio oedd ynghlwm fel atodiad.

Bod caniatâd cynllunio yn cael ei wrthod, yn unol ag argymhelliad y  swyddog.

Rhoi caniatâd cynllunio ar yr amod fod yr ymgeisydd yn derbyn Rhwymedigaeth Adran 106 ac yn ddibynnol ar yr amodau a amlinellwyd yn yr adroddiad, yn unol ag argymhelliad y swyddog.

Bod caniatâd cynllunio yn cael ei wrthod, yn unol ag argymhelliad y swyddog.

GOHIRIWYD er mwyn penderfynu ar ganlyniad y sylwadau hwyr mewn perthynas â'r cyfraniad addysg yn cydymffurfio â rheoliadau CIL.

Rhoi caniatâd cynllunio yn ddibynnol ar yr amodau a restrir yn yr adroddiad yn unol ag argymhelliad y swyddog.

Rhoi caniatâd cynllunio ar yr amod fod yr ymgeisydd yn derbyn Rhwymedigaeth Adran 106 ac yn ddibynnol ar yr amodau a amlinellwyd yn yr adroddiad, yn unol ag argymhelliad y swyddog.

Rhoi caniatâd cynllunio ar yr amod fod yr ymgeisydd yn derbyn Rhwymedigaeth Adran 106 ac yn ddibynnol ar yr amodau a amlinellwyd yn yr adroddiad, yn unol ag argymhelliad y swyddog.

Nodwyd.

Nodwyd.

Nodwyd.

Ar ddechrau’r cyfarfod roedd 19 aelod o’r cyhoedd ac un aelod o’r wasg yn bresennol.