Rhaglen a chofnodion

Pwrpas: I derbyn unrhyw ddatganiad o gysylltiad a chynghori’r Aelodau yn unol a hynny.

Datganodd y Cynghorydd Arnold Woolley diddordeb personol a rhagfarnus yn eitem rhif 5 ar yr Arolwg o Ryddhad a oedd yn ymwneud yn benodol â Chyngor Tref Bwcle. 

Pwrpas: I gadarnhau, fel cofnod cywir gofnodion y cyfarfod blaenorol.

Cyflwynwyd cofnodion y cyfarfod a gynhaliwyd ar 3 Gorffennaf 2017. 

Cadarnhaodd y Swyddog Monitro ei fod wedi dosbarthu manylion Cyfnodau yn y Swydd ar gyfer aelodau lleyg y Pwyllgor Safonau.

PENDERFYNWYD:

Bod y cofnodion yn cael eu derbyn, eu cymeradwy a’u llofnodi gan y Cadeirydd fel cofnod cywir.

Pwrpas: Derbyn unrhyw geisiadau am oddefebau.

Ar ôl dosbarthu'r agenda, cafwyd dau gais am ryddhad gan y Cynghorydd Sir Carol Ellis, a Chynghorydd Tref Bwcle David Ellid 

Darparodd yr Is-swyddog Monitro fanylion y ceisiadau a oedd yn gysylltiedig â chais cynllunio (rhif cyfeirnod:057259) a fyddai’n effeithio ar Ganolfan Gymunedol Hawkesbury.

Cynghorydd Tref Bwcle David Ellis

            Darparodd y Swyddog Monitro wybodaeth gefndir i’r cais a oedd yn ceisio “siarad a phleidleisio” ar gais cynllunio a fyddai, pe bai’n caniatâd, yn effeithio ar Ganolfan Gymunedol Hawkesbury.   Cadarnhaodd mai’r paragraff perthnasol y byddai'r cais am ryddhad yn cael ei wneud oddi dano oedd (d).

Cynghorydd Sir Carol Ellis

            Gofynnwyd i’r pwyllgor ystyried cais am ryddhad a gyflwynwyd gan y Cynghorydd Sir Carol Ellis “i allu siarad ond nid pleidleisio” ar gais cynllunio a fyddai’n effeithio ar bob defnydd yn Ardal Hawkesbury.  Cadarnhaodd y Swyddog Monitro mai’r paragraff perthnasol y byddai'r cais am ryddhad yn cael ei wneud oddi dano oedd (d).

PENDERFYNWYD:

Cynghorydd Tref David Ellis

Caniatáu rhyddhad i’r Cynghorydd Tref David Ellis o dan baragraff (d) Rheoliadau Pwyllgor Safonau (Caniatáu Rhyddhad) (Cymru) 2001 i siarad yng Nghyngor Tref Bwcle am y cais (rhif cyfeirnod:057259), neu unrhyw gais fydd, ym marn y Swyddog Monitro, yn debyg ond i adael yr ystafell cyn i’r cais gael ei ddadlau a chyn pleidleisio arno.  Hefyd i wneud sylwadau ysgrifenedig ar y cais (rhif cyfeirnod:057259), neu unrhyw gais sydd, ym marn y Swyddog Monitro, yn debyg i Gyngor Tref Bwcle.Caniateir y rhyddhad am gyfnod o 12 mis.

Cynghorydd Sir Carol Ellis

Caniatáu rhyddhad i’r Cynghorydd Sir Carol Ellis o dan baragraff (d) Rheoliadau Pwyllgor Safonau (Caniatáu Rhyddhad) (Cymru) 2001 i siarad am y cais (rhif cyfeirnod:057259), neu unrhyw gais fydd, ym marn y Swyddog Monitro, yn debyg yng Nghyngor Tref Bwcle ac am 5 munud yng nghyfarfod y Pwyllgor Cynllunio, ond i adael yr ystafell cyn i’r cais gael ei ddadlau a chyn pleidleisio arno.  Hefyd i wneud sylwadau ysgrifenedig ar y cais (rhif cyfeirnod:057259), neu unrhyw gais sydd, ym marn y Swyddog Monitro, yn debyg i Bwyllgor Cynllunio Cyngor Sir Y Fflint a/neu Gyngor Tref Bwcle.Caniateir y rhyddhad am gyfnod o 12 mis.

Y Pwyllgor i adolygu trwyddedau yn unol â’r gofyniad i adolygu trwyddedau’n flynyddol

Cyflwynodd yr Is-swyddog Monitro yr adroddiad ac esboniodd bod rhaid adolygu pob rhyddhad a ganiateir gan y Pwyllgor Safonau ac sy’n parhau i fod ar waith gan y Pwyllgor unwaith bob 12 mis o'r dyddiad y caniatawyd y rhyddhad yn y lle cyntaf. 

Dosbarthodd yr Is-swyddog Monitro restr yr holl ganiatâd am ryddhad a roddwyd gan y Pwyllgor a oedd yn parhau i fod ar waith yn ogystal â’r rhai a oedd wedi dod i ben yn ddiweddar ond roedd y Cynghorwyr dan sylw wedi gofyn iddynt gael eu hymestyn.  Gofynnwyd i’r Pwyllgor benderfynu p’un ai a ddylai’r rhyddhad barhau i fod ar waith neu gael eu hymestyn.

Esboniodd yr Is-swyddog Monitro bod yna sawl caniatâd am ryddhad ar gofnod a oedd wedi’u rhoi 10 mlynedd ynghynt a bod llythyrau wedi cael eu hanfon at bob Aelod i roi gwybod iddynt am yr argymhelliad i ddileu rhyddhad a roddwyd 10 mlynedd yn ôl neu fwy.  Gofynnwyd i aelodau gysylltu â’r Swyddog Monitro i neu Is-swyddog Monitro os oedd ganddynt unrhyw bryderon am y cynnig.Gofynnwyd i’r pwyllgor ystyried a chymeradwyo cael gwared ar ryddhad a roddwyd dros 10 mlynedd ynghynt.  Cynigiodd y Cynghorydd Paul Johnson y dylid cytuno ar yr argymhelliad a chafodd hyn ei eilio gan Ken Molyneux a’i gymeradwyo gan y Pwyllgor.

Esboniodd yr Is-swyddog Monitro bod Cynghorwyr a chanddynt ryddhad effeithiol wedi cael gwybod am ofyniad y Pwyllgor Safonau i adolygu eu rhyddhad a phenderfynu p’un ai a fyddant yn parhau i gael effaith, yn ogystal â'r rheiny a chanddynt ryddhad a oedd wedi dod i ben yn ddiweddar.

PENDERFYNWYD:

Dileu pob rhyddhad a roddwyd gan y Pwyllgor Safonau dros 10 mlynedd ynghynt.

Cynghorydd Sir Dennis Hutchinson

Caniatáu rhyddhad i’r Cynghorydd Dennis Hutchinson o dan baragraff (h) Rheoliadau Pwyllgor Safonau (Caniatáu Rhyddhad) (Cymru) 2001 am gyfnod o 12 is (yn dod i ben ar 3 Medi 2018) i siarad yng nghyfarfodydd Cyngor Tref Bwcle wrth ystyried cais am gymorth ariannol gan Ganolfan Gymunedol Hawkesbury.  Mae’r rhyddhad yn caniatáu iddo aros yn yr ystafell i siarad ac ateb cwestiynau ond rhaid iddo adael yr ystafell (ac felly ddim pleidleisio) ar ôl gwneud hynny.

Cynghorwyr Sir Dennis Hutchinson a Mike Peers

Caniatáu rhyddhad i’r Cynghorwyr Dennis Hutchinson a Mike Peers am gyfnod o 12 mis (yn dod i ben ar 3 Medi 2018) o dan baragraffau (d), (f) a (h) Rheoliadau Pwyllgor Safonau (Caniatáu Rhyddhad) (Cymru) 2001 i gyfathrebu gyda swyddogion Cyngor Tref Bwcle a Chyngor Sir Y Fflint mewn pob mater sy’n gysylltiedig â Hen Neuadd Gymunedol Baddonau Bwcle Cyfyngedig i:

• siarad ac ateb cwestiynau
• Gadael y cyfarfod cyn i’r ddadl ddechrau
• peidio â phleidleisio
• cyfathrebu gyda swyddogion mewn ysgrifen
• trafod gyda swyddogion os oedd o leiaf 3 pherson yn bresennol - 2 annibynnol (nid ymddiriedolwr arall na’u gwraig) a bod trafodaethau’n cael eu cofnodi

            Cynghorydd Sir Dennis Hutchinson

Caniatáu rhyddhad i’r Cynghorydd Dennis Hutchinson am gyfnod o 12 mis (yn dod i ben ar 3 Medi) o dan baragraffu (d) ac (f) Rheoliadau Pwyllgor Safonau (Caniatáu Rhyddhad)  ...  view the full Cofnodion text for item 21.

Cynghori ar yr angen i lenwi sedd wag ar y pwyllgor a’r cyfle i hysbysebu ar gyfer y sedd wag ar y cyd â'r Awdurdod Tân.

Cyflwynodd y Swyddog Monitro yr adroddiad a siaradodd am y lle gwag sydd ar y Pwyllgor Safonau ar gyfer aelod lleyg.  Rhoddodd wybod iddynt fod yr Awdurdod Tân hefyd yn ceisio penodi aelod lleyg i’w Bwyllgor Safonau ac o ganlyniad roedd yna gyfle i ystyried hysbysebu ar y cyd am y penodiad a’r posibilrwydd o benodiad ar y cyd i leihau costau a rhoi proffil uwch i'r ymgyrch hysbysebu.

                        Mewn ymateb i’r cwestiynau a godwyd, esboniodd y Swyddog Monitro nad yw’r cyfnod yn y swydd i aelod lleyg o’r Pwyllgor yn llai na phedair nac yn fwy na chwe blynedd.  Roedd rheoliadau’n gofyn i banel penodi gael ei sefydlu a meini prawf penodol gael eu pennu ar gyfer unrhyw aelod lleyg a benodir i’r Pwyllgor.  Yn ystod y trafodaethau awgrymwyd y gellid sefydlu panel cyfweld ar y cyd gyda’r Awdurdod Tân yn cynnwys Cadeirydd Pwyllgor Safonau'r Cyngor a’r Awdurdod Tân, Cynghorydd Cymunedol, aelod lleyg, a Chadeirydd yr Awdurdod Tân. Byddai hyn yn golygu cyfanswm o ddau gynrychiolydd o’r Cyngor, dau gynrychiolydd o’r Awdurdod Tân, ac unigolyn lleyg. 

Yn ystod trafodaeth cymeradwywyd yr argymhelliad i geisio cydsyniad yr Awdurdod Tân i hysbysebu ar y cyd gyda’r Cyngor am aelod lleyg i Bwyllgorau Safonau’r ddau awdurdod, a dylid archwilio'r posibilrwydd o benodi ar y cyd gyda'r Awdurdod Tân.  Cyfeiriodd y Cynghorydd Patrick Heesom at y panel cyfweld ar y cyd a awgrymwyd a chynnig bod hyn hefyd yn cael ei gymeradwyo a gafodd ei eilio gan y Cynghorydd Arnold Woollet.

                        Mewn ymateb i’r sylwadau a wnaed gan y Cynghorydd Johnson ynghylch cydbwysedd y rhywiau ac aelodaeth ar y Pwyllgor, cydnabu'r Swyddog  Monitro y pwyntiau a godwyd a dywedodd y byddai’n siarad gyda’r tîm cyfathrebu i geisio ystod eang o ymgeiswyr i’w hystyried.  Awgrymodd ei fod yn dosbarthu copïau o’r meini prawf a gymeradwywyd gan y Cyngor ar gyfer recriwtio aelodau annibynnol i’r Pwyllgor, er gwybodaeth.

            PENDERFYNWYD:

(a)       Dylid ceisio cydsyniad yr Awdurdod Tân i hysbysebu ar y cyd gyda’r Cyngor am aelod lleyg i Bwyllgorau Safonau’r ddau awdurdod, a dylid archwilio'r posibilrwydd o benodi ar y cyd gyda'r Awdurdod Tân; a

(b)       Y dylid sefydlu panel cyfweld ar y cyd a fyddai’n cynnwys Cadeiryddion Pwyllgor Safonau'r Cyngor a’r Awdurdod Tân, Cynghorydd Cymunedol, aelod lleyg, a Chadeirydd yr Awdurdod Tân.

Pwrpas: Nodi’r materion sy’n ymwneud â Chwynion Cod Ymddygiad a adroddwyd yn Adroddiad Blynyddol Ombwdsmon Gwasanaethau Cyhoeddus Cymru.

Cyflwynodd yr Is-swyddog Monitro yr adroddiad a oedd yn crynhoi’r prif faterion yn yr Adroddiad Blynyddol gyda ffocws arbennig ar safonau cynghorwyr Sir a Thref a Chymuned.  Rhoddodd wybod mai pwrpas yr Adroddiad Blynyddol oedd adrodd ar berfformiad swyddfa Ombwdsmon Gwasanaethau Cyhoeddus Cymru (PSOW) dros y flwyddyn ac i gyflwyno unrhyw negeseuon allweddol sy’n codi o’r gwaith a wnaed yn ystod y flwyddyn.

                        Cyfeiriodd yr Is-swyddog Monitro at y prif ystyriaethau oedd wedi’u cynnwys yn yr adroddiad ynghylch cwynion Cod Ymddygiad ac achosion cod ymddygiad.

                        Yn ystod y drafodaeth cytunwyd y byddai’r Swyddog Monitro yn dosbarthu copi lliw o’r Adroddiad Blynyddol i’r Pwyllgor.

            PENDERFYNWYD:

Nodi’r adroddiad.

Pwrpas:  I drafod pynciau a chwestiynau a dderbyniwyd gan gynrychiolwyr ar gyfer ymweliad yr Ombwdsman yng nghyfarfod mis Hydref.

Rhoddodd y Swyddog Monitro ddiweddariad ar ymweliad nesaf yr Ombwdsmon, Mr. Nick Bennet, â chyd-gyfarfod y Pwyllgor Safonau a Chynghorau Tref a Chymuned ar 2 Hydref 2017. Cyfeiriodd at y cwestiynau a gyflwynwyd i’w trafod hyd yma a rhoddodd wybod bod Cynghorau Tref a Chyngor hefyd wedi’u gwahodd i gyflwyno cwestiynau.  Gofynnodd y Swyddog Monitro i aelodau’r Pwyllgor os oedd ganddynt unrhyw gwestiynau yr hoffent eu gofyn i’r Ombwdsmon.  Yn ystod y drafodaeth, codwyd y cwestiynau a ganlyn:

• Pa effaith mae’r broses hidlo yn ei gael ar lwyth gwaith yr Ombwdsmon?

• Beth yw’r broses ar gyfer gwrthod derbyn cwyn?

• Oes yna hawl i atgyfeirio neu arolwg? 

Awgrymodd y Swyddog Monitro bod diwygio Cynghorau Tref a Chymuned yn bwnc addas i’w ddadlau yn y cydbwyllgor a chefnogwyd hyn gan y Pwyllgor.

Cyfeiriodd y Cynghorydd Arnold Woolley at ymgynghoriad Llywodraeth Cymru ar drefniadau etholiadau lleol ac awgrymodd y gellid hefyd talu sylw i'r mater hwn yn y cyfarfod, os yn bosibl.

            PENDERFYNWYD:

            Nodi’r adroddiad.

Pwrpas: Er mwyn i’r Pwyllgor ystyried testunau i’w  cynnwys ar y Rhaglen Gwaith i'r Dyfodol.

Cyflwynodd y Swyddog Monitro y rhaglen waith i’r dyfodol a cyfeiriodd at bynciau’r cyfarfod nesaf.

                        Gan roi sylwadau ar bwnc rhyddhad, dywedodd y Swyddog Monitro y gellid gofyn i’r Pwyllgor ystyried unrhyw ‘adnewyddiadau’ pellach sy’n codi o ganlyniad i’r arolwg o rhestr rhyddhad a’r cyfnod estynedig a roddwyd i gynghorwyr. 

                        Cytunodd y Swyddog Monitro ddarparu diweddariad i’r cyfarfod nesaf ar recriwtio unigolyn lleyg i’r Pwyllgor Safonau. 

            PENDERFYNWYD:

Nodi’r Rhaglen Waith i’r Dyfodol gan gynnwys yr eitemau uchod.

Nid oedd dim aelod o’r wasg na'r cyhoedd yn bresennol.

.