Rhaglen a chofnodion

Roedd y Cynghorydd Neville Phillips yn datgan cysylltiad personol sy’n rhagfarnu ag eitem 6.1 ar y rhaglen (061572) gan fod aelod o’r teulu yn berchen ar eiddo cyfagos. 

            Datganodd y Cynghorydd Mike Peers gysylltiad personol sy’n rhagfarnu ag eitem 6.1 (061572) ar y rhaglen, oherwydd bod aelod o’r teulu wedi’i gyflogi gan Clwyd Alyn (yr ymgeisydd ar y cyd).

            Roedd yr Aelodau canlynol yn datgan bod naill ai’r ymgeisydd, asiant neu’r gwrthwynebwyr wedi cysylltu â nhw dair gwaith neu fwy ar eitem 6.2 (059396) ar y rhaglen:

Cynghorwyr:Bernie Attridge, Ian Dunbar, Kevin Hughes, Christine Jones, Richard Jones, Paul Johnson, Richard Lloyd, Mike Peers,  Owen Thomas, a David Wisinger (Cadeirydd).

            Datganodd y Cynghorydd Mike Peers gysylltiad personol a oedd yn rhagfarnu ag eitem 6.4 (061720) ar y rhaglen gan ei fod yn berchennog yr eiddo. Dywedodd y Cynghorydd Peers fod y Pwyllgor Safonau wedi caniatáu goddefeb iddo ar 30 Tachwedd 2020, i ysgrifennu’n uniongyrchol at swyddogion a’r Pwyllgor Cynllunio yngl?n â’i gais. 

Eglurodd y Cadeirydd fod y sylwadau hwyr wedi cael eu dosbarthu i Aelodau’r Pwyllgor cyn y cyfarfod,  ac atodwyd copi ohonynt i’r rhaglen ar wefan Cyngor Sir y Fflint:

I gadarnhau, fel cofnod cywir gofnodion y cyfarfod ar 28 Hydref 2020. 

Cadarnhawyd bod cofnodion drafft y cyfarfod a gynhaliwyd ar 28 Hydref 2020 yn gofnod cywir, ar ôl i’r Cynghorydd Chris Bithell eu cynnig a’r Cynghorydd Ian Dunbar eu heilio. 

PENDERFYNWYD:

Cymeradwyo’r cofnodion fel cofnod gwir a chywir a bod y Cadeirydd yn eu llofnodi.

Nid oedd dim eitemau wedi'u hargymell i'w gohirio.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau fel y’i cyflwynwyd ar y rhestr o Geisiadau Cynllunio a oedd ynghlwm fel atodiad.

Roedd yna un aelod o’r wasg yn bresennol.