Rhaglen a chofnodion

Ni ddatganwyd cysylltiad.

            Dywedodd y Cynghorydd Peers ei fod wedi derbyn llythyr gan Gyfreithiwr yn cynnwys cyhuddiadau ffug yn ei erbyn o ran eitem rhif 6.2 ar y rhaglen – 058212 - Cais Amlinellol – datblygiad preswyl, gan gynnwys mynediad, man agored a holl waith cysylltiol ym Mythynnod Woodside, Bank Lane, Drury.    Nid oedd wedi anfon unrhyw lythyrau at aelodau o’r Pwyllgor Cynllunio ac nid oedd wedi siarad gyda nhw am y cais nac wedi cyflwyno unrhyw sylwadau. Roedd y llythyr yn awgrymu y dylai’r Cynghorydd Peers gael ei ymchwilio a’i wahardd o’r Pwyllgor Cynllunio. Dywedodd ei fod wedi siarad â’r Uwch Gyfreithiwr a ddywedodd y dylai siarad fel Aelod lleol ac nid fel aelod o’r Pwyllgor Cynllunio a byddai'n gwneud hynny, a byddai'n gadael yr ystafell yn dilyn ei anerchiad ac ni fyddai'n pleidleisio.

            Mynegodd Aelodau’r Pwyllgor Cynllunio eu siom fod y Cynghorydd Peers yn wynebu cyhuddiadau o’r fath, gan egluro bod holl aelodau’r Pwyllgor Cynllunio yno yn eu dyletswydd ar ran trigolion lleol.    

Rhoddodd y Cadeirydd gyfle i’r Aelodau ddarllen y sylwadau hwyr a rannwyd yn ystod y cyfarfod ac a oedd wedi eu hychwanegu i'r rhaglen ar wefan Cyngor Sir y Fflint:

http://committeemeetings.flintshire.gov.uk/documents/s50660/Late%20Observations.pdf?LLL=0

I gadarnhau, fel cofnod cywir gofnodion y cyfarfod ar 18 Gorffennaf 2018.

Cafodd cofnodion drafft y cyfarfod ar 18 Gorffennaf 2018 eu cyflwyno a’u cadarnhau fel cofnod cywir.

PENDERFYNWYD:

Cymeradwyo’r cofnodion fel cofnod gwir a chywir a’u llofnodi gan y Cadeirydd.

Nododd y Prif Swyddog (Cynllunio a’r Amgylchedd) na argymhellodd y swyddogion i unrhyw rai o’r eitemau ar y rhaglen gael eu gohirio. Cynigiodd y Cynghorydd Owen Thomas i ohirio eitem rhif 6.5 ar y rhaglen - Cais Llawn – Adnewyddu a newid defnydd safle hen siop i greu t? gwyliau ar osod un ystafell wely ac ardal gardd yn Swyddfa'r Post, Ffordd y Llan, Cilcain.  Ei reswm dros y cynnig oedd er mwyn gallu cynnal ymweliad safle. Yn dilyn trafodaeth, cytunwyd i ganiatáu ystyried y cynnig i ohirio i alluogi aelodau'r cyhoedd oedd yn bresennol ar gyfer yr eitem honno i adael y Siambr, os byddai'r eitem yn cael ei gohirio.

Yn dilyn pleidlais, cafodd eitem rhif 6.5 ar y rhaglen - 058434 - Cais Llawn – adnewyddu a newid defnydd safle hen siop i greu t? gwyliau ar osod un ystafell wely ac ardal gardd yn Swyddfa'r Post, Ffordd y Llan, Cilcain ei gohirio er mwyn cynnal ymweliad safle.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi penderfyniadau fel y dangosir ar y rhestr o Geisiadau Cynllunio sydd ynghlwm fel atodiad.

Bod caniatâd cynllunio yn cael ei wrthod ar sail y rhesymau yn adroddiad y swyddog.

Bod caniatâd cynllunio yn cael ei wrthod, yn erbyn argymhelliad swyddog, ar y sail canlynol:

• Mynediad annigonol fyddai’n cael effaith difrifol ar ddiogelwch priffordd ac amwynder yn gwrthdaro gyda Pholisi FUDP AC13; a
• Roedd y cynlluniau mynegol yn dangos y tebygolrwydd o ddefnydd aneffeithiol o dir oedd yn groes i nod FUDP HSG8.

Bod caniatâd cynllunio yn cael ei wrthod, yn erbyn argymhelliad swyddog, ar y sail canlynol:

• Gwrthdaro gyda meini prawf ac FUDP SR2; a
• Byddai natur y cynnig yn rhoi bod i ddefnyddio bocsys ceffylau ar briffordd serth a fyddai’n cael effaith andwyol ar ddiogelwch y defnyddwyr priffordd yn gwrthdaro gyda FUDP AC13.

Bod caniatâd cynllunio yn cael ei wrthod ar sail y rhesymau yn adroddiad y swyddog.

Gohirio. Cynnig gan y Cynghorydd Owen Thomas, a phleidleiswyd er mwyn gallu cynnal ymweliad safle.

Bod y penderfyniad gan Weinidogion Cymru i wrthod, am y rhesymau a nodwyd yn yr adroddiad yn cael ei nodi.

Nodwyd.

Nodwyd.

Nodwyd.