Rhaglen a chofnodion

Pwrpas:   I dderbyn unrhyw ddatganiad o gysylltiad a chynghori’r Aelodau yn unol a hynny.

Ni ddatganwyd unrhyw gysylltiad.

Pwrpas:   I gadarnhau, fel cofnod cywir gofnodion y cyfarfod ar 21 Medi 2017.

Cyflwynwyd cofnodion y cyfarfod a gynhaliwyd ar 21 Medi 2017.

Soniodd y Cynghorydd Arnold Woolley y dylai agendâu fod ar gael cyn gynted ag sy’n bosibl er mwyn caniatáu i Aelodau gyfrannu’n llawn at y cyfarfod.  Esboniodd y Rheolwr Gwasanaethau Democrataidd nad oedd wedi bod yn bosibl anfon agendâu drwy’r post o fewn y terfyn amser ar yr achlysur hwn, ond bod yr agenda wedi’i gyhoeddi ar-lein o fewn y terfyn amser statudol a oedd yn rhoi tri diwrnod gwaith clir o rybudd.

Ar gofnod rhif 21, dywedodd y Cynghorydd Richard Jones fod ei bryderon wedi cael eu hadlewyrchu yn y cofnodion ond nad oedd ei ddatrysiad ychwanegol wedi cael ei gynnwys.  Dywedodd fod ei gynnig ‘i sicrhau fod cefnogaeth i seilwaith pob un o drefi Sir y Fflint yn deg’ wedi cael cefnogaeth unfrydol gan y Pwyllgor.  Dywedodd nad oedd hyn yn cael ei grybwyll chwaith yn yr adroddiad dilynol i’r Cabinet a oedd yn gwneud iddo feddwl tybed a oedd ei sylwadau wedi cael eu hystyried gan y Cabinet.

Er bod y Cynghorydd Aaron Shotton yn cytuno â buddsoddiad teg ar draws pob ardal, nid oedd hyn yn ymarferol gan fod amodau ynghlwm wrth gyllid grant a dim ond ardaloedd penodol sy’n gallu cyflawni’r amodau hyn, er enghraifft cyllid Lleoedd Llewyrchus Llawn Addewid.  Roedd yn cofio bod y Pwyllgor wedi derbyn ei esboniad yn y cyfarfod.

Dywedodd y Prif Weithredwr fod esboniad wedi’i adlewyrchu yn y cofnodion ac na allai’r Cynllun gynnwys ymrwymiadau nad ydynt yn hyfyw.  Cadarnhaodd fod pryderon y Cynghorydd Jones wedi cael eu hadrodd ar lafar i’r Cabinet a’r Cyngor Sir a bod cywirdeb y cofnodion yn fater i'r Pwyllgor ei bennu.

Yn dilyn ymholiad gan y Cynghorydd Heesom, cadarnhawyd y byddai'r sesiwn briffio Aelodau yngl?n â Bargen Twf Gogledd Cymru yn cael ei gynnal cyn y Nadolig.  Dywedodd y Cynghorydd Shotton y byddai’r cyfarfod briffio yn helpu i esbonio’r natur strategol a’r manteision economaidd i Sir y Fflint gyfan.

Esboniodd y Cynghorydd Jones mai nod ei ddatrysiad ychwanegol oedd cynnal dadl a herio'r mater, ac i ystyried cyfleoedd ar gyfer ffynonellau ariannu eraill a allai fod ar gael, er mwyn bod o fudd i ardaloedd nad ydynt yn cyflawni'r meini prawf ar gyfer cymorth grant.

Cynigodd y Cynghorydd Woolley fod y cofnodion yn cael eu newid i adlewyrchu datrysiad ychwanegol y Cynghorydd Jones, ac eiliwyd hynny’n briodol.  O'i roi i’r bleidlais, collwyd y gwelliant.

Ar gofnodion rhifau 21 a 22, tynnodd y Cynghorydd Woolley sylw at nifer o wallau teipograffyddol.

PENDERFYNWYD:

Yn amodol ar y newidiadau gan y Cynghorydd Woolley, cymeradwyo’r cofnodion fel cofnod cywir a’u llofnodi gan y Cadeirydd.

Pwrpas: Darparu adolygiad o waith y Gwasanaethau Cynllunio Rhag Argyfwng.

Cyflwynodd y Prif Weithredwr ddiweddariad ar drefniadau cynllunio at argyfwng rhanbarthol a gwahoddodd y Rheolwr Rhanbarthol i roi cyflwyniad yngl?n â’r meysydd canlynol:

·         Cefndir

·         Trosolwg o’r gwasanaeth

·         Gweithgareddau rhanbarthol

·         Trosolwg o Sir y Fflint

·         Gweithgareddau diweddar yn Sir y Fflint

·         Gweithgarwch yn y dyfodol

Roedd y gwasanaeth rhanbarthol cwbl integredig a gynhelir gan Sir y Fflint ac roedd yn gysylltiedig â’r Fforwm Lleol Cymru Gydnerth a oedd yn cynnwys ymatebwyr Categori 1 a 2, a gynhelir gan Heddlu Gogledd Cymru.  Roedd y model cost effeithlon a chryf a weithredir gan y gwasanaeth yn unigryw yng Nghymru ac roedd yn cael ei weld fel arfer da gan ardaloedd eraill.  Cafwyd diweddariad ar weithgareddau rhanbarthol i gryfhau trefniadau, ynghyd â chynnydd ar drefniadau mewnol y Cyngor gan gynnwys golwg cyffredinol o'r Tîm Ymateb Rheoli Argyfwng.

Mewn ymateb i ymholiad gan y Cynghorydd Patrick Heesom, esboniodd y Rheolwr Rhanbarthol fod gwaith yn cael ei arwain gan risg a chytunodd siarad â’r Cynghorydd Heesom ar wahân yngl?n â threfniadau arian at raid i safle masnachol dosbarthol ym Mostyn.  Siaradodd hefyd am y cyfle i gynnig gwasanaethau cadernid masnachol i fusnesau.

Cyfeiriodd y Cynghorydd Arnold Woolley at fethiant y system ffonau i ymdopi â’r galw yn ystod tywydd garw diweddar a holodd yngl?n â chamau ataliol.  Rhannodd y Prif Weithredwr bryderon am y nam dros dro hwn a sicrhaodd fod camau dilynol yn cael eu cymryd.  Dywedodd fod cynlluniau parhad busnes yn cael eu profi ac y byddai’n darparu mwy o wybodaeth ar ddyddiad diweddarach.

Rhoddodd y Rheolwr Rhanbarthol a’r Prif Weithredwr eglurhad i’r Cynghorydd Haydn Bateman yngl?n â gweithdrefnau profi larymau a threfniadau cyfathrebu mewn cysylltiad â ffatri Synthite gerllaw.

Mewn ymateb i gwestiynau gan y Cynghorwyr Paul Cunningham a Paul Johnson, rhoddwyd esboniad am y gweithdrefnau a threfniadau profi gyda Network Rail fel ymatebwr Categori 2.

PENDERFYNWYD:

(a)       Bod y diweddariad yn darparu sicrwydd i’r Pwyllgor; a

(b)       Bod y Pwyllgor yn derbyn adroddiadau yn y dyfodol ar barodrwydd y Cyngor i gynllunio at argyfyngau ac adroddiadau dilynol penodol i unrhyw ddigwyddiadau brys mawr lleol neu ranbarthol y mae gofyn i’r Cyngor ymateb iddynt.

Pwrpas:  Darparu'r rhagolwg ariannol i’r Pwyllgor ac ymgynghori ynghylch cynigion Cam 1 Cyllideb Refeniw Cronfa'r Cyngor ar gyfer 2018/19.

Cyflwynodd y Prif Weithredwr yr adroddiad yn gosod allan y sefyllfa rhagolwg ariannol presennol ar gyfer 2018/19 er mwyn ceisio barn ar Gam 1 cynigion cyllideb refeniw Cronfa’r Cyngor.  Roedd opsiynau cyllideb ar gyfer pob portffolio gwasanaeth wedi cael eu hystyried  gan y Pwyllgorau Trosolwg a Chraffu perthnasol, gan nodi fod cyhoeddiad Llywodraeth Cymru (LlC) o setliad llywodraeth leol dros dro yn newidyn allweddol yn y rhagolwg ariannol.

Rhannwyd nodyn briffio gan swyddogion ynghylch canlyniad y cyhoeddiad setliad, ynghyd â gwybodaeth a ddosbarthwyd gan Gymdeithas Llywodraeth Leol Cymru (CLlLC).

Roedd trafodaethau yn ystod y broses gyllidebu wedi cynhyrchu pryderon eang yngl?n ag effaith gostyngiadau pellach ar gadernid gwasanaethau, fel y dangoswyd gan lefelau asesiadau risg.  Nid oedd unrhyw wrthwynebiad wedi codi i opsiynau arbedion yn y gyllideb a oedd yn gyfanswm o ryw £3m, ac eithrio arbedion o £35,000 ar gyfer y Gwasanaeth Cerddoriaeth ar gyfer model gwasanaeth newydd sydd yn dal i gael ei ddatblygu.

Rhoddodd y Prif Swyddog (Llywodraethu) grynodeb o’r arbedion a gyflawnwyd yn ei bortffolio, gan nodi fod rhai elfennau o’r gyllideb y tu allan i reolaeth y Cyngor.  Roedd mwyafrif helaeth yr arbedion a gynlluniwyd eisoes wedi cael eu cyflawni a oedd yn golygu y byddai arbedion pellach yn beryglus i lefelau gweithredu.  Mae’r wybodaeth feincnodi yn dangos fod gwasanaethau yn gweithredu ar yr un lefel costau cyfartalog neu ar lefel costau cyfartalog is nag awdurdodau cyffelyb.

Dywedodd yr Uwch-Reolwr, Adnoddau Dynol a Datblygu Sefydliadol fod arbedion yn ei phortffolio hi wedi digwydd yn bennaf o ganlyniad i ailstrwythuro mawr a adawodd y gwasanaeth yn gweithredu ar lefel optimaidd.  Roedd perygl y byddai arbedion pellach yn effeithio ar allu’r gwasanaeth i ateb galw mawr y gweithlu eang.

Ar ôl cyflawni mwyafrif yr arbedion a gynlluniwyd drwy newidiadau strwythurol a meddalwedd newydd, dywedodd y Rheolwr Cyllid, Cyfrifo a Systemau Corfforaethol fod gwaith yn parhau i gyflawni'r £200,000 sy'n weddill.  Roedd pwysau mawr ar y gwasanaeth, yn arbennig yng ngoleuni sefyllfa ariannol newidiol y Cyngor.

Rhoddodd y Rheolwr Cyllid, Gwasanaethau Cymunedol drosolwg o arbedion a ddarparwyd yn y Gwasanaethau Cwsmeriaid, Refeniw a Budd-daliadau a Hawliau Lles, a gynhyrchwyd yn bennaf drwy wasanaeth Sir y Fflint yn Cysylltu.  Siaradodd am ddatblygiad gwasanaethau digidol ar gyfer rhoi mynediad i gwsmeriaid a gwella’r Gwasanaeth Cofrestru a oedd yn perfformio’n dda yn erbyn dangosyddion perfformiad allweddol cenedlaethol.

Roedd swyddogion yn cynnal dadansoddiad manwl o ganlyniad y setliad ac yn aros am wybodaeth am grantiau penodol.  Yn dilyn y rhagolwg dechreuol sef bwlch rhagamcanol o £11.7m, byddai'r gostyngiad o 0.9% mewn cyllid yn creu cynnydd o £1.9m yn y bwlch yn y gyllideb a byddai cyfrifoldebau newydd dros ddyletswyddau digartrefedd yn bwysau ychwanegol.  Rhagamcanwyd hefyd y byddai pwysau ychwanegol ar ardrethi annomestig cenedlaethol yn debygol o gael effaith net o £64,000.  Ar grynodeb o chwyddiant, roedd y cynnydd rhagamcanol mewn costau nwy yn cael ei adolygu, yn dilyn her.  Yr unig arbedion newydd i’r Gwasanaethau Corfforaethol oedd £0.010m mewn Rheoli Cofnodion.

Gofynnodd y Cynghorydd Richard Jones a oedd y budd i’r  ...  view the full Cofnodion text for item 30.

Cytunwyd ystyried yr adroddiad monitro diweddaraf ar gyfer y Gyllideb Refeniw fel yr eitem nesaf.

Oherwydd cyfyngiadau amser, cynigodd y Cynghorydd Patrick Heesom fod yr eitem ar Fwrdd Gwasanaethau Cyhoeddus Sir y Fflint yn cael ei gohirio tan y cyfarfod nesaf.  Dywedodd y Prif Weithredwr fod disgwyl i’r adroddiad gael ei ystyried gan y Cabinet cyn yr ymgynghoriad cyhoeddus ac y dylai Aelodau anfon unrhyw sylwadau at swyddogion.  Byddai gweddill yr eitemau yn cael eu hystyried yn y drefn a ddangosir ar yr agenda.

Pwrpas:   Yr adroddiad hwn yw darparu Monitro Cyllideb Refeniw 2017/18 (Mis 5) i’r Aelodau.

Cyflwynodd y Rheolwr Cyllid adroddiad ar sefyllfa monitro’r gyllideb refeniw ar gyfer 2017/18 fel yr oedd ym Mis 5 ar gyfer Cronfa’r Cyngor a’r Cyfrif Refeniw Tai cyn i’r Cabinet ei ystyried.

Ar Gronfa’r Cyngor, rhagwelwyd y byddai’r sefyllfa net yn ystod y flwyddyn £1.348m yn uwch na’r gyllideb, sef cynnydd bach ers Mis 4.  Crynhowyd newidynnau arfaethedig ym mhob portffolio ac roedd monitro risgiau yn ystod y flwyddyn yn cynnwys asesiad o risgiau newydd i bennu’r effaith ar 2018/19.   Amcangyfrifwyd y byddai 92% o arbedion cynlluniedig yn cael eu cyflawni ac y byddai balans cronfeydd wrth gefn yn £3.734m erbyn diwedd y flwyddyn.

Ar y Cyfrif Refeniw Tai, rhagamcanwyd y byddai gwariant yn ystod y flwyddyn £0.026m yn is na’r gyllideb, gan adael balans o £1.090m ar ddiwedd y flwyddyn sy’n uwch na’r lefel isaf a argymhellir.

Mewn ymateb i ymholiad gan y Cynghorydd Richard Jones, darparodd y Prif Weithredwr esboniad ar gyllid cylchol o’r Gronfa Gofal Canolraddol sef dyraniad newydd i’r gyllideb oherwydd ei fod wedi’i gadarnhau’n hwyr.  Fel rhan o Gam 2 proses cyllideb 2018/19, byddai gofyn i Aelodau gefnogi cais am glustnodi’r cyllid hwn.

PENDERFYNWYD:

Bod y Pwyllgor yn nodi adroddiad monitro Cyllideb Refeniw 2017/18 (Mis 5) a chadarnhau nad oes unrhyw faterion i’w cyflwyno gerbron y Cabinet.

Derbyn Polisi Cymraeg yn y Gweithle'r Cyngor a nodi cynnydd.

Cyflwynodd y Prif Weithredwr Bolisi Drafft Y Gymraeg yn y Gweithle cyn gofyn i'r Cabinet ei fabwysiadu.  Roedd yr ymrwymiadau yn y polisi yn adlewyrchu gofynion cydymffurfio â Safonau’r Gymraeg ac roeddent yn gymesur i Sir y Fflint.

Ni dderbyniwyd unrhyw sylwadau, fodd bynnag roedd Aelodau’n gallu cyflwyno arsylwadau trwy e-bost at y Prif Weithredwr cyn i’r Cabinet ystyried y mater.

PENDERFYNWYD:

(a)       Bod y Pwyllgor yn sicrhau fod gwaith yn cael ei wneud i gydymffurfio â Safonau’r Gymraeg;

(b)       Bod Polisi’r Gymraeg yn y Gweithle yn cael ei nodi; a

(c)       Bod y Pwyllgor yn derbyn adroddiadau blynyddol ar waith a wnaethpwyd i gyflawni Safonau’r Gymraeg.

Pwrpas:   Ystyried y flaenraglen waith Pwyllgor Craffu & Trosolwg adnoddau corfforaethol.

Dywedodd y Rheolwr Gwasanaethau Democrataidd y byddai eitem ohiriedig ar adolygiad Bwrdd Gwasanaethau Cyhoeddus Sir y Fflint a Datblygu'r Cynllun Lles yn cael ei chynnwys ar gyfer y cyfarfod nesaf.  Ni wnaethpwyd unrhyw newidiadau pellach.

PENDERFYNWYD:

(a)       Bod y Rhaglen Gwaith i’r Dyfodol, fel y’i cyflwynwyd, yn cael ei chymeradwyo gyda’r diwygiadau; a

(b)       Bod y Rheolwr Gwasanaethau Democrataidd, mewn ymgynghoriad â’r Cadeirydd yn cael amrywio’r Rhaglen Gwaith i’r Dyfodol rhwng cyfarfodydd, os bydd angen.

Eithrio’r wasg a’r cyhoedd o’r cyfarfod ar gyfer yr eitem ganlynol gan ei bod yn cael ei hystyried yn wybodaeth wedi’i heithrio yn rhinwedd paragraffau 15 Adran 4 Atodlen 12A Deddf Llywodraeth Leol 1972 (fel y’i diwygiwyd).

Pwrpas:   Ystyried cynigion ar gyfer newid y ffordd yr ydym yn darparu'r gwasanaeth argraffu digidol.

Cyflwynodd y Prif Swyddog (Llywodraethu) adroddiad i geisio barn am newidiadau arfaethedig o ganlyniad i ostyngiad yn y galw am wasanaethau argraffu.  Yn dilyn dadansoddiad manwl o’r gwasanaeth, roedd ymarfer cystadleuol ar y cyd wedi’i gynnal â Chyngor Sir Ddinbych am gontract argraffu newydd.  Roedd yr adroddiad yn crynhoi trefniadau arfaethedig ar gyfer y dyfodol trwy newidiadau strwythurol ac ymgynghorwyd â thimau yngl?n â hyn.

Darparodd y Prif Swyddog eglurhad ar amrywiaeth o faterion megis cymharu costau ac effeithlonrwydd offer.  Yn ystod trafodaeth am ddigwyddiad blaenorol, cytunodd ddarparu ymateb ar wahân ar y costau dan sylw.

PENDERFYNWYD:

(a)       Bod y Pwyllgor yn cefnogi'r bwriad i benodi cronfa o gyflenwyr ar gontract dwy flynedd a fydd yn sicrhau fod y Cyngor yn derbyn y telerau mwyaf manteisiol yn economaidd ar gyfer ei wasanaeth argraffu lliw ac nid oes ganddo unrhyw sylwadau i’w cyfeirio at y Cabinet; a

(b)       Yng ngoleuni’r gostyngiad yn y galw am wasanaethau argraffu, bod y Pwyllgor yn cefnogi'r bwriad i adolygu'r gwasanaeth Argraffu Digidol a strwythur dros dro'r sefydliad fel y dangosir.

Roedd un aelod o’r wasg yn bresennol.