Rhaglen a chofnodion

Ar eitem 6.1 ar yr agenda (cyfeirnod 055369), datganodd Richard Lloyd gysylltiad personol a chysylltiad sy'n rhagfarnu oherwydd agosrwydd ei eiddo i safle’r cais.  Dywedodd y byddai’n siarad am dri munud fel preswylydd lleol ac yna'n gadael yr ystafell cyn y drafodaeth a’r bleidlais.

Rhoddodd y Cadeirydd gyfle i’r Aelodau ddarllen y sylwadau hwyr a rannwyd yn ystod y cyfarfod ac a oedd wedi eu hychwanegu i'r rhaglen ar wefan Cyngor Sir y Fflint:

http://committeemeetings.flintshire.gov.uk/ieListDocuments.aspx?CId=490&MId=4141&LLL=0

I gadarnhau, fel cofnod cywir gofnodion y cyfarfod ar 6 Rhagfyr 2017.

Cyflwynwyd cofnodion drafft y cyfarfod a gynhaliwyd ar 6 Rhagfyr 2017.

PENDERFYNWYD:

Cymeradwyo’r cofnodion fel cofnod cywir a’u llofnodi gan y Cadeirydd.

Nododd y Prif Swyddog (Cynllunio a’r Amgylchedd) na argymhellodd y swyddogion i unrhyw rai o’r eitemau ar y rhaglen gael eu gohirio.

Mae adroddiad y Prif Swyddog (Cynllunio a’r Amgylchedd) yn amgaeedig.

PENDERFYNWYD:

Cofnodi penderfyniadau fel y dangosir ar amserlen y Cais Cynllunio sydd ynghlwm fel atodiad.

Cymeradwyo’r caniatâd cynllunio os yw’r ymgeisydd yn cytuno i Rwymedigaeth/ Ymgymeriad Unochrog Adran 106 a’r amodau a restrir yn yr adroddiad, yn unol ag argymhelliad Swyddog, ac amodau diwygiedig 9 ac 11 a'r ddwy amod ychwanegol ar y daflen sylwadau hwyr.

Cymeradwyo caniatâd cynllunio os yw’r ymgeisydd yn cytuno i Rwymedigaeth/ Ymgymeriad Unochrog Adran 106 a’r amodau a restrir yn yr adroddiad, yn unol ag argymhelliad Swyddog, a diwygiadau a’r amod ychwanegol yn y sylwadau hwyr.    Diwygio 2.01 (c) i ddarllen ‘sicrhau rhoddi yn anrheg ardal o dir o fewn y safle i Gyngor Cymuned Penarlâg cyn cychwyn datblygu’r ganolfan gymunedol newydd arfaethedig a rheoli’r defnydd o’r tir at y pwrpas hwnnw.'

Cymeradwyo caniatâd cynllunio yn ddibynnol ar yr amodau a restrir yn adroddiad y swyddog, yn unol ag argymhelliad swyddog, a bod yr ymgeisydd yn cytuno i Rwymedigaeth Adran 106 i ddarparu 4 gofod parcio ar dir i’r gorllewin o’r safle ac fel y nodir yn y cais.