Rhaglen a chofnodion

Datganodd y Cynghorydd Patrick Heesom gysylltiad personol a sy’n rhagfarnu yn eitem rhif 6.5 yn y rhaglen - Cais Llawn - Newid Defnydd o Dir i Safle Carafan Deithiol/Pabell yn Old Tavern, Llanerch-y-Môr, Treffynnon.  Dywedodd y Cynghorydd Heesom y byddai'n gadael yr ystafell cyn y drafodaeth a'r bleidlais ar y cais.

Datganodd y Cynghorydd Owen Thomas gysylltiad personol yn eitem 6.6. yn y rhaglen - Amrywiad o Amod 3 Cysylltiedig â Chaniatâd Cynllunio Cyfeirnod:045739 yn Chwarel Hendre, Ffordd Dinbych, Hendre, gan ei fod yn Gadeirydd y Pwyllgor Cyswllt. 

Datganodd y Cynghorydd Mike Peers gysylltiad personol a sy’n rhagfarnu yn eitem rhif 6.1 yn y rhaglen – Cais Llawn – Datblygiad Preswyl, Codi 30o Fflatiau Fforddiadwy Ar Gyfer Pobl Dros 55 Oed Gyda Mynediad Cysylltiedig, Parcio a Dymchwel hen Westy’r Albion yng Nghlwb Cymdeithasol yr Albion, Pen y Llan, Cei Connah, gan fod aelod o’r teulu’n cael ei gyflogi gan un o’r cyd ymgeiswyr. Dywedodd y Cynghorydd Peers y byddai'n gadael yr ystafell cyn y drafodaeth ac na fyddai’n pleidleisio ar yr eitem.

            Datganodd y Cynghorydd Derek Butler gysylltiad personol yn eitem 6.2 yn y rhaglen – Cais Amlinellol i Godi Annedd Fforddiadwy yn Bayonne Ffordd Hafod, Gwernaffield, gan ei fod yn aelod o Fwrdd yr AHNE.

Rhoddodd y Cadeirydd gyfle i’r Aelodau ddarllen y sylwadau hwyr a rannwyd yn ystod y cyfarfod ac a oedd wedi eu hatodi i'r rhaglen ar wefan Cyngor Sir y Fflint:

http://cyfarfodyddpwyllgor.siryfflint.gov.uk/ieListDocuments.aspx?CId=490&MId=4366&Ver=4&LLL=1

I gadarnhau, fel cywir gofnodion y cyfarfod ar 7 Tachwedd 2018.

Cyflwynwyd cofnodion drafft y cyfarfod a gynhaliwyd ar 7 Tachwedd 2018.

Cywirdeb

Cyfeiriodd y Cynghorydd Mike Peers at ei ddatganiad o gysylltiad ar eitem 6.5 yn y rhaglen a gofynnodd am i’r cofnodion gael eu diwygio i gynnwys y rheswm am ei ddatganiad.Y cysylltiad oedd am ei fod yn Llywodraethwr Ysgol Heol y Mynydd ac er y bydd y datblygiad arfaethedig yn effeithio ar nifer y lleoedd i ddisgyblion yn yr ysgol honno ni all yr Awdurdod Cynllunio Lleol ofyn am gyfraniad ariannol ar gyfer yr ysgol i fynd i’r afael â'r effaith.  

PENDERFYNWYD:

Yn amodol ar y newid uchod, cymeradwyo'r cofnodion fel cofnod cywir a chawsant eu llofnodi gan y Cadeirydd.

            Nid oedd unrhyw eitemau i'w gohirio.

Mae adorddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau a gyflwynwyd ar y rhestr o Geisiadau Cynllunio oedd ynghlwm fel atodiad.

Ar ddechrau’r cyfarfod roedd 16 aelod o’r cyhoedd yn bresennol ac nid oedd neb o’r wasg yn bresennol.