Rhaglen a chofnodion

O ran eitem 6.1 (059217), datganodd y Cynghorydd Christine Jones gysylltiad presennol a chysylltiad sy’n rhagfarnu oherwydd bod gan aelod o’i theulu garafán ar y safle.  Byddai’n ymadael â’r ystafell cyn y drafodaeth a’r bleidlais.

Ni dderbyniwyd dim.

Pwrpas:        I gadarnhau, fel cofnod cywir gofnodion y cyfarfod ar 3 Ebrill 2019.

Cyflwynwyd cofnodion drafft y cyfarfod a gynhaliwyd ar 3 Ebrill 2019 ac fe’u cadarnhawyd fel rhai cywir.

PENDERFYNWYD:

Cymeradwyo’r cofnodion fel rhai gwir a chywir a bod y Cadeirydd yn eu llofnodi.

Ni argymhellwyd gohirio’r un o’r eitemau.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi’r penderfyniadau a gyflwynwyd ar y rhestr o Geisiadau Cynllunio oedd ynghlwm fel atodiad.

Gwrthod rhoi caniatâd cynllunio, yn groes i argymhelliad swyddog, ar y sail ganlynol:

Mae’r estyniad ar raddfa annerbyniol; mynedfa ac allanfa aneglur a pheryglus; nid yw’n cydymffurfio â’r canllawiau ym mholisi T6; byddai’n golygu gorddefnyddio’r safle a’r fynedfa; nid yw’n gydnaws â chymeriad yr ardal.

Rhoi caniatâd cynllunio yn ddibynnol ar yr amodau a restrir yn yr adroddiad, yn unol ag argymhelliad y swyddog.