Rhaglen a chofnodion

Pwrpas:        I dderbyn unrhyw ddatganiad o gysylltiad a chynghori’r Aelodau yn unol a hynny.

Dim.

Pwrpas:        I gadarnhau, fel cofnod cywir gofnodion y cyfarfodydd ar 13 Mehefin, 19 Gorffennaf and 7 Awst 2024.

PENDERFYNWYD:

Cymeradwyo cofnodion y cyfarfodydd a gynhaliwyd ar 13 Mehefin 2024, 19 Gorffennaf 2024 a 7 Awst 2024 fel cofnod cywir.

Pwrpas:        Rhoi gwybod i’r Pwyllgor o’r cynnydd yn erbyn camau gweithredu o’r cyfarfod blaenorol.

Cyflwynodd Rheolwr Gwasanaethau Democrataidd adroddiad am gynnydd camau gweithredu o’r cyfarfodydd blaenorol.

Cefnogwyd yr argymhelliad.

PENDERFYNWYD:

Bod y Pwyllgor yn nodi’r cynnydd sydd wedi’i wneud.

Pwrpas:        Ystyried y flaenraglen waith Pwyllgor Craffu & Trosolwg adnoddau corfforaethol.

Cyflwynodd Rheolwr Gwasanaethau Democrataidd Rhaglen Waith y Pwyllgor i’w hystyried, a byddai’n rhestru’r eitemau sydd ym mharagraff 1.04 yr adroddiad.

Yn unol â chais, byddai eitem am Reoliadau Hygyrchedd Cerbydau Gwasanaeth Cyhoeddus yn cael ei rhestru, a byddai adroddiad am y tân diweddar yn Synthite Ltd yn cael ei rannu ym mis Hydref / Tachwedd.

Ar y sail honno, cefnogwyd yr argymhellion.

PENDERFYNWYD:

(a)   Cymeradwyo’r Rhaglen Waith, fel y’i diwygiwyd; a

(b)   Rhoi awdurdod i Reolwr Gwasanaethau Democrataidd, mewn ymgynghoriad â Chadeirydd y Pwyllgor, i amrywio’r Rhaglen Waith rhwng cyfarfodydd, yn ôl yr angen.

Cytunwyd i amrywio trefn y rhaglen i ymdrin ag eitemau 15 a 16 yn gynt er mwyn caniatáu i’r swyddog perthnasol fod yn bresennol.

Pwrpas:        Pwrpas yr adroddiad yw cyflwyno data perfformiad gwerth cymdeithasol ar gyfer chwe mis olaf blwyddyn ariannol 2023/24.

Cyflwynodd y Swyddog Gweithredol Strategol adroddiad ar ddata perfformiad gwerth cymdeithasol ar gyfer chwe mis olaf blwyddyn ariannol 2023/24.  Cytunodd i ymdrin ag ymholiadau am wariant lleol disgwyliedig trwy gontract a chostau uwch i’r Cyngor sy’n deillio o werth cymdeithasol. Byddai’r ddau’n cael eu hadlewyrchu yn yr adroddiad olrhain camau gweithredu.

Ar y sail honno, cefnogwyd yr argymhelliad.

PENDERFYNWYD:

Bod y Pwyllgor yn nodi’r perfformiad cadarnhaol a gyflawnwyd wrth greu gwerth cymdeithasol ar gyfer chwarter tri a phedwar blwyddyn ariannol 2023/24.

Pwrpas:        Cyflwyno Adroddiad Blynyddol Bwrdd Gwasanaethau Cyhoeddus (BGC) Sir y Fflint a Wrecsam 2023.

Cyflwynodd y Swyddog Gweithredol Strategol adroddiad blynyddol Bwrdd Gwasanaethau Cyhoeddus Sir y Fflint a Wrecsam ar gyfer 2023/24 yn unol â gofynion canllawiau statudol.

Cefnogwyd yr argymhelliad.

PENDERFYNWYD:

Bod y Pwyllgor yn nodi darpariaeth Adroddiad Blynyddol Bwrdd Gwasanaethau Cyhoeddus (BGC) Sir y Fflint a Wrecsam 2023/24.

Pwrpas:        I gyflwyno Adroddiad Effaith Cronfeydd Sir y Fflint, 2024, a luniwyd gan y Sefydliad Cymunedol yng Nghymru.

Cyflwynodd y Swyddog Gweithredol Strategol yr adroddiad yn amlinellu’r cynnydd a wnaed gyda Chronfa Waddol Gymunedol Sir y Fflint a Chronfa Ddegwm Sir y Fflint – y ddwy’n cael eu harolygu gan Sefydliad Cymunedol Cymru.

Ar ran Sefydliad Cymunedol Cymru, crynhodd Andrea Powell y pwyntiau allweddol a byddai’n darparu ymateb ar wahân i egluro’r gwahaniaeth rhwng cyfanswm y grantiau a ddyfarnwyd yn 2023/24 a ddangosir yn yr adroddiad eglurhaol, a’r hyn sydd yn y Trosolwg o’r Gronfa.  Cytunodd y Swyddog Gweithredol Strategol i ymateb ar wahân i ymholiad am drefniadau llywodraethu ar gyfer Cronfa Ddegwm Sir y Fflint.

Ar y sail honno, cefnogwyd yr argymhellion.

PENDERFYNWYD:

(a)   Bod y Pwyllgor yn nodi cynnwys Adroddiad Effaith Sir y Fflint, Ebrill 2024, ac yn cefnogi gwaith Sefydliad Cymunedol Cymru; a

(b)   Bod y Pwyllgor yn nodi’r lle gwag presennol ar y panel grantiau ar gyfer cynrychiolydd yr Aelodau Etholedig, ac yn cefnogi hyrwyddo’r cyfle hwn i Aelodau.

Pwrpas:        Darparu diweddariad ar y sefyllfa ddiweddaraf ynghylch anfonebau Gofal Iechyd Parhaus sydd heb gael eu talu i’r Cyngor gan Fwrdd Iechyd Prifysgol Betsi Cadwaladr.

Cyflwynodd yr Uwch Reolwr (Diogelu a Chomisiynu) adroddiad yn rhoi’r wybodaeth ddiweddaraf i’r Pwyllgor am y ddyled hirdymor gyfredol gyda Bwrdd Iechyd Prifysgol Betsi Cadwaladr (BIPBC) mewn perthynas â phecynnau Gofal Iechyd Parhaus y GIG yn Sir y Fflint.  Cyflwynwyd y Pwyllgor i Helen Brockley, Cydlynydd Gofal Iechyd Parhaus, a ddarparodd wybodaeth am y fframwaith cenedlaethol a phrosesau.

Diwygiwyd yr argymhellion i adlewyrchu’r drafodaeth.

PENDERFYNWYD:

(a)   Bod y Pwyllgor yn nodi’r wybodaeth ddiweddaraf am y sefyllfa bresennol yn ymwneud ag anfonebau Gofal Iechyd Parhaus sydd heb eu talu i’r Cyngor gan Fwrdd Iechyd Prifysgol Betsi Cadwaladr;

(b)   Bod y Pwyllgor yn nodi gwybodaeth yngl?n â Gofal Iechyd Parhaus y GIG – Y Fframwaith Gweithredu Cenedlaethol yng Nghymru a’i broses parthed anghydfod ac apelio; a

(c)   Bod yr Uwch Reolwr a’r Cydlynydd yn cyfarfod â Chadeirydd y Pwyllgor i lunio llythyr i’r Bwrdd Iechyd a’r Weinyddiaeth Iechyd ar ran y Cadeirydd ac Aelod Cabinet Gwasanaethau Cymdeithasol.

Pwrpas:        Rhoi’r wybodaeth ddiweddaraf yngl?n â’r amcangyfrifon ar gyfer y gyllideb a’r strategaeth ar gyfer pennu cyllideb 2025/26.

Cyflwynodd Rheolwr Cyllid Corfforaethol adroddiad ar gam cyntaf datblygu’r gyllideb ar gyfer 2025/26 cyn ei ystyried gan y Cabinet.

Wrth ymateb i sylwadau yngl?n ag ardoll Awdurdod Tân ac Achub Gogledd Cymru, cytunodd y Prif Swyddog (Llywodraethu) i gysylltu â’r trysorydd yngl?n ag unrhyw amrywiad posibl.

Byddai swyddogion Cyllid yn gweithredu ar gais am i gyllidebau gwasanaethau ddangos canran y costau hynny yng nghyllideb gyffredinol y Cyngor ar gyfer adroddiadau yn y dyfodol (fel y gwnaed gyda chyllidebau a oedd wedi eu dirprwyo i ysgolion).

Diwygiwyd yr argymhelliad i adlewyrchu’r cynigion ychwanegol a gefnogwyd.

PENDERFYNWYD:

(a)   Bod y sylwadau am y Strategaeth Ariannol Tymor Canolig a Chyllideb 2025/26 yn cael eu hadrodd yn ôl i’r Cabinet pan fydd yn ystyried yr adroddiad;

(b)   Bod y Cyngor yn ceisio rhoi blaenoriaeth i amddiffyn darpariaeth gwasanaethau rheng flaen hanfodol; a

(c)   Bod gwahoddiad yn cael ei estyn i’r Prif Swyddog Tân i gynrychiolydd fod yn bresennol yng nghyfarfod y Pwyllgor hwn yn y dyfodol.

Pwrpas:        Ystyried yr adborth o’r ymgynghoriad cyhoeddus 12 wythnos a chyfraddau premiwm treth y cyngor ar ail gartrefi ac eiddo gwag hirdymor ac os y dylai cyfraddau aros yr un fath neu gynyddu o fis Ebrill 2025.

Cyflwynodd y Prif Swyddog (Llywodraethu) a Rheolwr Refeniw a Chaffael adroddiad ar ganlyniad yr ymgynghoriad cyhoeddus ar gyfraddau premiwm Treth y Cyngor ar ail gartrefi ac eiddo gwag hirdymor.

Yn dilyn trafodaeth, diwygiwyd yr argymhelliad i adlewyrchu’r cynigion ychwanegol a gyflwynwyd a’u cefnogi.  Gwnaed cais am wybodaeth gymharol gan Awdurdodau eraill ar effaith cyflwyno cynllun codi premiwm cynyddol ar gartrefi gweigion hirdymor.

PENDERFYNWYD:

Bod y Pwyllgor yn argymell:

(a)   Cynyddu cyfradd premiwm Treth y Cyngor o 75% i 100% ar eiddo gwag hirdymor a chadw cyfradd bresennol y premiwm, sef 100%, ar ail gartrefi;

(b)   Ystyried cyflwyno dull cynyddol ar gyfer cyfraddau premiwm ar eiddo gwag hirdymor o fis Ebrill 2025; ac

(c)   Ystyried eithriad disgresiynol pellach o’r premiwm mewn amgylchiadau lle y gall unigolyn sy’n prynu eiddo gwag hirdymor fod yn agored i’r premiwm o’r adeg pan fo’n prynu’r eiddo ond ei fod yn gwneud ymdrech wirioneddol i ddod â defnydd yn ôl i’r eiddo. Bydd hyn yn sicrhau na fyddai prynwyr dan anfantais.

Pwrpas:        I gyflwyno Adroddiad Monitro Cyllideb Refeniw 2024/25 (Mis 4), Adroddiad Rhaglen Gyfalaf 2024/24 (Mis 4) ac Amrywiant Sylweddol i’r Aelodau.

Cyflwynodd y Rheolwyr Cyllid Strategol adroddiadau ar sefyllfa mis 4 2024/25 Cronfa’r Cyngor a’r Cyfrif Refeniw Tai a’r Rhaglen Gyfalaf, cyn i’r Cabinet eu hystyried.

Yn ystod y drafodaeth codwyd pwyntiau yngl?n â gorwario sylweddol annisgwyl yn y cam cynnar hwn, yr angen i roi gwybod am ganlyniadau lobïo Llywodraeth Cymru, a’r defnydd o’r term ‘arbedion effeithlonrwydd’.

Wrth ymateb i’r sefyllfa derfynol a ragwelir ar ddiwedd y flwyddyn parthed y Cyfrif Refeniw Tai, ceisid cael ymateb gan bortffolio Tai ynghylch a fyddai rhywfaint o’r balans terfynol heb ei glustnodi yn gallu cael ei ddefnyddio yn ystod y flwyddyn.

Ar y sail honno, cefnogwyd yr argymhellion.

PENDERFYNWYD:

(a)   Ar ôl ystyried Adroddiad Monitro Cyllideb Refeniw 2024/25 (mis 4), bod y sylwadau a godwyd gan y Pwyllgor yn cael eu cyfeirio at y Cabinet; ac

(b)   Ar ôl ystyried Adroddiad Monitro Rhaglen Gyfalaf 2024/25 (mis 4), nid oes gan y Pwyllgor unrhyw sylwadau penodol i’w codi gyda’r Cabinet.

Pwrpas:        Ystyried yr Adroddiad Perfformiad Blynyddol 2023-24, gan nodi perfformiad diwedd blwyddyn Cynllun y Cyngor (2023-28) ar gyfer 2023-24.

Cyflwynodd y Prif Swyddog (Llywodraethu) adroddiad yn ystyried Adroddiad Perfformiad Blynyddol 2023-24, gan nodi perfformiad diwedd blwyddyn Cynllun y Cyngor (2023-28) ar gyfer 2023-24.  Darparodd yr Ymgynghorydd Perfformiad Strategol y wybodaeth ddiweddaraf am ystadegau data ers cyhoeddi’r rhaglen.

Cefnogwyd yr argymhelliad ynghyd â chynnig ychwanegol.

PENDERFYNWYD:

(a)   Bod y Pwyllgor yn cefnogi Adroddiad Perfformiad Blynyddol 2023/24, wedi’i gyfuno ag Adroddiad Perfformiad Diwedd Blwyddyn Cynllun y Cyngor 2023/24, gan nodi’r perfformiad a gyflawnwyd; a

(b)   Bod adroddiadau yn y dyfodol yn adlewyrchu perfformiad y Cyngor, gydag esboniadau os nad yw targedau’n cael eu cyrraedd, a sicrhau y gellir croesgyfeirio’r ddwy ddogfen yn haws er budd y darllenydd.

Pwrpas:        Adolygu’r argymhellion ar gyfer gwella a gynghorwyd gan Archwilio Cymru, ynghyd ag ymateb y Cyngor.

Cyflwynodd y Prif Swyddog (Llywodraethu) adroddiad yn adolygu ymateb y Cyngor i’r pedwar argymhelliad a gynghorwyd gan Archwilio Cymru ar gyfer gwella, cyn ei gyflwyno i’r Cabinet.

Diwygiwyd yr argymhelliad i adlewyrchu’r drafodaeth hon.

PENDERFYNWYD:

Ar ôl ystyried yr ymateb i’r argymhellion ar gyfer gwella, bod y Pwyllgor yn codi’r pwyntiau canlynol gyda’r Cabinet:

·         Bod y Pwyllgor yn derbyn Argymhellion R1 a R4; a

·         Bod y Swyddog Monitro a dau Aelod Cabinet yn adolygu’r cwestiynau a ofynnwyd gan Archwilio Cymru ac yn nodi siom y Pwyllgor nad oedd y cwestiynau a ofynnwyd yngl?n ag Argymhellion R2 a R3 yn gysylltiedig â chyllidebau nac adnoddau.

Pwrpas:        Derbyn a chymeradwyo canfyddiadau Hunanasesiad Corfforaethol 2023/24 a chymeradwyo’r cyfleoedd ar gyfer gwella a nodir yn Hunanasesiad Corfforaethol 2023/24.

Cyflwynodd y Prif Swyddog (Llywodraethu) adroddiad ar ganfyddiadau Hunanasesiad Corfforaethol 2023/24, yn cynnwys cyfleoedd ar gyfer gwella.

Yn ystod trafodaeth ar ail gam y broses, cytunwyd y dylid rhoi’r cyfle i holl aelodau’r pwyllgorau a grybwyllwyd gymryd rhan mewn sesiynau herio yn y dyfodol.

Ar y sail honno, cefnogwyd yr argymhellion.

PENDERFYNWYD:

Bod y Pwyllgor yn:

(a)   Derbyn canfyddiadau Hunanasesiad Corfforaethol 2023/24;

(b)   Derbyn y cyfleoedd ar gyfer gwella a nodwyd yn Hunanasesiad Corfforaethol 2023/24;

(c)   Awgrymu cynnwys Aelod Cabinet ar y bwrdd prosiect^[1]; a

(d)   Gofyn am ychwanegu’r adran ar Ymgynghori ac Ymgysylltu i’r adroddiad ar gyfer eleni a’r blynyddoedd i ddod.

Pwrpas:        I ddarparu trosolwg o berfformiad blynyddol Sir y Fflint yn Cysylltu yn ystod 2023-24.

Cyflwynodd y Prif Swyddog (Llywodraethu) a Rheolwr Gwasanaeth Cyswllt â Chwsmeriaid adroddiad yn nodi perfformiad Sir y Fflint yn Cysylltu yn ystod 2023-24, cyn i’r Cabinet ei ystyried.

Yn dilyn trafodaeth ar y cynigion, cefnogwyd yr argymhellion.

PENDERFYNWYD:

(a)   Bod y Pwyllgor yn nodi perfformiad blynyddol Sir y Fflint yn Cysylltu ar gyfer 2023-24; ac

(b)   Yng ngoleuni’r gostyngiad yn nifer y bobl sy’n mynd i Ganolfannau Sir y Fflint yn Cysylltu, bod y Pwyllgor yn cefnogi:

i) adolygu’r gwasanaeth, gan ddechrau gydag ymgynghoriad cyhoeddus yngl?n â pham mae gostyngiad yn y defnydd, a pha swyddogaethau y gallai / dylai’r gwasanaeth eu darparu; a’r

ii) ymgynghoriad, a ddylai hefyd archwilio’r effaith bosibl ar bobl sydd â nodweddion gwarchodedig pe bai’r oriau agor yn cael eu lleihau i adlewyrchu’r ffaith bod llai o ddefnydd arnynt gan breswylwyr.

Dim.