Rhaglen a chofnodion

Yngl?n ag eitem 6.1 (057943) ar y rhaglen, eglurodd y Cynghorydd Kevin Hughes ei fod wedi siarad ag aelod o deulu'r ymgeisydd yngl?n â'r dogfennau gofynnol, a holodd a oedd angen iddo ddatgan cysylltiad o’r herwydd.  Dywedodd yr Uwch Gyfreithiwr nad oedd unrhyw fuddiant personol na buddiant sy'n rhagfarnu i’w ddatgan. 

Rhoddodd y Cadeirydd gyfle i’r Aelodau ddarllen y sylwadau hwyr a rannwyd yn ystod y cyfarfod ac a oedd wedi eu hychwanegu i'r rhaglen ar wefan Cyngor Sir y Fflint:

http://committeemeetings.flintshire.gov.uk/ieListDocuments.aspx?CId=490&MId=4147&Ver=4&LLL=0

I gadarnhau, fel cofnod cywir gofnodion y cyfarfod ar 23 Mai 2018

Cyflwynwyd cofnodion y cyfarfod a gynhaliwyd ar 23 Mai 2018. 

Cywirdeb

Gofynnodd yr Uwch Gyfreithiwr am ddiwygio’r rhestr o’r rhai a oedd yn bresennol, gan nad oedd ef yn y cyfarfod, fel y byddai’r cofnodion yn cyfeirio at y ‘Cyfreithiwr’ yn hytrach na’r ‘Uwch Gyfreithiwr’.

Ar dudalen 5, dylid diwygio’r cofnodion i nodi fod y Pwyllgor wedi trafod eitem frys cyn penodi’r Cynghorydd Richard Lloyd yn Is-gadeirydd y Pwyllgor.

Tudalen 7, Eitemau i’r gohirio. Dylid diwygio’r cofnodion fel eu bod yn dweud y canlynol:

Eitem 6.1 - Cais amlinellol ar gyfer datblygiad preswyl ar Megs Lane, Bwcle (057056)

Dywedodd y Prif Swyddog mai’r argymhelliad oedd gohirio’r eitem uchod. Dywedodd hefyd y tynnwyd yr eitem ganlynol yn ôl:

Eitem 6.2 – Cais Amlinellol i Adeiladu annedd yn Bayonne, Hafod Road, Gwernaffield (058124)

            Cynigiodd y Cynghorydd Jones bod yr eitem yn cael ei gohirio a chafodd ei eilio a’i gytuno gan y Pwyllgor.

Ar dudalen 9, eitem 058124, dylid diwygio’r Penderfyniad i adlewyrchu’r ffaith y tynnwyd y cais yn ôl.

PENDERFYNWYD:

Yn amodol ar y newidiadau uchod, cymeradwywyd y cofnodion fel cofnod cywir a chawsant eu llofnodi gan y Cadeirydd.

Dywedodd y Prif Swyddog (Cynllunio a’r Amgylchedd) nad oedd y swyddogion wedi argymhell gohirio unrhyw rai o’r eitemau ar y rhaglen.

Mae adroddiad y Prif Swyddog (Cynllunio, Amgylchedd ac Economi) yn amgaeedig.

PENDERFYNWYD:

Cofnodi penderfyniadau fel y dangosir ar y rhestr o Geisiadau Cynllunio sydd ynghlwm fel atodiad.